Apple تدعو الصحفيين : Come see our Latest Creation

[king zell]

زيرو أنا معاك إنه جهاز وسائط متعددة محمول.. لكن المشكلة مش هنا نهائيا


نعم في ناس كان ودها يكون تابلت حقيقي (لابتوب بدون كيبورد)

و في ناس ما عندها مانع يكون جهاز وسائط متعدد (من أبل و بجودتها كل شي حلو)


صحيح الipad راح يكون ممتاز و منتج بجودة عالية


لكن جهاز وسائط متعدد (يخسي يكون كمبيوتر) و بهالسعر اللي سمعناه .. هنا المشكلة.. ((القيمة))

في ناس ما عندها استعدادا تدفع 800 دولار على جهاز تشغيل وسائط محمول لو إنه من مين ما كان


البدائل اللي ممكن يصرف فيها هالمبلغ لتأدية معظم وظائف الجهاز اللي انت ذكرته تخلي الواحد يعيد التفكير مليون مرة

 

[The Bloodstains]

متخلف؟

لول. بجد خليتني speechless. ما باخذك بجدية من بعد هالرد.

عندي iPod Video من أول ما صدر بالكويت، يوم كنت بالثانوية، وآنا الحين موظف، والجهاز شغال 100٪. مافي ولا مشغل موسيقى قعد معاي 5 سنين من دون ما تطلع فيه علل ما تنتهي. بالبيت كل شخص تقريبا عنده آيبود، بما فيهم أمي، وكل جهاز شغال بجودة أول يوم.

شكراً زيرو على الرد، نحتاج زراعة وعي.

ايش دخل ان قعد وياك 5 سنين ولا 10؟ المهم هي المواصفات. ويش الفايدة اخذ MP3 Player وبعدين لما اشبكه بـAudiophile headphone الجودة تطلع لي جودة سماعة عادية؟ و غير عدم دعم Apple لعدة امتدادات مهمة (الـFLAC على سبيل المثال)؟ ويش الفايدة اني اخذ جهاز كل شوي طالع لي بمشكلة في السوفتوير وكل كمن يوم لازم اسوي Restore و عوار راس؟! *

 

[Dark soul]

السعر رهيب!!

الكل كان متخوف من فوق الـ 1000$
صار اغلى واحد فيهم بـ 829 دولار!


next gadget بإذن الله

لول .. الشي الي خلاه رهيب انه كان اقل من المتوقع :tongue: .. بس يضل مبالغ فيه بقوة (كعادة منتجات ابل )


اممم .. كنت مهتم بالجهاز .. بس عدم وجود الـmulti tasking قتل كل ذرة اهتمام عندي !
ما ادري ليش ابل ما تعبت نفسها شوي و اضافة هالميزة الي الأغلب يعتبرها deal-breaker !

 

[Da S.O.S]

متخلف؟

لول. بجد خليتني speechless. ما باخذك بجدية من بعد هالرد.

عندي iPod Video من أول ما صدر بالكويت، يوم كنت بالثانوية، وآنا الحين موظف، والجهاز شغال ١٠٠٪. مافي ولا مشغل موسيقى قعد معاي ٥ سنين من دون ما تطلع فيه علل ما تنتهي. بالبيت كل شخص تقريبا عنده آيبود، بما فيهم أمي، وكل جهاز شغال بجودة أول يوم.

شكراً زيرو على الرد، نحتاج زراعة وعي.

تحرير: اوكي The Bloodstains كتب رده وانا اكتب P:
محمد.. انا فان آيبود للنخاع, وأمتلك كل أجيال الآيبود من الآيبود ميني وانت طالع ومستحيل استخدم بلاير غيره.
لكن الرجال كلامه صحيح.. هو قال متخلف وهو يقصد متخلف "تقنيا" وانت رديت عليه بـ"الجودة" حقت المنتج.
الآيبود مقارنة بكثير من البلايرز بالسوق ,محدود جدا.. وأقل خيار صار موجود بغالبية المشغلات هو تشغيل الـ FLAC الي الآيبود إلى يومك ما يدعمها (مجرد مثال).
عموما ماهو محور النقاش او الكلام هنا ابدا لكن بس حبيت أعلق على هالنقطة.

 

[LINK0072]

فكرة التابلت نفسها كان ممكن تكون شي خرافي، خصوصاًً في قطاع الرسم و التصميم. أجهزة البن تابلت متوفرة من زمان، متوفرة حتى بشاشات (كلك)، لكن ما أعرف أي واحد منها يعمل كجهاز مستقل، كلهم يعملون عن طريق توصيلهم بأجهزة الكمبيوتر. كون إن الرسام أو المصمم يقدر يعدل على صوره أو رسوماته على جهاز محمول مستقل هذا شي قمَة. كان ودي يكون عندي جهاز حقيقي يكون بمثابة كراسة متنقَلة.

بالضبط!
كنت أتمنى الجهاز يركز على هذي الناحية لكن .. =[

 

[Zero]

نعم في ناس كان ودها يكون تابلت حقيقي (لابتوب بدون كيبورد)

و في ناس ما عندها مانع يكون جهاز وسائط متعدد (من أبل و بجودتها كل شي حلو)

محمد أنا ويش قلت؟ أنا كنت اتمناه يكون كمبيوتر لوحي بنظام Mac OS، ولو كان كذلك بهتم فيه واحتمال كبير أني أشتريه، كونه يحمل نظام الآيفون هالشيء وضع عليه هالقيود وهالقيود هي اللي تمنعني من شرائه.

خلاص الجهاز ما طلع كمبيوتر لوحي بل جهاز وسائط متعددة محمول؟ عبر عن رأيك بطريقة أحسن وقول: الجهاز مو لي وكنت اتمنى كذا وكذا.

على العموم الجهاز جيد كجهاز ملتيميديا بس اللي يبغى يشتريه ويستخدمه بمرونة الكمبيوتر فهو غلطان والأفضل أن يبحث عن تابلت آخر يشتغل على ويندوز ويكون تابلت أو كمبيوتر لوحي حقيقي فعلا، الخلاصة آبل ما فعلتها بالنسبة لي.

لو آبل حطت فيه Mac OS أتوقع كانت بتخليه أغلى بكثير، بالنهاية آبل منتجاتها مو لي لأنها ما تقدم اللي أبغاه.


تعديل: محمد كولو، الآيبود فعلا متخلف تقنيا وفي أجهزة أحسن منه في جودة الصوت ودعم الصيغ وغيرها من المواصفات، يظل جهاز له حسناته وله سيئاته، لازم الناس يتعلموا على أنهم ما يعاملوا الآيبود على أنه هو الـMP3 player الحتمي ترى في مئات المنتجات غيره في السوق، وكونه الأشهر والأكثر مبيعا في السوق لا يعني شيئا لما نرجع للنقاط اللي ذكروها الشباب.

 

[Fahad Al-Shareef]

اتفق العرب على ان لا يتفقوا ..

شباب ترا مثل مالك حرية بالتعبير .. ترى فيه لغيرك حرية ..

انا بالنسبة لي الجهاز ماعجبني ..

مو لأسباب تقنية .. انا ماودي اتفلسف في أشياء ما اعرفها . .

لكن في الاشياء اللي اعرفها ..

سعر مبالغ فيه , مايناسبني كمستخدم ، المفروض ركزوا على اشياء اهم , + ازيد كم الف واخذ ماك بوك .. او حتى آيفون ..

عالعموم ..

هو الجهاز حلو للي يعرف في ايش يستخدمه وليش يشتريه ،

الكلام هذا يعبر عن رأيي .. ولا يشترط أن يكون صحيح ..

 

[SCREAMING_RAGE]

اللي يتمنى الجهاز الله يرزقه فيه ان شاء الله

بالنسبة لي, اشوف سعره شوي مبالغ فيه (( سعر جهاز لاب توب جديد متكامل و بمواصفات رهيبه )).

الاشخاص اللي موب متعودين على منتجات شركة Apple لن ينجذبوا اتجاه الجهاز (( مثلي ... )), على عكس طبعاً الاشخاص المهتمين لمتجات الشركه.

بالنسبة للجيمنج ايندستري, فما اظن الـ iPad قادر على احداث ثوره كبيره في عالم المحمول ...... ولا كيف تشوفون شباب ؟؟

على العموم, تسلمون على التغطية شباب

 

[king zell]

عبر عن رأيك بطريقة أحسن وقول: الجهاز مو لي وكنت اتمنى كذا وكذا.

كيف عرفت حسن أنا ايش ابيه يكون؟

أنا قلت لك.. أنا شخصيا مهتم بالمنتجين سواء تابليت أو جهاز مشغل وسائط

لكن زي ما ذكرت مكان النقد في ((القيمة))

أحد أبرز نقاط التقييم في الأجهزة مقارنة سعرها مقابل اللي تقدمه من تكنلوجيا و خدمات

و جهاز الأبل الجديد مهما قررت كيف تصنفه.. فهو يفشل عطفا على الكلام اللي ذكرته فوق

 

[Colorization]

ايش دخل ان قعد وياك 5 سنين ولا 10؟ المهم هي المواصفات. ويش الفايدة اخذ MP3 Player وبعدين لما اشبكه بـAudiophile headphone الجودة تطلع لي جودة سماعة عادية؟ و غير عدم دعم Apple لعدة امتدادات مهمة (الـFLAC على سبيل المثال)؟ ويش الفايدة اني اخذ جهاز كل شوي طالع لي بمشكلة في السوفتوير وكل كمن يوم لازم اسوي Restore و عوار راس؟! *

المهم الجودة والمواصفات مو بس المواصفات IMO.

هذا يتسمى disadvantage مش تخلف، التخلف هو لما يكون عندك cassette player ما يقلب الشريط بشكل أوتوماتيكي بعد ما صارت الميزة ستاندرد (شرايك بالمثال -ـ-). سوري، بس الـFLAC مش ستاندرد، MP3 هو الستاندرد. ما يعني إنه آبل تهمله، المفروض هي أول وحدة تدعمه كونها تعتبر نفسها الرائدة فهالمجال، لكن تخلف كلمة كبيرة بس عشان الجهاز ما يدعم FLAC.

ما مرة واجهت مشاكل سوفتوير، وما مرة سويت ريستور. يب، فيه أجهزة broken، الويي اللي نسبة خراباته ٠٪ إخترب جزئيا عندي، بس ما يعني إنه سيء أو متخلف.

 

[Zero]

أحد أبرز نقاط التقييم في الأجهزة مقارنة سعرها مقابل اللي تقدمه من تكنلوجيا و خدمات

للأمانة الأسباب اللي خلتني أبلع سعره بشكل كبير هو أني كنت متوقع أسعار سخيفة جدا، السبب الآخر لو قارننا سعره بالآيبود، بالنهاية أنت تحدد شاشة صغيرة أو شاشة كبيرة برزلوشن أعلى؟ الخيار راجع لك، عموما الآيباد ما هو الشيء اللي كنت أبغاه في سنة 2010 بل كنت أريد تابلت فعلي، نظام الآيفون وقيوده وضيف عليه القيود الهاردويرية هي أشياء عامة تخليني ما أهتم بمنتجات آبل، ما أحب الـ proprietary hardware/software

 

[G7Ga7]

الجهاز موجه لفئة خاصة جداً و اذا اشترته هذه الفئة انا اضمن انها بتعجبها لأسباب كثيرة جداً ..

منهي هذي الفئة؟ الي يبغى كمبيوتر محمول صغير ما راح يناسبه لأنه مهب عملي مثل اللابتوبات او النوت بوكس. والي يبغى سمارت فون عنده الآيفون. نفس الـfunctionalities بحجم معقول.

ما عندي شيء ضد آبل, لكن كنت متوقع أكبر من كذا من جهة إمكانيات التابلت. المفروض يكون ماك بوك أصغر ومن دون كيبورد. لكنه طلع آيفون أكبر.

باختصار, ماني شايف أي قيمة في السعر صراحة. و عندي مشكلة استوعب الهدف الرئيسي له وأي سوق المفروض ينتمي له من الاساس.

 

[Colorization]

عيب الجهاز الأكبر بالنسبة لي إنه مافيه ملتي تاسكنج. بجد وت ذا هيل.

يعني أفتح تويتي، أشوف التويتات الجديدة، بعدين أصكره وأروح للميل وأقرا الإيميلات وتويتي يتصكر وما ينبهني على التحديثات؟ آوتش، هني فعلاً يصير oversized iPhone. الآيفون جميل وكل شي، وما عندي شي ضد الملتي تاسكنج ماله، لكن تسويق آبل للجهاز على إنه Netbook وهو فعلاً نتبووك بكل شي إلا الملتي تاسكنج. شي جدا محير.

إحتمال كبير آخذ أصغر فئة مالت الـWiFi، مابي شي أكثر من نتبووك بالأساس.

 

[king zell]

محمد انت خذ الأيفون أول و جربه بشكل مافي عشان تعرف فعلا وقتها ايش تحتاج

المشكلة حتى لو الواحد قال لنفسه نستخدم الجهاز كمشغل ميديا يتفرج عليه من وقت لثاني عالمسلسلات الكثيرة اللي مخزنها على الكمبيوتر أو اللابتوب.. 16 جيجا قليلة جدا.. و نظام الأيفون جدا مش عملي في نقل الملفات و تشغيل ملفات الفيديو بصيغ مختلفة

 

[Fahad Al-Shareef]

تصدقون شباب ^^ كنج عطيتني فكرة انت ..

ممكن استخدم الجهاز في الافلام والسفر ..

واو قد ايش راح يكون له قيمه في الخط .. ولا القطار ،،

خاصه اذا كان خويك ولا ابوك يسوق ^_^

هنا الفله .. ،،

شوف واستمتع ..

والله لو كان ارخص كنت افكر اخذ واحد عشان هالخاصيه بس ^_^

 

[Zero]

و نظام الأيفون جدا مش عملي في نقل الملفات و تشغيل ملفات الفيديو بصيغ مختلفة

هنا نرجع لسالفة القيود، قيود آبل >_______________________>

 

[أوكازو]

لول .. الشي الي خلاه رهيب انه كان اقل من المتوقع :tongue: .. بس يضل مبالغ فيه بقوة (كعادة منتجات ابل )


اممم .. كنت مهتم بالجهاز .. بس عدم وجود الـmulti tasking قتل كل ذرة اهتمام عندي !
ما ادري ليش ابل ما تعبت نفسها شوي و اضافة هالميزة الي الأغلب يعتبرها deal-breaker !

بالبداية .. تراني مو Fan لآبل أبداً .. و أكره كل الـ Fans اللي مخلين آبل حاجة مقدسة
و ياما و ياما تهاوشت مع اخوياي على هالنقطة ..
خصوصاً لما صدر الآيفون بأول صورة له .. كنت اضحك على الخلق اللي كانت مسوية حوله هايب كبير كبير
رغم انه ماكان ذاك الشيء المحترم بشكل كبير للغاية إلا بعد تقدم السوفتوير معه 2.0 و 3.0
صار يظهر مميزاته بشكل رهيب و جدي و محترم!!
خصوصاً بقضية اللابتوبات و الـ Mac Pro و السعر الاستهبالي اللي يحطونه
اللي يوصل أحياناً أغلى بـ 2000 ريال من الأجهزة اللي تماثله بالمواصفات
أوكي خذ لك فرق على ابداعك بالتصميم و مميزاتك الفريدة.. بس مو 2000 يا دفع البلاء :tongue:


النقطة الثانية:
iPad بدون multi tasking .. عيب كبير؟

صحيح انه يعتبر نقص بالجهاز بلا شك..

لكن كلنا شفنا كيف دعم آبل اللامنهتي للـ iPhone ..
بالنسبة لي كإنسان عاصرت أجيال الأيفون من أول جيل (اشتريته من بريطاينا بما يعادل 1400 ريال)
ما أشوف أي iPhone User يحس بنقص من أجيال الآيفون الجديدة!

الآيفون الآن صدر بثلاثة أجيال.. كلها مدعومة بسوفتوير واحد بنفس المميزات و الخصائص!
إلا اللهم بمميزات إضافيّة (كهاردوير) للأجهزة الثانية ما تستحق إنك تبدّل جهازك عشانها!


لذا .. اتوقع و الله أعلم
إنك بتعيش مع هالآيباد لأربع أو ثلاث سنوات قدام بدعم كامل
و راح تعيش كامل التجربة اللي يعيشها اللي يشتري هالجهاز بعد ثلاث سنوات!

و مسألة multi tasking كلها مسألة وقت و تشوفها بالجهاز بدون أدنى مشاكل
مثلك مثل اللي يشتري الجهاز بوقت صدور الخدمة أو الميزة!


بالنسبة لي .. الجهاز جاء على ما اتمنى تماماً
إلا بنقطة كون الجهاز جاي بالطول افتراضياً و هذي النقطة الوحيدة اللي ما تنميتها!

و سالفة السعر .. هي النقطة الأكبر اللي كنت متخوّف منها .. لكن ماجاء اللي كنت خايف منه
كلامي هنا ما يعني إن الجهاز رخيص !!
ما يعني ذلك أبداً..

لكن السعر معقول جداً جداً على الخدمات اللي يقدمها الجهاز
و مقارنة بأقرانه الكندل و السوني ريدر و غيرها!


نقطة أخيرة
بالنسبة لي .. الخيار هذا أحب لي بآلاف المرات من جهار تابلت فيه Window أو Mac OSX
و أفضل بكثير من الـ netbooks اللي مالية السوق
من منظور وش أبي من الجهاز؟ قبل أي منظور آخر ..


ضربة مزدوجة من آبل للـ netbooks و الـ e-book readers في ان واحد

 

[Colorization]

آنا باخذ الآيفون الشهر الجاي لأني أحتاج سمارت فون أكثر من إحتياجي إلى نت بووك. البلاك بيري رائع مع تويتر والرسايل والبريد الإلكتروني، لكنه خذلني بوفرة البرامج (مقارنة مع الآيفون والأندرويد) وتصفح الإنترنت. براوزر البلاك بيري كارثة تقنية. لهذا السبب الآيفون يسد لي الثغرات اللي أواجهها مع البلاك بيري، ولو إني راح أفتقد الكيبورد وايد وايد.

السبب اللي يخليني أحتاج نت بووك هو إني كثير التنقل. قرابة الـ٦٠ ساعة دوام بالأسبوع، وكمبيوتر الدوام علاوة على إنه سيء؛ فهو يمنع أي CD أو فلاش خارجي، مما يخليه فعلاً "Work PC" ما تمتلك منه أي شي. الوقت اللي ما أكون فيه بالدوام أو البيت فآنا غالباً في بيت جدي، وأقضي فيه وقت طويل، مما يخلي البلاك بيري مو كافي. جربت أييب الماك بووك معاي أكثر من مرة ولا أزال أييبه معاي بمشاويري الطويلة، بس والله حوسة... شاحن الماك بووك بروحه سالفة.

النت بووكس الموجودة بالسوق الحين مسخرة بمعنى الكلمة. شكل سيء، سوفتوير قص ولزق مش مصمم له، كيبورد وتراك باد مايكروسكوبي؛ تحس جابوا كل شي أكرهه باللابتوب وحطوه بقطعة وحدة. عشان جذي iPad أعتبره الملجأ الوحيد لي في هذي الحالة، هو يقدّم بالضبط اللي أبيه من جهاز متنقل. ما عندي مشكلة إنه يستخدم نظام تشغيل أساسه iPhone، لكن المفروض يطورون أكثر بدل ما يخلونه جذي. مشكلتي الرئيسية الحين: ماكو ملتي تاسكنج. متطلبي في النت بووك إنه يخليني أسوي اللي أسويه بالبيت بس بشكل أصغر من دون compromises. آبل قربت حيييييل... بس وقفت على آخر شي.

الحجم مو مشكلة معاي، ٣٢ جيجا ممكن يكون أكثر شي يناسبني (كل ما كان أكثر أحسن لكن السعر يزيد، مابي أدفع وايد). كجهاز ملتي ميديا، أقدر أتخيل إني أحط فيه الـiTunes Store Playlist مالتي بالكامل، بالإضافة إلى أرشيف الصور مال iPhoto أو ممكن أختار favorites بدل ما أحط كل الـsets. يظل بالنهاية جهاز محمول ما أعتقد أبي أحط فيه كل شي.

Flawed لكن برايي أحسن نت بووك موجود حالياً من منظوري و رؤيتي للنت بووكس.

 

[JOE]

في البداية احب الخص نظرتي للجهاز كما ذكرتها في تويتر :

تابليت بشاشة مناسبة و رزلوشن عالي و تقنية لمس غير مسبوقة و نظام تشغيل فولاذي و متاجر الكترونية ببداية و عدد برامج يحلم بيها اي جهاز آخر ، بيرفكت للملتي ميديا و الاعمال المكتبية و تصفح الإنترنت باسرع متصفح محمول و تقنية ثري جي و اكثر من 75 مليون شخص الريدي متعودين على إستخدامه ، + واي فاي و متجر كتب جديد تماماً يتوعد سوق الإيبوكز كله في ابليكيشن واحد + اسعار اكثر من رائعة و في متناول الجميع و بدون قيود مزودين خدمة و مكتبة العاب ضخمة + تصميم خورافي كما عودتنا ابل و مبدعيها (جوني آيف .. ريسبيكت) من الواجهة حتى التغليف

و كلل دة و فريندلي للطبيعة 100٪

قرار شراؤك لاي منتج ما تحدده العيوب بس بل العيوب و المزايا سوية ، قرار تطويرهم للـiPad بنظام تشغيل الايفون كان له اكبر الفائدة و هي الـStores و واجهة الإستخدام الفريندلي الريدي من دحين (قرار شراء اي جهاز و تابليت تحديداً غالباً ما يكون تعقيد واجهة إستخدامه من اكبر العقبات و ابل تفادت هذه العقبة بنجاح) هذه الخطوة حدت من إمكانيات الجهاز بالتأكيد و لكنه لسة في المجال إلي يفعل كل شئ (خصوصاً مع إضافة حزمة الـiWork له و غيره القادم من البرامج المكتبية نظراً لشاشته)

الايفون احياناً كثيرة يكون بديل الكمبيوتر خصوصاً في الملتي ميديا (اتفرج مسلسلات و افلام عليه و الاغاني طبعاً هذا غير الصور و المانجا) و هذا الشئ حيصير افضل بمراحل في الايباد ، اكيد لو كان مبني على OS X حيكون افضل بكثير و لكنهم حيضطروا يبدأوا سوقهم من جديد للعالم المحمول إلي الريدي الايفون و الايبد تتش بنوا القاعدة هذه فيه .

بالنسبة للـMultitasking و تويتي الاغاني (كم مرة يذكر هذا المثال) فابديت بسيط لـTweetie مثلاً و يضيفوا خاصية Push Notifications زي ماهي موجودة في برامج تويتر ثانية عالايفون و إنتهت القضية (و نفس الكلام في الإيميل و معظم البرامج) و زي ما تحلت هذه المشكلة في الايفون بكل بساطة حتنحل في الايباد (خصوصاً انه نفس نظام التشغيل) سواء بابديت من ابل او بقية المطورين .....

قراءة الكتب الإلكترونية عليه مدحوها كثير ، متصفح الإنترنت حسب التجارب سريع جداً و افضل تجربة تصفح حتعيشها على جهاز محمول ، نظام التشغيل نفسه مع الهاردوير الخارق و المعالج الجديد :

Apple didn't really sell this point, but it's the single biggest benefit of the iPad: speed. It feels at least a generation faster than the iPhone 3GS. Lags and waits are gone, and the OS and apps respond just as quickly as you'd hope. Rotating between portrait and landscape modes, especially, is where this new horsepower manifests in the OS.

اسرع من iPhone 3GS كمان ، و في الايفون تقدر تفتح اكثر من نافذة فمابالك في الـiPad ... لول

* عالطاير ، براند الايبود كله على بعضه بتفوق على اي مشغل آخر في الإستخدام و بساطته و الـApp Store و الـiTunes Store و الهارد وير الصلب .... صيغة وحدة ما تقلب الدنيا (اجي انا و اقول لك الـZUNE HD مثلاً يدعم +AAC او WAV الايبود يدعمها بووو جهاز متخلف :razz:: )

إلي حجمه 32GB مع الـ3G حيكون إختياري غالباً .....

 

[GreeN StorM]

لو كان فيه ملتي تاسكنق كان Day one :/
لو كان فيه ملتي تاسكنق كان أغناني عن النوتبوك :/
:

 

[Justice]

الزبدة الحين شاخذ الكيندل ولا الايباد؟
اكييد مافيه وجه مقارنة لكن على شان الكتب، الي مسويه لي ازمة كل اسبوع وشهر ماخذ كم كتاب -ـ-!

 

[Ark]

^ اذا تبغى جهاز للكتب الالكترونية بشكل اساسي فاشتري قارئ كتب الكترونية زي الكيندل لانه بغض النظر عن كل
مميزات الاي باد فشاشته IPS LCD وانت تبغى تقراء كتب فتحتاج شاشة E Ink لان عيونك
بتتعب من الشاشة العادية وشوف هنا في مقارنة رغم اني احس انه من الغباء مقارنتهم ببعض لول
http://www.engadget.com/2010/01/27/ipad-or-kindle-will-our-wallets-decide

 

[ZiZ]

والله أنا غلطان يوم تحمست للجهاز وتوقعت أنهم بيجيبون شيء رهيب.

شكلي بأطق لي لابتوب تابلت من HP.

 

[BioHazard]

المشكله مافي شي يميز الجهاز, يعني ممكن الشي الوحيد الي يتفوق فيه على اللابتوب ولا الايفون هو قراءة الكتب, وهذي الي بيشتري جهاز لها فيشتري له كيندل احسن له, ممكن البراوزر فيه افضل من الايفون واللابتوب بس الايفون يؤدي الغرض منه الين ما توصل للابتوب.

نصبر ونشوف.

 

[Thirsty Fire]

بالنسبة لي اشوفه الجهاز المناسب لاسباب

انا من اول ابغا قارئ كتب و كنت ناوي اخذ نووك لكن الان اقدر اشتري الكتب و اقراها في اي مكان ملونة على شاشة 9.7 انش اللي اشوفها ممتازة و بالإضافة الى البرامج الثانية اللي شاريها للايفون و بكذا مافي داعي اقرا الكتب و كل شوي مطلع الجوال اشيك تويتر او فيس بوك او اتصفح النت بسفاري...

الجهاز يقدملي اللي انا ابغاه و بالنسبة لي اول يوم راح اطلبه ان شاء الله

 

[Wild Fox]

يا ناس من جد ما تعجبكم منتجات آبل ليش تقنعون نفسكم و تردون في مواضيعها إذا هي مو لكم ..

من متى كان في مواضيع موجهه لفئه معينه ؟
اذا كذا اعطو كل يحب ابل او كل عضو يحب سوني باسوورد عشان يدخل المواضيع. و كل هذا عشان كم انتقاد.
اخر مره اذكر انو كنا في منتدى

 

[Hironobu Sakaguchi]

بصراحة زي ما انا شفته من البداية وزي ما الكل شافه انه ايفون او ايبود تتش بشاشة كبيرة

تعليقي عليه شي واحد ... زي ما مشي التتش و الايفون هذا حيمشي افضل منهم.. لان امكانياته اعلى وشاشته اكبر وحتكون الابس شغالة صح زي اول

ممكن نقطه انه مو او اس كامل غريبة في الموضوع.. واستخدام ابل مجددا لمعالج ليس من شركة انتل حتلعب نقاط مهمة في الموضوع

لما نزلت اتش بي سليت حقها... قلت اخيرا اقدر اكشخ بويندوز7 بجهاز محترم يفيدني في دراستي ويوفر علي طباعة اوراق بالهبل
ودحين لما نزلت ابل الاي باد... اغنتني عن شراء الايفون لاني ما احتجته كجهاز اتصال بقدر ما احتجته كايبود ومشغل برامج والعاب

محتوى مخفي

خارج النص.. زي متصفح كروم اغناني عن فايرفوكس لام راحت كل الاضافات عليه + انه افضل بكثير

ممكن مع الوقت تمر علي افكار اخرى تخليني اغير رايي.. لكن كاستخدامي الدراسي الاثنين قدموا لي ما احب..واتوقع اقدر اقول +1 للابل عشان الالعاب والابس زي ما شفنا بالايفون والتتش الي اتوقع لو ما كانت موجودة كان الجهاز فلوب حرفيا

ممكن هايب زيادة واحباطات لكن الكل سعيد ^_^

وهذه الاجهزة مو لاي شخص.. ولها استخدامها وتوجهها الخاص يعني 50-50 ... love it or hate it

 

[Solay]

ودي و أنا أستخدم الجهاز الجهاز نفسه ينبهني عن التويتات الجديدة، الفيدز الجديدة، و الإيميلات الجديدة تلقائياًً نفس اللي يصير لي و أنا أستخدم الماك بوك.

خاصية الـPush تسوي هالشي باللايفون

. أخاف بعد يكون نفس وضع الآي فون (ما نقدر نفتح أكثر من صفحة في نفس الوقت،

اذا قصدك اكثر من صفحه تفتحها يسوي هالشي الايفون بس اذا قصدك كم صفحه تطلع بالشاشه مع بعض من كبير الشاشه اصلا عشان تكفي هالشي!

 

[Nintendo]

توني شفت التريلر للجهاز, عموما الايباد فيه مزايا حلوه وكذا ولكن مادري احسه بصراحة مايفي بالغرض عشان يعوض لابتوب ومافيه شئ مميز عن الايفون غير حجم الشاشه, يعني فعلا حسيته جهاز موجه لفئة معينه فقط ومافيه اي شئ يستاهل انه يكون ضمن قائمة مشتريات السنه (خصوصا اني ناوي على ايفون الموديل الجديد هاذي السنه ان شاء الله).

 

[itachi]

الجهاز فيه مزايا وأستخدامه ما بيكون للكل
أنا مستغرب البعض مفكر يكون بديل للكومبيوتر المحمول
الاي باد لا يمكن يكون جهاز اساسي للي يفكر في كومبيوتر محمول الا اذا كان الايفون يكفيه من بعد تجربه فأكيد الاي باد بيكفي ويوفي من ناحيه نفس الاستخدام