اقص يدي هذا اخر شخص ممكن يوقف جيمزهمام وقف جيمز من سنين P:
شلون msm؟ سلم عليه ..
محمود
شلونك؟ منور المنتدى O:
صعروره انت من الأعضاء الأسطوريين فعلا... بأمانة ما كنت أتوقع بيجي يوم و تعقل و تصير عضو عاقل :joy:
بس خفف النصبة القوية فوق، كيف عضو من 2003 و احنا فتحنا الموقع في 2004 :stuck_out_tongue_cl
ايوا ... من ايام 2003 ... لأني انا ألي فكرت بهالشي بالنيابة عنكم
عموماً .. تصدق ... ولا أنا كنت حاطط ببالي بأني بصير عاقل و محترم :stuck_out_tongue_cl
بدايتي معرفتي و تسجيلي مع ترو كانت عن طريق زميل لي بالمدرسة ... كانت يتكلم عن ترو-جيمنج كثير ... و دوخ راسي فيه .... فا كنت مسوي فيها الجوكر/الكوميدياني تبع الصف وقتها و قلت له بسجل بالمنتدى ترو تبعك ....
و فعلاً سجلت ... و كنت انتظر و اقتنص الفرصة بس علشان اسخر و اضحك على أي عضو اشوفه في وجهي ... و في الجهه الأخرى كنت كل ما اشوف صديقي .. اقول له شفت شسويت بفلان و فلان ... ونقعد نضحك .. وهو يضحك ... و نقهقه ... و كان يشجعني الماكر .. و يحرضني على كم واحد هوه كارهم ... وهو هني مسوي فيها الولد المؤدب بردوده ... وكان ينشر نواياه الفاسده و ردودة المستفزة و الساخرة عن طريقي :joy:
شاركت ... وإنطردت ... سجلت من جديد ... استمريت شوي ... :v: ... وإذ يتم كشفي .. وإنطردت ... رجعت مره اخرى اشارك ... و جك بوووم ولا باااند بوجهي ... إلى أن جاء يوم إجتماع او مؤتمر/إيفنت ترو-جيمنج بالكويت .... و أنجنيت على هالخبر .. ولكن بالمقابل ... كنت مجمع لي فوق ال5 أعضاء كانوا بس ودهم يشوفوني بس علشان ينتقمون مني .. لأني ما احترمتهم و قللت أدبي معاهم ... فقط من باب الترفيه عن النفس و ضرب مشاعرهم و أحاسيسهم بعرض الحائط .... كنت وقح وقتها
ولكنني بعتها ... وقلت إيفنت ترو لازم أحضره !!! و ألي يصير يصير .... و حضرت ... ولله الحمد ما تعرضت لأي نوع من الأذى بس اللهم لما لحقت ورا الدجاجة !!! (( أطالب تحطون الفيديو هني !! :joy::joy::joy::joy::joy: ))
و صج بذاك الوقت الشعور كان مختلف ... لما ألتقيت بالناس ألي كنت اكلمهم من ورا الشاشة !!!
خاصة من تكون قاعد بكميونيتي ... يشاركك بما تحب وفاهمك و تفهمه ... بعيداً عن اي إستهزاء بهواية الفيديو جيم ألي تحبها !!! .... ولكن هالشي ما منع بأنه وجهي يصير باااااااااااااارد لما ألتقي بكل شخص أذيته و أساءت له بكلام كتبته له بالمنتدى ... كان ريجي ينشف و وجهي يصفرّ بمجرد ما ألتقي بعضو غلطت عليه :: ... أنا جداً أسف لهالشي
ومن وقتها ... تغيرت نظرتي و فكري و طريقة تعاملي مع الأعضاء .... وصرت اشفق و اضحك و اتحسر كل ما اشوف واحد يُسيء لعضو ما من ورا الكيبورد .... واقول بأنه ما يدري بأنه هالشخص ألي قاعد يسيئ له ... من الممكن بأنه يصير افضل صديق له بالمستقبل !! مثل ما صاير مع وايد أعضاء هني ... أو ألي تركونا ... واذكر اكثر من مرا رددت هالشي سواء اهني او بالمسنجر !! (( على ايامه ))
ولكن هذا ما يمنع بأنه ردودي ما زالت هبله في أغلب الأحيان .. ولكني اصبحت مُراعياً بأني أتجنب و أتحاشى و ما أزعل أو أجرح أي عضواً ما ... حتى لو كان صج قاهرني من داخل لول :stuck_out_tongue_cl
لاني تعلمت درس ... و عمري ما راح اطيح بنفس الخطأ مرة أخرى ... k_hand: .... وهالشي كبّر من عقلي الكثير و الكثير .. من عضو شاب ساذج إلى أب متزوج عنده عيال:::: < و شدخل !؟
ممكن آخذ السيناريو و اسويه فلم؟
أتوقع فقط القدامى راح يعرفوني... حسين و عمر و محمد و الكثيرين ربطتني فيهم معرفة من بداية الألفية تحت اسم M7MOOOD و لاحقا Final Fantasy 7.... تركت المنتديات العربية من سنوات طويلة و لكن الموضوع رد لي الحنين شوي فقررت العودة
10 سنوات كأنهم 10 أيام, سبحان الله شلون الأيام تركض!
انت ماعندك غير هال avatar?
---
الله يرحم ايام هذا/هذي
وعلى طاري الjrpg مافي شي يحتاج شله له الحين لان الjrpg صار يفشل :stuck_out_tongue_cl والله يرحم ايام اشلي :scream: نبي اشلي جديد ضد مهزله الjrpg الحاليه الي تستحق النقد فعلا
نفس الحاله هني تركت المنتديات العربيه لفتره طويله جدا لكن اقرى تروجيمنج احيانا لان جاف يصير زحمه مرات خصوصا اذا رجعت من سفره وتبي ملخص احداث الاسبوع الي طاف تلقى الاخبار المهمه في الصفحه الاولى بالمنتدى هني ::::
اعتقد المنتدى بكون افضل الحين لان التعصب قل وايد, في الماضي القريب ايام الwii اي كلمه تقال ضد نتتندو تنتهي بنهايه سيئه بسبب التعصب اما الحين الشوكه مكسوره بسبب الwiiu فتقبل الراي صار واقعي وبدون حساسيه زايده
انا كنت اقول ربع الي يقوله فيتو الان وكانو يقولون اني متعصب واكره ننتندو والخ وصرت اكبر ترول بالتاريخ عندهم :sweat_smile:
عموما بس حبيت اذكر اني لازلت اقرى تروجيمنج احيانا ومشكورين على الموقع والله يوفقكم