نصائحكم و مساعدتكم للتقديم على عمل

[s3rorh]

بسم الله الرحمن الرحيم

السلام عليكم
​

يمكن باكثر من مناسبه ... ذكرت باني طلعت من شركة كوكولا... و عقدي معاهم انتهى رسمياً بتاريخ ٣١-٣-٢٠٢٣ ... فا قلت فرصه اجلس برمضان بالبيت و ارتاح ، من بعد المشاكل النفسية ألي مريت فيها مع ازبل ناس بالتاريخ/الانجليز + الوضع المصخرة ببريطانيا من ناحية التضخم


وهالشي خلاني افكر بشكل جدي اني ادور وظائف برا بريطانيا و اوروبا و اجرب حظي بالخليج ... ولما اقول خليج فا انا اقصد كل دول الخليج !!! ...

في شباب هنا مهندسين زيي و اكيد عارفين كيفه تقديم الطلبات عالشركات الهندسية .. او على الاقل فيه مواقع ممكن توصلني لهالوظائف ... و انا ابي اقدم عليها

فا شنو المواقع او الشركات ألي تنصحون بها ؟ ... مو مهم عندي ايش مجال الشركه و موب لازم تكون بترول ... قد ما انه بتقدم راتب كويز لعيشة كريمه ...


فكرت اسوي نسخ و لصق للسيرة الذاتية حقتي ، بس قلت اجيب مقتطفات افضل ... و ألي يقدر يساعدني اكثر، يتواصل معاي مشكوراً بالخاص وانا ارسل له cv حقي.. نبذة عني :

MEng Mechanical engineering .. ومعاي جنسية بريطانية و ابحث عن اي شي يخص الهندسة زي
manufacturing engineer, quality engineer , process engineer, assembly engineer, reliability engineer

وهذا linkedin حقي :

https://www.linkedin.com/in/bassim-al-hadi

فا ألي يقدر يفيدني بأي شي ، باحرص انه الاشراف الجاي يكون من نصيبة

و شكراً

 

[Eye]

اتمنى افيدك بس بالسعودية عندنا التقديم يكون اونلاين بالغالب او على الاقل هذا اللي يقولونه لك الhr بمعارض الوظايف

اذا ما عليك كلافة ممكن تحضر احد هالمعارض المقامة وتقدم ، الشعب هنا بيدقون لك تحية لما توريهم جوازك البريطاني وحتى الدفع يكون بالجنيه او الدولار

دعواتنا لك بالتوفيق يبو فيصل

 

[s3rorh]

اتمنى افيدك بس بالسعودية عندنا التقديم يكون اونلاين بالغالب او على الاقل هذا اللي يقولونه لك الhr بمعارض الوظايف

اذا ما عليك كلافة ممكن تحضر احد هالمعارض المقامة وتقدم ، الشعب هنا بيدقون لك تحية لما توريهم جوازك البريطاني وحتى الدفع يكون بالجنيه او الدولار

دعواتنا لك بالتوفيق يبو فيصل

امانة انا مثلك كنت احسب الجواز الاوروبي يعطيك ميزة ... بس بارض الواقع ... مجرد ما يشوف شعرك اسود (مع اني اقرع) ... الحسبه تختلف ... عالاقل هالشي بالكويت، زي ما شفت بعيني


المواقع الاونلاين ، بالله شاركها معاي ...
لانه عندنا هنا في مواقع زي cv library و indeed ... و قاعد استخدمهم بالتقديم عالوظائف ... و انسى سالفه المعارض .. لانها صعبة

و اشكر دعوتك يابو عبدالله

 

[Veeto]

اقبلني ضفتك باللينكدن

المواقع الاشهر gulf talent وصلت لمقابلات انا ووحدة منهم حصلت عقد بس ما حصلت موافقة امنية كان في قطر ايام الحصار

بلينكدن بتحصل بس يبي ليك دائرة معارف صح

فكر في السوقين السعودي ودبي
السعودي بهالايام صعب للتشديد الكبير على السعودة

مشروع NEOM طالبين مهندسين كثار

 

[سيفروس سنيب]

الشعب هنا بيدقون لك تحية لما توريهم جوازك البريطاني

غير صحيح. دام أصله خليجي ماتفرق.
لازم يكون أوروبي جينيا حتى ينال ولاء الانبطاحيبن
من العربان &

الناس تخرج وانت تدخل ياصعصع؟؟
أشوف تبحث في أوروبا أصرف.
المنطقة على كف عفريت وعالأقل هناك يعرفون
يتعاملون مع الطوارئ. فيه وضوح وفيه قوانين
وفيه منافسة ومعايير على أساسها تتحرك في بيية العمل.

المشاكل النفسية ألي مريت فيها مع ازبل ناس بالتاريخ/الانجليز

معليش .. الله يجبر بخاطرك ويسهل أمرك لكن
لاتبني قرارك على استياءك من كم انجليزي ...
لأن كل مكان بتروحه بتلاقي ناس تستاء منها

غير إن الهجرة مو دايما كويسة للأطفال
هذا لو ناوي تاخذ عيالك معك .. البيئة بتفرق
عنهم وبيخسرون مزايا كانت موجودة عندهم

هذا رأيي والاستخارة هي قبل كل شيئ.

 

[Eye]

امانة انا مثلك كنت احسب الجواز الاوروبي يعطيك ميزة ... بس بارض الواقع ... مجرد ما يشوف شعرك اسود (مع اني اقرع) ... الحسبه تختلف ... عالاقل هالشي بالكويت، زي ما شفت بعيني


المواقع الاونلاين ، بالله شاركها معاي ...
لانه عندنا هنا في مواقع زي cv library و indeed ... و قاعد استخدمهم بالتقديم عالوظائف ... و انسى سالفه المعارض .. لانها صعبة

و اشكر دعوتك يابو عبدالله

للامانة ما اعرف مواقع محددة ، لكن انت شوف الشركات الكبيرة وقدم عليها اونلاين مثل سابك وارامكو وشلمبرجير

كلهم لما تزورهم بالمعارض يقولون لك قدم اونلاين

غير صحيح. دام أصله خليجي ماتفرق.
لازم يكون أوروبي جينيا حتى ينال ولاء الانبطاحيبن
من العربان &

انت اللي غير صحيح ، اعرف ناس متوظفين بجوازاتهم الامريكية في ارامكو ويندفع لهم بالدولار نفس رقم الريال

طبعا ما اخفيك انهم جايين عن طريق وكالة توظيف خارجية ، لكنهم عرب ابا عن جد وبعضهم انجليزيتي افضل منه

 

[Veeto]

الناس تخرج وانت تدخل ياصعصع؟؟
أشوف تبحث في أوروبا أصرف.
المنطقة على كف عفريت وعالأقل هناك يعرفون
يتعاملون مع الطوارئ. فيه وضوح وفيه قوانين
وفيه منافسة ومعايير على أساسها تتحرك في بيية العمل

تراه هو الصح .. اوروبا اللي على كف عفريت
اذا ما حلوا موضوعهم مع الدب الروسي وصعد الامور اكثر بتصير كارثة باوروبا

ترى منطقتنا ممتازة باغلب الامور التنظيمية القانونية

سابك وارامكو وشلمبرجير

شلمبرجير بالتحديد غالبا عندهم شواغر بس بيئة العمل شوي صعبة .. لكن ال $$$$ ما بتعرف وين تصرفهم

فكرة المعارض جيدة بس فكر فيها بشي مختلف
ابحث اونلاين عن المعارض الصناعية المختلفة وخذ اسامي الشركات وقدم عليهم اونلاين

 

[خشبة]

تفضل: https://cooperfitch.ae/job-seekers/#

كوبر فيتش متخصصين في وظائف الشرق الاوسط، ارسل لهم ايميل طلب توظيف.

 

[Gavroche]

شوف انا ما راح اكذب عليك واقول اعرف بس عندنا في قطر فيه مشروع توسعه كبير جدا في حقل الشمال وممكن تلقى فرصة وظيفية جيدة مع قطر للطاقة والشركات التابعه لها وايضا عندك شل، الراتب جدا مجزي في مجال الطاقة والقطاع الخاص وخصوصا اذا عندك جواز بريطاني راح يساعدك بعض الشيء.

ولو ان هناك تركيز على التقطير بس جرب حظك.

 

[سيفروس سنيب]

انت اللي غير صحيح ، اعرف ناس متوظفين بجوازاتهم الامريكية في ارامكو ويندفع لهم بالدولار نفس رقم الريال

قصدي تقدير الناس وحتى بالفلوس
الأوروبي أبا عن جد ياخذ أفضل منه ..

تراه هو الصح .. اوروبا اللي على كف عفريت

ماقدر اخوض كثير في السياسة
لكن بشهادة الواقع على قد ماتجيهم مصايب ماعمرهم تهجروا.
وحنا الي مسرح سنوي بين مشرد وقتيل ومهجر.


عموما الله يوفقك ياصعصع.ولا تنسى الاستخارة أهم شيئ

 

[s3rorh]

اقبلني ضفتك باللينكدن

المواقع الاشهر gulf talent وصلت لمقابلات انا ووحدة منهم حصلت عقد بس ما حصلت موافقة امنية كان في قطر ايام الحصار

بلينكدن بتحصل بس يبي ليك دائرة معارف صح

فكر في السوقين السعودي ودبي
السعودي بهالايام صعب للتشديد الكبير على السعودة

مشروع NEOM طالبين مهندسين كثار

متاكد أرسلت لي اضافه ؟ ... لانه ما جاني شي ههههه

https://www.gulftalent.com/... يب هذا ألي ابيه ... اشكرك يا صاح !! و بمزج عليه اليوم إن شاء الله

السعودي أمانة كنت شايل الديرة بكبرها من بالي .... بس عقب اخر زيارة لي هناك بالعمرة ... أمانة إنبهرت !!! حبيت كيف رؤية 2030 جالس تأثر بإعمار البلد .... هذا غير الراحة النفسية ألي حسيتها بالمدينة كانت جداً جميلة ... فا عقب سفرتي الاخيرة ... صارت هي و قطر على رأس القائمة ..

أما دبي .... نوب .... مو مهتم فيها .... اغلب ألي يروح لها فطاحلة .... وانا لسه يدوبك خبره عمل على قدي هههه

و بشيك NEOM .. اشكرك

الناس تخرج وانت تدخل ياصعصع؟؟
أشوف تبحث في أوروبا أصرف.
المنطقة على كف عفريت وعالأقل هناك يعرفون
يتعاملون مع الطوارئ. فيه وضوح وفيه قوانين
وفيه منافسة ومعايير على أساسها تتحرك في بيية العمل.

اخذ الكلام مني ... انا عشت قريب 15 سنه هنا ... و عملت بأكثر من مكان .... صدقني تفكيري و قراري هذا ما بيختلف عليه اثنين ..

بس للأمانة ... انا ما بقول بأني إما الخليج او فلا !! ... بالعكس ... جالس اقدم ببريطانيا و بالخليج .... فا بشوف وين القسمة تكون

و بالنسبة للانجليز فعلاً ... لو خليت لخربت , و في انجليز اشغلت معاهم ... تحس بداخلهم عرج عرب من حيث التفكير ... بس للاسف قله و شاءت الظروف انهم يسكنون اميال عني ... شكلي لما قلت ( ازبل ) خليت المشاعر من اخر تجربه سيئة تتملكني هههه

و تراني مفكر روح بروحي للعمل ... العيال مستقرين ببريطانيا ( جاري تفعيل مشروع الزوجة الثانية !! )

للامانة ما اعرف مواقع محددة ، لكن انت شوف الشركات الكبيرة وقدم عليها اونلاين مثل سابك وارامكو وشلمبرجير

كلهم لما تزورهم بالمعارض يقولون لك قدم اونلاين



انت اللي غير صحيح ، اعرف ناس متوظفين بجوازاتهم الامريكية في ارامكو ويندفع لهم بالدولار نفس رقم الريال

طبعا ما اخفيك انهم جايين عن طريق وكالة توظيف خارجية ، لكنهم عرب ابا عن جد وبعضهم انجليزيتي افضل منه

قدمت على شلمبرجير ... ومنتظر ... بقدم عالبقية .. تُشكر !

و فين هذي الوكالة .. دليني عليها !! ههههه

تفضل: https://cooperfitch.ae/job-seekers/#

كوبر فيتش متخصصين في وظائف الشرق الاوسط، ارسل لهم ايميل طلب توظيف.

هات بوسه

شوف انا ما راح اكذب عليك واقول اعرف بس عندنا في قطر فيه مشروع توسعه كبير جدا في حقل الشمال وممكن تلقى فرصة وظيفية جيدة مع قطر للطاقة والشركات التابعه لها وايضا عندك شل، الراتب جدا مجزي في مجال الطاقة والقطاع الخاص وخصوصا اذا عندك جواز بريطاني راح يساعدك بعض الشيء.

ولو ان هناك تركيز على التقطير بس جرب حظك.

طيب عطني اسم مشروع عالاقل ادور !!! انت جذي ضيعتني فوق ما انا ضايع !! ههههه

 

[s3rorh]

@جون سيلفر @White Soul فين نصايحكم يا اعضاء الحزب الصعصوعي !!

 

[Veeto]

السعودي أمانة كنت شايل الديرة بكبرها من بالي .... بس عقب اخر زيارة لي هناك بالعمرة ... أمانة إنبهرت !!! حبيت كيف رؤية 2030 جالس تأثر بإعمار البلد

يمكن السعوديين ما يحسون بالتغيير مثلنا الغير سعوديين
بس فعلا المملكة تغيرت بشكل كبير والتغيير تلمسه حتى على الناس

قبل كم سنة التكشير والجفاف سمة الشعب
الحين لما تروح اي مكان نفسية الشعب تغيرت

انزين يالتعبان لا تحصر نفسك بقطاع النفط .. شوف ابحث اول شي عن الشركات العالمية .. بكتب هني علشان الكل يستفيد

عندك قطاع الاكل .. يونيلفر .. P&G
البامبرز .. وهاغيز هذولا ليهم مصانع اعتقد بالسعودية

وابحث مؤخرا عديد الشركات فتحت مقرات اقليمية في الرياض
ابحث في جوجل عن مثل هالاخبار وقدم عليها
وفي لينكدن ان شفت شي برسله ليك

 

[Gavroche]

طيب عطني اسم مشروع عالاقل ادور !!! انت جذي ضيعتني فوق ما انا ضايع !! ههههه

north field expansion project

قدم السيفي على شركات الطاقة وخذلك لفة عليهم كلهم، ما راح تخسر شيء.

 

[s3rorh]

انزين يالتعبان لا تحصر نفسك بقطاع النفط

مو مهم عندي ايش مجال الشركه و موب لازم تكون بترول ... قد ما انه بتقدم راتب كويز لعيشة كريمه ...​

وفي لينكدن ان شفت شي برسله ليك

اعيد و اكرر ... ترا ما جتني إضافة منك

north field expansion project

قدم السيفي على شركات الطاقة وخذلك لفة عليهم كلهم، ما راح تخسر شيء.

اشكرك ... و جاري تشييك المشروع

 

[سيفروس سنيب]

اخذ الكلام مني ... انا عشت قريب 15 سنه هنا ... و عملت بأكثر من مكان .... صدقني تفكيري و قراري هذا ما بيختلف عليه اثنين ..

بس للأمانة ... انا ما بقول بأني إما الخليج او فلا !! ... بالعكس ... جالس اقدم ببريطانيا و بالخليج .... فا بشوف وين القسمة تكون

و بالنسبة للانجليز فعلاً ... لو خليت لخربت , و في انجليز اشغلت معاهم ... تحس بداخلهم عرج عرب من حيث التفكير ... بس للاسف قله و شاءت الظروف انهم يسكنون اميال عني ... شكلي لما قلت ( ازبل ) خليت المشاعر من اخر تجربه سيئة تتملكني هههه

و تراني مفكر روح بروحي للعمل ... العيال مستقرين ببريطانيا ( جاري تفعيل مشروع الزوجة الثانية !! )

كفو ... الرجل يكد ويتغرب والعائلة تتبغدد &
الله يختار لك ولا يخيرك يا صعرورة ..