5000 دينار لكل كويتي بالغ و10000 لكل رب أسرة

[Snake-87]

الظاهر شافوا توقيعي قبل يومين وقالوا لازم نعطيه شي :inlove: .
صج عروس الخليج :inlove::inlove: .

اقتراح مالي جديد أقرته اللجنة التشريعية.. والحكومة تعلن مواجهة استجواب العبدالله غداً وتطلب التزام اللائحة

5 آلاف دينار لكل كويتي بالغ...

أقرت اللجنة التشريعة اقتراحاً بقانون مقدماً من النائب صالح عاشور واجرت تعديلات عليه وذلك باعطاء كل اسرة مبلغ 10 آلاف دينار حيث وافقت اللجنة بأن يمنح لكل كويتي بالغ مبلغ 5 آلاف دينار حتى لا يقع تنازع بين أفراد الاسرة الواحدة، واعتبر مقرر اللجنة وليد الطبطبائي هذا التعديل أكثر عدالة من منح الـ 10 آلاف دينار.
وقد جاءت الموافقة على الاقتراح بإجماع أعضاء اللجنة التشريعية.

جريدة الوطن الكويتية
http://www.alwatan.com.kw/ArticleDetails.aspx?Id=13986

منو يسافر معاي اليابان :fd3: ؟


تحرير:

 

[Akilla]

انا ابغى اسافر معك اليابان

 

[Yaz3D]

لول. وش المناسبة طيب؟

 

[Rakan HD]

مستعد اراهن عليها بكل شي املكه ....مستحيل تسير ,
هم زياده 150 وبالموت زادونا الحين 5000 دينار لكل كويتي بالغ؟ لول...قولي 1000 ولا 500 دينار لكن 5000 دينار ,
كلام النواب والجرايد شكثره اسقاط قروض-راتب لربّات الاسره-زيادات المعاشات ولا وحده سارت غير 150 وبعد طعطعيون جلسه ,

خلنا نتحلم شوي ممم....5000 دينار فيها ترانز 2002 من انضف الي بالكويت! اروح وادوام عليها وكل يوم مقاوم بخط صبحان يا سلام p:

 

[Snake-87]

لول. وش المناسبة طيب؟

مادري والله أعتقد يطالبون بزيادة بالمعاشات أو شي جذي ويحاولون يسكرون حلوجنا .

هم زياده 150 وبالموت زادونا الحين 5000 دينار لكل كويتي بالغ؟ لول...قولي 1000 ولا 500 دينار لكن 5000 دينار ,

لا تفهم غلط وين قاعدين 5000 زيادة :w00t: ? والله اروح اقط نفسي بالبحر الحين من الوناسة لو كلامك صح .
منحة 5000 مرة وحدة بس مو معاشك 400 يزيدونك 5000 لوووووول :laugh:: .

وين حلاوتي (&) ؟

 

[Jonas]

5000 دينار كثيرة مره!

ما اتوقع

 

[Rakan HD]

مادري والله أعتقد يطالبون بزيادة بالمعاشات أو شي جذي ويحاولون يسكرون حلوجنا .


لا تفهم غلط وين قاعدين 5000 زيادة :w00t: ? والله اروح اقط نفسي بالبحر الحين من الوناسة لو كلامك صح .
منحة 5000 مرة وحدة بس مو معاشك 400 يزيدونك 5000 لوووووول :laugh:: .

وين حلاوتي (&) ؟

عارف انه 5000 منحه وهذيك زياده ....لكن صدقني صعبه جداااااا اول 200 قالوا بتأثر على الميزانيه و..و..و غير هذا اسقاط القروض وصل مدري مليار وشوي والحكومه ما وافقت تبيها تعطي 5000 دينار كل شخص بالغ ؟ معناها فوق المليار والنص اضن ...كلام الجرايد والنواب مأخوذ خيره .

 

[Yaz3D]

لول, أخوي افهم عليهم. يقول لك 5000 مرة وحدة بس. مش كل شهر. يعني هذي منحة للشعب مش زيادة في الرواتب.

 

[Snake-87]

خلنا نتحلم شوي :sarcastic: .
إن شاء الله يقرونه الحكومة :moneymouth: .

 

[Saadawii]

لول ما شا الله، الله يكتب اللي فيه الخير والصالح. لكن، ما اعتقد يسوونها بهذي الطريقة. ممكن يصرفونها بشكل مشروط أو بطريقة تنمويه أكثر.

 

[Photon]

أوه ما شاء الله .. الله يزيدكم يا أهل الكويت و يديم خيرها عليكم .

على الأقل تعرف إنهم ناقشوا الموضوع على الأقل و تكلموا فيه مو مثلنا طلاب الجامعات لما قالوا بيناقشوا زيادة المكافآت لكم على طول طلع النفي ثاني يوم !! .. و لا لولا أمر الملك بزيادة مكافآت المبتعثين و لا والله كان لايحلموا فيها .. ما أدري كيف كانت الناس هنا عايشة بـ 700 باوند ( أتوقع ) بدون الزيادة ؟!

أهم شي السفرة لليابان محمد XD

 

[Bakloyd]

اوه، ٥٠٠٠ دينار يعني فوق الـ٥٠٠٠٠ ريال سعودي هاه؟ :moneymouth: ماشالله

احنا ياليت يزودونا في المكافئات ١٠٪ بس :fd3:

 

[السليل الأخير]

ما دام الكلام عن المكافئات و الأحلام .. ليت الجامعة ترجعلي الـ 150 ريال اللي أخذتها بدون وجه حق .. دمروا ميزانيتي !!

 

[Saadawii]

ما دام الكلام عن المكافئات و الأحلام .. ليت الجامعة ترجعلي الـ 150 ريال اللي أخذتها بدون وجه حق .. دمروا ميزانيتي !!

لووووووووول. شف الفرق بس بالموضوع، ناس تحكي بـ5000 دينار وانت حاست ميزانيتك 150 ريال، الله يعينك والله والجميع بس.

 

[Snake-87]

كل واحد شاف الخبر من الموضوع يجهز لي 50 .

 

[m7tram]

بالاحلام السوده ^^ .

 

[X-SRI-X]

شوية 5000 دينار ؟
دينار ؟
انا في البداية قلت 5000 ريال
قلت مبلغ كبير و و و الخ
لكن طلع الملبغ 5000 دينار
يعني 50 الف ريال
يا رب يكون حقيقي
ويتوفقوا شباب الكويت بالمبلغ

 

[Lunar Poet]

إن شاء الله يصير، و عقبالنا!

مع إن أحسها صعبة حيل، 5000 دينار مب قليل!

 

[q8 spy]

أنت مصـــدق بـــعد


الــ5000 مبلغ كبــير مو شويه

 

[53]

الله! 5000 ازيد عليها نفسها واكيش أي سيارة ببالي.


$_$

 

[Burdegation]

ودي اصدق بس قويه قوييه

 

[Painkiller Q8]

واااااااااو ماشاءالله تبارك الرحمن...

عموما 5000 فيها احلا سفره حلو العالم + Alien Wear PC 2010 @____@
بس 5000.. والله مو شويه اسوي كل الي ابيه ويزيدلي 2000 يمكن !!

بس على فكره صحيفه الوطن اكبر نصابين ويتميزون بالاشاعات !!!!

تعديل: لحظه يابو الشباااااااب ... 5000 دينار لكل كويتي بالغ و10000 لكل رب أسرة

انا متزوج وعندي طفل .. يعني يعطوني 10.000 ؟؟؟ :surprised:

 

[Still Alive]

شباب ابغى واسطة للجواز الكويتي

 

[Mute City]

اوه، ٥٠٠٠ دينار يعني فوق الـ٥٠٠٠٠ ريال سعودي هاه؟ :moneymouth: ماشالله

احنا ياليت يزودونا في المكافئات ١٠٪ بس :fd3:

أتمنى ما ياخذو لعشره ريال :crying: الي تسبب أزمه في سحب الرصيد

 

[Noah`s Ark]

إن شاء الله يصير، و عقبالنا!

مع إن أحسها صعبة حيل، 5000 دينار مب قليل!

تتأمل واجد انت

مبروك للكويتيين , يلا عاد الي ما عنده يعرس يشوف شغلة الحين

 

[persona]

لو حتى يقولون مليون ، مااصدق الا لما اروح اطقطق بحسابي واحصل هالمبلغ

 

[Painkiller Q8]

تبون الصراحه .. الي قاعد يصير موعاجبني ابدا واسميه مصخره... لي متى الناس في الكويت بس تبي فلوس فلوس فلوس.. ولاتفكر لو الحكومه تستغل هذا المبلغ "الخياااااااااالي" وتعدل الطرقات المكسره وتخطيط المناطق الغبي والتعليم المعفن والطب المتخلف والمستشفيات الي تفشل... ولا المباني الحكوميه والمناطق "الوصخه" ....الخ من الامور الي تجيب المرض !!

اي والله صار الواحد بس يهتم انه يترس بوكه فلوس ويشتري الاشياء الترفيهيه الاضافيه .. ولا يفكر في امور الدوله وتطويرها !!

 

[Rockman]

حتى لو مع فرض انهم راح يعطون كل واحد 5000 دينار

كل شيئ راح مو يتدبل الا 4 اضعاف راح يزيدون سعره

تيي من هني وتروح من هناك

بالأخير المعادلة متزنة :laugh::

ومع اني ما اتمنى ال5000 لأني داري فيها بلاوي زيادات لكن بما انه الخبر انحط على الجريدة سواء عطوا ولا ما عطوا الاسعار زايدة زايدة

وهما ترى ممكن الخبر مجرد فربكات وتأويل لكلام غير محدد الهدف منه بسيط جدا وهي التغرير بالمواطن الكويتي

مثال :

واحد سمع كلمة 5000 دينار شك بوم راح طق له سيارة اقساط ولا سفرة ولا بطيخ وهو يضحك
بالاخير الخبر يطلع خرابيط واهو المسكين يطحس واصحاب الشركات حققوا اهدافهم بانهم خلوا المواطن البسيط ينقص عليه

خو ربعنا معروفين من شموا ريحة اسقاط القروض كل واحد طق له قرض
الحين 5000 ومنحة بعد ههههه

 

[squall leonhart]

انا ما افهم بالاقتصاد كثير بس مو ذي الشي رح يسبب موجة تضخم خيالية و الاسعر بتنرفع بشكل كبييييييييير .. يعني 5000 بتكون شي كويس في المدى القصير لكن ممكن يكون لها اضرار على الافراد خصوصا الطبقة المتوسطة في المدى البعيد

 

[Painkiller Q8]

حتى لو مع فرض انهم راح يعطون كل واحد 5000 دينار

كل شيئ راح مو يتدبل الا 4 اضعاف راح يزيدون سعره

تيي من هني وتروح من هناك

بالأخير المعادلة متزنة :laugh::

ومع اني ما اتمنى ال5000 لأني داري فيها بلاوي زيادات لكن بما انه الخبر انحط على الجريدة سواء عطوا ولا ما عطوا الاسعار زايدة زايدة

وهما ترى ممكن الخبر مجرد فربكات وتأويل لكلام غير محدد الهدف منه بسيط جدا وهي التغرير بالمواطن الكويتي

مثال :

واحد سمع كلمة 5000 دينار شك بوم راح طق له سيارة اقساط ولا سفرة ولا بطيخ وهو يضحك
بالاخير الخبر يطلع خرابيط واهو المسكين يطحس واصحاب الشركات حققوا اهدافهم بانهم خلوا المواطن البسيط ينقص عليه

خو ربعنا معروفين من شموا ريحة اسقاط القروض كل واحد طق له قرض
الحين 5000 ومنحة بعد ههههه

لا اخوي الخبر صحيح.. قرار من اللجنة التشريعيه وتم الموافقه عليه .. وباقي مجلس الامه يوافقون .. واكيد ماراح يقولون "لا" لان اي شي في مصلحة الشعب لازم يوافقون عليه لان الشعب وصلهم لهذه المرتبه والمناصب .... بس آخر شي وهو اصعب مرحله ان "الحكومه توافق" واكيد الحكومه راح ترفض هذا الشيء

لان 5000 * آلاف الاشخاص ميزانيه ممكن تبني فيها دوله كامله ^^