ياأخي احترت ! نقاطعهم ولا لا ( مطاعم الوجبات السريعة )

[The Heartless]

أعتقد هالموضوع اثير أكثر من مليون مره , المطاعم مثل كنتاكي وهارديز وماكدونالدز وغيرها من المطاعم الغربية المنتشرة في عالمنا العربي كل فتره وفتره يطلع لنا كلام ونقوم نقاطعها وبعدين في النهاية أرجع لها مره ثانيه .

مره يقولون إن لحمه مو مضمون إنه حلال , ومره قاطعناهم علشان دعم أمريكا لإسرائيل , الحين يقولون إن هالمطاعم واقفه مع الدنمارك في قضية سبها للرسول -صلى الله عليه وسلم - .

أنا مو ميت عالمطاعم هذي لكن بين فتره والثانيه أحب آكل من عندهم خاصة وقت الوهقات ( الحين عندي الساعة 3 الفجر وميت جوع , جيت أبي أطلب أخوي كلمني عن موضوع الدنمارك ) .

أنا الي مستاء منه إنه مافي شي أكيد كله يقولون ويقولون :what:


وعذراً عالإزعاج الجوع ومايسوي

 

[Khalid-S]

لول الموضوع هذا معقد....

انا رايي مختلف شوي. الي مو عاجبه رايي بكيفه.

عشان تبين غضبك لقضية انا مع المقاطعة. تأثر واثرت في اقتصاد الدينمارك والحمدلله. وصلت للحكومه رسالة ان سوقكم نقدر نأثر عليه احنا الي بالمنطقة. واكيد بياخذون بالهم من اي تكرار ممكن يحدث.

لكن المقاطعة مو حل ابداَ بالنهاية. الحل هو تحرك الحكومات ونشوف اكثر من مناظرة (مفيدة جداَ) مع الدينماركيين. يعني استمرارها الطويل بصراحة ابدا ما اشوف له ذيك الفايده. كان جداَ مفيد في وقتها وتم ايصال الرسالة. اما الحين ما راح يأثر.

اما مقاطعة منتج امريكي. لول امريكا تورد لجميع العالم. تورد جميع انواع المنتجات مهما كان نوعها. امريكا سياستها اتجاه اسرائيل واضحة ومافي اي غبار يغطيها. هذا الكلام من سنين طويلة جدا جدا. اذا الكل قاطعها صدقني لول ما بتحصل بديل. يمكن تحصل بديل اكل وشرب والكل قاطع في سنة من السنين. لكن ايش صار الحين؟ تغير الوضع؟ ... لول العلاقات والمشاكل بيننا المقاطعة ما تأثر فيها ابداَ. ولو اثرت جدياَ كان بتشوف تحرك منهم على الاقل.

عشان كذا انا شايل من راسي شي اسمه مقاطعة. كل الي تبي واشرب الي تبي. 1) المقاطعة مالها اي تأثير على المدى البعيد ولا اشوف لها فائدة الا اننا رسل رسالة وفعلنا. 2) منتجاتنا المحلية والعربية مو بالمستوى صراحة، اقدر اصبر لفترة معينة واقاطعها. اما لفترة طويلة وخصوصاَ ان مافي تأثير كبير، ليش استمر؟ لول حكوماتنا لها علاقة بامريكا وبعض الحكومات العربية باسرائيل... وما حلوا شي من سنين الدنيا.. اوقف عن همبرجر او بيبسي بيحل المسئلة مثلا.. الرصاص الاسرائيلي وقف على البيبسي الي يوصل عندنا؟..


اما "المطاعم هذي واقفه مع الدنمارك" لول مين قاله.. في PR رسمي وواضح ولا كلام شباب متحمسين او شباب يحبون ينشرون اشاعات؟

 

[Nintendo]

هو بحسب مكان حصولك على المعلومه جاسم ..

اذا مثلا ودك تقاطع فاعتقد المفروض تقاطع الشئ الاكيد .. مثلا المنتجات الدنماركيه لتوضيح وجهة نظرنا في المساله .. اما مقاطعة البضائع الامريكيه لدعمها لاسرائيل مثلا فاعتقد انها مش منطقيه شوي لانه فيه بضائع امريكيه مالها علاقة باسرائيل لا من قريب ولا من بعيد .. ماودي افتي ولكن ممكن اذا فيه غرض معين انت متاكد من انه تابع لمؤسسات صهيونيه فتقدر تقاطعه اما مقاطعة كل شئ بسياسة هذا دعم لاسرائيل فماشوفها منطقيه ..

شخصيا ماصدق سالفة انه بعض المنتجات عندنا فيها معدلات من لحم الخنزير او زيوته او شئ .. فيه وزارة الصحه وهي مسؤله عن هاذي الامور والمفروض اي شئ يوصل عندنا يكون مكشوف من طرفهم واذا طلع فيه شئ لاسمح الله فهم يتحملوا المسؤليه ..

على فكره قبل فتره طلع خبر تأكيد ( وللاسف الخبر طلع بوكالة الاخبار السعوديه بموقعها الرسمي !! ) انه الكولا رسميا اكتشفوا فيها مواد مستخرجه من الخنزير ومع ذلك يتم بيعها بشكل عادي .. اخوي سأل امام المسجد والامام رد عليه بانه طالما هي تباع يعني تم الكشف عليها والخبر ماله اي اساس من الصحه ..

 

[Double T]

الصراحة انا ما عدت اصدق هذا الكلام الي ينقال .. المحلات الفلانية تدعم و المحلات الفلانية تتبرع .. لووول صراحة منا اغبياء للذي الدرجة حتى يستخف بينا كل ما طلعت مشكلة ..

اكاد اجزم ان اكثر المتضررين للمقاطعة هم اصحاب الوكالات ( المسلمين ) الي نقاطعها

 

[persona]

بعضهم تاخذه الحماسه ويدبس كل شي فيه ريحه خواجه تحت عنوان "المؤامره والمكيدة ضد

المسلمين"

أتذكر سالفه أمريكانا قالوا قاطعوها لإنها منتج أمريكي ..وهي بالأساس شركه تابعه للخرافي..

 

[Zero]

تبغى الصراحة ؟ نصيحتي: أترك هذه المطاعم كليا حتى وإن كان لحمهم مضمون وحلال لأن أكلهم مو صحي وما منه فايدة أبدا ( جنك فود )، وإذا تبغى تاكل فما اعتقد مطاعم أهل البلد قليلة وفوق كل هذا متنوعة ( مشويات ، معجنات ، أرز .. إلخ ) .

عن نفسي ما عمري أكلت ولا راح آكل ولا أتخيل نفسي آكل من هالأماكن ، أما سالفة دعم وما دعم لا تعور راسك فيها .

 

[Colorization]

أمس أكلت هارديز
قبل أمس أكلت كنتاكي
اللي قبله أكلت بيتزا هت

إكل اللي يحبه قلبك :nerd: خالد وعمر ما قصروا وقالوا وجهة نظري في هذا الموضوع. كلام الناس ما يخلص، صدقني هذي مثل سالفة البوكيمون بالضبط.

 

[Mario2]

فعلا لو انت شفت جانبهم السيئ اللي يطغى على الايجابيات راح تتركهم بدون سالفة مقاطعه او لا .. هو اصلا سالفة المقاطعه ما تنفع هنا الناس يتحمسون اسبوع وتشوفهم يعوضون بالدرازن الا من رحم ربي .. ولا سالفة البوكيمون لووووووووووووووووول .. هذي بروحها نكته ..

 

[عاشق 360]

ماهتم حق هالاشياء ( مقاطعه وغيره )

مو معقوله مطعم بيوقف في ويه المسلمين وبيساعد الكفار ومادري شنو من هالخرابيط ....

شخصيا ( يوم بالاسبوع فقط اكل من المطاعم السريعه الي هو يوم اجازتي الجمعه )

 

[Uchiha Basem]

أعتقد هالموضوع اثير أكثر من مليون مره , المطاعم مثل كنتاكي وهارديز وماكدونالدز وغيرها من المطاعم الغربية المنتشرة في عالمنا العربي كل فتره وفتره يطلع لنا كلام ونقوم نقاطعها وبعدين في النهاية أرجع لها مره ثانيه .

مره يقولون إن لحمه مو مضمون إنه حلال , ومره قاطعناهم علشان دعم أمريكا لإسرائيل , الحين يقولون إن هالمطاعم واقفه مع الدنمارك في قضية سبها للرسول -صلى الله عليه وسلم - .

أنا مو ميت عالمطاعم هذي لكن بين فتره والثانيه أحب آكل من عندهم خاصة وقت الوهقات ( الحين عندي الساعة 3 الفجر وميت جوع , جيت أبي أطلب أخوي كلمني عن موضوع الدنمارك ) .

أنا الي مستاء منه إنه مافي شي أكيد كله يقولون ويقولون :what:


وعذراً عالإزعاج الجوع ومايسوي

أنا ما رح خوص بقضية المقاطعة لأنها شائكة وبالعادة المفروض تسأل العلماء عنها ولكن حبيت أعلق بالتالي
^
مالك غير فروج فقيه المشوي أحسن وأطيب محل وجبات سريعة شفته بحياتي:rockon:

 

[Lunar Poet]

الحمد لله ما آكل من هالمطاعم أصلاً (ما عدا مطاعم البيتزا، أمس متعشي من ليتل سيزرس 3>)

لها بدايل أصلاً؛ هرفي، الطازج .. الخ.

 

[Dr MaD]

كلام الناس ما يخلص، صدقني هذي مثل سالفة البوكيمون بالضبط.

فتحت علي المواجع :crying: .. عمري ما راح أسامح كل واحد حاربها :crying:

مع احترامي للمطاعم السعودية .. نموذج يتجلى لطمع التاجر فيما يحتويه جيب المواطن المسكين !

الطازج كان "الكتكوت" المشوي حقه بـ 10 ريال .. صار بين يوم وليلة 19 ريال :rockon:
كودو كان بـ 14 ريال وجبة كودو دجاج .. صار بين يوم وليلة بـ 17 ريال :rockon:
ماك كان بـ 14 ريال .. ومازال 14 !!!

ما اتوقع انه الطازج يستورد الكتاكيت او الفحم نووي من ايران .. او ان كودو له علاقة بانخفاض سقف انتاج اوبك العالمي للنفط !

وبالنسبة لكلام الناس كثير جدا .. كوكاكولا تحارب المسلمين بأنها تقلب لامحمد ولا مكة .. وجيان تحارب الحجاب بشعارها وانه دعوة لنزع الحجاب :w00t:
هذي شركات تجارية بحتة ماعليها من انه السلام حل في الشرق الاوسط .. ووكلائها هنا مسلمين يتضررون من مقاطعتنا لهم بلا معنى
ماعدا في حالة وحده :

عشان تبين غضبك لقضية انا مع المقاطعة. تأثر واثرت في اقتصاد الدينمارك والحمدلله. وصلت للحكومه رسالة ان سوقكم نقدر نأثر عليه احنا الي بالمنطقة. واكيد بياخذون بالهم من اي تكرار ممكن يحدث.

 

[The Doctor]

أتفق كلياً مع خالد و عمر

مالك غير فروج فقيه المشوي أحسن وأطيب محل وجبات سريعة شفته بحياتي:rockon:

لكن... صار له داونجريد أليم في السنين الأخيرة

 

[Upperleft]

شفنا سوالف و خرابيط عنهم.. ما يسوى p:
كل ما يستوي شيء ما عندهم غير كنتاكي و ماكدونلدز XD

كلام الناس ما يخلص، صدقني هذي مثل سالفة البوكيمون بالضبط.

لا تذكرني

 

[CrAzy DudE 777]

OMG

أذكر أيام البوكيمون و الأشاعات للأسف كنت متخلف و ذبيت كل الكروت ( كنت في وقتها 9 أو 8 سنين )

 

[mohamed]

كلام الناس ما يخلص، صدقني هذي مثل سالفة البوكيمون بالضبط.

أذكر كان عندي تقريباً كل البوكيمونات (أذكر كان ينقصني آش بس) , كان عندي أكبر كولكشن بالمدرسة كلها , وبالنهاية يجيني المدرس ويأخذها مني كلها ,,القهر إني كنت أشتري 2 بوكيمون بريال من واحد من العيال الكبار اللي يرسبون.

كانوا يقولون : إذا مخشت ورقة بيكاتشو مع الخلف بتحصل جملة مفادها (أنا أهزم الله ورسوله) , أنا حكيت الورقة مع كل الجهات وما حصلت شي XD , خلوني أخسر ورقة بيكاتشو وبس -____- , لحسن حظي كان عندي بيكاتشو ثاني احتياطي.

اللي أعرفه أن ننتندو اعتذرت رسمياً للحكومة السعودية لهالشيء , صدق الكلام ذا يا شباب؟

 

[BioMario]

بالنسبة لي أشوف إذا قاطعنا شيء وفي له بدين أعتقد اننا مارح نموت ..
بعدين فعلاً مقاطعة أمريكا لدعمها لإسرائيل فعلاً شيء غير منطقي ..

مثلاً الدنمارك لو نقطع منتجاتها أتوقع رح يأثر عليها بشكل سلبي لأنها بكل بساطعة رح تخسر المليارات ..
و الدول العربية الحمد لله القوة الشرائية من ناحية الأغذية قوية جداً فأكيد الشيء هذا خطر بالنسبة لهم ..
لكن سالفة أننا نقطع أمريكا إلى الأن موب داخلة مخي ابداً ..
وكلام خالد و عمر ممتاز

وصدقني ياخوي أن مطاعم الوجبات السريعة مامنها اي خير ..
أول كنت مدمن لكن حالياً خلاص ما أقرب صوبها و الحمد لله مرتاح وايد

 

[Mista Koo]

إذا ودك تقاطع.. قاطع اليهودي (والدينماركي)

 

[Hardcore Gamer]

المشكلة انك بعض احيان تكون مضطر تاكل منها ... وتصير اكلك الرئيسي ...
~_~
للاسف هذا الشي صار فيني ... وتطورت معي الحالة اني صرت مدمن للببسي مع الاكل ((لازم سوبر سايز بعض احيان اسوي له ري فل ))

 

[Double T]

المشكلة انك بعض احيان تكون مضطر تاكل منها ... وتصير اكلك الرئيسي ...
~_~
للاسف هذا الشي صار فيني ... وتطورت معي الحالة اني صرت مدمن للببسي مع الاكل ((لازم سوبر سايز بعض احيان اسوي له ري فل ))

مشكلة العزوبي ما يقدر يتشرط .. 4 شهور كل ترم ايش تاكل فيها غدا عشا .. لازم تمر على كل المطاعم في اسبوع و ترجع تعيد اللفة في الأسبوع الي بعده خخخخخخخخخخخخ

لووول في تشيليز ( او اي مطعم يسوي ري فل ) يا اني ابهذل الويتر رايح جاي يعبي بيبسي

 

[Hardcore Gamer]

مشكلة العزوبي ما يقدر يتشرط .. 4 شهور كل ترم ايش تاكل فيها غدا عشا .. لازم تمر على كل المطاعم في اسبوع و ترجع تعيد اللفة في الأسبوع الي بعده خخخخخخخخخخخخ

لووول في تشيليز ( او اي مطعم يسوي ري فل ) يا اني ابهذل الويتر رايح جاي يعبي بيبسي

غالبا وجبه وحده تكون بكيفي... اما الثانيه تكون متاخر ومافي غير ماكدونالدز اللي فاتح ~_~
والله مافي زي اكل البيت ... الله يالدنيا... كنت اتبطر على اكل البيت واكل من برى.. والله اني كنت غبي ~_~

بالنسبه لتشيليز والطقه ... كل اللي معي من عشاق الببسي لول ..فغالبا يجيبون لنا جك ويحطوه عالطواله وحنا نتفاهم مع الجك لانه بيقعد طول الوقت واقف يعبي

 

[Uchiha Basem]

صحيح أن لي سنين مسافر و مارحت فروج الطازج من وقتها بس شو ما صار أكيد فروج الطازج أفضل من الماكدونالدز والكنتاكي اللي بيستخدموا أسوء أنواع اللحم جودة

إذا ودك تقاطع.. قاطع اليهودي (والدينماركي)

بالنسبة لي هذا اللي مسويه حاليا + مقاطعة الشركات الأمريكية اللي بتتبرع لإسرائيل مثل ستاربكس أو الشركات اللي بتستثمر منشئات صناعية في إسرائيل لتوريد منتجاتها للشرق الأوسط مثل شركة intell

على فكرة أخوي heartless لو بدك الخبر اليقين و تبعد عن كلام الناس ، سوي بحث بالجوجل boyocott israel بتلاقي كثير مواقع بتستخدم مصادر موثوقة كالصحف الأمريكية مثلا للتدليل على قيام الشركة المعنية بالتبرع لإسرائيل و رح تتفاجأ أن هذه الشركات قليلة

 

[NSider]

اللي أعرفه أن ننتندو اعتذرت رسمياً للحكومة السعودية لهالشيء , صدق الكلام ذا يا شباب؟

ههههه لا بالعكس.. السفارة اليابانية بالرياض طلعت بيان رسمي تكذب فيه كل هذي الإشاعات وتشرح ترجمة أسامي البوكيمونات (اللي المفروض أن أساميها يهودية) بالتفصيل الممل.

 

[Humam]

صحيح أن لي سنين مسافر و مارحت فروج الطازج من وقتها بس شو ما صار أكيد فروج الطازج أفضل من الماكدونالدز والكنتاكي اللي بيستخدموا أسوء أنواع اللحم جودة

هههههههههههه.. فروج الطازج يملكه رجل الأعمال المكاوي عبد الرحمن فقيه, صاحب مزارع فقيه للدواجن, و حقيقة معروفة إن دجاج فقيه أسوأ أنواع الدجاج الموجود في السوق, ولو أخذت لفة على مزارعه وفقاساته على طريق الكر راح تكتشف إنه يحقن الدجاج بكميات مهولة من الهرمونات لتسمينه على الفاضي.

عمما ماكدونالز السعودية ( الخليج بشكل عام ) معايير الجودة فيه عالية و أفضل من الموجودة في أمريكا, أقلها إن الوجبة الي تطلبها تشبه الي تجيك في الصورة بنسبة 90 % على الأقل, لكن أمريكا لول.

هارديز ممتاز و أكله تحسه نظيف.. لكن كنتاكي السعودية.. أسوأ مطعم فاست فود بلا منازع.. مدري ليش مع ان الاثنين تابعين لنفس الوكيل ونفس الموردين تقريبا.

 

[Hardcore Gamer]

فيه كمان برجر كنج ... ما ادري لكن احسه دايم محافظ على نفس المستوى .. وما يتغير

 

[Koshiro]

بالله لين هالحين فيه ناس يفكرون بهالخرابيط؟ وش الي مقاطعة مامقاطعة اقول كل الي تبيه وماعليك

 

[Double T]

غالبا وجبه وحده تكون بكيفي... اما الثانيه تكون متاخر ومافي غير ماكدونالدز اللي فاتح ~_~
والله مافي زي اكل البيت ... الله يالدنيا... كنت اتبطر على اكل البيت واكل من برى.. والله اني كنت غبي ~_~

بالنسبه لتشيليز والطقه ... كل اللي معي من عشاق الببسي لول ..فغالبا يجيبون لنا جك ويحطوه عالطواله وحنا نتفاهم مع الجك لانه بيقعد طول الوقت واقف يعبي

اي والله اتذكر زمان كيف كنت ما احب اكل البيت لكن الواحد ما يحس بنعمة الشي الا اذا فقده

اما حركة الجك يبغالي اسويها بس الي معاه ما يشربون لوووووووووووول

عمما ماكدونالز السعودية ( الخليج بشكل عام ) معايير الجودة فيه عالية و أفضل من الموجودة في أمريكا, أقلها إن الوجبة الي تطلبها تشبه الي تجيك في الصورة بنسبة 90 % على الأقل, لكن أمريكا لول.

والله يا همام الكلام هذا زمان .. اخر فترة ماكدونلدز صار الوجبات فيه سيئة ( الله يكرم النعمة ) و ابدا ماهو بالمستوى الي كنا نعرف بيه وجباته ... يا العيش محروق و الا اللحمة باردة ... يمكن الفروع الي تاكل منها ما زالت جيدة .. اما عندنا :yuck::

فيه كمان برجر كنج ... ما ادري لكن احسه دايم محافظ على نفس المستوى .. وما يتغير

برجر كنج المطعم الي من زمان و هو محافظ على نكهة اكله و جودتها .. احب اكل من دائما ( هو الي يفك عليه الأزمات )

 

[Saadawii]

يا أما يكون الخبر أكيد مو مجرد إشاعة، والا ما أقاطع، باستثناء الأشياء اللي عندي قناعة خاصة بمقاطعتها قدر الإمكان، والدنمارك طبعاً.

أتذكر قبل كم سنة قالوا ان علوك ريجليز فيها دهن خنزير، فحصوها في مختبر الشميسي وعرضوا الخبر بجريدة الرياض، لا خنزير ولا جح (ولا بطيخ)

بالنسبة للبوكيمون أنا أتذكر انه كان فيه بيان من ننتندو. واللي وضحوا مسألة البوكيمون هنا ومعانيها كانوا دكاترة اثنين من جامعة الملك سعود للغة اليابانية.

شكلي بطلع برجر كنج بعد شوي، الجرايد عندهم وقلة الزحمة إغراء+المعاملة الحلوة، مصادقهم.

تعديل:

تصدق ملاحظها من زمان دبل تي؟ ماك البرجر عنده حووووووسه، تقول مسويته لك مرة أبوك. من جد سخافة. ودايما بارد لأنهم ما يجهزونة عند الطلب، بس أنا أتحايل على الأمر، أقول لهم بدون بصل عشان يضطرون يسوون برجر جديدة، ما تكون برودتها صاقعة على الأقل.

 

[Nintendo]

همام انت متاكد من تجربت ماكدونالدز خارج المملكه ؟؟؟ تراها افضل من حقنا مليون مره .. ماكدونالدز عندنا زباله مقارنة بالخارج ..

 

[Koshiro]

همام انت متاكد من تجربت ماكدونالدز خارج المملكه ؟؟؟ تراها افضل من حقنا مليون مره .. ماكدونالدز عندنا زباله مقارنة بالخارج ..

امممم عمر مدري بس انا اتفق مع همام ماك السعودية كجودة برايي الخاص افضل من كثير من الدول في الخارج ممكن بسبب اختلاف ماك بين الرياض وجدة مدري بس اشوف ماك عندنا جدا جدا ممتاز خصوصا الساندويتشات حقتهم البطاطس مضروب عندنا بقوة كنها بلاستك