هوس التصوير

[Saudi Fighter]

السلام عليكم
رجعت من سفرة جميلة قبل يومين لكن العيب الوحيد فيها الي معي ماغير يصور كل لحظة ! حرفيا احس الناس تروح اماكن بس عشان التصوير ولا ماكانو تحركو على سبيل المثال رحنا احد المناطق الشعبية بمصر فيها الغروب جدا جميل لكن 90٪ من الناس الي جاين كلن ماسك جواله وكل واحد يصور الي معه متأكد أنه مادرو عن الغروب لكن فقط هوس انه يبغى يوري الناس أنه حياته كول ويحب الفله عن نفسي نادر اصور وأكره التصوير لكن افهم الي يحب لكن كل شي بحدود يعني مهوب معقولة القرف الحاصل بالعصر الحالي

 

[Solay]

خلونا ندعي بصوت واحد: الله يقلع سناب شات.

ياخي البرنامج هذا غير سلوك العالم وتحديدا الخليجيين بشكل مستفز جدا، كنت اتفهم اللي يستعمل انستاجرام وبشكل معقول بماانه الصور اللي بتحطها بتحتفظ فيها وترجع لها بعدين بس سالفة انك بس بتستعرض بيومك وخلاص ينمسح للأبد؟ بعضهم تحسه صار مجبور يعبي الستوري حقه بأي محتوى بس أهم شي انه ينزل ويحاول يصور اي شي حرفيا اي شي لدرجة كم واحد عندي صاروا يصورون الشاشة سوداء ويكتبون بيت شعر والا الحمدلله على كل شي ومن ذا الطقة.

 

[إبراهيم 906]

جميل جدا أجد أناس يشاركوني نفس الشعور فعلا الهوس بالتصوير تكلف بغيض جدا الناس صارت تهتم بسناب أكثر من حياته بالواقع
عن نفسي إذا شريت جوال أخر شيء افكر فيه الكميرا
ما أفرق بين كميرات الجوال فعليا وما أعرف ووش الزين من الشين
أهم شيء أقدر اصور المستندات والوثائق المهمة بس

 

[White Soul]

كلن ماسك جواله وكل واحد يصور الي معه متأكد أنه مادرو عن الغروب لكن فقط هوس انه يبغى يوري الناس أنه حياته كول ويحب الفله

ليش الشخصنة؟ ما أتوقع نيات الناس كذا. أنا شخصيا أحب التصوير في كثير من الأوقات أرجع لصوري القديمة وأسترجع الذكريات. الوالد الله يعطيه العافية كان يصورنا كثير واحنا صغار والنتيجة جزء كبير من طفولتي أقدر أرجع أشوفه وقت ما بغيت، شعور جدا جميل لو تسألني =)

التصوير جزء أساسي من سفراتي، التصوير مع المعالم المشهورة أو المناظر الطبيعية، هاذي الصور هي وسيلتك لاسترجاع ذكريات سفراتي. أحب أشوف سطح المكتب حقي مليان بألابيم صور لكل مدينة زرتها وأشوف عدد الصور الي صورتها في كل مدينة وأقارن بينهم. لندن المركز الأول بالمناسبة

بالنسبة لي شخصيا، أهم شيء في الصور إنك تحط ببالك إنها لك بأول المقام وللي سافروا معك. ما أحب الأشخاص الي يشاركوني تفاصيل حياتهم، وحتى معروف عندي بين أصحابي إن أي شخص ينزل أكثر من 5 سنابات في اليوم أحذفه من السناب حقي لذلك عدد الي ضايفهم ما يتجاوزا الأربعين ونصهم مو نشيطين أصلا لول.

التصوير جميل ومن أفضل الأشياء الي صنعتها البشرية في القرن السابق.

 

[شيطون]

على قولة واحد
الناس صارت مشغولة بتوثيق وتسجيل اللحظات اكثر من عيشها

 

[Saudi Fighter]

ليش الشخصنة؟ ما أتوقع نيات الناس كذا. أنا شخصيا يحب التصوير في كثير من الأوقات أرجع لصوري القديمة وأسترجع الذكريات. الوالد الله يعطيه العافية كان يصورنا كثير واحنا صغار والنتيجة جزء كبير من طفولتي أقدر أرجع أشوفه وقت ما بغيت، شعور جدا جميل لو تسألني =)

التصوير جزء أساسي من سفراتي، التصوير مع المعالم المشهورة أو المناظر الطبيعية، هاذي الصور هي وسيلتك لاسترجاع ذكريات سفراتي. أحب أشوف سطح المكتب حقي مليان بألابيم صور لكل مدينة زرتها وأشوف عدد الصور الي صورتها في كل مدينة وأقارن بينهم. لندن المركز الأول بالمناسبة

بالنسبة لي شخصيا، أهم شيء في الصور إنك تحط ببالك إنها لك بأول المقام وللي سافروا معك. ما أحب الأشخاص الي يشاركوني تفاصيل حياتهم، وحتى معروف عندي بين أصحابي إن أي شخص ينزل أكثر من 5 سنابات في اليوم أحذفه من السناب حقي لذلك عدد الي ضايفهم ما يتجاوزا الأربعين ونصهم مو نشيطين أصلا لول.

التصوير جميل ومن أفضل الأشياء الي صنعتها البشرية في القرن السابق.

حياك اخوي بس كيف اشخصن وانا اساسا ماحدتت احد؟ الرسول عليه الصلاة والسلام كان يقول مابال أقوام بدون مايذكر اسم احد انا ماذكرت اسم حتى الي مسافر معي ماحددت انه صديق أو أحد من أفراد العائلة الموضوع يتكلم عن الإفراط وماتقدر تنكر الناس مدمنة تصوير رح اي مطعم ولا مكان سياحي شف الي يصورون اكثر من الي قاعدين يعيشون اللحظة انا ماقلت لاحد يصور لكن فقط الأسراف الي حاصل ولا اتوقع انك تنكر انه فيه حالة ادمان صايرة للبشر

 

[Solay]

ليش الشخصنة؟ ما أتوقع نيات الناس كذا. أنا شخصيا أحب التصوير في كثير من الأوقات أرجع لصوري القديمة وأسترجع الذكريات. الوالد الله يعطيه العافية كان يصورنا كثير واحنا صغار والنتيجة جزء كبير من طفولتي أقدر أرجع أشوفه وقت ما بغيت، شعور جدا جميل لو تسألني =)

التصوير جزء أساسي من سفراتي، التصوير مع المعالم المشهورة أو المناظر الطبيعية، هاذي الصور هي وسيلتك لاسترجاع ذكريات سفراتي. أحب أشوف سطح المكتب حقي مليان بألابيم صور لكل مدينة زرتها وأشوف عدد الصور الي صورتها في كل مدينة وأقارن بينهم. لندن المركز الأول بالمناسبة

بالنسبة لي شخصيا، أهم شيء في الصور إنك تحط ببالك إنها لك بأول المقام وللي سافروا معك. ما أحب الأشخاص الي يشاركوني تفاصيل حياتهم، وحتى معروف عندي بين أصحابي إن أي شخص ينزل أكثر من 5 سنابات في اليوم أحذفه من السناب حقي لذلك عدد الي ضايفهم ما يتجاوزا الأربعين ونصهم مو نشيطين أصلا لول.

التصوير جميل ومن أفضل الأشياء الي صنعتها البشرية في القرن السابق.

ومع ذلك ولا عمرنا شفنا لك صورة بمواضيع صور الأعضاء

 

[White Soul]

حياك اخوي بس كيف اشخصن وانا اساسا ماحدتت احد؟ الرسول عليه الصلاة والسلام كان يقول مابال أقوام بدون مايذكر اسم احد انا ماذكرت اسم حتى الي مسافر معي ماحددت انه صديق أو أحد من أفراد العائلة الموضوع يتكلم عن الإفراط وماتقدر تنكر الناس مدمنة تصوير رح اي مطعم ولا مكان سياحي شف الي يصورون اكثر من الي قاعدين يعيشون اللحظة انا ماقلت لاحد يصور لكن فقط الأسراف الي حاصل ولا اتوقع انك تنكر انه فيه حالة ادمان صايرة للبشر

قصدي بشكل عام، ما أتكلم عن صاحبك.
يمكن من ناحية تصوير الأكل معاك حق، لكن إجمالا محبي التصوير أكثر من أن تحصرهم في خانة واحدة.

ومع ذلك ولا عمرنا شفنا لك صورة بمواضيع صور الأعضاء

ها؟ امممم.... احم، الي.... الي أبغى أقوله إن.... هو يعني... يب الواحد يصور لكن....

أهم شيء في الصور إنك تحط ببالك إنها لك بأول المقام

(&)

 

[abdullah-kh]

بصراحة ومن دون زعل يا صاحب الموضوع ذي فيها كثير من اللقافة! يا رجل خليه يصور الذي يبغى! وبالكم الذي يبغى! أنت وش عليك؟ لا هو ضرك ولا ضر المجتمع! وملاحظ ذي سمة عند الكثيرين خصوصًا لما تدخل في ظواهر قمة في الخصوصية (المفروض يعني)، وكذا خرابيط ذوق عام ومدري إيش بس علشان أمنع شئ مباح حتى ^__^

 

[Zorro]

كنت كتبت رد طويل عريض لكن مسحته !

لكن باختصار يا صاحب الموضوع :
أنا معاك قلبا و قالبا .. هوس التصوير حتى للـ لاشيء !!
وهذا ماله علاقة للناس اللي تصور فعلا للذكريات ..

 

[Saudi Fighter]

بصراحة ومن دون زعل يا صاحب الموضوع ذي فيها كثير من اللقافة! يا رجل خليه يصور الذي يبغى! وبالكم الذي يبغى! أنت وش عليك؟ لا هو ضرك ولا ضر المجتمع! وملاحظ ذي سمة عند الكثيرين خصوصًا لما تدخل في ظواهر قمة في الخصوصية (المفروض يعني)، وكذا خرابيط ذوق عام ومدري إيش بس علشان أمنع شئ مباح حتى ^__^

هههههههه لقاقة مرة وحدة حرام عليك ياعبدالله تبهدلني ليه
لا بس من جدك انت لقافة انا رحت عند احد وقلت لاتصور انا اتكلم بموضوع عام بتروجيمنج وين اللقافة بالموضوع وبعدين انا اماطالبت بالمنع انا اتكلم عن الإفراط بالتصوير شباب ركزو إفراط مهوب منع الي صاير الحين مسخرة لانه إفراط

لكن افهم الي يحب لكن كل شي بحدود يعني مهوب معقولة القرف الحاصل بالعصر الحالي

هذا كاتبه بالموضوع شباب افهمو الموضوع قبل ماتردون ههههه

 

[abdullah-kh]

هههههههه لقاقة مرة وحدة حرام عليك ياعبدالله تبهدلني ليه
لا بس من جدك انت لقافة انا رحت عند احد وقلت لاتصور انا اتكلم بموضوع عام بتروجيمنج وين اللقافة بالموضوع وبعدين انا اماطالبت بالمنع انا اتكلم عن الإفراط بالتصوير شباب ركزو إفراط مهوب منع الي صاير الحين مسخرة لانه إفراط

هذا كاتبه بالموضوع شباب افهمو الموضوع قبل ماتردون ههههه

لساتها لقافة وأقرأ ردي بعد لإني نبهت على ذا الشئ "وبالكم الذي يبغى!" يعني أقصد الرقم الكبير هنا لول. هذا شئ خاص فيه أنت متطفل في خصوصيته ولا بعد قلت "متأكد أنه مادرو عن الغروب لكن فقط هوس انه يبغى يوري الناس أنه حياته كول ويحب الفله عن نفسي" بالله وش ذا؟ سوء أدب وبعد ذا ممكن خويك الله يخلف بس.

 

[Saudi Fighter]

لساتها لقافة وأقرأ ردي بعد لإني نبهت على ذا الشئ "وبالكم الذي يبغى!" يعني أقصد الرقم الكبير هنا لول. هذا شئ خاص فيه أنت متطفل في خصوصيته ولا بعد قلت "متأكد أنه مادرو عن الغروب لكن فقط هوس انه يبغى يوري الناس أنه حياته كول ويحب الفله عن نفسي" بالله وش ذا؟ سوء أدب وبعد ذا ممكن خويك الله يخلف بس.

انا مادري ليش محسسني اني رحت عند الناس وطلبت منهم لاتصورون حبيبي انا كاتب بموضوع عام ماذكرت اسم احد وش فيك حساس كاني اسئت لك الناس لو تبي تصور مليون صوة مادرت عني انا بس اطرح شي قاعد اشوفه غلط بالناس حاليا ولا من حق اي واحد يسوي اشياء اكبر غلط اذا هو يبي مانتظرني ولا جيت عند باب بيتهم طيب سؤال هل عادي اكتب موضوع اقول الافراط بالاكل غلط ولا بتعتبره تدخل بالخصوصيات بعد؟ وبعدين انا اسوي اشياء كثير غلط والقى ناس بالنت ينتقدونها عادي وحتى لو مهيب غلط كل واحد يعبر عن رأيه مادامه مامسك احد وفرض عليه شي

متأكد أنه مادرو عن الغروب لكن فقط هوس انه يبغى يوري الناس أنه حياته كول ويحب الفله عن نفسي" بالله وش ذا؟ سوء أدب وبعد ذا ممكن خويك الله يخلف بس.

انا قصدت الي معي ولا اعمم لكن كثير من الناس كيذا بوجهة نظري لاتقعد الحين تقول جب الي احصائية

 

[abdullah-kh]

انا مادري ليش محسسني اني رحت عند الناس وطلبت منهم لاتصورون حبيبي انا كاتب بموضوع عام ماذكرت اسم احد وش فيك حساس كاني اسئت لك الناس لو تبي تصور مليون صوة مادرت عني انا بس اطرح شي قاعد اشوفه غلط بالناس حاليا ولا من حق اي واحد يسوي اشياء اكبر غلط اذا هو يبي مانتظرني ولا جيت عند باب بيتهم طيب سؤال هل عادي اكتب موضوع اقول الافراط بالاكل غلط ولا بتعتبره تدخل بالخصوصيات بعد؟ وبعدين انا اسوي اشياء كثير غلط والقى ناس بالنت ينتقدونها عادي وحتى لو مهيب غلط كل واحد يعبر عن رأيه مادامه مامسك احد وفرض عليه شي

في الواقع أنت جبت مثال حصل لك وأنا علقت عليه بردي ذاك الذي أشوفه لقافة، وعاد ذكرت ليش؟ كونها خصوصية والخ. وعاد موضوع الأكل ذي مغالطة لإنك تخلط شيئين مختلفين بعلة واحدة ما هي مرتبطة فيهما!

انا قصدت الي معي ولا اعمم لكن كثير من الناس كيذا بوجهة نظري لاتقعد الحين تقول جب الي احصائية

وأنا ما جبت طار التعميم ذا سوء أدب مع اللي معاك سواء خويك أو أقاربك!

 

[Saudi Fighter]

في الواقع أنت جبت مثال حصل لك وأنا علقت عليه بردي ذاك الذي أشوفه لقافة، وعاد ذكرت ليش؟ كونها خصوصية والخ. وعاد موضوع الأكل ذي مغالطة لإنك تخلط شيئين مختلفين بعلة واحدة ما هي مرتبطة فيهما!

وأنا ما جبت طار التعميم ذا سوء أدب مع اللي معاك سواء خويك أو أقاربك!

معليش انا قصدي ماقصدت الي معي هههههههه (حطيت نفسي بموقف بايخ)

 

[Old Hunter]

بالنسبة لي بصراحة احب الذكريات، لكن النقطة الي انت حاب توصلها وضحت، الي هو بعض الناس يكرس روحته لمكان معين عشان التصوير بغض النظر عن استمتاعه باللحظة.
صادق ، انا اكثر شي اكرهه لما اروح مطعم مع انسان، وانا في قمة الجوع، واول ما ابغى افترس الاكل يقول لي انتظر ابي اصور، هالشي جدا يستفزني. ياخي اكل ! خلنا ناكل، وفكنا
من تصويرك، وطبعا ليت الصورة له في جواله بس، الصورة تكون في احد برامج التواصل الاجتماعي بالطبع. لما انسان يصور كل شي ويعمل له بوست في التواصل الاجتماعي ويقول
احب احتفط بالذكريات، اول شي يجي على بالي هو " عندك كاميرا و استديو في الجوال، احفظ ذكرياتك هناك، ليه لازم ٢٠ شخص غيرك يشوفها ؟ " .

للامانه، انا فعلا احب التصوير واحب اوثق الذكريات كل ما رحت اماكن مميزة، او كل ما شفت شي ملهم، كثير اسجل فيديوهات عن افكار تجي براسي.
لكن احيانا لما اكون مسافر وامسك الكاميرا، اسال نفسي هل انا امنع نفسي من الاستمتاع بالمشهد الي قدامي حاليا لغرض التصوير ؟ خصوصا لو كان شي مؤقت او لحظي !
على سبيل المثال لما تجي تبي تشوف نافورة دبي، ودك تعيش الجو، وودك توثق اللحظة، حسيت احيانا ان توثيق اللحظة " فيديو " يمنعني من اني اعيش اللحظة في الواقع.
لذلك تخليت عن التصوير من فترة، الا اذا زرت المكان اكثر من مره، وعارف وش راح يصير.

اعتذر عن الاطالة، هذا رأيي عن الموضوع.

 

[شيطون]

هههههههه لقاقة مرة وحدة حرام عليك ياعبدالله تبهدلني ليه

ممكن يكون مدمن تصوير عشان كذا قال لقافه

 

[Cloud_no_sora]

اجاني فلاش باك سيئ لاحدى سفراتي
هو كلنا نصور بس اكو ناس مصخوها يعني ...

 

[Super Shadow]

عن نفسي انا كنت استخدم السناب شات في مراجعة اجهزة و العاب و في تغطية المعارض او ما شابه
احاول اقدم محتوى مفيد لكني حاليا حولت لانستاستوري
في نفس الوقت الواحد وده يصور من باب الذكريات اذا كان يخزن الي يبي يصوره

 

[Veeto]

سهولة مشاركة الناس بالصور خلق هذه الظاهرة وجا السناب شات وكملها .. عني انا الانستجرام افضل لما ترجع له تشوف شريط ذكريات لحياتك.. فاختصارا للاجابة نعم بصور وبواصل تصوير

أحب أشوف سطح المكتب حقي مليان بألابيم صور

الابيم.. الجمع الذي احتار فيه اخصائيو اللغة

 

[White Soul]

الابيم.. الجمع الذي احتار فيه اخصائيو اللغة

خخخخخ هي الكلمة أصلا أعجمية، لازم تدبر لها جمع بنفسك @@
ايش تقترح؟ ألابيم أحسها أفضل من ألبومات مثلا. ما ببالي خيارات ثانية.

 

[Invader Zim]

خخخخخ هي الكلمة أصلا أعجمية، لازم تدبر لها جمع بنفسك @@
ايش تقترح؟ ألابيم أحسها أفضل من ألبومات مثلا. ما ببالي خيارات ثانية.

ألبومات اصح

 

[Old Hunter]

خخخخخ هي الكلمة أصلا أعجمية، لازم تدبر لها جمع بنفسك @@
ايش تقترح؟ ألابيم أحسها أفضل من ألبومات مثلا. ما ببالي خيارات ثانية.

ألبومات اصح

@nightmare13

 

[Roxaf]

شخصياً مش من محبي التصوير بالمرة، وتقريبا حاليا عندي 3 صور شخصية، وصورة وحده صورتها بجوالي بدافع التصوير .. ( بيني وبينكم، صورتها عشان أقارن شكلي لما مطول شعري ولما قاصه واقرر اطوله او لا XP )

صورت كذا مرة مع الأصدقاء والعائلة القريبين مع اني دائما احاول اتجنب الدخول فيها واقل لهم ها انا اصوركم XD ، بس بعض الأحيان ما تقدر ترفض، ولكن المحصلة أني حتى لو صورت معهم ما اخذ منها نسخة ولا أهتم أصلا لسببين :

1- الناحية الشرعية بمسألة الصور.
2- ما أشوف داعي لها بالنسبة لي سوى أنها بتجبد لي هوس التصوير الي تكلم عنه صاحب الموضوع، بأتحدث عالأمر هذا بالأسفل.

كيف أتعامل مع الذكريات الحلوة الي ابي احتفظ بها ؟ الحمد لله، ربك رازقني بذاكرة طويلة الأمد ما أفقد فيها أوقاتي الحلوة أبدا وبالعكس تكون أجمل من الواقع لأسباب علمية ونوستالجية.

بالنسبة لهوس التصوير فهو موجود ويزداد، خصوصا بعد إنتشار فكرة تصوير السيلفي، إلي صرت أشوف الناس كل ما تمشي مترين تقوم تصور نفسها لول، ما أهتم لهم لأنها مسألة شخصية هم حرين يملون الميموري حق جوالاتهم بصورهم الي فيهم يشوفونها بالمرايا يوميا XP ولكن لكل شيء حدود إذا فاتها صار إدمان مزعج، حالها حال كل شي تاني بالتكنولوجيا، وأغلب مدمني التصوير هم بالواقع مدمني سوشل ميديا ومهتمين يشاركون الناس بصورهم ( مودري ليه طبعا، ربما يمنحهم إحساس بالأهمية ظهورهم في تايم لاين الناس ) ، وأذكر الفترة يلي فاتت شفنا بعد جديد لهذا الهوس أدى إلى موت أصحابه عند تصوريهم بأماكن خطيرة، ولكن أهم نقطة بهذا الموضوع هي هذي :

الناس صارت مشغولة بتوثيق وتسجيل اللحظات اكثر من عيشها

لنأخذ منظر الغروب على سبيل المثال، طبعا وقته قصير ومحدود، غالبا ما يكون المصور مهتم بجودة الصورة جدا ويدور باك قراوند بيرفكت ويواسي نفسه ويتصور ستين مرة بمختلف الوضعيات عشان يجصل الصورة الكول يلي بباله، وهكذا يكون فوت منظر الغروب في جرة التصوير واحتفظ بذكرى لحدث ما عاشه أصلا .. وهذا هو أكثر شيء سلبي بالتصوير وهوس التصوير.

الخلاصة، التصوير شي يفضله بعض الاشخاص وهو شي حلو وكيوت، ولكن له حد إذا فاته وأهداف إذا تجاوزها صار مرض وهوس الله يشفي من صابه

 

[NA1F]

التصوير بالسفر بالنسبه لي من الضروريات سواء بالسناب او التصوير العادي لاني احيانا ودي الي معي بالسناب ودي يشوفون وش اشوف من اشياء في هالدول
لكن حاليا انا من شهر لشهر اصور سنابه على الطاير لأوضح للموجودين اني على قيد الحياه واني ماني معطيهم بلوك لوول
لكن السناب جميل جدا
لي اقارب واصدقاء بمدن مختلفه اقدر اشوف وش يسون وكيف احوالهم بفيديو سريع مثل احد اصدقائي يدرس بأمريكا راسلت له صور اكثر خلني اشوف كيف الحياه معه هناك
واذا في عزيمة بمدينة بعيدة لاقاربي هناك اشوف سناباتهم
بالعكس السناب رائع لكن اكيد له سلبياته

 

[XI]

التصوير حلو وشين,حلو اذا باعتدال بحيث تستمتع بسفرتك وتحط وقت بسيط للتصوير للذكريات او توري الاهل والاصحاب بالسناب وتحفظها بجوالك للذكرى
لكن شين لما تكون مسافر بس عشان توري الناس انك مسافر,لول او تسوي شي بس عشان تصوره توريه الناس..زي واحد عندي بالسناب كان يخلينا نشوف معه الفلم الي يتابعه لول


عموماً تراكم جايين متأخرين عن الحفله,حالياً الناس طفشت من السناب والتصوير ورجعت للحياة الشبه طبيعيه السابقه يعني قل عدد الي ماسكين جوالهم يصورون كل خطوه للسناب والخ

 

[Tia]

خخخخخ هي الكلمة أصلا أعجمية، لازم تدبر لها جمع بنفسك @@
ايش تقترح؟ ألابيم أحسها أفضل من ألبومات مثلا. ما ببالي خيارات ثانية.

الكلمة الأنجليزية اساساً معناها واحد في اللغة و هو ملف أو مثل ما يقول معجم المعاني كتاب صفحاته من الجيوب الشَّفافة لحفظ الصّور ، والطوابع ، والتوقيعات والنقود ونحوها و في هالحالة ألبوم ذكريات. فما اشوف انه بالضرورة لازم نكتبها بقواعد لغتنا ما دامها اعجمية و نكتفي بألبوم الصور.

==

أعرف ناس ما تشوف الحدث الي يصير بعيونها اكثر منها بشاشة التلفون، ما يعيش اللحظة بتجلياتها قاعد يجمد الحدث نفسه عشان يرجع له كل ما بغى. يمكن هالشي يعطيه عذر و لا بد تحفظ ذكريات معينة اذا مش لك لأحبائك الي راح يعيشون بعدك(عائلتك في اغلب الأحيان) لا قدر الله لكن إدمان التقاط كل لحظة بدون استثناء يقتل معنى اللحظة الحية الي قاعد تتشكل قدامك و لازم تترك كل شيء وراك في النهاية فعش حاضرك او بعضه على الأقل.

 

[DINO CRISIS]

قصد Saudi Fighter

ان الناس نسيت اهمية المشهد وتفرغت للإستعراض و لم يعد اهتمامهم بالمناظر الطبيعية بقدر ما همهم الوحيد ان العالم يشوفوهم فقط ..

السناب شات انشهر

لكن ما جذبني بصراحة لإستخدامه

 

[X I I I]

سؤال خارج الموضوع : متى السناب شات يقفل/يحذف بسبب سقوط قيمته السوقية ؟

 

[LOG_65]

تلك آفة سلمتُ منها :emoji_grin: