هل هي فعلاً لعبه يا [ Toys R us ] ... ؟! (( بالصور ))

[LOVER]

موضوع غريب شدني وحبيت اشاركم فيه !!

_________________________________________


السلام عليكم و رحمة الله و بركاته

الموضوع يستحق الإطلاع عليه .. وظاهرة سوف نعيشها قريباً :

لعبه ( بشرية ) غريبة تم صنعها في كندا ...

عبارة عن مزج جينات بشرية وحيوانية أنتجت كائن يتغذى ويتألم ويبكي ...

نوع يعيش لمدة سنة وآخر لمدة ثلاثة سنوات ثم يموت !!

يباع في محلات الألعاب ( Toys R us ) !!

الخبر منقول

_________________________________________


فالاول تطنزت على الخبر وماصدقت

قلت اشدعوه مخلوق حي عباره عن خليط بين جينات بشريه وحيوانيه

وبيحطونه في علبه ؟

وفوق هذا في محل اطفال

بس صدقت بعدين لما شفت موقعهم www.genpets.com .. بإمكانكم تتأكدون بنفسكم !!

في منتدى خاص عنهم وفي ناس شارييـنهم

هناك 7 شخصيات مختلفه تملك اطباع مختلفه عن الثاني .. وحسب اللي يشتريها

هو يختار الشخصيه اللي تناسبه

اذا ضربتها تتألم وتصيح .. واذا اهملتها تتأثر !!

في البدايه يكونون في حالة سبات واول ماتفتح العبله وتشوفك تتعلق فيك وتصير انت المسؤول عنها

الصراحه شي غريب ..

اذا الكلام صح يمكن اتبنى واحد منهم :

​

 

[Colorization]

http://en.wikipedia.org/wiki/Genpets

The creations were sculpted, automated creatures made of latex and plastic, and housed robotic circuitry to simulate slow respiration.

تحرير: نسيت أضيف إنها أقبح لعبة شفتها بحياتي.

 

[soosi]

سبحان الله

شوف الى اي درجة توصل العلم ؟!!
حتى لو تلاحظون في كل علبة موصلة بأنبوب !! تقول كأنه ابوب اكسجين او شي , سبحان الله

والله شكلي باطق اليي وحده

 

[Colorization]

^ لول اقرا وصلة ويكيبيديا، اللعبة بلاستيك ولاتيكس. من جدكم تصدقون؟

 

[Sky Walker]

حتى لو توفرت عندنا ماراح اخذها ..

شكلها بشع :yuck::

 

[BioMario]

وصلني على فكرة أيميل اصلاً ما صدقت ومستحيل اصدق ..
لعبة معدلة جينياً رح تنباع بهذي الطريقة مستحيييييييل ..يعني لو كانت صدق رح يكون سعرها غالي جداً جداً
التقنيات المستخدمة رح تكون مكلفة وصعب تنباع في تويز آر اس مثلاً ..

حتى شكلها جداً قبيح استغفر الله خلصت الأشكال ..
مادي بس ما اعتقد انها تنباع في فروعنا

 

[Bounty]

لول ............. خرعتني لوهله

 

[Lunar Poet]

لول سمعت عنها قبل فترة قصيرة .. بس توقّعت شي أحلى شوي :yuck::

 

[SALAH]

بسم الله الرحمن الرحيم !!
من جدها الناس تشتري هالمناظر المؤذية؟؟ :surprised:
وهذا الولد على ايش فرحان ؟..احد خبره عن بظ يطير ؟

 

[Lone Wolf]

وعليكم السلام

شنو ذي اعوذوا بالله بلاستك كأنه صج وشلون الياهل المتخلف مستانس على اللعبة

مع انه شي يلوع الجبد وماشوف فيه شي ممتع و ماعنده سالفة الي سواها!

 

[KOTSHY]

[YOUTUBE]A3YTNtC5ieU[/YOUTUBE]

 

[G7Ga7]

وع

وش القرف هذا ..

اقرف شيء شفته في حياتي ... والناس تدفع فلوس عشان تشتريه ..

سبحان الله بس !!

 

[persona]

ذكرتوني المجسمات اللي بالطين وبعدين حطه بالماي وينتفخ

اذا سوو جاكفروست أو شكوبو أو حتى موجل سجلوني اول واحد يشتريه:laugh::، يبا راضي حتى لو كانت كوينا(فف9) :w00t:بس شي ينبلع غير هذا :sarcastic:

 

[Purple Wind]

مرعبة بكل بساطة:yuck::! كأنها الوحش اللي في Harry potter 2!

 

[Naif]

ههههههههه.. احب كيف المواضيع يتم تغييرها في المنتديات و الـgroupـات العربية. (ما اقصدك انته LOVER..)

الكونسبت حلوة.. و ممكن تعلم الاطفال اشياء (خاصة انه يجي مع جهاز لمراقبة القلب للكائن..) بس الشكل -_- (لو طوروا فيربي و خلو فيه هذي الاشياء على الاقل..)

 

[hamad 11]

وع

خلصت الأشكال ولا مصممين الألعاب فقدوا خيالهم؟

لول.. والله كل شي فيها يتمشى إلا الشكل, والعتب على الأهالي الى رح يشتروا لأطفالهم العاب شكلها كذا.

 

[Mista Koo]

شكله مسخ..

عموما طلع مجرد hoax (ولله الحمد.. إن شا الله الإنسانية ما تتدمر لدرجة إننا نشوف لعبة حقيقية بهالشكل :annoyed

 

[Mad House]

السلام عليكُم ورحمة الله وبركاته #

كيف الحال ؟ إن شاء الله جميعاً بخير ^__^

مدري إيش أقول بصراحة يعني @__@ إيش هالـ .. مسخ العجيب !!

بكويس إنه طلع بلاستيك -.- , بس خلاص يعني ما في إلا هالأشكال ؟

أعتقد ممكن يحققوا أعلى نسبة مبيعات لها في مستشفى أمراض عقلية -___-

وإن شاء الله ما يتدهور حال البشرية لدرجة إنهم يسووا في يوم من الأيام إستنساخ على هيئة لعب -.-​

تعديل : نسيت أقول إن هذا من أسوء الأشياء اللي شفتها في حياتي !
تعديل 2 : نسيت أقول إن هذا يشبه مخلوق فضائي أعرفه ^_^​

 

[m7tram]

أنو EW .

 

[Saadawii]

يمه!! شفت الفيديو قسما بالله تروعت!! وش ذا القرف يا شيخ؟! وش المسخ؟! يعني ما يقدرون يحطون شكل يفتح النفس، يعععععععععععععععععععععععععععععععععععععع.

 

[REDFOX-ZERO]

شفت لو لاحق عليهم بطفولتي >>>>>>>>>>>>>>>>>>>> بالطب نقسي :surprised:

صج العاب تخزع

 

[Ace]

وعععععععع :yuck::

ايش القرف هذا الفكرة حلوة بس التصميم زباله وانتم الكرامه :yuck::

 

[The Doctor]

الآرت مخيس...

اوه القسم الغلط

 

[Da S.O.S]

شباب قسم الـ FAQs ما ادري اذا احد قراه او لا
http://www.genpets.com/faq.php#1

لكن الشئ هذا على كلامهم كائن حي! .. ينمو له شعر.. ييتنفس .. يحتاج بروتينات ..produce little waste .. و و و .. ليش احس اللعبه عباره عن جريمه انسانيه ؟!
اكثر فكرة مقززه قد شفتها بحياتي !!!!!!

 

[Justice]

لووول انا استغرب لو الاطفال ماخفو من شكلها مع اني ابصم بالخمس ان لو اوريه اخوي الصفير ماراح يرقد في الليل لووول لوكان فعلاً تحس وتشعر كان الانسان يعتبر وصل الى الذكاء الاصطانعي الحاد لوول زي الي نشوفه باافلام الخيال العلمي لووول
بالله هذا شكل يتفوق على روبوتات سوني وهوندا لووووووولP:

 

[Nyx]

مسخ أجل .....

 

[Solay]

شي يجيب القرف ياشيخ وش ذا التصميم البايخ

والله لو يسوي مايسوي ماآخذ شي شكله بشع بزيادة زي هذا...

 

[Revolver]

والله خوفك راح يقوم من العلبه ويصير زي

شكلهم بعدين بيسوون تحالف ضد البشر ويذبحونا :laugh::

 

[Bounty]

[YOUTUBE]A3YTNtC5ieU[/YOUTUBE]

اباط اللعبه فيه شعر ؟ .. كامله والكامل الله ..

ابي من صجهم يفكرون جذي ؟ شكل وصوت يلوع الجبد ؟

 

[soosi]

بعد ما شفت الفيديو انقرفت