ننتندو رسميا في معرض Dubai World Game Expo ؟

[bnbn]

الصراحة انا جدا متحمس لمعرضي Dubai World Game Expo و Character Dubai اللي راح يصيرون بدبي بعد شهر تقريبا و ان شاء الله انا و كم واحد من ربعي راح نسافر دبي خصيصا للمعرض و قاعد نرتب الحجز بس الفنادق اسعارها فلكية بدبي ( من واقع تجربه اشوفها اغلى من فنادق طوكيو ) المهم بعدنا كثير عن الموضوع :laugh:: في الموقع الرسمي للمعرض لقيت صورة ال Floor Plan مال المعرض و ننتندو ماخذة اكبر مساحه بالمعرض

Floor Plan
​

فهل ننتندو قررت اخيرا تدخل سوق الشرق الاوسط و الخليج او ان السالفة فيها لعب ؟؟

ياريت واحد من media partner ياكد لنا :


...

 

[king zell]

أنا كنت أعرف عن الخبر من مدة (في واحد او اثنين هنا علمتهم أيضا)

بس ما كنت أقدر أقول حتى يتأكد.. و بما إنه موجود بالخريطة أعتقد هذا تأكيد كافي ان الأمور مشت تماما



ترقبوا مقابلة حصرية من ترو جيمنج مع مدير المعرض السيد يوكويامي قريبا جدا :happy:

 

[Z1D&O]

الله يسمع منك .. وان شاء الله تكون تجربه ناجحه للنتندو ونشوف خطوات للشركه اكثر بالشرق الاوسط

 

[Lone Wolf]

ممتااااااااز هذا المطلوب...لأنه GAMES 08 كان ناقصه Nintendo

ويكون المعرض 10\10 بس DWGE بيكون 10\10 ان شاء الله، زيدو لك خاطر تروح معاي؟

 

[Zero]

لول لازم ننتندو تدخل سوق الشرق الأوسط علشان الجهاز ينباع بسعره وبدون ضحك على الناس .

 

[Emirates]

شي ممتااااااز

أنا كنت أعرف عن الخبر من مدة (في واحد او اثنين هنا علمتهم أيضا)

:happy:

انا واحد منهم :laugh::

بس احزني عدم وجود كل من سوني ومايكروسوفت

بس مثل ما قلت .. الالعاب اللي راح تنزل على الجهازين خلاص ما بيكون بقا عليهم شي وتصدر

لكن الرابح اكيد ناينتندو لان هالمعرض شكله بيكون ضخم

 

[Tomb raider]

لحظه وين مايكرو وسوني ؟

 

[Mista Koo]

أتوقع بيعرضون أنيمل كروسنق.. وبيحطون Wii Fit و Wii Music قابلين للتجربة

 

[Sinker]

أعتقد محمد هذا واحد من احلامك تقابل المهمين في الننتندو لأنك ننتندو فان مخضرم

 

[Upperleft]

يسسس!!
شيجيرو included؟

 

[BioMario]

أحسن خبر سمعتة عن المعرض إلى الأن حمااااس
ننتندو شكلها رح تعلن أنها رح تنشر ألعابها عندنا بس ياترى من بيكون الناشر !

 

[Tomb raider]

أحسن خبر سمعتة عن المعرض إلى الأن حمااااس
ننتندو شكلها رح تعلن أنها رح تنشر ألعابها عندنا بس ياترى من بيكون الناشر !

انا استويت اتعس واحد يوم سمعت الخبر خصوصا ان سوني ومايكرو مب موجودي ، اوكي مب مشكله نبغي شركات الطرف الثالث ، ابغي اجرب سونك انليشد و PoP

 

[Naif]

على شان كذا اعتقد ما كانت حاضرة في GAMES08

اعتقد اختارت هذا على شان يقدر عدد اكبر من الجمهور انه يجرب العابها..

او يمكن السالفة فيها فلوس انعطت لهم على شان ما يشاركون هناك و يشاركون في DWGE

 

[Rare Games]

ابي اشوف رده فعل مدير RID على دخول نينتدو قعد يتمنى ساعه وجود نينتدو بالمقابله :laugh::

 

[Nyx]

راح أخرب عليكم المفاجئه حقت نينتندو في المعرض...
لنش رسمي لمنطقة الشرق الأوسط وجهاز خاص فيه وبسعر رسمي يعادل 1000 درهم .

 

[Nintendo]

حلو على الاقل الواحد يضمن انه المعرض بيقدم اشياء ماشفناها بمعرض GAMES ولو انه السالفه بتطلع انيمال كروسنج ووي ميوزك وذي الخرابيط .. اتمنى اشوف ديزاستر وفاتل فريم بنسخه انجليزيه بحكم انه المعرض بعد مؤتمرات ننتندو اللي بيعلنوا فيها عن النسخ الانجليزيه لذي الالعاب ..

 

[Khalid-S]

جميل. يعني نقدر نقول صار في ناشر او موزع كبير لالعابها في المنطقة؟

لول مثل ما قال عمر .. مافي العاب تحمس اصلا شفناها في E3 او غيره. اذا كثرت انيمال كروسنق.

 

[king zell]

في أشياء أقدر أأكدها

الرباعي اللي شارك في GAMES '08 ما راح يكون موجود (ريد ، بلوتو ، مايكرو ، سوني).. لذلك لا أحد يتوقع هالأجهزة سواء طرف أول أو ثالث

الا اذا طرأ شي جديد



ننتيندو اللي بتكون موجودة مش شرط معناته انهم بيتواجدون رسميا في المنطقة,, هذي المشاركة حسب ما فهمت صارت مع تفاوض مباشرة بننتيندو اليابان.. يمكن الموزع المحلي (أضن اسمه ساموراي شي) يمكن يكون له دور بالموضوع

بحاول أعرف أكثر في المقابلة مع المنظمين

 

[The Doctor]

ايش احتمالات ينزلوا الوي ntsc؟

بحسب علمي ألعاب أجهزة ننتندو تحتاج قرون على ما بال تنزل PAL >.>

 

[Nintendo]

محمد اذا سوني وريد ومايكروسوفت وبلوتو مش موجودين ؟ اجل ايش بينعرض بالمعرض ؟ مو هم تقريبا 99% والباقي لوكيل ننتندو

 

[king zell]

لا أبدا..

المعرض بيكون فيه شركات تطوير صغيرة من المنطقة.. بيكون فيه شركات تطوير كورية.. نوكيا أيضا بيكون لها حضور كبير مع Ngage

ايضا بيكون فيه حضور كبير للأنمي و شركات كبيرة من اليابان بهالمجال

ننتيندو بتكون الشي الرئيسي بالمعرض بحكم إنها ما تواجدت بGAMES


أيضا في بطولة DWGC و مسابقة الCosplay

و حفل جوائز الأول من نوعه في الشرق الأوسط (اذا ما حسبنا حفل TG السنة الماضية لول)




هو بيكون مختلف عن GAMES .. هذا بالفعل معرض كبير أشبه بTGS و E3 الأصلي

سبب عدم مشاركة الأربعة اللي ذكرتهم سابقا هو تأخر موعد المعرض.. بحكم إن الألعاب اللي بيعرضونها بيكون باقي عليها أسبوع و تنزل.. فما في فايدة من ترويجها

لكن السنة القادمة غالبا GAMES بيلغى اذا قدر DWGE ياخذ مكانه في وقت مناسب لهالشركات

 

[Naif]

محمد اذا سوني وريد ومايكروسوفت وبلوتو مش موجودين ؟ اجل ايش بينعرض بالمعرض ؟ مو هم تقريبا 99% والباقي لوكيل ننتندو

هو نصه معرض شخصيات (انمي و مانغا و هالسوالف) و معرض ألعاب..

لو تشوف الرعاة بينهم:
Dubai International Character & Licensing Fair
Tokyo International Anime Fair
Seoul Characters Fair

 

[king zell]

هو في الأصل فعلا معرضين بيتم إقامتهم في نفس القاعة.. حتى هو شي واضح من الخريطة

معرض Dubai World Game Expo
و
معرض Dubai International Character & Licensing Fair

 

[Nintendo]

يعني انا كجيمر ماراح اشوف بالمعرض غير العاب ننتندو .. لول بالايام العاديه بيكون ذا الشئ حماسي جدا جدا بالنسبة لي .. بس هاذي السنه بالذات راح افكر مليون مره قبل لا اروح عشان اجرب انيمال كروسنج ووي ميوزك ..

المشكلة اشياء الانيمي وكذا ماتهمني كثير .. انا اذا كنت بروح فبروح عشان اجرب ريزدنت ايفل والشله ..

 

[Tomb raider]

رسميا مب متحمس ... الحمد لله اني حضرت Games 08 ...