نقاش : شبكه البلاي ستيشن ، والاختراق الاكبر الى الان .

[BioHazard]

شباب إن شاء الله ما في خوف على معلومات الكردت كارد المخزنة بالاكاونت. حسب علمي ان ارقام الكردت كارد ما يقدر يطلع عليها النتورك ادمنيستراتور سوى اول اربع ارقام او اخر اربع ارقام و الباقي مشفر بطريقة تجعل ربط الكردت نمبر بإسم صاحبه أمر شبه مستحيل. ثم لا تنسون ان سوني اول ما عرفت ان فيه إختراق قفلت الشبكه من فيش الكهرب بمعنى اخر ما كان فيه و قت كافي ابدا لسحب الداتا بيس من سيرفرات سوني لجهاز المخترق خاصة ان حجم الداتا بيس بالتيرا و انت طالع. غير كذا لو سوني شكت ان الكردت كاردز في خطر كان مباشرة أعلنت الشي هذا لأنها قانونيا مطالبه تبلغ عملائها عشان يتخذون الإجرائات الازمة.

احتمال كبير سحبوا الداتا بيس قبل ما يبينون انهم اخترقوا الشبكه, الناس هذي منظمه بشكل كبير جداً واكيد مخططين لها من فتره.

 

[T u R k I]

بعيد عن سالفة تعطل الشبكة , مجانية الخدمة ما فادت الجيمرز كثير ؛ مشاكل اللاج في الألعاب الملتيبلاتفورم تحصل على البي اس 3 أكثر من ال360 , أقرب مثال بلاك أوبس , وأعتقد هوم فرنت مشاكلها أيام إطلاقها كان على البلاي3 فقط .

مو كنكم ذليتونا بالخدمة المجانية

 

[abu- naif]

أسميهم عباقرة ، و فعلا لازم تتنمى قدراتهم ويتم توجيههم لاستخدام هذه القدرات في طرق أخرى .

1 +

صحيح انه الي مسوينه شي جدا سلبي .. وعطل جميع مستخدمين بلاستشين نيتورك . .

بس فعلا بغض النظر عن الي مسوينه .. عن وجهة نظري اسميه شي عبقري

وياليت انه يستخدم بشي ايجابي .. ولا بشي مفيد بدال مايستخدم بشي سلبي ..

 

[Q8_Gamer]

بغض النظر عن النقاشات الفانبويزنه ... مسألة انقطاع الشبكة يذكرني بالمثل اللي يقول الشق اكبر من الرقعه

مهما كان الهجوم منظم ومخطط له المفروض سوني ماتحط نفسها بهالموقف المحرج والمفروض انه يكون فيه خطة احتياطية لمثل هالمواقف

شركة بحجم سوني ماتقدر تتدارك الموضوع بسرعه لو المشكله حصلت وقت الزلزال نقول "يمكن" أثر عليهم وعلى ميزانيتهم

سوني الآن في موقف لاتحسد عليه كم واحد عنده اكس بوكس ركن الـ PS3 على جنب(وانا واحد منهم) ويمكن البعض مايرجع ابدا

بالرغم من اللي قاعد يصير إلا اني اقول برافو برافو سوني لتصديها للهكرز طوال الـ 5 سنوات الماضية عكس باقي الشركات اللي حبت ركبها من اول سنه

وانشالله انه ترجع مثل اول وافضل ... واعتقد هالشي من صالحنا

انا استغرب من الناس بالعالم كله (علشان لحد ينقز) اللي يقول شوف شصار وتعيبون على الاكس بوكس .... عاد لو انه ابوك ولا جدك ولا خالك صاحب الشركه نقول يمكن

المشكله اننا صعاليك محد درا عن هوا دارنا بس فالحين نعاند بعض

تدرون عاد ابوي اقوى ابوكم :rockon:

 

[L O R D]

الفديوهات الي انحطت ما انذكر فيها "سوني" او الـ"PSN" عالإطلاق و ممكن مالها علاقه بمشكلة الشبكه .. لكن عجبني المتحدث باسم انونيموس و كيف يستخدم بعض الميمز بكلامه :laugh::
أفضل حل تنتظروا يتسرب شي من سوني كالعاده يبين لنا السبب الحقيقي للمشكله :tongue:

 

[T u R k I]

بغض النظر عن النقاشات الفانبويزنه ... مسألة انقطاع الشبكة يذكرني بالمثل اللي يقول الشق اكبر من الرقعه

مهما كان الهجوم منظم ومخطط له المفروض سوني ماتحط نفسها بهالموقف المحرج والمفروض انه يكون فيه خطة احتياطية لمثل هالمواقف

شركة بحجم سوني ماتقدر تتدارك الموضوع بسرعه لو المشكله حصلت وقت الزلزال نقول "يمكن" أثر عليهم وعلى ميزانيتهم

مع احترامي ,

انتوا قاعدين تتكلمون وكأنكم تدرون عن وضع الشركة جوى

أو كأن سوني ماتعرف تتصرف وبتعلمونها وش تسوي

 

[SALAH]

الحمدلله ان اللي ماسك الـFBI تفكيره مش زي بعض الناس هنا :tongue:
الأف بي آي في الغالب لما يمسك هالناس مستحيل يدخلهم السجون عشر سنين ليعفنوا , طريقة تفكير الأف بي آي تتجاوز مرحلة ( لالا هذا مجرم عمل شي اجرامي بغض النظر عن عبقريته ) , الأف بي آي يفكروا بطريقة أذكى بحيث يستغلوا هالعبقرية اللي استخدمها للشر و يسخروها لخدمتهم مقابل ملايين الدولارات !
راجعوا التاريخ شوي..ياكثر النصابين اللي دوخوا الأف بي آي بتزوير الشيكات و القدرة على صناعة شيك مزور شكله حقيقي 100% و بالنهاية لما قبضوا عليهم شغلوهم معاهم , نفس الشي قصة البنت اللي فكت شفرة CHAP في الـWAN connection - على ما اظن - بعد ما فكت الشفرة و اخترقت واحد من أقوى الشبكات في العالم , قبضوا عليها و هي الحين تشتغل معاهم في السكيوريتي !

المغزى أنه موهبة رهيبة ولا مثيل لها بالعالم , مثل اختراق شبكة كبيرة بحجم الـPSN , خلينا نقول أنه بكون غباء صاروخي لو انسجن العقل المدبر للعملية...

بس بصراحة.....فكونا ياخي بدي ألعب !!! :crying::crying::crying:

 

[SAUD~F-16]

وتستمر الحكاية... الشبكة مغلقة وليست هناك باوادر انفراج بالقريب العاجل والشباب فوق يتكلمون بال FBI

:sadwalk:

 

[Brewmaster]

واضح ان المعظم هنا مو عارف اننيموس, وماهو عارف انهم أكبر من مجموعة -عابثين- متجمعين على الانترنت.
والي ما يدري كان لهم علاقة بسالفة ويكيليكس.

 

[Mute City]

I know you are waiting for additional information on when PlayStation Network and Qriocity services will be online. Unfortunately, I don’t have an update or timeframe to share at this point in time.
As we previously noted, this is a time intensive process and we’re working to get them back online quickly. We’ll keep you updated with information as it becomes available. We once again thank you for your patience.

في حسابهم على تويتر

 

[Q8_Gamer]

مع احترامي ,

انتوا قاعدين تتكلمون وكأنكم تدرون عن وضع الشركة جوى

أو كأن سوني ماتعرف تتصرف وبتعلمونها وش تسوي

ماله داعي نعرف وضع الشركه جوى ,, ليه عندهم مشاكل عائليه ؟ اي جوى واي برا

سوني دوله داخل دوله ... وعلى فكره ترا لحد الآن هناك خلاف كبير على جرائم الانترنت من اختراق وسرقات ومافيه قوانين واضحه وصريحه كون الدليل عليك راح يكون صعب إثباته

يعني تعال اثبت انه انا اللي اخترقت موقعك وعبثت وخربت وسببتلك خسائر ... كل ما كان المخترق متمكن وقادر انه يخفي الادله وآثاره راح تركض سنين وراه ولا راح تحصل شي "مجزي" اقصاها يسجن وانت خسرت ملايييييين

وقبل لا اقول هالكلام اعتقد انه سوني تعرف هالكلام اكثر مني ومنك فا هذا اللي مستغرب منه ولا مسألة اني اعلم سوني وش تسوي هاهاها اضحك الله سنك على ايدك زين لو سوني تعيني مستشار

 

[MohamedEgy]

الى الا ما فى اى خبر جديد

سمعت ان اليوم PSn اليابانى هيشتغل اليوم وغذا الامريكي الاروبي

بس الى الان ما فى شئ واضح نهائي

 

[Dark Fantasy]

بعد التهكير هذا أظن بإن سوني بتطبق طريقة مايكروسوفت ، مايكروسوفت اللي يخترقها على طول يوظفونه

بس سوني للأسف رفعت قضية و حاستها حوس ، بس فعلاً أفضل شيء لتفادي ذولي المجانين بإن يتم توظيفهم إذا اخترقوا

 

[T u R k I]

Q8_Gamer

أنا رديت على كلامك لما قلت ان سوني المفروض تكون مخططة لهالمواقف واللي قبلك قالوا ان شركة مثل سوني عار يصير فيها كذا والحماية ضعيفة .. الخ

وكأنكم عارفين وضع الشركة هناك أو بتعلمونها شغلها

يعني قولي وش دراك ان سوني ماحطت إحتياطات لهالمواقف ؟ الجهاز صامد طول هالفترة عكس الأجهزة الثانية اللي تُخترق بسهولة وكل ماسمعنا عن هكر يفشل ومؤخراً كل شوي تحديثات عشان الهكرز

قلناها أكثر من مرة حتى أقوى أقوى الشركات تُخترق والهكرز واضح انهم فاقوا خطط سوني هالمرة وانهم مو أي كلام زي ماالبعض مستهين فيهم

 

[hemo memo]

كيف يوضفونهم لاهم واحد ولا اثنين ولا عشره هذولي منظومه كامله ومستغنين عن وظيفة سوني ههههه

 

[xxamerxx]

صراحه قضية غريبه ومتحمس للاحداث القادمه ..
بشكل عام الى الان ما في اي توضيح من اي طرف بالقضيه , كل اللي نعرفه سبب المشكله من خارج الشركة , " الاختراق " اذا كان صحيح فهي صفحه سوداء في تاريخ سوني معليش ياجماعه سالفه ان كبار الشركات تعطلت او اخترقت ما يبرر تخاذل سوني لان اذا كان هناك اختراق حقيقي فالموضوع خطير , يعني اول شيء ما نعرف مدة الاختراق كم استمر وكم نقل من الداتا ولا نعرف كم اتلف من ملفات سابقه , ثاني شيء خبر ان سوني تريد بناء الشبكة من جديد يطرح تسائولات ثانية هل الضرر الحاصل يحتاج الى شبكة جديده ؟ هل معناها ان حصل تلفيات كبيرة لبناء شبكة جديده ؟ هل النظام السابق عقيم لا يتحمل الترقيع ولو لفتره بسيطه حتى تجهز الشبكة الجديده؟
سؤال اخر اذا كانت الشبكة مخترقه لفترة طويله وتم زراعة فايرس بالمواد القابله للتحميل هل ممكن ان تتضرر اجهزة المستخدمين في يوما ما ؟

انا مستغرب من سوني انها ما عندها حلول سريعه للمشكله المفروض يكون هناك خطط بديله في حال سقوط الشبكة .
لو استمر الوضع اكثر من كذا راح اعتبر الموضوع نكتة السنه

 

[Inc0mp3rtus II]

أنا ما أدري ليش في ناس تدخل اللايف في الموضوع هذا ؟ لازم مقارنات ما أدري شو الهدف ! و المشكلة في كل موضوع نفس الحالة أي موضوع عن ننتندو لازم يدخلون سوني و ماسكروسوفت و العكس صحيح.

لأنهم كلهم اجهزه ألعاب ؟

يارب اني توفقت بالاجابه لان سؤالك كان صعب جدا ً لدرجه اني قاعد أفكر لمدة طويله ،،

 

[Dark Fantasy]

كيف يوضفونهم لاهم واحد ولا اثنين ولا عشره هذولي منظومه كامله ومستغنين عن وظيفة سوني ههههه

ما كان قصدي كل المنظومة ، كان قصدي جيوهوت اللي انحبس أو أياً كان اسمه

 

[Reload]

ما كان قصدي كل المنظومة ، كان قصدي جيوهوت اللي انحبس أو أياً كان اسمه

رفض طلب شركة ابل

و يروح عند سوني ؟!

 

[hemo memo]

المفروض ماحاكمو جيوهوت وخلصنا,, كان ولاشي من هذا صار هههه (ماقول ان اللي سواه صح) بس المفروض سوني تحسبها صح وهذي شكلها البدايه

 

[Dark Fantasy]

رفض طلب شركة ابل

و يروح عند سوني ؟!

امم ، شي غريب والله ، ما أتوقع إنه بيهكر شركات كبيرة بس استهبال ، يعني تهكيره يا لأنه يبي يشتغل عندهم أو حتى ياخذ فلوس مقابل إنه ما يهكر

أو إنه يجيه دعم مادي من ناس ثانيين بمقابل إنه يهكر ، غير كذا ما أتوقع بيورط نفسه بقضايا كبيرة لأسباب تافهة ، على العموم أنا أبديت رأيي ، يمكن تكون له دوافع ثانية محد يفكر فيها =)

 

[Fatale]

الوضع ابدا ما يطمن

الي مسجل بطاقات الإتمان حقته في البلاستيشن يمكن راحت باي باي:

http://kotaku.com/#!5795349/sony-doesnt-know-yet-if-your-credit-card-number-was-stolen

مفروض سوني بعد ما ترجع الخدمه تعوض كل مشترك بإشتراكات او العاب مجانيه المهم انهم يعوضون

صراحه مليت ابي العب اون لاين :sarcastic:

 

[BioHazard]

ماله داعي نعرف وضع الشركه جوى ,, ليه عندهم مشاكل عائليه ؟ اي جوى واي برا

سوني دوله داخل دوله ... وعلى فكره ترا لحد الآن هناك خلاف كبير على جرائم الانترنت من اختراق وسرقات ومافيه قوانين واضحه وصريحه كون الدليل عليك راح يكون صعب إثباته

يعني تعال اثبت انه انا اللي اخترقت موقعك وعبثت وخربت وسببتلك خسائر ... كل ما كان المخترق متمكن وقادر انه يخفي الادله وآثاره راح تركض سنين وراه ولا راح تحصل شي "مجزي" اقصاها يسجن وانت خسرت ملايييييين

وقبل لا اقول هالكلام اعتقد انه سوني تعرف هالكلام اكثر مني ومنك فا هذا اللي مستغرب منه ولا مسألة اني اعلم سوني وش تسوي هاهاها اضحك الله سنك على ايدك زين لو سوني تعيني مستشار

انت تنقز من سالفه لسالفه, وش دخل الحين الاثبات في استرجاع الشبكه؟ وكيف ماله داعي نعرف وضع الشبكه من داخل؟ انت اول شي ما تعرف الاضرار الي سووها الهاكرز ثاني شي هم حتى لو يقدرون يرجعون الشبكه مهم مرجعينها بدون ما يسدون الثغره. واضح

 

[zizo0o]

يصير الواحد بدل ما يقدم c.v للشركة ,,, يهكر الشبكة ويوظفونه ثاني يوم ...

واااااااااااو

 

[G7Ga7]

http://www.reddit.com/r/gaming/comments/gx6o4/im_a_moderator_over_at_psxscenecom_the_real/
واحد من ريدّيت يدعي ان عنده السبب الرئيسي لسقوط الشبكة. لاحظوا انه حتى كلامه ماهو نهائي, وانه يقول بنفسه ان هذي speculations منطقية مستنتجة من عدة أحداث مذكورة.

شخصياً أتوقع كلامه صحيح. أنا قلت في أول رد لي هنا وأنا متوقع ان سوني قاعدة تحاول تلوم أنونيموس عشان تخفف من المشكلة, وتبعد اللوم عنها.

 

[hussien-11]

http://www.reddit.com/r/gaming/comments/gx6o4/im_a_moderator_over_at_psxscenecom_the_real/
واحد من ريدّيت يدعي ان عنده السبب الرئيسي لسقوط الشبكة. لاحظوا انه حتى كلامه ماهو نهائي, وانه يقول بنفسه ان هذي speculations منطقية مستنتجة من عدة أحداث مذكورة.

شخصياً أتوقع كلامه صحيح. أنا قلت في أول رد لي هنا وأنا متوقع ان سوني قاعدة تحاول تلوم أنونيموس عشان تخفف من المشكلة, وتبعد اللوم عنها.

بصراحة استنتاجه منطقي جدا ، لكن النتيجة وحدة بكل الأحوال ، سوني قاعدة تبني النظام من اول و جديد لوول

 

[alakafi]

شخصياً أتوقع كلامه صحيح. أنا قلت في أول رد لي هنا وأنا متوقع ان سوني قاعدة تحاول تلوم أنونيموس عشان تخفف من المشكلة, وتبعد اللوم عنها.

متى سوني لامت انونيمس ؟ ياريت اذا موجود الكلام تجيبه

 

[Old School]

متى سوني لامت انونيمس ؟ ياريت اذا موجود الكلام تجيبه

مهي هنا الحيلة و حركات النص كم كل المطلوب كلمتين external excursion و يا فهيم إفهم. بمعنى أخر مجرد تصريح سوني ان العطل سببه تدخل خارجي كافي بجعل الرأي العام يوجه الإتهام لأقرب متهم.

 

[alakafi]

^
مابعرف احس انه لمن تقول شبكتنا اخترقت وارقام الفيزا كارد والخ من المعلومات الخصوصية كلها ممكن انكشفت اقوى بكثير من لما تقول الكلام الي انقال بالموضوع الي جاب رابطه جحجاح

 

[Old School]

^
مابعرف احس انه لمن تقول شبكتنا اخترقت وارقام الفيزا كارد والخ من المعلومات الخصوصية كلها ممكن انكشفت اقوى بكثير من لما تقول الكلام الي انقال بالموضوع الي جاب رابطه جحجاح

ما فهمت! تقصد إن سوني غير معذورة بشرح السبب الحقيقي؟ اذا كان كذا فهذي مجرد سياسة لا تعلن عن تفاصيل المشكلة حتى تنحل بالكامل.