4 (( هاكرز )) حاولوا دخول ((موقع الدفاع ))

[RIZE]

ضبط رجال ادارة أمن الدولة اربعه شبان مخترقي شبكة الانترنت ( هاكرز ) دأبوا على دخول مواقع حكوميه معينه ومنها مواقع وزارة الدفاع حيث تصوروا انه يمكنهم عبر هذا الموقع الدخول ألى ملفات سريه خاصه بالوزارة .
واستنادا إلى المصدر أمنى فقد تتبع جهاز فني تابع لجهاز امن الدولة هؤلاء الهاكرز وحدد اماكنهم ثم تولى اخرون ضبطهم حيث اعترفوا باساءة استخدام الشبكة .
وافاد المصدر بأنه تبين ان الشبان هم ثلاثة كويتيين وزميل لهم من فئة (( البدون )) يحمل جواز سفر (( الدومينكان )) وجار التحقيق معهم .

لووول على الخبر ... قريته بجريد الرأى العام مالت أمس الاربعاء

لما قريته تذكرت شغلتين :

1- صاحبنا جنون الليل
2- برنامج data data لى يفكرون انهم يعرضونه على قناة فلاش هع هع هع هع


ما أقول إلا الله يعيين الشباب على الفناقر ألى كلوها وراح ياكلونها من امن الدوله


اي صح نسيت اقول في احد ما يعرف البدون ؟؟؟ لانه في وايد ما يعرفونهم :roll:

 

[Super Sonic]

أنا اسمع عن البدون هذولي <.< وعلى حسب ما سمعت انه حالتهم شوي صعبة ...

 

[Death match]

نفسي اصدق الخبر بس قوية قوية !!

بخصوص البدون اضن بالجريدة كل يومين ثلاثة يذكرون خبر (( تم هتك عرض اسيوية من قبل خمسة كويتين و معهم ((((بدون)))) )) تم سرقة محل مجوهرات من قبل صعيدي وبنغالي ومعهم (((بدون))) ..

ما اقول غير لا حول ولا قوة الا بالله في بعض الصحافين ما يتقون ربهم في نفس هذي الامور وصلت لدرجة التدليس بس علشان يثير قضية البدون

 

[BioMario]

ههههههههههههه ..
مسوين فوضى بس الصراحة مشكلة خطيرة ..

لول البدون إلى ما عندهم ولا جواز ولا ..؟

 

[Leon]

ممكن أعرف مين هم البدون ؟؟!!

 

[persona]

من طقه فهلوه ..حنى بتوع الهكرز ..مايدرون انه في قسم بالداخليه حق هالسوالف ..

يجيبون العيد في زمارة رقبة اكبر هكرز

شكلهم نظام حمود سلوم خويلد يالله نهكر؟؟
عبالهم الهاكرز نفس ورلد اوف ورلد كرافت كل واحد قاعد ببيتهم والا بكافيه وطايحينله تهكر بالاوادم ..

قلعتهم ..

==

ديث، ترا اغلبهم بدون ..اقصد اللي يكتبون بالجرايد

فكيف يعتمد أنه يتم تشويه صورة البدون؟ لو فرضنا انه هالكلام صحيح ..

 

[Super Sonic]

لول يا جماعة احد يشرحلنا سواليف اللي بدون جنسية هذولي !

 

[Khalid-S]

لول يا جماعة احد يشرحلنا سواليف اللي بدون جنسية هذولي !

http://ar.wikipedia.org/wiki/بدون

 

[Super Sonic]

http://ar.wikipedia.org/wiki/بدون

بعد ويكي بيديا <.< ! أنا وين عايش !



edit : لقيت منتدى الكويتيين البدون -.- خير ؟

التوقيع

سألني أحدهم ذات يوم ....

أنت مسلم .... ولا بدون !!

أطرقت برأسي .. وامعنت التفكير .. ثم نظرت إلى وجهه ..

.
.
.
.
.
.
.
.
.
.
.
.
.
.
.
فبصقت به .. ثم رحلت !!​

​

شنو هذا التوقيع بعد ! السالفة شكلها قوية !!!

 

[persona]

مشكله البدون ..ايييييييييه شتكلم عنها

==

في معركة من المعارك صار غدر بين الناس اللي ساكنه الكويت بعضها البعض واللي البعض منهم كان موالي لبنو كعب
ومنه كانوا يبون ياخذون الكويت من سنين ..لغاية 1920 بمعركة الجهراء وسوو سور سموه سور الكويت ويحميهم من المطامع الخارجية
حصلت معارك ثانية وشافوا انه السور مايفيد دام نفسيات البشر تتغير ..فلازم يمسكونهم بشي وهو شي جديد كان على الخليج بفترة الخمسينات أسمه ..التجنيس

الكويت كانت فاتحه التجنيس للكل بالخمسينات بشرط انه يقعد بهالديرة ومايطلع من هالسور ويكون ولائه للوطن خالص
البعض أقتنع ، البعض حسبها فكرة حبس وطلع من الديرة وبعدها رد ليما شاف الكويت ديرة خير ورد يطالب بالتجنيس ..
بعض الشيبان = الشياب مااقتنعوا بفكرة التجنيس ..لإميتهم ..ولجهلهم انه هذي مجرد "ورقة"
واهم ماراح يطلعون من هالبلد
وبالاخير كلوها عيالهم..

المشكلة الاهم والعائق الاكبر في تجنيسهم

نزوح بعض من الدول المجاورة ..السعودية ..العراق ..ايران..بلاد الشام والادعاء انهم كويتين
طمعاً في الحصول على الجنسية الكويتية ..مع نكران مسكنهم الاصلي ..
بعد الغزو ..أنخفض عدد البدون من 120 إلى 90 ألف ..
دام هالاشكال المتصنعة انهم بدون موجودة ...مشكلة البدون ماراح تنحل
فتخيلوا معاي ..واحد مايتكلم الا لهجة وحدة وهي لهجة عراقية ..ويقولي ابي الجنسية !؟؟
رياجيل ماخذوها تجي انت؟!؟<.<
الحكومة موقفها صعب لو جنست ماراح تضمن الامن لانه البعض من هالفئة..وانا اثق اللي منهم نازحين للكويت ..وجنسيتهم الاصليه خاشينها ..يسرح ويمرح بالديرة ..فمبالك لو تجنس كويتي..بيحط القانون تحت اباطه ويسوي اي شي يبيه ..فهالناس اللي من هالنوعية:

1- ظلموا اللي مستحقينها وشووه سمعتهم لدرجة توصل السب بالحكومة والامير والشعب ..:\
2- مو كفو يقعدون بالديرة..التسفير خوش حل
3- ماعندهم ولاء لانه هم داشين على طمع !


على فكرة ..البدون في بعضهم عايش بنعمه اكثر من الكويتي ..وفيه أفراد بالجيش بدون ..وفيه شهداء بدون

 

[Super Sonic]

وييييييه !
شنو هذا !
زين وش ذنب اللي مولودين جداد يعني ؟! السالفة صحيح معقدة !

 

[Bounty]

شكلهم نظام حمود سلوم خويلد يالله نهكر؟؟
QUOTE]




لووووووووووووووووووووووووول ضحكت ضحك على كلمتك هذي


----



البدون مشكله كبيره .. خصوصا و ان في بعضهم يكسرون الخاطر .. و البعض الاخر مخدرات\سرقه\طامعين بالجنسيه ..إلخ

بس المشكله ان فيها ظلم السالفه

 

[RIZE]

نفسي اصدق الخبر بس قوية قوية !!

تبيني اصور لك الجريده ؟؟؟ .... واذا حطيت الصورة .. ابيك تشتري قاري وتسحب سايدات P:

على فكرة ..البدون في بعضهم عايش بنعمه اكثر من الكويتي ..وفيه أفراد بالجيش بدون ..وفيه شهداء بدون

وفي بدون أمهاتهم كويتيه ^^ .... وبالنسبه للبدون للى عايش احسن من الكويتي .... ف مع احترامى لحامل الجنسيه , تقدر تقول عليه (( مو كفو ))
تلقاه مايع ويتقلب بالبيت وبس فالح لى اقساط وماله خلق يتحرك .... مو ناقص إلا يوكلونه بقفشه
لأنى اكثر من مرة احصل كويتين يقولون انهم فقراء (( مثال : منو فيكم الى يذكر الكويتي الى عايش بالسيارة ويا عياله )) ... انا بس ودي اعرف ... ليش ما يروح يشتغل ليش ما يتوظف ... يا اخي على الاقل ينتسب لوزارة الدفاع (( حتى لو شهادتك أولى روضه يقبلونك ومعاشك فوق ال400 )) .... احسن واشرف له بدال الفشله وتنشر صورته بالجرايد يبي المساعده >_> .. والله حرام عنده الجنسيه .. بمعنى اخر (( مو كفو ))

فتخيلوا معاي ..واحد مايتكلم الا لهجة وحدة وهي لهجة عراقية ..ويقولي ابي الجنسية !؟؟

اللهجه مالها شغل أو ما تأثر (( لانه يمكن عرفها من عيال الشارع ))
وشرايك لو اقول لك انى اعرف واحد كويتي لهجته مثل لهجه أهل درعه ودير الزور (( سوري يعنى )) >______<

وبالنسبه للنقاط ال3 الى ذكرتها ..انا وياك بهالشي .. لانه مو كل من هب ودب يبي جنسيه ,,,

البدون مشكله كبيره .. خصوصا و ان في بعضهم يكسرون الخاطر .. و البعض الاخر مخدرات\سرقه\طامعين بالجنسيه ..إلخ

اعطيك مثال بسيط :

أب بدون عنده 7 عيال ... وعياله ما قدروا يكملون التعليم ..بسبب المصاريف (( وحتى لو كملوا دارسه ما يحصلون وظيفه .. واذا حصلوا يا تلقاه سكيورتي بالمجمعات... ولا كاشير بجمعيه معاشه اذا وصل وذبح روحه ما يتعدى ال250 دينار >_>))
و واحد من اعياله صارت فيه حاله نفسيه (( ليش انا غير عن الناس ... ليش ما اكمل دراستي ... ليش اذا عندي شهاده ثنويه عامه ما اقدر اكمل عليها ... ليش اذا يبت نسبه 80 ولا يبت نسبه 60 ماكو فرق ... شلون باجر اكون عايله .... شلون باجر اساعد ابوي ... شلون باجر اييب مصرف .. إلخ ))
فا اهنى يلجئ للسرقه ... وطبعا رفاق السوء .. وين ما تبيهم ومتى ما تبيهم تحصلهم بويهك ... علموه على السرقه ... شوي بشوي تعلم على المخدرات ... هذا ابسط مثال ممكن يمر فيه الشاب البدون الى يتراوح عمره بين ال19-29
وبعطيك عينات بدون مروا علي :
واحد اعرفه ونسبته 92% ادبي ... و دبر له واسطه قويه .. وراح للجامعه علشان يدرس فيها .. بالاخير ارفضوه ليش...!! لأنه بدون
واحد ثانى نسبته 83% علمي ... سمع بسالفه الى ذكرتها تونى ... وغير وجهته من الجامعه إلى التطبيقي . ودخل التمريض ... اخر شي اسألته وحده هناك (( عادي تبدل حفاضات للمرضى )) ... بو الشباب حس بظلم وبقهر ... يعنى بذمتكم واحد نسبته بال80 و ما يدش الطب ... بس اللهم يبدل حفاضات >_< .. المهم بو الشباب طلع من المعهد ... وللحينه يفتر مو لاقي شغله يشتغلها .. ليش ... !! لانه بدون
واحد ثالث .. مولود بالكويت .. وامه وابوه مولودين بالكويت .. وابوة كان بوزارة الدفاع البريه وتفنش ... وقرر هالولد انه يغترب ويروح للندن ويقعد هناك بروحه 5 سنين ويشتغل بغسيل المواعين ..لعل وعسى بعد ال5 سنين يحصل جواز بريطانى ... ليش..!! لأنه بدون

>_> وطبعا في وايد عينات تكسر الخاطر (( ما عنده فلوس يتزوج أو ما عنده فلوس يشتري سياره أو ما عنده فلوس يأجر بيت أو شقه تتكون من غرفتين وصاله ....إلخ ))

شقول شخلى -.-

 

[Mada Mada Dane]

خير؟ وش هالكلام عن الي ماعندهم جواز؟ الغلط مو عيبهم الغلط عيب الحكومة الي مو راضيه تشوف لهم حل .. اول مره اشوف دوله مو راضيه تعطي جواز ل مواطينيها .. باي حق يعني؟

طبعا بيتعقد لما يجي زاحد ينولد اقل من الثانين بدون ادنى حق, والكلام مايخش المخ, من الي عنده جنسيه اصلا بينزج للكويت ويعيش على اساس انه بدون ويسوي جرايم علشان يحصل الجواز؟ اصلا حالتهم مرزيه عندكم ..

ماعمري سمعت زي هالمشكلة إلا بالكويت, سلامات عسى ماشر .. انا اعرف عايله كامله وعيالها رجال وطيبين جدا .. جايين امريكا يعيشون هنا لانهم بدون مالهم إلا حقوق بالكويت .. قالوا نجي هنا نعيش لنا 10 سنين ونحصل الجنسيه الامريكيه ونرجع ويرتفع شأنا .. والله يوفقهم يارب ..

ناس عارفين ربهم, وطيبين .. واخلاق .. حتى برمضان امهم تسوي فطور للمصلين .. طيبين

صراحه مالكم اي حق تتكلمون عنهم, حتى لو فيهم مجرمين والله ماكون هالمجرمين إلا الحكومة الي مو راضيه تعترف فيهم, باي حق ماادري .. يعني خير؟ وش شايفين نفسهم " مانعتطيهم الجنسيه ", خير وش الغرور, او كلش لما واحد يقول معاهم جنسيات ثانيه بس جاوا الكويت على اساس يحصلون الجنسيه الكويتيه, هم اصلا لهم حقوق علشان يجون الكويت كذا؟
هم منكم وفيكم ومفروض حكومتكم تحل المشكلة بدال ماتتكلم عنهم ومجرمين و و و .. اصلا حرام هذا الشغل ..

 

[Bounty]

خير؟ وش هالكلام عن الي ماعندهم جواز؟ الغلط مو عيبهم الغلط عيب الحكومة الي مو راضيه تشوف لهم حل .. اول مره اشوف دوله مو راضيه تعطي جواز ل مواطينيها .. باي حق يعني؟

طبعا بيتعقد لما يجي زاحد ينولد اقل من الثانين بدون ادنى حق, والكلام مايخش المخ, من الي عنده جنسيه اصلا بينزج للكويت ويعيش على اساس انه بدون ويسوي جرايم علشان يحصل الجواز؟ اصلا حالتهم مرزيه عندكم ..

ماعمري سمعت زي هالمشكلة إلا بالكويت, سلامات عسى ماشر .. انا اعرف عايله كامله وعيالها رجال وطيبين جدا .. جايين امريكا يعيشون هنا لانهم بدون مالهم إلا حقوق بالكويت .. قالوا نجي هنا نعيش لنا 10 سنين ونحصل الجنسيه الامريكيه ونرجع ويرتفع شأنا .. والله يوفقهم يارب ..

ناس عارفين ربهم, وطيبين .. واخلاق .. حتى برمضان امهم تسوي فطور للمصلين .. طيبين

صراحه مالكم اي حق تتكلمون عنهم, حتى لو فيهم مجرمين والله ماكون هالمجرمين إلا الحكومة الي مو راضيه تعترف فيهم, باي حق ماادري .. يعني خير؟ وش شايفين نفسهم " مانعتطيهم الجنسيه ", خير وش الغرور, او كلش لما واحد يقول معاهم جنسيات ثانيه بس جاوا الكويت على اساس يحصلون الجنسيه الكويتيه, هم اصلا لهم حقوق علشان يجون الكويت كذا؟
هم منكم وفيكم ومفروض حكومتكم تحل المشكلة بدال ماتتكلم عنهم ومجرمين و و و .. اصلا حرام هذا الشغل ..

رجاءا لا تتكلم بحكومة الكويت بشي انت ما تعرفه أو جاهل فيه ..


غرور ؟ انعرف الغرور عند منو .. خلنا ساكتين ..

الحمد لله الديمقراطيه عندنا .. و الكل يتكلم بالسياسه بدون ما ينخش .. و النواب من انتخاب الشعب و الحكومه ما قصرت بشي .. يوم عن يوم تصير احسن .. عمار يا كويت .. والله يخليها لنا

 

[m7tram]

مشكله البدون ..ايييييييييه شتكلم عنها

==

في معركة من المعارك صار غدر بين الناس اللي ساكنه الكويت بعضها البعض واللي البعض منهم كان موالي لبنو كعب
ومنه كانوا يبون ياخذون الكويت من سنين ..لغاية 1920 بمعركة الجهراء وسوو سور سموه سور الكويت ويحميهم من المطامع الخارجية
حصلت معارك ثانية وشافوا انه السور مايفيد دام نفسيات البشر تتغير ..فلازم يمسكونهم بشي وهو شي جديد كان على الخليج بفترة الخمسينات أسمه ..التجنيس

الكويت كانت فاتحه التجنيس للكل بالخمسينات بشرط انه يقعد بهالديرة ومايطلع من هالسور ويكون ولائه للوطن خالص
البعض أقتنع ، البعض حسبها فكرة حبس وطلع من الديرة وبعدها رد ليما شاف الكويت ديرة خير ورد يطالب بالتجنيس ..
بعض الشيبان = الشياب مااقتنعوا بفكرة التجنيس ..لإميتهم ..ولجهلهم انه هذي مجرد "ورقة"
واهم ماراح يطلعون من هالبلد
وبالاخير كلوها عيالهم..

المشكلة الاهم والعائق الاكبر في تجنيسهم

نزوح بعض من الدول المجاورة ..السعودية ..العراق ..ايران..بلاد الشام والادعاء انهم كويتين
طمعاً في الحصول على الجنسية الكويتية ..مع نكران مسكنهم الاصلي ..
بعد الغزو ..أنخفض عدد البدون من 120 إلى 90 ألف ..
دام هالاشكال المتصنعة انهم بدون موجودة ...مشكلة البدون ماراح تنحل
فتخيلوا معاي ..واحد مايتكلم الا لهجة وحدة وهي لهجة عراقية ..ويقولي ابي الجنسية !؟؟
رياجيل ماخذوها تجي انت؟!؟<.<
الحكومة موقفها صعب لو جنست ماراح تضمن الامن لانه البعض من هالفئة..وانا اثق اللي منهم نازحين للكويت ..وجنسيتهم الاصليه خاشينها ..يسرح ويمرح بالديرة ..فمبالك لو تجنس كويتي..بيحط القانون تحت اباطه ويسوي اي شي يبيه ..فهالناس اللي من هالنوعية:

1- ظلموا اللي مستحقينها وشووه سمعتهم لدرجة توصل السب بالحكومة والامير والشعب ..:\
2- مو كفو يقعدون بالديرة..التسفير خوش حل
3- ماعندهم ولاء لانه هم داشين على طمع !


على فكرة ..البدون في بعضهم عايش بنعمه اكثر من الكويتي ..وفيه أفراد بالجيش بدون ..وفيه شهداء بدون

قلت كل شي وماخليت شي لغيرك خالد مازيد ولا حرف على كلامك .

 

[Death match]

رجاءا لا تتكلم بحكومة الكويت بشي انت ما تعرفه أو جاهل فيه ..


غرور ؟ انعرف الغرور عند منو .. خلنا ساكتين ..

الحمد لله الديمقراطيه عندنا .. و الكل يتكلم بالسياسه بدون ما ينخش .. و النواب من انتخاب الشعب و الحكومه ما قصرت بشي .. يوم عن يوم تصير احسن .. عمار يا كويت .. والله يخليها لنا

لووول


حبيبي كلام مادا مادا عين الصواب الحين ثلاث ارباع الجيش الكويتي بدون ويحمون البلد على الحدود ويعطونه رخصة دبابة بس رخصة القيادة ما يجددونها له !!

(( ترى انا حظرت ندوات البدون و كانت تطلع عنها حلقات كثيرة على عدت قنوات فضائية ))

وبعدين على فكرة ما تقولي داود حسين الايراني شلون تجنس ؟ على اي بند ؟ الأعمال الجليلة ؟ طيب ايش الاعمال الجليلة ؟ الرقص بالتلفزيون ؟.. والي بالجيش وحارب حتى بحرب ايران والعراق يقولون له عليك قيد امني (يشتبه ان لديك اخ سعودي) ؟!!

طيب المطربة نوال كانت بدون على اي بند تجنست ؟ اعمال الجليلة ؟ الرقص على الطبول

بالعربي في كثير ناس انظلمت بدون والله يكون بعونهم صراحة منهم صديق لي متفوق دراسياً شهادته علمية نسبته 87% وصار له سنتين مخلص حتى ما عنده مصاريف يدخل جامعه خارجة كالجامعة المفتوحة وكشخص محترم جداً قبل كانت دائما العب معاه مباريات الحين الشخص صابه اكتئاب نفسي لو جيت عنده تعطيه 29 سنة والله حتى ثقنه بعض المرات ما يحلقه

 

[Bounty]

لووول


حبيبي كلام مادا مادا عين الصواب الحين ثلاث ارباع الجيش الكويتي بدون ويحمون البلد على الحدود ويعطونه رخصة دبابة بس رخصة القيادة ما يجددونها له !!

(( ترى انا حظرت ندوات البدون و كانت تطلع عنها حلقات كثيرة على عدت قنوات فضائية ))

وبعدين على فكرة ما تقولي داود حسين الايراني شلون تجنس ؟ على اي بند ؟ الأعمال الجليلة ؟ طيب ايش الاعمال الجليلة ؟ الرقص بالتلفزيون ؟.. والي بالجيش وحارب حتى بحرب ايران والعراق يقولون له عليك قيد امني (يشتبه ان لديك اخ سعودي) ؟!!

طيب المطربة نوال كانت بدون على اي بند تجنست ؟ اعمال الجليلة ؟ الرقص على الطبول

بالعربي في كثير ناس انظلمت بدون والله يكون بعونهم صراحة منهم صديق لي متفوق دراسياً شهادته علمية نسبته 87% وصار له سنتين مخلص حتى ما عنده مصاريف يدخل جامعه خارجة كالجامعة المفتوحة وكشخص محترم جداً قبل كانت دائما العب معاه مباريات الحين الشخص صابه اكتئاب نفسي لو جيت عنده تعطيه 29 سنة والله حتى ثقنه بعض المرات ما يحلقه

اقول ديث .. بدال هالكلام و القرقه الموجه لي .. راجع ردي الي فوق (12#) وراح اتعرف معنى كلامي .. انا رديت على كلمة الغرور .. أو الكلام الموجه ضد الحكومه ..


وثانيا شنو ثلاث ارباع جيش الكويت بدون ؟ متأكد انك عايش بالكويت ؟

 

[53]

أنا برايي إن البدون مشكلتهم كبيره يعني الحكومه طولت السالفه زياده عن اللزوم ..

إذا الخوف من إنهم يسوون مشاكل بالكويت ومن هالحجي "إلي بإعتقادي صحيح 100%" خلاص سفروهم أي دوله تجنس بسرعه غير الكويت ..

أو إنهم يشوفون الفئه الي قعدت فتره كبيره بالكويت وإلي قعدو بالغزو يجنسونهم ..

بس هالأيام أشوف الحكومه تبي تخلص من هالسالفه بوقت قريب وإن شاء الله تنحل ونفتك ..

 

[Death match]

اقول ديث .. بدال هالكلام و القرقه الموجه لي .. راجع ردي الي فوق (12#) وراح اتعرف معنى كلامي .. انا رديت على كلمة الغرور .. أو الكلام الموجه ضد الحكومه ..


وثانيا شنو ثلاث ارباع جيش الكويت بدون ؟ متأكد انك عايش بالكويت ؟

طيب راجع الاحصائيات من عام 90 واسأل وتأكد بخصوص الجيش الكويتي

اما بخصوص الحكومة فما ابي اغير وجعت الموضوع الي انحنت جداً ولكن الحكومة متى ما زادت الجيلة صارت محبوبة ومتى ما قللتها صارت حكومة فاسد و و و وقضية القروض الي الحين نعايشها اكبر دليل على ان بعض النواب ما عندهم ماعند جدتي واغلبهم ناس حساد وفيهم غرور فعلاً .. ولا ما وصلتك البلوتوثات الرهيبة :moneymouth: ؟

 

[Bounty]

طيب راجع الاحصائيات من عام 90 واسأل وتأكد بخصوص الجيش الكويتي

اما بخصوص الحكومة فما ابي اغير وجعت الموضوع الي انحنت جداً ولكن الحكومة متى ما زادت الجيلة صارت محبوبة ومتى ما قللتها صارت حكومة فاسد و و و وقضية القروض الي الحين نعايشها اكبر دليل على ان بعض النواب ما عندهم ماعند جدتي واغلبهم ناس حساد وفيهم غرور فعلاً .. ولا ما وصلتك البلوتوثات الرهيبة :moneymouth: ؟

ههههههههههه @ القروض .. كثر منها و الي يعافيك ..

خوش والله .. ناس تاخذ قروض و تسافر و تشتري سيارات و محلات و تبي الحكومه تدفع لهم ..

وين عايشين ؟ و شنو اهيا طراره بالغصب ؟


انا ضد اسقاط القروض لأن على قولتهم "طبخ طبختيه يالرفله اكليه" ..

 

[يوسف 15]

الي اعرفه من بعض زملائي ان فيه ظلم كبير من الجهات الرسميه الكويتيه للبدون ,,

 

[Mr.3B]

...

كنت اشوف مشكلة القبيلية عندنا مشكلة .. بس الحين بعد ما قريت عن البدون .. أقدر أقول حنا بخير :slant:

غرور ؟ انعرف الغرور عند منو .. خلنا ساكتين ..

وش تقصد ؟؟!!

 

[Super Sonic]

يا جماعة هدو اللعب شوي ! خلاص ... تعوذو من ابليس ! حنا اخوان ...

 

[RIZE]

الحمد لله الديمقراطيه عندنا .. و الكل يتكلم بالسياسه بدون ما ينخش .. و النواب من انتخاب الشعب و الحكومه ما قصرت بشي .. يوم عن يوم تصير احسن .. عمار يا كويت .. والله يخليها لنا

مشكله الى يتكلم عن لسان ناس غيره .. واهوا متكى على الكرسي الجلدي .. ويكتب بالكابورد الماسي .. وحاس براحه تامه ... ويقول انها غيره بالكويت مرتاحين.. وانه الامور تتحسن
أنت مو حاس فيهم ..... والحجي الى تسمعه تراه حجي جرايد .. يعنى (( حبر على ورق ))


ديث ماتش ردودك .... أصابت مصارين الحقيقه

 

[Death match]

ههههههههههه @ القروض .. كثر منها و الي يعافيك ..

خوش والله .. ناس تاخذ قروض و تسافر و تشتري سيارات و محلات و تبي الحكومه تدفع لهم ..

وين عايشين ؟ و شنو اهيا طراره بالغصب ؟


انا ضد اسقاط القروض لأن على قولتهم "طبخ طبختيه يالرفله اكليه" ..

شوف انا ضد الاسقاط بالتأكيد ومن جد احقد على الي صورهم بالجرايد ويحملون رايات ((صرنا نبيع اعضائنا)) ((ما اشترينا ملابس للعيد)) وإلخ .. وخصوصاً بعض من المطالبين صاروا يسبون النواب علني داخل المجلس !!!!
لكن لما يجيك قرار يقولك سوف يتم اسقاط ديون العراق برغبه امريكية هذا شئ يخليك تفكر بالقروض الي عليك ... وماله داعي نقول كم هي ديون العراق لأنه شئ مهول ميزانية دولة كاملة لمدة 10 سنوات

 

[Ash]

STOP ..

المواضيع السياسية
لا يسمح إطلاقا بمناقشة المواضيع السياسية في المنتدى العام حتى لو كان بشكل غير مباشر. أي موضوع في هذا المجال سينتهي بالإقفال.

الخروج عن الموضوع
يمنع منعا باتا الخروج عن الموضوع. سيتم استخدام طريقة حذف جميع ما يخرج عن الموضوع من ردود فوريا بدون تحذير. لذلك يجب التفكير جيدا قبل كتابة رد خارج عن الموضوع.

كملوا بعيد عن المنتدى , شكرا على تعاونكم .