وصلوا الشرقية ..

[Torpedo]

اليوم كنت رايح الدمام اخلص بعض اوراقي المدرسية و اصدق شهاداتي من وزارة الخارجية ..
المهم ، أول ما دخلت الدمام أشوف ناس كثاااااار كثاااااااااااااااااااااار كثاااااااااااااااااااااااار واقفين و يطالعون في مسجد ..

طبعاً مليون علامة استفهام فوق راسي ،،، ايش فيهم هذولا ؟ الصلاة باقي عليها ساعتين و نص ، و ما في اي سبب مقنع يخليهم يطالعون في المسجد بهذه الطريقة ..
شوي و اشوف الشرطة مقفلين كل الشوارع .. .. و ما كان في شي .
قلت يمكن في أمير أو شخص مهم جا الدمام ..و الكل يبي يشوفه ..

اوكي .. رحت خلصت اوراقي .. و رجعت على نفس الشارع الساعة 1.30 ،، لسة الزحمة موجودة .. مشينا شوي .. شفنا شرطي من بعيد يقول لنا نروح بعيد ..
قلنا له ليش ؟ إلا يطلع لنا المسدس ( >.> ) و يقول ارهابيين .. ..
خخخ الشعب حقنا والله فلة .. ارهابيين .. و البشر واقفة فوق سياراتها و تطالع فيهم -_- خخخ

المهم .. الي صار ذا كله على الكورنيش .. كانوا الارهابين مختبئين قرب مسجد صغير ..
اصوات الرشاشات و البندقيات كان عالي مرة ،، و كل شوي يتقرب .. حتى دخلت قوات الامن الخاصة و الشرطة.. إلى الحين ما ادري ايش صار ، هل انتهى الامر او لسة ،،

من مصادر قدرت أحصل على شوية معلومات ، امس كان في انفجار في الدمام ، ماتوا فيه الظاهر ستة أشخاص ..
اليوم الارهابيين كانوا 7 ، لكن الشرطة قتلوا اثنين منهم .. و ايضاً اثنين من المواطنين أو اكثر انقتلوا بينما كانوا ( يتفرجوا ) على الي يصير ..




لا حول و لا قوة إلا بالله ، إنا لله و إنا إليه راجعون ..

 

[Double T]

الكلام اللي سمعته من الأخبار الي هو مقتل 2 من الإرهابيين و رجل من الشرطة و اصابة اخر

والعمليه لسه ما خلصت ( الساعة 3:23 العصر ) و القوات قاعده تستتعد للإقتحام .... و ما ذكرت القناة عن مقتل المدنيين

المعلومات كلها من قناة العربية

و ادعو من داخل قلبي انه تنتهي هذي العملية بدون اي قتلا في صفوف القوات و ان يقتلو كل الإراهبيين

تحياتي

 

[Torpedo]

ما عليك من كلام الاعلام .. أفي قتلى من المواطنين ..
+ امس الانفجار حصل على مرأى من احد الاشخاص الي اعرفهم ..

 

[Humam]

أنا أنتظر بيان وزراة الداخلية الرسمي بيبان فيه كل شي .. اليوم قرأت الجرائد مافي خبر عن أي انفجار سوى مقتل اثنين من الإرهابيين .. الله يكون في عون جنودنا الأبطال.. ويعجل بنهاية كل أفراد هذي الطغمة الفاسدة..

 

[szero]

لا حول ولا قوة الا بالله

 

[Koshiro]

من امس واحد في الدمام يقول لي انه فيه انفجار صاير ..

 

[G7Ga7]

لا حول ولا قوّة الا بالله ..

الله يرحم اموات المسلمين .. وعن الاشخاص الي توفّوا وهم يتفرّجون .. يالله ياكريم اقبلهم شهداء يا رب ..

وحسبنا الله ونعم الوكيل !!

والله افرفر القنوات الاخباريّة .. ما حصّلت لا تغطية ولا شي ؟؟ وش السبب !!

EDIT*
الحمد لله عالسلامة توربيدو ...

 

[Mr.Trouble]

ما خلصوا هالإرهابيين ؟؟؟

لا حول ولا قوة الا بالله

 

[Pichi]

تم اغلاق القنصلية الامريكية بالشرقية مؤقتاً ولعدة ايام , كان الله بعونك توربيدو لازم الحين تروح للرياض تخلص أوراقك ~_~ ..والحمد لله اني امس و اليوم هونت اني اروح لدمام ولا كنت ناوي اروح هناك ..
ولا حول ولا قوّة الا بالله ..

 

[Naif]

لا حول و لا قوة الا بالله .. الله يكون في عونكم

 

[Pichi]

العلة متواجدين في حي المباركية ..
الحي هذا هادئ و حلو صراحة حرام .. يخترب ويندمر بسبب هذول الحمير (وشوي عليهم) ..
حالياً فيه تقريباً هيلوكوبترات , سمعت ان الطريق الكورنيش راح يتقفل بالكامل..

 

[Torpedo]

همام .. وزارة الداخلية راح تقول .. الامن مستتم و ما في أي موتى ،، و لا حتى صار في اي تبادل طلقات و كلام ما له داعي ..

--

من جد ، حي المباركية من أهدئ ضواحي الدمام ، لكن ايش نقدر نسوي .. الصراحة شي غبي من القوات انها تقتصر على المسدسات و الرشاشات ، و البيت صار له اكثر من 30 ساعة محاصر .. قنبلة غاز واحدة و خلاص ..

( أوف ،، >< لو حياتنا مثل كاونتر سترايك بس >< )

 

[Pichi]

الارهابي خش في بيت ؟!!

 

[Torpedo]

يوه .. صار له اكثر من 30 ساعة و هو العصابة محاصرين داخل البيت ..

 

[Koshiro]

يقولون ان فيه ارهابيين في حي الشاطئ؟ -_- صدق والا خرابيط؟ واحد بالماسنجر قايل لي..

 

[Torpedo]

وين هذا الحي ؟

 

[Az(e)z-N]

لووول اتذكر الكورنيش بالدمام..بدايه هالصيف كنت موجود بالدمام..الله يكون في عونكم,جربنا خطر الارهاب هالسنه بالكويت والحمد لله رد الوضع كما هو في مأمن عنهم..سبحان الله هذول فئة من الخوارج إلي ذكرهم الرسول صلى الله عليه وسلم وحذر من خطرهم ..شباب ما عرفوا حقيقه الحياه يدعون انهم مشايخ يكفرون ويفتون دون مرجع ولا رقيب...اللهم اهدي المسلمين اجمعين

 

[Koshiro]

ما ادري توربيدو لاتسالني واحد هو الي قايل لي×_×

 

[G7Ga7]

مرت اكثر من 48 ساعة بالحصار ......

والمداهمة قريبة ان شاء الله ..

ولا تنسوا اخوانكم الشهداء باذن الله من رجال الأمن الي ضحّوا بحياتهم في سبيل الدفاع عن أمن الوطن !

وأكرر اقول .. الحمد لله عالسلامة توربيدو ..

 

[Koshiro]

وش ذا ماقدروا يدخلون بيت ؟ وشذا يبوي ادخل عليهم واذبحهم واحد واحد وامش ماتحتاج شي

 

[Koshiro]

قتلوووووووووووووهم قتلوا كل المطلوبين الف مبروك
عملوها خلصوها في المرمى سجلوها :suspiciou

 

[G7Ga7]

الحمد لله ^ـــ^

 

[DONY]

يقولون ان فيه ارهابيين في حي الشاطئ؟ -_- صدق والا خرابيط؟ واحد بالماسنجر قايل لي..

هذا ... الحي اللي انا ساكن فيه .. بجدة .. ايش دخله بسالفة الارهاب اللي بالدمام

 

[Koshiro]

هذا ... الحي اللي انا ساكن فيه .. بجدة .. ايش دخله بسالفة الارهاب اللي بالدمام

انت كانك تسال
شارع التحلية بالرياض وش دخله بجدة؟
يعني تشابه الاسماء كثير دوني وتراني مدري واحد في الماسنجر هو الي قايل لي مدري ان كان يستهبل

 

[DONY]

​

​

سوري .. افتكرت ان اللي قصده زميلك انو الحي اللي بجدة

.. فهمت غلط

.​

 

[Koshiro]

لادوني شوف

وأشار إلى أن عدد الشقق المفروشة في منطقة حي الشاطئ في الدمام يزيد على 20 مبنى آخر

لوول دورت عنه في جوجل عشان ما اكون مخرف في اسم الحي الي قاله eeved:
http://www.daralhayat.com/arab_news...696b59-c0a8-10ed-0118-a7704bbede42/story.html
p:

 

[Torpedo]

الله يعين .. ان شاء الله ما يوصلون مجمع الراشد .. لسة ما اشتريت ماريو بيسبول و DOR 2 ; ;

 

[Pichi]

حي شاطئ قريب من حي المزروعية , تقريباً قريب من طريق الخبر الساحلي ..لكن مااتوقع انه في شئ حالياً ..
أعتقد وبحسب ماقريته الامن ودهم يحاصرون البيت أكثر حتى يطلعون الارهابيين بدون اي اقتحام او قتل ..
وحتى يستسلموا..

 

[Mada Mada Dane]

والله اقارب لي اخترقت رصاصه قزاز صالتهم !

هم ساكنين جنب احداث الارهابيين بالمباركيه , انا عموما عشت الحدث ^^

ماقصروا تصوير فيديو وارسال بالماسنجر خخخ

الحمدلله على سلامتهم بس وسلامه كل الي كانوا هناك

والله يرحم اموات المسلمين جميعا

 

[Black Box]

ودي أكون رجل أمن.. على الأقل يكون فيه شوية أكشن بحياتي eeved: