Aramex فلتذهب للجحييييييييييييييييييييييييييييييييم

[Arashi]

السلام عليكم

صار لي قريب الاسبوع منتظره طلب من امزون...عارفه انه واصل اراميكس من 30\3 لكن مستغربه ليش ما تسجل عندهم
واليوم لما أتتبع الشحنه أتفاجأ انها وصلت مصر والاخ هناك استلمها ولا بلغ ولا شي...سرقها او اهملها او حضرته يبي ينتظر لين يفضى الله أعلم!
المهم اني مب طايقه حتى يرجعون العلبه لأني اكره ان اغراضي توصل في يد أحد خاصة ويفتحها + طلعة رووووووووووح وتليفونات مزعجه (مب اول مره الفاشلين يسوون فيني هالحركه)

Maadi, Egypt 04/04/2015 15:05 Delivered - abdel bary mohamed
Maadi, Egypt 04/04/2015 05:31 Out for Delivery
Cairo Branch, Egypt 04/03/2015 03:48 Received at Operations Facility
Cairo Branch, Egypt 04/02/2015 21:56 Received at Operations Facility
New York, United States 03/31/2015 12:47 Departed Operations facility – In Transit
New York, United States 03/30/2015 16:20 Record Created



الحين بطالب يدفعون لي سعر الاغراض كلها ولا أبيها ترجع..جهنم!
اللي بغيت اقوله ان هالشركه فشل فشل فشل ذريع واخطاءهم ما تخلص...مادري على ايش رافعين اسعارهم >_>

 

[NCC-1701]

طلبت اكثر من مره من خدمتهم Shop and Ship. تجاربي معهم ممتازة صراحة. لكن بنفس الوقت دائما اسمع تجارب سيئة.
يمدحون World Ship.

 

[The Last Lombax]

طلبت اكثر من مره من خدمتهم Shop and Ship. تجاربي معهم ممتازة صراحة. لكن بنفس الوقت دائما اسمع تجارب سيئة.
يمدحون World Ship.

قبل شهرين كنت راح أدفع مبلغ وقدره على نسختين زيلدا ماجوارز ماسك وزنهم ما يتجاوز 700 جرام (400 ريال قيمة شحن !!) صرت أفكر يومها أستدين من شخص عشان أكمل باقي الشهر لأتفاجأ أن حضراتهم حطوا طلبيتي في كرتون شخص ثاني من الدمام باسمي! المضحك أن الموظف بدل ما يشك في خفة الكرتون حط الباركود عليه ويقول لي 400 ريال.

 

[ESRB]

خدمتهم جدا سيئه مؤخرا

اشتريت تقريبا ٩ ملابس غالبها قطع مختلفه من امازون ٫ امازون شحنوها بوقت مختلف يعني فرق يوم او ساعات

ارميكس وصلتها كلها في نفس اليوم لكنه فرقها وشحن كل واحده لحالها ٫ تقريبا كلفني اكثر من ٥٠٠ ريال الشحن ولو جمعت الشحنات كان كلفني حدود ١٥٠ بالكثير

نص كيلو او اقل ب٧٠ واذا زاد ولو بجرام بيحسبونه نص كيلو ثاني ب٣٥ ريال تقريبا

 

[Blue Blood]

استخدموا خدمة ورد شيب احسن لكم... ارامكس تشحن عليها شي واحد حجمه كبير...

انا افضل اشحن بروتينات عليها لان تكلفتها تطلع أرخص مثلا.

 

[X-SRI-X]

انا وقفت اطلب اونلاين من زمان ... حاس انها تكلفة على فاضي ووقت زيادة ...
اذا الشي الي ابيه موجود في المكان الي عايش فيه ( ماليزيا ) شريته ... ولو موجود ما يحتاج, ادور لي بدائل

 

[Gohan]

لا ادري هذه اول طلب منك في مصر او لأ
لكن اتوقع فيه مشاكل بتوصيل الطلبات عن طريق الشحن بمصر بسبب اجرائات التخليص و الجمارك وغيرها
او تم تسليمها لأحد بالخطأ وهذه المفترض يكون فيه شكوى بخصوص هذا الامر

 

[DINO CRISIS]

اراميكس اسوء شركة ممكن تشحن او تستلم عن طريقها اي شي ولي تجربتين معاها في الشحن والإستلام وكلها فاشلة

تروح تستلم يقول الموظف ما وصلت وهي على الجهاز واصلة عنده

تروح ترسل الموظف يطيح الطرد وتنشحن كل الطرود وطردك في المخزن XD

فوضى في الشحن والإستلام هذا التعبير ينطبق على Aramex بالمقابل

DHL غالي صحيح لكن مستحيل يعاملك بالهطريقة الغبية

 

[The Last Lombax]

خدمتهم جدا سيئه مؤخرا

اشتريت تقريبا ٩ ملابس غالبها قطع مختلفه من امازون ٫ امازون شحنوها بوقت مختلف يعني فرق يوم او ساعات

ارميكس وصلتها كلها في نفس اليوم لكنه فرقها وشحن كل واحده لحالها ٫ تقريبا كلفني اكثر من ٥٠٠ ريال الشحن ولو جمعت الشحنات كان كلفني حدود ١٥٠ بالكثير

نص كيلو او اقل ب٧٠ واذا زاد ولو بجرام بيحسبونه نص كيلو ثاني ب٣٥ ريال تقريبا

الملام هنا امازون مش ارامكس. ارامكس ما يجمع شحنات اصلا

 

[Arashi]

استخدموا خدمة ورد شيب احسن لكم... ارامكس تشحن عليها شي واحد حجمه كبير...

يمدحون World Ship.

DHL Express

1 - 4 business days $57.82
FedEx Priority

1 - 4 business days $49.90
FedEx Economy

5 - 10 business days $49.49
UPS Expedited

2 - 8 business days $67.74

هذا بالنسبه لشحنه وزنها 1 lb .... غالي @@"

المضحك أن الموظف بدل ما يشك في خفة الكرتون حط الباركود عليه ويقول لي 400 ريال.

متخلفين الصراحه...سووها فيني مره ان ظرف بعد مب كرتون في قميص طفل ما يتجاوز عمره السنه وطلع علي اكثر من 200 ريال....في الاخير خليتهم يوزنون من جديد مع ان واضح من مجرد ما تمسكه انه ما يوصل ربع كيلو >_>

ارميكس وصلتها كلها في نفس اليوم لكنه فرقها وشحن كل واحده لحالها ٫ تقريبا كلفني اكثر من ٥٠٠ ريال الشحن ولو جمعت الشحنات كان كلفني حدود ١٥٠ بالكثير

يعني سالفة التفريق المتعمد للشحنات صحيحه!!!...حسبي الله عليهم

اذا الشي الي ابيه موجود في المكان الي عايش فيه ( ماليزيا ) شريته ... ولو موجود ما يحتاج, ادور لي بدائل

مشكله في قطر ما يتوفر لنا كل شي ومافي بديل فنحتاج للاونلاين ):

لا ادري هذه اول طلب منك في مصر او لأ
لكن اتوقع فيه مشاكل بتوصيل الطلبات عن طريق الشحن بمصر بسبب اجرائات التخليص و الجمارك وغيرها
او تم تسليمها لأحد بالخطأ وهذه المفترض يكون فيه شكوى بخصوص هذا الامر

انا من قطر لكن طلبي راح مصر تخيل @_@
والسخيفين لما تتكلم معاهم عن المشكله اول شي يسوونه يلومون غيرهم فيقولون اما الغلط مني اني كاتبه العنوان غير او امزون نفسها ارسلته باسم حد ثاني....اقول لهم هاذي امزون مب شركه رخيصه (مثلكم)
والشكاوي ما تنفع وياهم وماخذين الموضوع ببرود -_-"

تروح تستلم يقول الموظف ما وصلت وهي على الجهاز واصلة عنده

تروح ترسل الموظف يطيح الطرد وتنشحن كل الطرود وطردك في المخزن XD

ايه صارت معاي كذا مره...عشان جذي اكتب رقم الشحنه لما اروح لهم عشان يتأكدون انها فعلا واصله..متخلفين
على رأيك...نتعامل مع الاغلى المهم نشتري راحتنا (":

 

[Arashi]

الملام هنا امازون مش ارامكس. ارامكس ما يجمع شحنات اصلا

كانوا يجمعون لما توصل الشحنات مع بعض...الحين لاحظت انهم حتى ما يسجلون لك الشحنات لما توصل مع بعض بس كنت شاكه في الموضوع...لما قمت ألحق الـsupplier Tracking Number تأكدت من صحة كلام الناس وهو ان اراميكس تتعمد تفرقهم

 

[The Last Lombax]

كانوا يجمعون لما توصل الشحنات مع بعض...الحين لاحظت انهم حتى ما يسجلون لك الشحنات لما توصل مع بعض بس كنت شاكه في الموضوع...لما قمت ألحق الـsupplier Tracking Number تأكدت من صحة كلام الناس وهو ان اراميكس تتعمد تفرقهم

غريبة، اللي اعرفه دام وصولها لعنوانك كان في كرتون واحد فأنت في السليم. مرة اشتريت كم لعبة من باعة مختلفين وفي امازون كانت طالعة انها شحنة وحدة وفعلا وصلتني كرتون واحد.

 

[The Doctor]

أفضل حاجة بوجودي في أمريكا إني ما يحتاج أقلق نفسي بالتعامل مع أرامكس أو أي شركة شحن زيها و أقعد أحسّب و أعوّر راسي بمتى أي شيء أطلبه بيوصل في أمريكا عشان أضمن إنها تصير شحنة واحدة بدال ما أفلس.

الملام هنا امازون مش ارامكس. ارامكس ما يجمع شحنات اصلا

أمازون يحاولوا يوصلوا لك البضاعة بأسرع وقت ممكن، و ألريدي أسعارهم منخفضة للشحن، هم مهمتهم يوصلوا الشحنة داخل أمريكا، أرامكس هم اللي مقدمين لك خدمة إن يوصلوا شحناتك من أمريكا إلى بلدك، و المفترض بهم يقدموا خدمة تجميع الباكجات، بس لو سووها فما بيقدروا يحلبوا عملائهم أكثر.

 

[Gohan]

انا من قطر لكن طلبي راح مصر تخيل @_@
والسخيفين لما تتكلم معاهم عن المشكله اول شي يسوونه يلومون غيرهم فيقولون اما الغلط مني اني كاتبه العنوان غير او امزون نفسها ارسلته باسم حد ثاني....اقول لهم هاذي امزون مب شركه رخيصه (مثلكم)
والشكاوي ما تنفع وياهم وماخذين الموضوع ببرود -_-"

هذه سرقة ليست مشكلة عادية!
الشحنة عمرها ما توصل مصر الا لو كانت Transit لانه اي احد بيشحن اي شيء لازم يدفع جمارك وضريبة قبل ما يستلم احد اي شحنة من الخارج لمصر لكن انها توصل وكمان في مصر هذا امر فيه شك كبير بالسرقة!
هذا الموضوع لا ينسكت عنه لو مكانك اذهب على المدير المسؤل هناك ولو عندكم مكان بيعطي حقوق المستهلك ممكن تسوي لهم مشكلة

 

[Arashi]

غريبة، اللي اعرفه دام وصولها لعنوانك كان في كرتون واحد فأنت في السليم. مرة اشتريت كم لعبة من باعة مختلفين وفي امازون كانت طالعة انها شحنة وحدة وفعلا وصلتني كرتون واحد.

ما أقصد يفتحون الكرتون ويفصلون الاغراض...قصدي مثلا توصلهم 3 كراتين في نفس اليوم وتتسجل لكن يتعمدون يشحنون كل واحد لحاله...قبل كانوا يشحنونهم مع بعض فيطلع ارخص...الحين لا يخلون بينهم يوم يومين ):

نفس ما قال
Kaizoku:

و المفترض بهم يقدموا خدمة تجميع الباكجات، بس لو سووها فما بيقدروا يحلبوا عملائهم أكثر.

هذا الموضوع لا ينسكت عنه لو مكانك اذهب على المدير المسؤل هناك ولو عندكم مكان بيعطي حقوق المستهلك ممكن تسوي لهم مشكلة

مسؤولينهم اموات انا جربتهم...يخلونك تروح وترجع مليون مره لين تطلع روحك...ويحاولون بأي طريقه يطلعون الغلط من عندك او من الموقع اللي اشتريت منه الغرض...لو ما أخذت حقي خلال هالكم يوم مافي الا اروح لحماية المستهلك في وزارة الاقتصاد ولو ان هالامور عندهم تاخذ عالاقل اسبوع...يضيعون وقتي رايحه وجايه حسبي الله عليهم مب اوادم

 

[Mikau]

ي خي سبك لمن توصل الشحنه م يوصلونها لمدينتك يودونها لفرعهم الرءيسي وتعال دق عليهم واصبر يومين عمل عشان يوصلونه لفرع مدينتك

 

[Mikau]

أمازون يحاولوا يوصلوا لك البضاعة بأسرع وقت ممكن، و ألريدي أسعارهم منخفضة للشحن، هم مهمتهم يوصلوا الشحنة داخل أمريكا، أرامكس هم اللي مقدمين لك خدمة إن يوصلوا شحناتك من أمريكا إلى بلدك، و المفترض بهم يقدموا خدمة تجميع الباكجات، بس لو سووها فما بيقدروا يحلبوا عملائهم أكثر.

اكيد انه افضل لو فيه تجميع شحنات بس مب حلب للعميل عشان م فيه لنه مقدم مميزات مثل
فاتح صناديق بدول واجد
بدون رسوم سنويه
م يحسب الوزن الحجمي
اسعار الشحن

 

[Arashi]

اكيد انه افضل لو فيه تجميع شحنات بس مب حلب للعميل عشان م فيه لنه مقدم مميزات مثل
فاتح صناديق بدول واجد
بدون رسوم سنويه
م يحسب الوزن الحجمي
اسعار الشحن

الصناديق الزياده بالنسبه لمعظمنا مالنا حاجه فيها (لكن فعلا ماقصروا من هالناحيه)
حساب الوزن عندهم حلو والاسعار احسن منغيره ما اقول لا... لكن المصيبه متعبين متعبين متعبين...انا ما اطلب الا 4 مرات في السنه وأنذل في كل مره >_>

أبسط شي لو تقل الاخطاء (ما اقول تنعدم لأن مستحيل) ويتعلمون يتعاملون مع الزبون مثل الاوادم كنت بتعتبرهم الشركه #1
لكن مع كل طلب خطأ شنيع ويجون اول شي يلومونك انت بأنك مسجل عنوان غلط وما يطولون بالهم معاك في التليفون (والله العظيم يسكتونك ما يخلونك تكمل كلامك قليلين ادب) ولا يرسلون لك وين واصلين في اجراءات حل مشكلتك....كل هالاشياء تغطي على المزايا المذكوره...التعامل زفت -_-"

 

[White Wolf.]

انا وقفت اطلب اونلاين من زمان ... حاس انها تكلفة على فاضي ووقت زيادة ...
اذا الشي الي ابيه موجود في المكان الي عايش فيه ( ماليزيا ) شريته ... ولو موجود ما يحتاج, ادور لي بدائل

بالضبط مثلك .
رغم ان بعض البضايع تستوجب الطلب من الخارج .. بعد ذهاب فيديكس ماعاد فيه منافس قوي لاراميكس بالسوق واراميكس خاصه بالرياض تعاملهم زفت وخدماتهم ومواعيدهم سيئة مريت بتجربتين معهم وكرهت الطلب اون لاين .

 

[NES]

الشحنات الخارجية ما تمر بمصر نهائيا. غالبا المانيا. الأمارات. البحرين. ثم لباقي الدول العربية الموضوع مريب وتوقعي سرقة.

اذا كان الطلب مباشر من امازون وشحنوها عن طريق ارامكس تواصلي مع أمازون.
وإذا كان عن طريق أرامكس برأيي شددي معهم اللهجة وطالبيهم بالتعويض الكامل عن الخطأ والتأخير.

+ https://twitter.com/aramex
https://twitter.com/fadig

ما ينفع معهم الا التشهير وأمورك تمشي بسلام.

 

[X I I I]

الحمدلله اول تجربة كانت جيدة رغم التأخر و عدم معرفتي كيف اعرف حالة الشحنة من حسابي بshop and ship

بس 140 ريال عشان نص كيلو @_@

 

[ASWD]

واااااو ارامكس البحرين تعتبر ملاك مقارنة مع اللي اقراه هني.ارامكس حقتنا تعاني من عيبين اولهم ان مافيه ابديت سريع لشحنات الفرع الامريكي اللي تاخذ يومين بعض الاحيان عشان تعرف انها وصلت بريدك وانت تظل مخلي ايدك على قلبك لين ما تتاكد.اسعارهم اللي موراضين يعدلونها مثلا الباكيج وزنه ٦٠٠ غرام خلاص ينحسب على انه كيلو قبل كانو يمشونها اما الحين لا :/

سالفة التجميع الغوها من زمااان الحين حتى لو يشحنون طلبين منفصلين بنفس اليوم بيحسبون كل واحد بروحه مو نفس قبل يمشونها لك.المشكلة مافيه منافس لهم

اما سوالف ضياع باكيج او خربطه مثل خلط شحنات ناس مختلفة يحطونها فكارتون واحد لا ماصادتني للحين ولله الحمد مع اني كملت مالا يقل عن ٦ سنوات معاهم

 

[JOKER MASK]

@myus من تجربة افضل ونصيحة اختي جربيهم واسعارهم مقارنة با World Ship خصوصا با DHL لان فيه اتفاقية بينهم , الي بالرياض يجرب DHL افضله او فيديكس حالياً اسمع ان عبداللطيف جميل بدا يحسن الخدمة وبدات تمشي امور عندهم اسرع

 

[The Doctor]

@myus من تجربة افضل ونصيحة اختي جربيهم واسعارهم مقارنة با World Ship خصوصا با DHL لان فيه اتفاقية بينهم , الي بالرياض يجرب DHL افضله او فيديكس حالياً اسمع ان عبداللطيف جميل بدا يحسن الخدمة وبدات تمشي امور عندهم اسرع

ما أنصح بmyus، مادري كيف وضعه مع أمازون، لكن مؤخراً سبب لي صداع مزمن لما إخواني طلبوا من عدة مواقع و إستخدموا عنوانهم تبع myus.

المواقع رفضت العنوان، أحد المواقع قاللهم العنوان ما قدروا يتعرفوا عليه كعنوان حقيقي، موقع ثاني قال ما بيوصلوا له لأنه مش عنوان سكني. الأسوأ منهم هو بياعي eBay. بحثت فيهم و ينصحوا بعض ما يقبلوا طلبات تستخدم عنوان myus لأنه، بحسب الانطباع اللي كونوه، العنوان يستخدموه نصابين...

بالنهاية اضطريت اخليهم يرسلوا الطلبات لي و أشحنهم بنفسي للسعودية -__-

 

[ASWD]

ترى امازون صار يشحن worldwide لغالبية الاشياء اللي نطلبها من العاب افلام الخ.بكل بساطة جمع لك كذا غرض واشترهم دفعة وحدة واستخدم امازون جلوبال شيبينج

هذ اللي بسويه مع الكلكتر اديشن حقت ويتشر اللي بتطلع ارخص من شحنها عن طريق ارامكس.لا تاكس ولا هم يحزنون والتكلفة على حسب خيار الشحن

 

[Nin_Fan]

ترى امازون صار يشحن worldwide لغالبية الاشياء اللي نطلبها من العاب افلام الخ.بكل بساطة جمع لك كذا غرض واشترهم دفعة وحدة واستخدم امازون جلوبال شيبينج

هذ اللي بسويه مع الكلكتر اديشن حقت ويتشر اللي بتطلع ارخص من شحنها عن طريق ارامكس.لا تاكس ولا هم يحزنون والتكلفة على حسب خيار الشحن

محتوى مخفي: خلفك حيثما ذهبت

أحيانا يستخدمون أراميكس للشحن ، مرة طلبت وكان التوصيل عن طريقهم ، أماوزن ياخذ منك مبلغ (Import Fees) والغرض من هذا إنك ما تحتاج دفع أي رسوم جمركية أو رسوم إضافية (وحسب سياسة الموقع إذا كان المبلغ المدفوع أقل تسرجع الباقي وإذا كان أكثر أمازون يتكفل بالدفع ... المهم في النهاية ماتدفع أي مبلغ إضافي على إللي دفعته عند الشراء) ....الأغبياء وصلوا لي الطلب وطلبوا مني دفع رسوم جمركية ، دفعت ....راسلت أمازون ورجعوا لي المبلغ

 

[ASWD]

^
اما انهم ورانا حتى في هذ

 

[P0werX7]

تعاملي مع وسيط الشحن nybox عندهم خيار تجميع شحنات ومن الوسيط لقطر اختاري DHL يوصله لين باب البيت..

 

[ASWD]

nybox وش ذي الشركة وكيف اسعارها

 

[The Doctor]

nybox وش ذي الشركة وكيف اسعارها

إنتابني فضول، ما أشوف أسعارهم جيدة...