نينتندو تعلن عن بندل Winning Eleven DS في اليابان

[NSider]

Nintendo will be releasing a special bundle to coincide with the 9/21 Japanese release of World Soccer Winning Eleven DS. The copmany will bundle the game and a specially crafted Jet Black DS Lite unit in one for a price of 19,800 yen (excluding tax). This will follow the 9/2 Japanese release of the standard Jet Black DS Lite.

Like the Pikachu DS Lite unit, the system included with Winning Eleven will have a special graphic printed on the top. Konami has yet to give a hint as to what's been chosen to represent the game, but we'll be sure and let you know once we've seen something.

نينتندو أعلنت عن بندل WE DS الجديد للسوق الياباني مع DS لايت أسود خاص سيصدر في 21 سبتمبر (تاريخ صدور اللعبة) بسعر 19,800 ين. الـDS الأسود سيصدر في 2 سبتمبر.

الظاهر نينتندو ما تبي تترك السوق الياباني لحاله لول. لازم تحطيم أسبوعي.

 

[Humam]

اتوقع 100 ألف في أول أسبوع.. WE مو أقل من برنامج الطبخ الغبي !

 

[mario0o]

خبر حلو

وتعاون حلو مع الشركات (Y)

 

[Nintendo]

ولو انه الخبر له فتره مش قصيره يوسف ( تحصله بموضوع اجتماع ننتندو الاخير ) ولكن مش مشكلة ..

مادري كيف اليابانيين راح يستقبلون اللعبه .. الى الان مافي لعبة ويننج اليفن باعت بشكل جيد على اجهزة ننتندو ومادري اذا عشاق السلسله يعني يقدرت يرجعون بعجلة التطور للخلف من اجل نسخة الDS .. ودي اللعبه تنجح عشان كونامي تطور اجزاء ثانيه بتكلفة اكبر وبتطور اكبر .. شخصيا متحمس جدا جدا للعبه وان شاء الله تطلع حلوه ..

 

[NSider]

ولو انه الخبر له فتره مش قصيره يوسف ( تحصله بموضوع اجتماع ننتندو الاخير )

تصدق نسيت تماماً لول .. لكنهم ما قالوا أن الـ DSL راح يكون أسود.

 

[mario0o]

تصدق نسيت تماماً لول .. لكنهم ما قالوا أن الـ DSL راح يكون أسود.

كان على اساس اسود

بس اعتقد كان مش اكيد انه بيكون في بالندل ( امشيها :razz: )

 

[Mohammed - G]

السوق الياباني راح يتحطم :razz: فف و بوكيمون و WE و غيرهم !
بس ما اتوقع نجاح كبير لـ WE على الدي اس :suspiciou

 

[Bounty]

اتوقع 100 ألف في أول أسبوع.. WE مو أقل من برنامج الطبخ الغبي !

برنامج الطبخ الغبي فيه :

*شرح للوصفات صوره صوره ..

* تمثيل صوتي يعلمك شنو اتسوي بكل خطوه ..

* عداد زمني متوفر مثال ( ضع السمك عالزيت نص ساعه و يبدأ عداد وبعده يبدأ التنبيه )

* عندما تنتهي من كل خطوه .. تقول كلمة OK و يبدأ يفتح الخطوه الثانيه ..



ما ادري شنو سبب هالألفاظ .. أو مثل ما راح تقول رأيك الشخصي .. بس الرأي الشخصي لازم يكون باسلوب احلى من جذي .. صراحه مو فاهم المعنى من كلمتك الأخيره و شنو دخل الطبخ بهالموضوع ..

 

[NSider]

برنامج الطبخ طلع فيه بعض ألعاب Game & Watch بعد لول.

 

[Khalid-S]

نينتندو تبي مبيعات لويننج ايلفن ممتازه مع ان اللعبه ابدا ما تحمس .. تنزلها مع باندل !! بالله قولوا لي كم لعبه في اليابان نينتندو نزلت لها باندل !! واضح انها تبي تسوي دعايه قويه للجهاز .. اسم الدي اس + اسم ويننج ايلفن = مبيعات خرافيه مع ان اللعبه تعيسه .

ننتظر ونشوف يمكن يكون الجيم بلاي جيد.

 

[NSider]

خالد شكلك ما لعبت WE اللي على الـGBA. كلمة روعة شوية عليها مع أن الجرافيكس ضعيف والجهاز ما فيه إلا 4 أزرار وما فيه شاشة لمس ولا شي. الجرافيكس ضعيف لكنه واضح وsharp على الأقل.

ولا تنسى الأونلاين.

 

[Khalid-S]

بصراحه ما علبتها .. انا قلت ان يمكن الجيم بلاي يكون جيد .. ما تعرف.

 

[Humam]

أخ باونتي أنا ما أدري ايش تبغى بالضبط.. بس اسمح لي أقلك مو انت الشخص الي تقيم أسلوبي في الرد وتقرر إذا المفروض يكون أحلى من كدة والا لا .. وبعدين خانتك توقعاتك.. هذا مو رأي شخصي.. قولي حقيقة يقبل الخطأ وقول غيري خطأ يقبل الحقيقة..

 

[DREAM]

أخ باونتي أنا ما أدري ايش تبغى بالضبط.. بس اسمح لي أقلك مو انت الشخص الي تقيم أسلوبي في الرد وتقرر إذا المفروض يكون أحلى من كدة والا لا .. وبعدين خانتك توقعاتك.. هذا مو رأي شخصي.. قولي حقيقة يقبل الخطأ وقول غيري خطأ يقبل الحقيقة..

ويش رايكم شباب ندخل لعبة 50 قرش بعد ؟؟؟!! والله شباب بلاش نزاعات تافهه وأتركوا عنكم ها
الأمور ،،أحنا جايين عشان نتمتع ونسولف مش عشان نتنازع على أشياء تافهه أتمنى ما تنعاد
ها السوالف البايخه...

 

[Humam]

ديفل مي كراي مين قال إن في نزاع أصلا.. عضو من الأعضاء ما عجبه رد عضو ثاني وحاول يوضح له إنه ما عندك أحد.. عادي جدا تصير في كل المنتديات

 

[Bounty]

أخ باونتي أنا ما أدري ايش تبغى بالضبط.. بس اسمح لي أقلك مو انت الشخص الي تقيم أسلوبي في الرد وتقرر إذا المفروض يكون أحلى من كدة والا لا .. وبعدين خانتك توقعاتك.. هذا مو رأي شخصي.. قولي حقيقة يقبل الخطأ وقول غيري خطأ يقبل الحقيقة..

انا بس الي ابي اعرف .. شنو سبب تهجمك على هالبرنامج في اكثر من موضوع .. يعني عرفنا وجهة نظرك في البرنامج .. البرنامج مو عاجبك .. و بعدين ؟

و انا ما قيمت اسلوب ردك .. بس قلت المفروض يكون احسن من جذي ..

 

[Humam]

طيب ولمن تقول المفروض يكون أحسن من كذة هذا بحد ذاته مو تقييم ؟ البرنامج مو عاجبني يا ابن الحلال وما أعتقد ردودي موجهة لك حصرا حتى تنرفزك بهذا الشكل.. البرنامج مو عاجبني ولا بعدين ولا قبلين و يا ريت تفضها سيرة..

 

[Bounty]

طيب ولمن تقول المفروض يكون أحسن من كذة هذا بحد ذاته مو تقييم ؟ البرنامج مو عاجبني يا ابن الحلال وما أعتقد ردودي موجهة لك حصرا حتى تنرفزك بهذا الشكل.. البرنامج مو عاجبني ولا بعدين ولا قبلين و يا ريت تفضها سيرة..

اي اوكي .. درينا مو عاجبك .. بس مو كل مره تقولها .. يعني ما شفنا احد يسب الPS3 او سوني و انت ما رديت عليه .....


و ليلحين مو عارف شنو هي حلقة الوصل بين ويننج الفن DS و برنامج الطبخ عندك ...


و على فكره انا مو متنرفز و مو حاط في بالي انك موجه ردك لي ..

 

[Humam]

بس مو كل مره تقولها

؟؟؟ أخ باونتي يعني تتبغى تتحكم في الكلام والردود إلي أقولها ؟ ايش رايك أعطيك عضويتي مرة واحدة ؟!

يعني ما شفنا احد يسب الPS3 او سوني و انت ما رديت عليه

لول طيب ؟ يعني مدري ايش علاقة هذا بالموضوع..

و ليلحين مو عارف شنو هي حلقة الوصل بين ويننج الفن DS و برنامج الطبخ عندك ...

سبحان الله .. أعتقد الاثنين على الDS والا برنامج الطبخ المصون نزل على جهاز ثاني ؟

أخ باونتي علشان نحط حد للموضوع, يا ريت ما تملي على الآخرين كيف يردوا و كيف يكتبوا لأنهم مو دمى تلعب فيهم حسب مزاجك...أنا طلبت منك إنك تنهي السالفة والآن أكرر هذا الطلب من جديد بكل مودة, لكن مادامك مصر فلا تزعل اذا جاك رد ما يسرني قبل ما يسرك..

 

[Bounty]

أخ باونتي علشان نحط حد للموضوع, يا ريت ما تملي على الآخرين كيف يردوا و كيف يكتبوا لأنهم مو دمى تلعب فيهم حسب مزاجك...أنا طلبت منك إنك تنهي السالفة والآن أكرر هذا الطلب من جديد بكل مودة, لكن مادامك مصر فلا تزعل اذا جاك رد ما يسرني قبل ما يسرك..
__________________

محد أملى عليك شنو ترد و شنو تقول ... بس ارد و اقول لك كلمتك مالها دخل بالموضوع .. و يا ليت في تشابه اصلا في نوعية اللعبه .. وحده برنامج و الثانيه sport

بس الحين المشكله انك يعني ما تبي تفاهم .. و قاعد تهدد ... ما اقدر اقول الا مشكور على جملتك الاخيره و الي وضحت لي شنو مقدار الاعضاء عندك ... و على فكره ترى اذا تبي تطرد كيفك مو آخر همي .. بس احكم بضميرك

 

[Khalid-S]

شباب خلاص ما يحتاج ..

باونتي .. بصراحه انا اشوف ان ردك له ماله داعي .. الرجال وضح لنا وجهة نظره عن سوفت وير الطبخ وخلاص .. مي عاجبته بكيفه .. يقول عنها غبيه او بايخه او اي شي ثاني بكيفه .. ماني شايف ايش المشكله .. ولا شايف سبب انك تقول " ايش هذي الالفاظ " .. كلمه غبي مافيها شي.

وبصراحه ما اعرف ليش اي عضو تصير بينه وبين مراقب حساسيه بسيطه يقول عادي اطردوني ما همني وووالخ من هذا الكلام ... خخخ يعني من جد ما يحتاج الكلام هذا ينقال .. المراقبين ما يتحكمون بطرد او ابقاء عضو .. ومحد ينطرد على اي سبب بمنتدانا .. واكبر دليل شلة المبزره الي كل يوم واحد يسجل.

خلاص ما يحتاج ردود ثانيه .. خليكم في الموضوع الاصلي بلاش نطلع منه همام.

على فكره متى موعد اصدار اللعبة ؟

 

[Humam]

لا حول ولا قوة إلا بالله.. ما أدري فين التهديد في كلامي !! يا أخي لعلمك والله العظيم إنه ما عندي خاصية طرد الأعضاء لول لو هي عندي كان شفت محمد king zell أول عضو مطرود ثم ما فكرت أبدا في إني أطردك والله على ما أقول شهيد.. يعني ليش سوء الظن .. انت اختلفت معاي وما عجبك ردي أطردك ليش يعني هذي لا عقل و لا منطق يقبلها..

وبالنسبة لمقدار الأعضاء عندي فالحمد لله كلهم إخواني مستحيل أشيل عليهم أو آخذ خلافي معهم بشكل شخصي

 

[M 7 L]

يستر على النهاية السعيدة يا شيخ ^^ <<< بس مداخلة

على فكرة أتوقّع إن اللعبة تكون أول لعبة ناجحة لسلسلة WE على إيد الجهاز الجبّار DSL

وبصراحة الجرافيكس مو مهمّ بالنسبة لألعاب جهاز محمول المهم المتعة في اللعب

سلام...................

 

[Bounty]

لا حول ولا قوة إلا بالله.. ما أدري فين التهديد في كلامي !! يا أخي لعلمك والله العظيم إنه ما عندي خاصية طرد الأعضاء لول لو هي عندي كان شفت محمد king zell أول عضو مطرود ثم ما فكرت أبدا في إني أطردك والله على ما أقول شهيد.. يعني ليش سوء الظن .. انت اختلفت معاي وما عجبك ردي أطردك ليش يعني هذي لا عقل و لا منطق يقبلها..

وبالنسبة لمقدار الأعضاء عندي فالحمد لله كلهم إخواني مستحيل أشيل عليهم أو آخذ خلافي معهم بشكل شخصي

لكن مادامك مصر فلا تزعل اذا جاك رد ما يسرني قبل ما يسرك..

بس كانت هالكلمة الي نرفزتي .. بس ما حصل الا الخير .. و سوري اذا ضايقتك بكلمة لأن نفسيتي واصله الأرض (دكاتره حقاره + صيف حار = الجامعه في الفصل الصيفي ) .. و ترى همام انت عضو الله يعلم اشكثر احترمك و اعزك مع اني اتوقع ما تدري لول .. المهم ما حصل الا الخير و سوري اذا ضايقتك ..




Khalid-S

شباب خلاص ما يحتاج ..

باونتي .. بصراحه انا اشوف ان ردك له ماله داعي .. الرجال وضح لنا وجهة نظره عن سوفت وير الطبخ وخلاص .. مي عاجبته بكيفه .. يقول عنها غبيه او بايخه او اي شي ثاني بكيفه .. ماني شايف ايش المشكله .. ولا شايف سبب انك تقول " ايش هذي الالفاظ " .. كلمه غبي مافيها شي.

وبصراحه ما اعرف ليش اي عضو تصير بينه وبين مراقب حساسيه بسيطه يقول عادي اطردوني ما همني وووالخ من هذا الكلام ... خخخ يعني من جد ما يحتاج الكلام هذا ينقال .. المراقبين ما يتحكمون بطرد او ابقاء عضو .. ومحد ينطرد على اي سبب بمنتدانا .. واكبر دليل شلة المبزره الي كل يوم واحد يسجل.

خلاص ما يحتاج ردود ثانيه .. خليكم في الموضوع الاصلي بلاش نطلع منه همام.

على فكره متى موعد اصدار اللعبة ؟

موعد اصدار اللعبه في اليابان 21\9 من هذي السنه .. الامريكيه ما ادري والله .. بس اشدعوه احنا نلعب الامريكيه XD ما نلعب الا الياباني لول

 

[x-virus]

لا أتوقع الكثير
نسخة الجيم بوي كانت ضعيفة جداً رسومياً ( الكرة كانت صغيرة جداً و بالكاد ترى !!)

هل أنا الوحيد الذي لا تعجبه هذه السلسة في TG؟

 

[Bounty]

شفت عرضها بE3 الي طاف ... لول الكره بالمره مو واقعيه .. تطير فوووووق و تحت كأنها بالونه .. و رؤوس اللاعبين مقصوص نصها .. نص برى جسم اللاعب و النص الثاني داخل جسمه لول .. كانو يقدرون يسوون افضل من جذي .. بس تكلم منو ؟!