هل أنت مدمن كمبيوتر ..؟

[Magnificent]

انا عن نفسي احل واجباتي و اكتب تقارير و اذاكر امتحاناتي و اسولف مع الشباب و اطل على المنتدى خمس دقايق كل ساعتين و خمس دقايق ثانية في فيسبوك و خمس دقايق ثالثة في الايميل و خمس دقايق غيرها في digg او ما يعادله و ارجع اكتب التقرير و اروح ادور تقرير جاهز انسخ لي منه كلمتين و لا رسمة او اروح موقع الكتاب المقرر عشان الطش منه كم كويز و شوية تمارين و بعدين اخذ لي خمس دقايق بريك مع كانسة الألغام و احياناً اواصل و انا اسوي الخرابيط هذي كلها على الكمبيوتر ، فنعم انا شئت أم أبيت مدمن كمبيوتر و نت و غصباً عني اجلس عليه معظم ساعات يومي و ما اقوم من فوقه الا مشوار للثلاجة او مشوار لدورة المياه و انتم بكرامة

 

[Eario]

مدمن كمبيوتر؟ نعم.
مدمن نت؟ لا.

النت صار ممل ومافي شي جديد.

 

[Cizer Shnider]

^
الانترنت مش ممل
اهتماماتك اللي أقل

الادمان غير مرادف لمدة جلوسك على الكمبيوتر

ادمان الكمبيوتر او الانترنت = انك ماتقدر تتعامل او تتفاعل مع اي شئ اخر بحياتك بسبب استحالة استغنائك عن الكمبيوتر

لكن لو في شخص يقعد طول اليوم على الكمبيوتر بس اذا جت ظروف انه يخرج مع اصحابه او احب يجلس مع العائلة بدون مايشعر من داخله انه مرتاح اكثر مع الكمبيوتر او عايز يرجع للكمبيوتر فانا عن نفسي ما اعتبر هذا ادمان ابدا

السبب انى انا مريت بالمرحلتين

 

[ASWD]

للاسف نعم

من ارد من الدوام الساعة 6 الين ما انام..حتى الفيديو جيمز شبه هاجرنه بسببه..كل يوم اقول من ارجع بشغل اللعبة الفلانية وبقعد اطقطق ووو..وبالنهاية اسنتر عند الكمبيوتر للساعة 2 او 3 في بعض الاحيان

 

[Cizer Shnider]

^
علشان كده الجيمر سكور عندك هابط وانت شاري الاكس 360 من زمان لووووووول
فترة وتروح وترجع تدمن جيمز وتسيب الانترنت

 

[Still Alive]

نعم انا مدمن :crying:

 

[m7tram]

امممممممم أي مدمن وبصراحه أحب هالأدمان لان الكمبيوتر والنت مبعديني عن أشياء شكثر نشوفها في مجتمعاتنا وأولهم ( المغازل والهياته من دون هدف في المجمعات .. اوكي نطلع نغير جو مطاعم ... الخ بس في ناس من اول ماتقوم من النوم لي حد ماتنام وهم برى بيتهم تقول فندق مو بيت ! ) .

 

[S n A k e]

الصراحه اللي اخترع اللاب توب ودي ابوس راسه والنت عموما انام اقوم اصبح عليه افطر معاه 90% من يومي مع الكمبيوتر ادمان واحسن ادمان عرفته شي صراحه الانترنت = عالمي

 

[HaydeR Alsagh]

الصراحه اللي اخترع اللاب توب ودي ابوس راسه والنت عموما انام اقوم اصبح عليه افطر معاه 90% من يومي مع الكمبيوتر ادمان واحسن ادمان عرفته شي صراحه الانترنت = عالمي

جربت تدمن شي ثاني :what: ؟

 

[Nemesis Zone]

مبعديني عن أشياء شكثر نشوفها في مجتمعاتنا وأولهم ( المغازل والهياته من دون هدف في المجمعات

وهذي برضه نعمه تقعد على الكمبيوتر احسن من ان الواحد يطلع يبحلق في بنات الناس او الدوران في الشوارع بدون هدف !!

 

[hussien-11]

أعتقد الجواب معروف بالنسبة لكم بدون ما أكتبه .... :w00t:
​

 

[The Last Fantasy]

نعم. :nerd:

ليش ما يمديني أشوف أسماء المصوتين؟

 

[Adjo]

نعم مدمن و لله الحمد :inlove:
و في أيام الإختبارات يصير عز الطلب :rockon:
العاب أقول عنها فاشلة أخلصها أيام الإختبارات:

 

[Yaz3D]

نعم. :nerd:

ليش ما يمديني أشوف أسماء المصوتين؟

عشان ما تطلع الفضايح .. لول

 

[s3rorh]

مرات اغيب ايام من غير ما اقرب للكمبيوتر ... ومرات يصير طق بس علشان يقوموني منه

بس بالاول والاخير هالشي يعتمد اذا كنت فاضي أو لأ

 

[Fire Blast]

نعم ومستحيل يمر تقريبا يوم من حياتي وماكون قاعد فيه على الكمبيوتر

 

[SPIRIT X360]

لا غير مدمن .. لكني مدمن تحميل لذلك الجهاز يكون شغال بالأيام خصوصا في الشتاء

 

[Noah`s Ark]

متوسط .

ولكن لو انفصل النت يوم ..

احس احد حاط يده على حلقي و بيخنقني .:xd:
​

 

[Zeyad]

طبعاً مدمن اقضي جل وقتي على الانترنت ,

اعرف واحد من الشباب إذا بغى ينام على السرير ينووم لاب توب معه ويتلحفون سوا :laugh::

 

[Super Shadow]

مدمن من قلب :annoyed:

أقعد عليه أكثر من الجيمز

 

[Nemesis Zone]

طبعاً مدمن اقضي جل وقتي على الانترنت ,

اعرف واحد من الشباب إذا بغى ينام على السرير ينووم لاب توب معه ويتلحفون سوا :laugh::

لول الله يعين :laugh::

 

[Purple Rain]

قعدتي بالبيـت مرتبطة بقعدتي ع الكمبيوتر !!

أنا أصلا تلفزيون ما أطالع .. النـت يغنيني عن التلفزيون

وطبعا لما اقعد ع الجهاز صج ما أحس بالوقـت

 

[Noah`s Ark]

المفروض يسوون استفتاء ثاني

هل انت مدمن TG :w00t:
​

 

[Full Confidence]

لا مو مدمن كمبيوتر متوسط.
بهالوقت صعب تستغني عن الكمبيوتر صار جزء من الحياة يعني لازم كل يوم تستعمل الكمبيوتر.
و انا استعمل الكمبيوتر يومين بس مو بدمان.

 

[BaKREee]

بدون الكمبيوتر / النت .. احس اني وحيد