37 درجة مئوية

[Dr MaD]

مسلسل جديد يعرض على قناة MBC كل جمعة الساعة 9:30 الليل

انتاج شباب طموح .. من اخراج سمير عارف ومشاركة ممثلين أغلبهم يظهرون لأول مرة على الشاشة مع النجم الكبير ناصر القصبي اللي أشترك في العمل لدعم انتاجات الشباب
فكرة البرنامج تطرح قضايا أطباء الإمتياز .. مشاكلهم .. ومايتعرضون له من معاملة سواء من المرضى او من ادارة المستشفى والإستشاريين

شفت الحلقة الأولى .. الإخراج توقعته أفضل من كذا بشكل عام
السيناريو أعجبني وبقوة .. طرح مشكلات فعليه وأشياء واقعية .. التمثيل عادي جدن
فيه نقطه حسيتها صعبه عليهم .. شرحهم للأمراض بينهم وبين بعض .. لأنه صعبه يشرح للدكتور المرض بالإنقليزي فهذي راح تكون عائق لهم طول المسلسل

بشكل عام وكحلقة أولى أعجبني جدن .. أحلى شي في المسلسل كله واللي يخليه أحسن مسلسل في العالم ان البطل اسمه معاذ

موقعهم الرسمي : http://www.37dc.tv/

أتمنى واحد من المشرفين يعدل عنوان الموضوع : 37 درجة مئوية

 

[Niessu7]

من فترة اخوي يمدح لي فيه ويقولي شوفه مش بطال ..

عجل معاذ اسمه :laugh::

 

[ZiZ]

أحس أنهم من الناحية الطبية ما عندهم سالفة.

شف بعد 6:44

[YOUTUBE]imCo0QfScGQ[/YOUTUBE]

أنا وأنا طالب حاسب مالي في بدع الطب شي.

عرفت من الأعراض أن اللي في المريض هي قرحة، وعلاج القرحة إن لم أكن مخطئ هو مضاد حيوي علشان ما تلتهب زود وشي قلوي يصير مضاد للحموضة، وأتوقع فيه كم شي ثاني بس ما أدري لأن أخر خبري بالجهاز الهضمي هو مادة الإحياء في الثنوي.

الحين أنا عرفت هالأشياء. يعني بالله طالب طب له 6 سنوات مب عارفها. لا وهذا عقب ما قال لهم الدكتور أنها قرحة.

هذا نقدي الرئيسي على المسلسل.

فيه أشياء ثانية ما أعجبتني بس هذي يمكن أشياء شخصية.

زي ورى ولا واحد منهم له شنب؟ (إلا مسعود، بس حتى "المطوع" ما له شنب :laugh:. *

وليش البطل تقل حاط روج؟

وليش ذاك المخيس أبو شعر 24 ساعة وهو يغازل كأنه شي عادي؟

*تعديل: انا ما قلت أن حلاقة الشنب غلط. بالعكس، الظاهر أنها سنة. ولكنه مجرد شيء لفت انتباهي.

 

[Zero_IYAD]

House M.D النسخة العربية على أساس :/

 

[Gon freeces]

House M.D النسخة العربية على أساس :/

قصدك scrubs.

شفت أول حلقة , ضحكني...

 

[Mada Mada Dane]

لول الشلاخ بالمسلسل جارنا بالخبر شفته وفقعت ضحك! :laugh::

 

[squall leonhart]

المسلسل يصور معناة طلاب الطب و دكاترة الامتياز .. احيان احس انهم اخذين اشياء حقيقة صارت لي و حاطينها في المسلسل لوووووول خاصة مجاملة البنات على حساب الشباب هذي كل يوم تصير

طبعا من الناحية الطبيه ما اتوقع دقة كبيره منهم و هذا مو هدف المسلسل اصلا .. المهم انه يضحك و مسلي و يعبر عن معاناتنا بقوه

 

[squall leonhart]

عرفت من الأعراض أن اللي في المريض هي قرحة، وعلاج القرحة إن لم أكن مخطئ هو مضاد حيوي علشان ما تلتهب زود وشي قلوي يصير مضاد للحموضة، وأتوقع فيه كم شي ثاني بس ما أدري لأن أخر خبري بالجهاز الهضمي هو مادة الإحياء في الثنوي.

علاجها PPI + H2R antagonist

 

[Aoks]

خاصة مجاملة البنات على حساب الشباب هذي كل يوم تصير

نعاني منها حتى قبل الامتياز
​

 

[Niessu7]

شفت الحلقة الاولى امس ..

الحلقة ما كانت بطالة بالمرة كانت ممتازة بالنسبة لي .. توقعت شيء سخيف ..

في اشياء تقدر تتغاضى عنها وما اشوف انها عقبة على المسلسل ..

بس من جد براطم البطل فيهم شيء :w00t:

 

[SHABASH]

شفت الحقة الاولى وشايف انه يبشر بالخير

عجبني ...

 

[Guns N Roses]

شفت الحلقه الاول .. شغل حلو نوعا ما .. بس احس في شوية "مصاله"

 

[Dr MaD]

بس احس في شوية "مصاله"

ما أختلف معاك .. بس يظل أفضل كوميدي موجود من فترة طويله خصوصا انه الأشياء الكوميديه هالفترة يا أما تكرر نفسها او تكون المصاله فيها شي أساسي

عموما تعتبر تجربه أولى للشباب بالإضافه الى اننا مابعد تعودنا عليهم فـ مو متقبلين اي شي منهم

 

[sabre]

شفت الحلقة التجريبية من زماان وكانت رائعة
والحين أخيرا عرضوها على الشاشة

مشاركة ناصر القصبي للطاقم فكرة ممتازة بس كنت خايف أنه بياخذ على جو المسلسل بس طلع تصريح من ناصر انه ما تدخل لا في الاخراج ولا الاعداد بس الانتاج
وانه ضيف شرف لاربع حلقات بس

الاخراج تعبان بس ممكن أتغاظى عنه
بعض الممثلين أداءهم ممتاز وبعضهم مالهم داعي في المسلسل
تشكلية الخماسي رائعة وهذا هو الواقع
مغازلجي
مشكلجي
على نياته
مطوع
شلاخ

المسلسل من جد يذكرني في المستشفى وقضاياها واتمنى أن المسلسل يكون فاتحة خير لحل الكثير من المشاكل الموجودة ويسلطوا الضوء على معاناة الطالب في المستشفيات وان الاستشاريين يتداركوا أخطاءهم

[YOUTUBE]imCo0QfScGQ[/YOUTUBE]

أنا وأنا طالب حاسب مالي في بدع الطب شي.

عرفت من الأعراض أن اللي في المريض هي قرحة، وعلاج القرحة إن لم أكن مخطئ هو مضاد حيوي علشان ما تلتهب زود وشي قلوي يصير مضاد للحموضة، وأتوقع فيه كم شي ثاني بس ما أدري لأن أخر خبري بالجهاز الهضمي هو مادة الإحياء في الثنوي.

ترى القرحة أنواع منها قرحة المعدة وقرحة أول جزء من الأمعاء الدقيقة
الفرق بين لاثنين أن قرحة المعدة تزيد مع تناول الأكل وقرحة الأمعاء تزيد مع الجوع
كلنا عارفين أنه قرحة بس تعرف تفرق بين الاثنين
سؤال وش نوع القرحة في المسلسل بعد 6:44

علاجها PPI + H2R antagonist

عز الله أحد فهمها

 

[Dr MaD]

أحس أنهم من الناحية الطبية ما عندهم سالفة.

هم ما اتوقع يبغون يتعمقون في المواضيع الطبيه .. فطرحوا مرض سهل والفكرة انه الدكاتره مايجاوبون
بالإضافة الى انه أخو المخرج متخرج طبيب من سنتين أتوقع .. والمعلومه اللي مو متأكد منها انه بطل المسلسل "معاذ" متخرج السنة اللي راحت من كلية الطب .. يعني دكتور :nerd:

 

[Torpedo]

اوف .. Scrubs في خطر >.>

حلوة فكرة المسلسل .. لما يصير ينزل تورنت افكر اتابعه >.>

 

[Dr MaD]

اوف .. Scrubs في خطر >.>

حلوة فكرة المسلسل .. لما يصير ينزل تورنت افكر اتابعه >.>

موجود بيوتيوب

 

[G7Ga7]

الفيديو الي حطه يوشي مو سيء أبداً !! توقعت شي سيء , بس تفاجأت !

ناصر القصبي ما يعرف يمثل -_-"

 

[Double T]

ا خاصة مجاملة البنات على حساب الشباب هذي كل يوم تصير

ااااااخخخخخخخ انا مستعد اكتب فيها كتاب ..

في مادة الجراحة مقسمينا قروبات 3 عيال و قورب 1 بنات .. و نمر على اقسام القسم تقريبا كل قسم اسبوع .. في ثالث اسبوع كنا مع قسم الجراجة التجميلية .. والله العظيم إنا نجري ورى الدكتور المصري و لا هو راضي يعطينا وجه و كل شوي يصرفنا .. الأسبوع الي بعده كان مع البنات .. من الساعة 9 و هو محضر معاهم و ما يتركهم الا بعد ساعتين و نص و احنا نص ساعة ما قعد معانا .. و الأمر من كذا ان وقت التقييم اخر الاسبوع ما شفنا وجهه و لا قييمنا و البنات اخذهم رئيس القسم و قيمهم عنده في المكتب :::::::

حسام ( Sabre ) معاية في القروب و ممكن يعطيكم زيادة على هذي كمان :crying:

 

[DR3]

شفت الحلقه كامله على youtube
صعب الحكم من حلقه واحده
لكن الاخراج تعبان و حسيت ان المسلسل دمه ثقيل
طبعا اغلب اللي شفتوه في الحلقه صحيح
انا باقيلي سنه و شوي و اصير مقيم و متاكد اني راح اواجه مشاكل اكثر من كذا
الله يستر

 

[Noah`s Ark]

ناصر ترك طاش .. و قام يطيش ! :laugh::


السنة بط كبدي عيال الحارة مدري كلنا عيال قريّة . (&)
​

 

[Gon freeces]

شفت الحلقة , لول@ تومب رايدر\ميموري كارد , والأكسنت الرهيب XD

 

[Solid Snake]

المسلسل بشكل عام متواضع، او بمعنى اصح تافه .. تقليد واضح وصريح لScrubs ، الحركات والذبات وطريقة التمثيل كلها منسوخة بالكامل منهم ..

الممثلين تقريبا كلهم من جنبها لول وتمثيلهم درجة سياحية وبقوة .. يمكن ما فيه الا اثنين بس يجي منهم ..

+ تعليقات يوشي في الصميم !! :laugh::

شفت الحلقة , لول@ تومب رايدر\ميموري كارد , والأكسنت الرهيب XD

الذبة الوحيدة اللي اعجبتني .. :laugh::

 

[Dr MaD]

للأسف الحلقة الأولى أفضل بمراحل !
بس ماكانتش بطاله