يبدو أن لعبة The Evil Within 2 قد تسربت قبل موعدها!

[Anaxïmandrøs]

حسب موقع ريديت يبدو أنه هناك نسخ اكس بوكس ون مسربة للعبة المنتظرة وتأكيدا لذلك هناك صورة لخلفية الغلاف ..

 

[sol-bad]

فعلا تسربت

 

[IRAQI_PS4]

The only way out is in :emoji_money_mouth:

 

[شيطون]

مافي احد بيسرب الموضوع الرسمي قبل موعده
مثل ماللعبة تسربت قبل موعدها ؟؟؟

 

[Solay]

مافي احد بيسرب الموضوع الرسمي قبل موعده
مثل ماللعبة تسربت قبل موعدها ؟؟؟

انا ابي التقاييم تتسرب. ثقتي بالفريق مهزوزة من بعد الأول.

 

[شيطون]

انا ابي التقاييم تتسرب. ثقتي بالفريق مهزوزة من بعد الأول.

اما ماعجبك ؟؟

 

[FANTASTIC DREAM]

مافي احد بيسرب الموضوع الرسمي قبل موعده
مثل ماللعبة تسربت قبل موعدها ؟؟؟

الموضوع الرسمي قريب جداً.

 

[Kaido III]

ياليت توصلنا ذا الويكند ..

انا ابي التقاييم تتسرب. ثقتي بالفريق مهزوزة من بعد الأول.

التقاييم بعد صدور اللعبة سياسة بثيسدا :/

الموضوع الرسمي قريب جداً.

نايس جدا متحمس @@

 

[NIGHTMARE HUNTER]

تسربت عنا في الأردن

 

[HeNNeSSy]

اللعبة تسربت من أمس واخذتها واصل الشابتر الثالث

 

[game for new]

اللعبة تسربت من أمس واخذتها واصل الشابتر الثالث

اكيد من التريكي مافي غيره هههه بس عندي سؤال بسيط بمستوى الجزء الاول او لا ؟

 

[HeNNeSSy]

اكيد من التريكي مافي غيره هههه بس عندي سؤال بسيط بمستوى الجزء الاول او لا ؟

هههههههه بالضبط عندك ايس جيم بعد سربها اليوم بس التريكي قبل .. حاليا إلى الحين اشوفها أفضل بكثير من الجزء الأول باين أن فريق التطوير تعلم من أخطائة وصح اللعبة فيها صعوبه تحتاج لتكتيك

 

[Solay]

اما ماعجبك ؟؟

ابدا وللأمانه المراجعين اعطوها حقها عشان كذا معتمد عليهم.

 

[شيطون]

تسربت عنا في الأردن

لا تنسى تشاركنا بانطباعك ولكن الاهم
لا تنسى شحن الجوال XD

 

[m7tram]

محد حصلها بالكويت؟ مع ان ودي انطر نسخة البي سي بس متحمس العبها اذا تسربت هاليومين.

 

[NIGHTMARE HUNTER]

لا تنسى تشاركنا بانطباعك ولكن الاهم
لا تنسى شحن الجوال XD

أنا و lordkaido نتشارك في اللعبة بس هو بيلعبها أول
+الصورة من عنده مش من عندي :emoji_yum:

 

[The Praiseworthy]

ياريت توصل الكويت هالويك ايند و لا يسوون حركاتهم السخيفة و يخلونا ننتظر للأحد أو الاثنين القادم.

 

[adel 10]

سؤال ي اخوان
كم درجو وضوح اللعبه وكم الفريم ريت حقها وهل فيه اخبار عن نسخة البرو؟
لاني قريب اشتريت البرو واتمنى اجرب اللعبه ع افضل شي ممكن ^_^

 

[HeNNeSSy]

نحتاج لموضوع رسمي ابي اكتب انطباعي عنها :emoji_grimacing:

 

[AliAlwazzan]

تكفوا قولوا انها متوفره في الشرقيه :emoji_pensive:

 

[m7tram]

ياريت توصل الكويت هالويك ايند و لا يسوون حركاتهم السخيفة و يخلونا ننتظر للأحد أو الاثنين القادم.

كلمتهم وكلهم قالوا بكرا.

 

[HeNNeSSy]

بكتب انطباعي بشكل سريع إلى أن يفتح الموضوع الرسمي لها..
في البداية اللعبة تخيرك بثلاث مستويات للصعوبه وهم casual و survival و nightmare اخترت صعوبة السرفايل كأول وولكثرو لي . بعد ماتختار مستوى الصعوبه اللعبة تقدم لك نظام جديد ماذكر أن شفته في الجزء الأول وهو aim assist يعمل lock على العدو بطريقة اوتامتيكيه ليسهل عليك قتله والصراحة انا عملت disabled حسيت أنها تقتل متعة وصعوبة اللعبة. على العموم الشابتر الأول قصير بكل معنى الكلمة مدته خمس دقايق يمكن يعني اول ماتبدا باللعبة تطلع لك الشاشة شابتر 1 تركض شوية وتفتح باب أو ثلاث ماتشوف إلا مره وحده شابتر 2 انصدمت ليش سموه شابتر من الأساس. الشابتر الثاني وهوه الشابتر اللي انعرض فيديو قبل فترة مدته 30 دقيقة وهوه الديمو على ماعتقد في المدينة اتوقع المعظم شاف الفيديو . أجواء المدينه رهيبة ذكرتني في سايلنت هيل داون بور ما راح اتعمق في اتموسفير اللعبة لانها شي خيال . بالنسبة للجيم بلاي اصبح سلس والفضل يعود للكاميرا ابدا ماحسيت أنها ضايقتني اثناء مواجهة الوحوش اغلب الوقت كنت اقتلهم عن طريق الستيلث بسبب شح الذخيرة. عداد الطاقة اذا نقص وصار باللون الأحمر بمجرد انك تختبئ في مكان راح يرجع لللون الأخضر مو بشكل تقريبا ثلاثة أرباع من الطاقة هذا النظام اسمه اوتامتيك هيلنغ اتوقع في نايتمير مود مو موجود. خريطة اللعبة مو كبيرة لانها مو لعبة open world نقدر نقول عنها semi open world فيها كميه من الاستكشاف بشكل معقول طبعا تقدر انك تلعب المهمة الرئيسية أو الفرعيه راح تطلع لك باللون الأزرق على الخريطة . التغيير اللي صار في طريقة حفظ اللعبة في الجزء الأول تدخل في المراة وترجع للزنزانة وهناك تقدر تحفظ وتطور الأسلحة والخ ، في هذا الجزء تغير بتشوف على الخريطة منزل مكتوب عليه safe house وهناك راح تلاقي صندوق الكتروني تقدر تحفظ اللعبة فيها بالاضافة الى طاولة تقدر تعمل كرافتنق للأدوات و تطوير الأسلحة ، اضافوا شي جديد وهو آلة الكوفي (القهوة) مجرد انك تشرب القهوة طاقتك راح ترجع مثل قبل . الشيء الوحيد اللي احبطني أن مافي أي موسيقى في safe house مادري هل يمكن في الشابتر القادمة أو لا الله أعلم . اللعبة رهيبة ومناطقها أحلى بكثير من الجزء الأول وقفزة كبيرة للفريق تعلموا من أخطائهم ارفع لهم القبعة.

 

[FANTASTIC DREAM]

نحتاج لموضوع رسمي ابي اكتب انطباعي عنها :emoji_grimacing:

الموضوع شارفت على إنتهاءه.
إذا ردتني مشكلة عنه، لربما بيكون بالكثير بكرة جاهز، لكن توقعوه الليلة غالبا.

يا ليتك إنتظرت شوي قبل ما تكتب إنطباعك

 

[HeNNeSSy]

بعض من screenshot على السريع :emoji_grimacing:

محتوى مخفي

.

 

[HeNNeSSy]

الموضوع شارفت على إنتهاءه.
إذا ردتني مشكلة عنه، لربما بيكون بالكثير بكرة جاهز، لكن توقعوه الليلة غالبا.

يا ليتك إنتظرت شوي قبل ما تكتب إنطباعك

في انطباع ثاني ان شاءالله هههه

 

[fatal framer]

ياريت توصل الكويت هالويك ايند و لا يسوون حركاتهم السخيفة و يخلونا ننتظر للأحد أو الاثنين القادم.

مو موجودة عند المركز الكويتي ؟
العادة تلقاها عنده نسخ محدودة يمكن يكون سعرها ٣٠ دينار او اكثر

 

[Sir Guts]

امس لقيتها فالبحرين سعرها 220

 

[fatal framer]

@Sir Guts
انصب من هالسعر ماشفت كل هذا علشان متسربة
يعنى حتى عندنا بالكويت اغلى شي لو كانت متسربة قبل اسبوعين مثلا ٥٠ او ٦٠ دينار
١٧٦ دينار رقم خيالي لنسخة عادية من اللعبة
لو اهي نسخة خاصة مثلا اوكي ما استغرب

 

[The Praiseworthy]

كلمتهم وكلهم قالوا بكرا.

صراحة ما أثق فيهم... جم مرة من قبل يقولون ( بكرا ) و بعدين و لا شي :/

 

[AliAlwazzan]

متوفره وشريتها في الشرقيه