نصيحة في شراء لابتوب

[king zell]

شباب توشيبا ستلايت اللي شريته قبل 4 سنوات خلاص يوشك على نهايته و كسرت شاشته :bigSmile:

مسكين هالجهاز ياما كان مركز تنفيذ عمليات و انولد على كيبورده هذا المكان الرائع.. لكن حان الحين وقت جيل جديد


المهم ناوي اشتري لابتوب جديد و لاحظت أكثر شي في السوق لمعانا هم التوشيبا و الHP.. فأيهم تفضلون؟ و اذا كان توشيبا فأي الseries الأربعة؟


و ايش هي المواصفات اللي الواحد لازم يحرص عليها؟ لاحظت هاليومين شي جديد طالع في الشاشات و هي TFT LCD و بعضها عليها ستكرات HD ready


أفيدونا الله يعافيكم

 

[Golden_Sun]

الموضوع جاء في وقته ،، انا مقبل على شراء لاب توب الاسبوع القادم ان شاء الله .. وابي شويه نصائح = ) ..

خصوصاً ان هذا اول لابتوب لي << واستخداماتي عادية .. تصفح ، طباعه ، تصميم (لكن مو التصميم ثقيل << متوسط في الفوتوشوب) ، وغيرها من الاستخدامات العادية

كنت متأمل اشوف نصائح ومعلومات في موضوع ذا ماتريكس لكن تحول لساحه حرب P:

 

[ASWD]

toshiba/HP/DELL

هذي يمكن تكون اكثر الانواع المتوفرة بأسواقنا

وكل واحد منهم يقول الزود عندي من ناحية الأداء والجودة

اما مواصفات وألخ ما عندي خبرة فيها لأني ما استخدمت لاب توب

 

[Xavi]

VAIO S48 وبسسس

غير سوني لا تدور .. فوق المميزات يكون عندك شكل تفتخر بيه قدام الكل

 

[TaMeM]

Acer

و لا تدور غيره رخص و جودة عالية

و فيه كل المواصفات اللي تبي

اذا خفيت شوي وريتك اياهم باذن الله بس انت قوم بالسلامه

من تجربه شخصية

 

[BioMario]

كنت متأمل اشوف نصائح ومعلومات في موضوع ذا ماتريكس لكن تحول لساحه حرب P:

شكلك مثلي لول .. تبي لابتوب بسيط جداً مثلي ^^..

اخوي ما انصحك بسوني ابداً ..
مافي مثل توشيبا و دل و اتش بي ..
انا بشتري HP ان شاء الله ..

 

[Jizasu]

يمدحون لابتوبات سيمنز هل يومين...بس مع هذا افضل توشيبا نصيحتي لك بتوشيبا ​

 

[king zell]

ما شاء الله كل واحد صاير مندوب شركة :razz:


المهم

Sony Viao
اكيد كشخة و متقدم تقنيا.. لكن صراحة ما أتوقع انه عملي جدا.. حازم صاحبنا عنده واحد و دخلت شعرة في شاشته لول

Acer
أكيد ممتاز و يقدم أسعار مناسبة جدا.. لكن ما ينزلون موديلات فيها تقنيات حديثة.. مثل شاشات HD للحين ما نزلت من هالشركة هنا

HP
ما عندي أي خلفية نهائيا.. يا ليت اللي يقول خذ HP يعلمنا مزاياه اللي تخليه افضل من غيره

Toshiba
طبعا مش بس تجربة شخصية.. لكن مؤخرا شريته لواحد من أصحابي و جربه و عجبه بشكل كبير.. و توشيبا ميزتها أسعارها صارت مناسبة جدا و عندهم تشكيلة كبيرة مرة في السوق يمكن أكثر شي منتشر

Dell
متوفرة بقلة و غير كذا أكثر من تحربة شخصية من ناس قراب مني و ما تشجع نهائيا




ننتظر بقية آرائكم

 

[Isaac]

VAIO S48 وبسسس

غير سوني لا تدور .. فوق المميزات يكون عندك شكل تفتخر بيه قدام الكل

ولد ولد ولد ...

هههههههه عاد تصدق من الأسباب اللي خلتني ما أتردد في شراه رأيك فيه ..

ال S48


لابتوب محترم جدا ... ومواصفاته ممتازة جدا ... شاشة إبداع .. وأنيق جدا ... بس مشكلته $$$ سعره أغلى من أمثاله من الأجهزة الأخرى ...


it's Sony

 

[Isaac]

Sony Viao
اكيد كشخة و متقدم تقنيا.. لكن صراحة ما أتوقع انه عملي جدا.. حازم صاحبنا عنده واحد و دخلت شعرة في شاشته لول

هههههههههه الله لا يعديها من أيام .... تصدق عاد كنت في البداية خايف إن الشاشة تتأثر .. بس تكاسلت أروح للصيانة ...

استخدمت عدة علاجات ناجعة (ضد الشعرة اللي دخلت بالشاشة) تتمثل بعدد من الأمثال العربية والشعبية :

1- الحقران يقطع المصران .
2- طنش تعش تنتعش .
3- القافلة تسير والكلاب تنبح.
4- القافلة تسري والذئاب تعوي.
5- إذا دخلت شعرة سفيهة في لابتوبك فلا تجبها فخير من إجابتها السكوت.


وفعلا قمت شغلت الجهاز في يوم من الأيام وما لقيت الشعرة ... طفشت وطلعت هههه

 

[Ginko]

سوني سوني سوني سوني...


توه الحيييين نازل سيريزين جداد..واحد الSZ الي تقدر تحط فيه Due core :
http://www.sonystyle.com/is-bin/INT...VAIONotebookComputers_SZSeries&Dept=computers

وفيه الثاني والي هو الTX كمان توه نازل لكن يتميز عن الSZ انه افضل للتنقل:

http://www.sonystyle.com/is-bin/INT...VAIONotebookComputers_TXSeries&Dept=computers

انا مستخدم سوني من الدرجه الاولى في اللابتوبات..وعندي حاليا الA سيريز والي هو ميزته انه يغنيك عن الديسكتوب لانه مره قوي ، بل جبار وحجمه جيد بالنسبه لقوته..وشاشته عجيييييبه..اساسا افضل شاشات سوني بلا منافسه...انا الحين لي اكثر من سنه وهو شغال عندي كأنه جديد (مع ان تعرفني بالتنزيل اجيب خبره)..

هذي اللابتوبات الجديده:
http://www.sonystyle.com/is-bin/INT...Name=cpu_VAIONotebookComputers&Dept=computers

ميزه سوني ان اذا شفت فيها فلم ولا انيمي تعطيك جوك وبقوه بالشاشه الخرافيه والسماعات وكل شيء..

وميزه ثانيه في فايو ان انيق..كأن معك فيراري ..مو ديل كأن معك كاديلاك ولا توشيبا كأنه لكسس..فيراري يابو فيراري لووول

وميزه اخيره ان اكسسواراته كثيره الي توفرها سوني وممتازه..يعني مثل السماعات الكبار واشياء كثيره انا دايم اشتري منها..

والخيار راجع لك بالاخير..لكن انا الحين ابي اشتري لابتوب جديد لان خايف من كثر ضغطي على حقي يخرب (مع انه الحين ميه ميه) وراح اخذ سوني بلا شك وبالتحديد TX الجديد..

 

[Khalid-S]

Apple Mac
لوووول امزح ..

محمد الـHP الي كان يبيه ذا ميتركس جبااار .. تحصله في موضوع حرب Apple vs Micro .. لكن اتوقع سعره شوي مرتفع.

اذا ما تبيه خذ توشيبا .. افضل شي صدقني .. اما سوني انسى .. اخواني ( اثنين ) اشتروا سوني وابدا مو مشاي معاهم زي الناس .. فجآه يطفي .. قبل كم يوم طفى حق اخوي وصارت تجي شاشه زرقاء .. اضطر يعمل فورمات .. هو يا من الاب توب او النظام الزباله

 

[Humam]

محمد .. توشيبا, سوني و HP ..

توشيبا, مايحتاج ابدا, اسم ما تقدر تقول عليه ثلث الثلاثة كم من ناحية اللاب توبات.. وزي ماقلت معطينك خيارات كثيرة ومواصفاتهم جبارة + اسعارهم الجيدة.. خلي توشيبا أول خيار تفكر فيه محمد.

بالنسبة لسوني, حاول تشيك على الTX Series.. نحيفة وخفيفة, وزنها 1.25 كيلو جرام فقط لا غير .. بطارية تستمر ل 7 ساعات ونصف ( البعض يقول توصل لل 9.. صدق والا ما أدري ).. المعالج انتل بنتيوم M 753 الكلوك سبيد 1.20 جيجا هرتز ( معالجات بنتيوم ام الكلوك سبيد فها منخفض, لكن 1.6 جيجا هرتز يساوي أداء 2.4 جيجاهرتز على بنتيوم 4 .. يعني انت قيسها على راحتك ) الشاشة CCFL أكثر اضاءة ب 30 % من لاب توبات سوني القديمة + ما تخسر طاقة ( علشان كذة البطارية عرمها طويل ) والرام أعتقد 1.5 جيجا كحد أقصى إن ماكنت غلطان .. الهارد ديسك 60 جيجا ( لكلام هذا قبل فترة يمكن نزلت موديلات جديدة بسعات أكبر ) ..يتوفر ايضا مع الTX كاميرا VGA مدمجة .. حركة لا بأس بها.. طبعا شكل الجهاز مايحتاج

بسبب ان الحجم الصغير يمكن الTX ماهو خيار المناسب لشغل الملتي ميديا الثقيل.. بس يظل خيار للي حياتهم سريعة , مفعمة بالحيوية والي مايقدروا يحكوا شعر راسم من كثر الشغل.. وفي نفس الوقت يبغوا يكونوا كووول ( لول تحسها نشرة دعائية ) .

ثالث خيار محمد لاب توبات HP, صراحة محققة تتطور جيد جدا.. أنا أخواني عندهم HP و3 من عيال خالاتي وواحد من أصدقائي, صراحة ما شفتهم اشتكوا منه .. الPavilion Series يمدحوها .. وأسعارهم ترى طيبة جدا واشكالها كمان حلوة ..

اعمل جولة على كل ال 3 شركات هذي وقارن ودقق واختار الأنسب لك, لأن الي يناسب غيرك يمكن مايكون مناسب لك شخصيا, ولا تنسى الاستخارة, ما خاب من استخار .. وبالتوفيق ان شاء الله

 

[king zell]

أوكي شباب يعطيكم العافية..


ما أدري عن البقية لكن أنا شخصيا بستبعد السوني بسبب سعره الغالي.. لأني ما ودي أدفع أكثر من 6000 في لابتوب وودي بعد فترة أشتري ديسكتوب زي الناس..


لذلك بقارن بين الHP و التوشيبا من المتواجد بأسواقنا..

طبعا الHP زي ما قال همام له ميزة حلوة و هو انه اصغر و اخف و أكثر اناقة من التوشيبا


شباب أحد عنده نصايح من ناحية المواصفات؟

 

[Isaac]

هذه المواصفات الكاملة لسلسة الـ SZ

http://www.learningcenter.sony.us/assets/Computers/Notebooks/SZ/SZspec_b.html

صراحة أنا أشوفها ممتازة للي وده يستخدم لاب توبه للجيمنج خصوصا مع

Hybrid Graphic System: NVIDIA® GeForce™ Go 7400 with TurboCache™ supporting 256MB7 and Intel®

وفيه بعض الإضافات الحلوة مثل كاميرا مدمجة ومايكروفون وقارئ بصمة الأصبع ... إلخ

 

[dragonwarrior]

أهم شىء باللابتوب الخفة ... أبي واحد خفيييف
عندي واحد من سوني صارة 4 سنوات (أو أكثر) طلعلي عضلات .
كنت مفكر أبل بس غالي -_-

 

[TaMeM]

Acer

وبس و اوريك يا محمد ساحب على شركتي المفضله مشكور



<<=- زعل

 

[Khalid-S]

همم Acer جيد لكن هو في آخر قائمة افضل الاب توبز ... يعني فيه غيره كثير احسن .

 

[TaMeM]

مشكور خالد على ردك اللي اشفا غليلي على محمد

بس ما علي منكم ايسر احسن شي و بس

<<-=- عناد ؟

 

[Mesharey]

استعملت لابتوبات من Acer و HP و توشيبا
الأفضل حسب ماجربت والعملي واللي يستحمل الشغل الثقيل كان التوشيبا ..
أكثر من ممتاز صراحة .. أنصحك فيه بالمرتبة الأولى ..

HP ممتاز .. لكن ما استعملته كثير (جهاز أخوي) .. لكن اللي اعرفه انه ممتاز ..

Acer باللاب توب ابتعد عنها ~__~
ما انصحك تاخذ لابتوب من Acer .. جهاز صاحبي وبصراحة مو عملي (يعلق والبطارية تخلص بسرعة مع انه جديد)
أما الديسك توب معروف انه أكثر من ممتاز (جهازي الديسك توب من Acer) ..

بالأخير .. الله يخلي البي سي مايقول "كافي" إذا طولت عليه أو تركته شغال P:

 

[The Last Fantasy]

والله الموضوع جـا في وقته لوول ..
أنـا ناوي على واحد بعد أسبوع ان شـاء الله ..
طبعـاً مالي تجـارب عميقة مع اللابتوبز ..

لكن سمعت من نـاس كثير أن DELL بتنزّل كم واحد بمواصفـات جبّـارة جدا ..
رغم أن الدارج والممدوح عند الكثير هو توشيـبـا .. وهو اللي أفكر فيه حـاليـا ..

 

[BioMario]

انا إلي اعرفة من اقوى الابتوبات في العالم توشيبا و دل ..
وفي عندهم اسعار من 2000 إلى 15000 درهم ^^..
يعني على كيفك المواصفات غلي تبيها بتحصلها ان شاء الله ..
وانصحك واحد منهم .. وكذالك HP ممتاز جداً للأعمال المتوسطة ..

 

[Aoks]

ما قرأت ردود الشباب لكن بقول الي اعرفه

انا اشريت لابتوب قبل شهر تقريبا علشان العاب ال MMORPG

FFXI & WoW

المهم اني كنت احتاج لابتوب جيمينج

ارخص لابتوب جيمينج لقيته كان DELL XPS ب 10 الاف ريال ..

فدورت لابتوبات عادية بس موصفات قوية ... واشتريت
TOSHIBA QOSMIO F-20-155

هذه موصفاته :

المعالج : Intel Centrino 2,13 G

شاشة : 15,4 بوصة 800×1280 ريزلوشن

الهارديسك : 100 جيجابايت

DDR2 RAM 1,024 G

كرت شاشة NIVIDIA GeForce Go 6600

تقدر تخلي الجهاز تلفزيون ...وغير كذا الشاشة رهيبة مرة .. اعتقد الجهاز سموه على اسم المادة الي في الشاشة

وشريته ب 8500 ريال من جرير

 

[king zell]

محمد (TaMeM) زي ما قلت لك Acer ما فيه شي لكن مش الأول في عالم اللابتوب.. لكن مش لازم تصير الأول عشان يكون عندك اداء ممتاز.. عالعموم أنا مريت "جرير" قبل فترة و لقيت Acer عندهم جهازين أو 3.. بس لهم حد معين بالمواصفات و الشركة عندنا هنا ما تنزل فوقه


توشيبا فيه مشكلة وحدة.. رغم التنوع و الموديلات الكثيرة.. الا إن الحجم لا زال كبير و ثقيل نوعا ما


الHP عيني عليه


aoks مشكور بس ما عندي نية أخليه للعب.. لأني ناوي على ديسك توب بعدين

 

[king zell]

شرايكم شباب هذا الجهاز اللي عاليمين:

http://www.jarirbookstore.com/catalog/laptop/24-ET341EAABV.asp

 

[squall leonhart]

ما ادري بس احس ان HP صارت شعبيه عندنا كثير ( بصوره سلبيه) مثل النوكيا و الكامري لوووول و صار الي يسوي و الي ما يسوى عنده لابتوب HP ^_^ انصحك بتوشيبا ادائها افضل بكثيرخصوصا في الملتي ميديا و لو تدور مزبوط تلقى اوزان خفيه جدا

 

[Shot]

شباب ابي رايكم بلابتوب Gateway

 

[Mr.3B]

...

http://www.alienware.com/product_pages/notebook_all_default.aspx