الموسم الثاني بيكافئك على صبرك بالموسم الأول، يتعمقوا بالعالم وبناءه اكثر، الشخصيات تصير افضل وعبط الفانسيرفس يقل للغاية ويتعمقوا بالشخصيات شوي، واجمالا تجربة افضل بكثير مع كل نقاط قوة الموسم الاول، متحمس لموسم ثالث مستقبلي لأنه كل ماله العمل يطلع فوق كمستوى برأيي وشايف بوتينشل اشياء اعظم.
صباح الخير،
طبعا فاير فورس مايخرج عن فقاعة الشونين المعتادة، يعني لو نسوي Checklist بالكليشيهات بتكون كلها موجودة هنا تقريبا.
مشكلتي مع العمل الشخصيات الرئيسية كلها سطحية وغير مثيرة للاهتمام، هذا اسوء عمل فيه شخصيات انثوية كلهم مجرد فان سيرفس لاي بزر عمره ١٣ الكاتب كان ناوي يغريه بالحاجات ذي ، حتى الشخصيات اللي كنت مهتم فيها كلها جانبية وماتظهرت الا مرتين ثلاث في ٢٤ حلقة، فيه تصميم شخصيات ممتاز هنا على الاقل وهذا شيء ملاحظه من سوا ايتر عمل الكاتب السابق.
العالم تصميمه والتوجه الفني له مميز خليط Steampunk مع شوية عصرية من تكنولوجيا متقدمة، بس مافيه اي محاولة للغوص او التعمق فيه، يعني الانمي ٢٤ حلقة بس ماتذكر اي مكان عدا المقر الرئيسي للفرقة.
طبعا تقول ليه ياسعود تكمله مدامه مافيه شيء كويس ؟ ببساطة التحريك والإخراج ! ديفيد برو استخدموا الاسلحة الثقيلة وعطونا حفلة ساكوغا في كل حلقة، اتخيل قارئ المانجا لما القتالات هذي تتحرك بالجودة هذي قدامه يعني شوفو :
حماسي للموسم الثاني فقط للقتالات والقيمة الانتاجية واي شيء يسوى يجي من القصة والشخصيات بكون متفاجىء.
7/10