100 مليون ريال عوائد اختبارات «القياس» لمن؟

[Jonas]

هذي مشكلة الناس وأمانتها + ما أعتقد صعب على الوزارة تختبر طلاب الثانوية العامة في قاعات ضخمة كل قاعة تضم 500 أو 1000 طالب , كذا ماراح يكون فيه "عيال عمي" و "عمي" مدير المدرسة بيغششني .

غير أن المناهج نفسها ضعيفة , المشكلة في التعليم نفسه . اختبار القياس المسخرة هذي ما له حاجة لو المناهج جيدة و تجبر الطالب على الحفاظ على أساسيات ما تعلمه من السنوات السابقة .





Kick - Kicked

do - did

like - liked

إلى الآن حنا نمشي تمام وبنمط واضح , لكن شوف :

think - thought

eat - ate

go - went

:laugh::

هذا منطق ؟

ما يكفي ؟ طيب تعال خل نشوف التهجئة :

laugh النطق : لاف

pharmacy النطق : فارمَسي

psychology النطق : سايكولوجي

Neighbor النطق : نايبور :confuse:


ليش نكتب 3 حروف أو أكثر ولا ننطقها ؟ + الحروف لها نطق معين على حسب المزاج ؟! P مرة تنطق "ف" إذا دمجتها مع ال"H" ( ما فيه حاجة لهالشيء لوجود الحرف "F" ) ومرة تنطق على شكلها الأصلي ومرة ما تنطق ! نفس الحال ينطبق على حروف كثيرة جداً , إن ما كان كلها .

سألت دكتور استرالي عن غرابة التهجئة في الانجليزية , قال لي " English started that way " , هذا تبرير ؟
اللغات الأوروبية كذا , غبية مثل أهلها , الفرنسي مثلاً آخر حرفين أو ثلاثة من الكلمة لا تنطق .

كل هذا وتقول لي وين العبط ؟



أتفق معك في أننا نجرم في حق العربية , المفروض يكون فيه إعادة إحياء للفصحى , مثل ما قدروا اليهود يحييون العبرية نقدر حنا نعيد إحياء لغتنا الحقيقية .

الافعال الشاذه موجوده في كم لغه انا مطلع عليها , و صراحه ماهي بالشي المعقد و الصعب.. هي اصلاً قليله , احفظها و انتهى الموضوع

 

[rsm]

لول شباب تتوقعون المراقبين بالقاعه ببلاش ؟ التجهيزات بالاختبار ببلاش ؟ ادخل الموقع وش صفحة فيها قائمة الدكاتره الي يكتبون الاسئله كل دكتور شهاداته يبيلها صفحه كامله تتوقعون بلاش ؟ فرز النتائج وتصحيحها وتدقيقها بلاش ؟

ادفع 100 ريال وتمسك الاختبار شركه ربحيه محترمه لها موقع بالنت زي الناس والتسجيل سلس وسهل وبقاعات محترمه وجو الاختبار ممتاز من اهتمام ومساعده من الموجودين , احسن من اني اوفر الـ100 الريال ويصير الاختبار على الوزاره والمراقب مدرس مغصوب يراقب يجيك نفسه بطرف خشمه والقاعات زي وجيههم.

الحين مدارس كامله يداومون فيها الطلاب طول السنه وفصولهم زي وجيههم .. تبونهم يهتمون بقاعه بتختبر فيها ساعتين بالفصل الدراسي ؟

طيب ليه ما فيه ميزانية من الدولة لهالإختبار ..؟ زين ما تحس ان 100 ريال كثيرة على عائلة بالكاد تحصل على قوت يومها و على لقمة عيشها ..؟
زين كل هالأشياء اللي ذكرتها انت فوق .. احنا نصرف عليهم مثلا ..؟ و الله عاد بيسووا اختبار لازم هم يتحملوا النفقات و العواقب و الفلوس مو احنا اللي ندفع ..! و دام انه اختبار مهم و لازم لدخول الجامعة .. اللي ما عنده فلوس للإختبار يقعد في البيت مثلا و يضيع مستقبله ..؟
زين على الأقل يخلوها بدل مو مئة ريال يخلوها خمسين ريال بس ..! يا خوفي يخلوها 150 و لا 200 بدل ما ينزلوا الى خمسين ..

 

[JOKER MASK]

اشرح شلون ماهي منطقيه

بالنسبة لي اللغه العربية هي الي ابعد ما تكون عن المنطقيه! اولاً لأن ماحد يتكلم اللغه الفصحى و ثانياً لأن العاميه مختلفه 180 درجة عن الفصحى

مشتته ما تحس لها هدف مافيه شي يربط بينها يعني البلاغة وش هي والصرف والنحو مدري وش الرابط بينهم تحس صعب تفهمها
​

 

[Dr.MoDmEn]

طيب ليه ما فيه ميزانية من الدولة لهالإختبار ..؟ زين ما تحس ان 100 ريال كثيرة على عائلة بالكاد تحصل على قوت يومها و على لقمة عيشها ..؟
زين كل هالأشياء اللي ذكرتها انت فوق .. احنا نصرف عليهم مثلا ..؟ و الله عاد بيسووا اختبار لازم هم يتحملوا النفقات و العواقب و الفلوس مو احنا اللي ندفع ..! و دام انه اختبار مهم و لازم لدخول الجامعة .. اللي ما عنده فلوس للإختبار يقعد في البيت مثلا و يضيع مستقبله ..؟
زين على الأقل يخلوها بدل مو مئة ريال يخلوها خمسين ريال بس ..! يا خوفي يخلوها 150 و لا 200 بدل ما ينزلوا الى خمسين ..

كلامك صحيح لكن حنى ماحنى عايشين بعالم من المثاليه وكل شيئ ماشي تمام ,, ارجع للواقع وشوف حال الوزارات عندنا ومعدل انفاقها على "مسؤولياتها" راح تشوف انه الـ100 ريال الي ندفعها رحمه لنا بدل ماهي عبئ علينا !

اوكيه انا معك الوزاره مفروض تتكفل بالاختبار ومفروض حنى ماندفع .. كلامك صحيح 100% ... لكن انا عارف وانت عارف وكلنا عارفين انه وزارتنا بوضعها الحالي لو مسكت الاختبار راح تشوف مستوى التنظيم والخدمات نزل للحضيض وراح تقول مستعد ادفع دبل الي كنت ادفعه بس نرجع مثل اول وهذا واقع للأسف.

بالنسبه للي مايقدرون على الـ100 ريال كل فصل دراسي بكل بساطه الوزاره تتكفل فيهم .. و اعرف ناس شغالين بالوزاره أكدولي انه الموضوع بسيط جدا ومجرد تقديم طلب مع كم اجراء روتيني والوزاره بتتكفل فيك يعني ماهي مشكله كبيره.

لو مافهمت قصدي بأعطيك مثال بسيط...

الأحوار المدنيه .. اتوقعها كلنا راجعها على الأقل مره واحده وشاف سوء التنظيف-الموظفين نفسهم بخشموهم-محد يسمع لك اذا اشتكيت-تأخير وتأخير وتأخير-الموظف يطلع قبل نهاية الدوام ويلطع المراجعين لبكره...الخ

طيب تخيل لو وزارة الداخليه سلمت الاحوال لمقاول يتكفل بالموضوع .. ودخلتك لمبنى الأحوال تكلفك 50 ريال مقابل : عدد اكبر من الموضفين المدربين+كاميرات حديثه+فروع منتشره بالمدينه+الكل يعاملك بإحترام...الخ ... هل راح تقول لا ماراح ادفعها مفروض الوزاره تتكفل فيها ؟؟ وكلنا عارفين انك لو مادفعتها الحال بيبقى مثل ماهو عليه وماراح يتغير لألف سنه قدام !!

 

[mohamed]

الافعال الشاذه موجوده في كم لغه انا مطلع عليها , و صراحه ماهي بالشي المعقد و الصعب.. هي اصلاً قليله , احفظها و انتهى الموضوع

طيب ليش ما علقت على الspelling ؟ صعبة حتى على الأمريكان والبريطانيين أنفسهم .