نصائح لشراء "كنبة مساج "

[DONY]

مرحبا شباب , أنا في الفترة الأخيرة عايش بارهاق نفسي وجسدي شديد .. ووقت فراغي من بعد العمل ما أقدر أعمل شيء فيه غير النوم والانترنت .. وما قادر ألعب ولا قادر أطلع مع الشباب .. فنفسي صراحة لو أجيب كنبة محترمة للمساج .. فياريت شباب اللي عنده أي فكرة عن أفضل موديل ومن وين أقدر أشتريها بأي محل بجدة وبكم حدود أسعارها ؟؟ أنا لقيت موقع Back Comfort متخصص في هالمجال بس هل في أحد جربهم وبكم أسعارهم ؟؟
​

 

[MAX9009]

ساكو مسوي عروض شيك عليه

 

[DONY]

بجرب أمرلهم .. شكرا MAX9009 .

 

[aza619]

عندنا وحده في البيت
ما احسها مريحة او من هالاشيا
ممكن علشاني جلد وعظم ؟

anyway كلهم يتشابهون
لو كنت فعلا محتاج وحده .. روح جرب بنفسك
وشوف الي جلستها مريحه وتناسبك اكثر
ولا تدور كثير .. الي تخش مزاجك توكل على الله وخذها

 

[KOTSHY]

أول ما قريت عنوان الموضوع جاه في بالي الكنبة أو بالأصح هذه

من تجربتي لأغلب الكنبات مثل الي انت حطيتها كانت مزعجة جدا وغير مريحة

المهم انا مثلك بالفترة الأخيرة صار يجيني شد بظهري مو طبيعي من الجلسة الطويلة او نومة غلط
ممكن تروح تجرب جلسة مساج وعلاج طبيعي
صالون عناية عنده بالدور الثاني عنده جلسة علاج طبيعي ممكن تروح تجربها بس روح وسط الاسبوع لأنها ارخص

 

[Nintendo]

وفر فلوسك احمد ترى كل ذي الاشياء خربوطيه

اشتريلك جاكوزي صغير وحطه بالحمام اذا يكفي واذا لا بالصاله ودلع نفسك

 

[kInGsIzE]

كراسي المساج مو مقتنع فيها صراحه ..

عندي لك اقتراحين افضل .. خذ لك كرسي "ليزي بوي" لانه مريح جدن جدن جدن و اجلس عليه طول يومك و انت تتفرج تلفزيون او تلعب او اللي هو ارخص بكثير من كراسي المساج و ما رح تندم بسبب شراءك له <<< تجربه شخصيه

الشي الثاني وهو انه لما تحس بالآم بجسمك و تبي مساج .. روح سوي مساج حقيقي احسن من ذي الكراسي عالاقل البني آدم تقدر تفاهم معاه عن سبب الآم و اماكنها لكن الكرسي بيظل يعيد نفس العمليه نفس الوقت ..

 

[Superx]

وفر فلوسك احمد ترى كل ذي الاشياء خربوطيه

اشتريلك جاكوزي صغير وحطه بالحمام اذا يكفي واذا لا بالصاله ودلع نفسك

+1

 

[Still Alive]

وفر فلوسك احمد ترى كل ذي الاشياء خربوطيه

اشتريلك جاكوزي صغير وحطه بالحمام اذا يكفي واذا لا بالصاله ودلع نفسك

الجاكوزي فعلاً مريح جداً ، كنت اول انزل الجاكوري كثير لكن بعدين قريت ان للآسف ثبت علمياً انه على المدى الطويل ممكن يسبب العقم ويخرب قراطيس الحيوانات المنوية :fd3:

لكن في حل ثاني ..

انك تنزل الساونا (حمام البخار) لمدة 20 دقيقة وبعدها تسبح في موية باردة لمدة 20 دقيقة ايضاً .. شيء في قمة الانعاش ويخليك تسترخي وانت تمارس رياضة في نفس الوقت ، انا هذا الشيء الى اتبعه الآن ولا ..

سجل في نادي والساونا معروفة من زمان انه لها فوائد كثير .. منها :

1- تزيل الارهاق
2- تفتح مسامات البشرة وتخرج السموم
3- تساعد في تخسيس الوزن
4- تساعد في تعديل المزاج
5- تخلي الواحد يحس عقله مفتح واكثر قابلية للتفكير
6- تفتح مسارات التنفس وهذا شيء راح يخليك تحس بشعور جميل جداً
7- تساعد الواحد انه يعرق بسرعة ويتخلص من التوتر أسرع واكثر

 

[Light]

انا اقترح عليك اذا كنت تعبان او متوتر او حتى اذا كنت تسوي رياضة ادخل حمام البخار او السونا عشر دقايق و بعدها روح للماي البارد و اجلس في عشر دقايق ..... راح تحس انك منتعش و مروق و مبسوووط على الاخر

طبعا انا تقريبا اسويها كل يوم في نادي وقت اللياقة لاني اسوي نظام رجيم .... فبعد التمارين اسويها و اطلع من النادي و انا منتعش (( احس اني اقدر اسوي التمارين من جديد))

 

[DONY]

يعطيكم العافية شباب , من ناحية فكرة الالتحاق بالنادي هذه ببالي من زمان بس بسبب ضيق الوقت حالياً فما اشتركت فيها .. بحاول انشالله أسجل فيها أول ما احس باستقرار .

بالنسبة لاقتراحك ياعمر .. انت عارف أني عايش بشقة عزابية من غرفتبن .. ولو جبت اللي بتقلي ففين أحطها ؟؟ بغرفة النوم :annoyed: ؟

 

[s3rorh]

وليه تشتري كرسي ... سوي مثل ما كنت اسوي قبل بالبيت
أنام على بطني ... وأعطيك اخواني الصغار كل واحد 50 فلس/1 ريال .. وأخليهم يدسون على ظهري :laugh::