موضوع نقاش .. الألعاب المستعملة !!

[matso]

السلام عليكم ورحمة الله وبركاته


ظاهرة الكوبي .. انتشرت بشكل كبير في الدول العربية .. و لكن هذا الكلام قبل بضعة سنين .. الآن تم الحد من هذه الظاهرة .. و أصبحت تباع تحت الطاولة " بالخش و الدس " و بصراحة من وجهة نظري بأن انجاز فعلي .. إذ لابد من دعم الشركات المنتجه لهذه الألعاب بشراء ألعابها بسعرها الأصلي و بجودتها الأصليه ..

و لكن .. ما إن تم القضاء أو التقليل إن صح التعبير على ظاهرة الكوبي .. أنتشرت ظاهرة أخرى بشكل كبير أيضا !! .. الألعاب المستعملة .. في معظم المحلاّت نجد شراء و بيع ألعاب مستعملة .. !! و بسعر رخيص أيضا .. فأصبحت كالبديل عن الكوبي .. " و كأنك يا بوزيد ما غزيت "

من وجهة نظركم .. هل هذه الظاهرة جيدة ؟ و كيف نمعها و هي ليست ممنوعة قانونيا !! فلايوجد قانون يمنع بيع و شراء الأشياء المستعملة ..​

 

[Futrus]

ها! نمنعها؟ هالـ"ظاهره" موجوده في كل الدول اللي ينباع فيها بس الاصلي فهي شي طبيعي وايجابي

 

[Zero]

ويش المشكلة في الألعاب المستعملة بالضبط ؟ أنت قاعد تشتري الشيء بشكل قانوني ولا هي مشكلة ولا فيها أي خطر ، على العكس أصلا الألعاب الجديدة أسعارها مبالغ فيها ومحلاتنا تنصب على كيف كيفك وغير هذا يمكن اللي يتجه للمستعمل لأن ما عنده القدرة أو مو مستعد يدقع مبلغ كبير في لعبة معينة .. إلخ .. الأسباب كثيرة .

وبعدين ما أشوف "المحلات" تبيع مستعمل نهائيا ( عندنا على الأقل ) وهذا من كثر ما هم نصابين ، يمكن اللي يبيعوا مستعمل أشخاص أشتروا الألعاب وحبوا يبيعوها وما أشوف الأمر متفشي مثل ما تقول .. وأصلا اتمنى لو كان متفشي لأنك في النهاية بتشتري بشكل قانوني وبتوفر فلوس وأنت مو مسؤول عن الشركة خسرت لو لا بما أنك شاري بشكل قانوني .. إشتريها جديدة وخلاص ، وبعدين الكوبي "ما يخسر الشركات" لأنك ما تاخذ شيء ملموس ولكنك "تقلل من أربحاها" بهذه الطريقة .

 

[PS]

"

من وجهة نظركم .. هل هذه الظاهرة جيدة ؟ و كيف نمعها و هي ليست ممنوعة قانونيا !! فلايوجد قانون يمنع بيع و شراء الأشياء المستعملة ..[/COLOR][/CENTER][/QUOTE]

المستعمل ظاهرة عالمية تستخدم في أكبر محلات الجيم منهم أكبر محلات الولايات المتحدة الامريكية أسم المحل game stop وأنا أجوفها جيدة حق ألي مايبا يسوي كوليكشن ( الاحتفاض بالاعاب) وهي مب ممنوعة

 

[MALDINI]

الالعاب المستعملة ما اشوف فيها اي حاجة وبالعكس ممكن تفيد الشركات على المدى الطويل في اوجه عدة .

 

[HAL-9000]

ظاهرة الألعاب المستعملة قانونية, وأشوفها مفيدة
بس على حسب ماسمعت إنها راح تتمنع في امريكا

 

[matso]

^ ^ جزاكم الله خير ..

لكن أنا سألت سؤالين يدور حولهم النقاش ..

هل هذه الظاهرة جيدة ؟ .. فمن يختار نعم يبين لنا الأسباب من وجهة نظره .. و كذلك اللي يختار لا ..

و كيف نمعها و هي ليست ممنوعة قانونيا !! .. هالسؤال للي يختارون لا .. او من وجهة نظرهم انها ظاهرة سيئة ..


عموما ..

بالكويت .. عندنا منتشرة .. اليوم أسولف مع ولد خالتي الصغير .. فيقولي انه اشترى 4 ألعاب .. و كلهم مستعملين !! خخخخخ

أما بالنسبة للأرباح و الخساير .. بإعتقادي الخاص بأن الشركة دفعت مبالغ من أجل انها تعمل هذه اللعبة .. بعدها يجي واحد و ينسخ اللعبة و يبيع على الناس و الأرباح تكون له !! .. و كأن الشركة انتجت اللعبة من أجل ان هالشخص يربح .. اقصد موضوع الكوبي منتهين منه من ناحية انه يخسر الشركة و ما يربحها .. و يمكن انتشاره بالدول العربية هو السبب بأن جعل بعض الشركات ما تلتفت للسوق العربي بصفة عامة ..

 

[*legend*]

1. ظاهرة الكوبي لسة موجودة بكل مكان و صارت اسهل و تى الواحد يقدر ينسخ اللعبة ببيته ما يحتاج يشتريها , و المودشيبز في كل مكان موجودة
2. لحد الحين على الاقل بالشرقية ما شفت و لا محل يبيع العاب مستخدمة ؟ يمكن بالمناطق الثانية
3. المستخدم مو مشكلة بالعكس لعبة أصلية بسعر في متناول اليد و بدون اي انتهاك للحقوق , و المستخدم مو حصر على الألعاب و السوفتويرز بل شامل لأي شي , السيارات مثلاً ... و لو تم منع بيع المستخدم هذا شيء قمة في التخلف و لا له اي تفسير منطقي

الزبدة : نعم ظاهرة جيدة جداً , و لا يمكن منعها ... يمكن تمنع نفسك انك ما تشتري بس ما تقدر تمنع غيرك

:تحية:

 

[matso]

الالعاب المستعملة ما اشوف فيها اي حاجة وبالعكس ممكن تفيد الشركات على المدى الطويل في اوجه عدة .

عجبني الرد ولفت انتباهي ..

لكن ممكن توضح لي من وجهة نظرك كيف تفيد الشركات على المدى الطويل ؟





شباب صحيح الألعاب المستعملة منتشرة بالعالم كله .. لكن انا اتكلم عن الدول العربية بالأخص .. الظاهرة تقريبا في بداية انتشارها ..

فمالنا علاقه بالدول الأخرى ^ ^

 

[Zero]

أنا ذكرت أسباب تخليها ظاهرة جيدة ، مثل أن الشخص ما يقدر يشتري جديد أو مستخسر يدفع سعر لعبة جديدة في لعبة معينة .

وزيادة على ذلك لو ما كانت اللعبة الجديدة موجودة أصلا .. والأسباب كثيرة .

أصلا مادري ويش تبغى توصل له بالضبط ؟ يعني واحد أشترى لعبة معينة أصلية .. خلاص الشركة ربحت وخلصت على عمرها ، وجاء واحد يبيع المنتج اللي اشتراه بسعر أقل والمستفيد هو البائع لما يبيع بسعر جيد والمشتري لما يحصل سعر يرضيه .

يعني الشركة خلاص ربحت من زمان لول .. أما الكوبي فالشركة ما راح يوصلها شيء ، لو نمشي على منطقك المفروض ما في شيء ينباع مستعمل علشان لا تخسر الشركات وكل الناس لازم يشتروا سيارات جديدة مثلا .

واعتقد الواحد لما يشتري شيء فهو ملكه ، ومن حقه أنه يتصرف فيه أو يبيعه .

 

[Andrew X]

ماقد اشتريت لعبة مستعملة ولا افكر..احب اشتري شي جديد واذا خلصت منها = ابيعها لول..يعني على حسب في العاب تعجبني ودي انها تقعد عندي دايم وفي العاب ابيعها احسن من انها تتكدس عندي

 

[matso]

^ ^ روّق علينا حبة حبة ..

يا جماعة احنا بمنتدى فيديو جيمز .. مالنا علاقة بالسيارات بالطيارات بالصواريخ المستعملة ^ ^

الألعاب المستعملة فقط ..

انا مو ضد ان الواحد يبيع لعبة لصاحبة أو يبادله .. لكن أن نجد محل .. فيه ألعاب مستعملة أكثر من الجديدة .. شيء غريب .. ( طبعا لسه ما صار هالشي .. لكن أتوقع مع زياد نسبة شراء الألعاب المستعملة .. بيصير هالشي .. )

يعني لنفرض مثلا انت عملت لعبة معينه .. و عملت منها 1000 نسخه أصليه .. و بعتها كلها .. و جيت تسوي ال 1000 نسخة الثانيه .. تتفاجأ بأن السوق يحتوي على 500 نسخة مستعملة !! .. السوق فيه أصبح فيه أكتفاء .. يبيع و يشتري بالألعاب المستعملة ..

فبالنهاية انت كمنتج ووو للعبة .. كم ربحت ؟ أو كم بعت ؟ 1000 نسخه فقط لا غير .. هالشيء ما حدّ من ربح الشركة المنتجه ؟ اللي هي تستحق الربح كله .. لأنها تعبت من أجل اللعبة ووو ..



و شباب مقارنة بيع الألعاب المستعملة بالسيارات المستعملة أبدا غير عادلة .. يعني انت لما تشتري لعبة مستعملة مثل ما تجي تشتري سيارة مستعملة ؟ طبعا غير .. فأرجوا المقارنات تكون قريبة و بحدود المعقول ^ ^


انا لست ضد بيع وشراء الأشياء المستعملة بصفة عامة .. لكن الألعاب بصفة خاصة .. أنا ضد هالشي .. ( وجهة نظر .. قابلة للنقاش .. ) ووضحت من رأيي السبب فوق ^ ^

 

[matso]

ماقد اشتريت لعبة مستعملة ولا افكر..احب اشتري شي جديد واذا خلصت منها = ابيعها لول..يعني على حسب في العاب تعجبني ودي انها تقعد عندي دايم وفي العاب ابيعها احسن من انها تتكدس عندي

لوووووووووول تخطيط عجيب ..
انا أحب أشتري كل شي جديد .. و أحب أجمع الألعاب ^ ^ .. حتى ألعاب ps1 ليلحين عندي ^ ^

 

[MALDINI]

مثال :
نقول واحد مثلا اخذ ريزدنت ايفل 5 مستعملة بعد مدة طويلة من نزولها .. اعجبته اللعبة كثير وعرف اسم الشركة راح يبحث عن الالعاب اللي اصدرتها الشركة ونقول مثلا ستريت فايتر 4 و العابها الثانية ويمكن تعجبه ما نقول تعجبه .
لكن الاكيد اذا نزل الجزء السادس من ريزدنت ايفل راح ياخذه من اول يوم صدورها ويمكن يطلبها حتى من مواقع البيع مثل امازون على سبيل المثال .. لانه يبي يجربها على طول ولا يينتظر .. حتى انه يمكن يطلب النسخ المحدودة من اللعبة .

حتى ألعاب ps1 ليلحين عندي ^ ^

مثل ايش ؟

 

[Zero]

عني لنفرض مثلا انت عملت لعبة معينه .. و عملت منها 1000 نسخه أصليه .. و بعتها كلها .. و جيت تسوي ال 1000 نسخة الثانيه .. تتفاجأ بأن السوق يحتوي على 500 نسخة مستعملة !! .. السوق فيه أصبح فيه أكتفاء .. يبيع و يشتري بالألعاب المستعملة ..

فبالنهاية انت كمنتج ووو للعبة .. كم ربحت ؟ أو كم بعت ؟ 1000 نسخه فقط لا غير .. هالشيء ما حدّ من ربح الشركة المنتجه ؟ اللي هي تستحق الربح كله .. لأنها تعبت من أجل اللعبة ووو ..

والله هذا ما يخصني أنا أبدا ، لو المنتج يبغى يحرك مبيعات لعبته يقدر يسوي إعلانات أو يخفض سعر الأصلية حتى يكون معقول ويتجه الناس للجديد إلخ ، أنا لو شريت أصلي فاللي علي سويته ودعمت الشركة ، وإلا لو تبغاني أشتري كل النسخ الجديدة اللي بالسوق علشان أدعمهم ؟

حتى مع وجود المستعمل ترا في ناس يشتروا جديد ، وأحيانا في النت أستغرب من البعض اللي عارض لعبته بسعر غالي مقارنة بسعر الجديد اللي معقول أو انخفض مع الوقت .

 

[matso]

مممممممممم بس هالشيء مو خاص للألعاب المستعملة .. اقصد حتى الألعاب الأصلية ممكن يصير فيها مثل ماتقول ^ ^



فاينل فانتسي 7 و 8 و 9 و تاكتز
سيكودين 2
بريث أوف فاير 3 و 4
ليجند أوف مانا
كرنو كروس
رزدنت إيفل كل الأجزاء

كثيير .

 

[matso]

والله هذا ما يخصني أنا أبدا ، لو المنتج يبغى يحرك مبيعات لعبته يقدر يسوي إعلانات أو يخفض سعر الأصلية حتى يكون معقول ويتجه الناس للجديد إلخ ، أنا لو شريت أصلي فاللي علي سويته ودعمت الشركة ، وإلا لو تبغاني أشتري كل النسخ الجديدة اللي بالسوق علشان أدعمهم ؟

حتى مع وجود المستعمل ترا في ناس يشتروا جديد ، وأحيانا في النت أستغرب من البعض اللي عارض لعبته بسعر غالي مقارنة بسعر الجديد اللي معقول أو انخفض مع الوقت .

ممممم صح .. أنت كمستفيد يمكن ما يهمك هالشيء .. المهم ان اللعبة توصلك ..

 

[Mista Koo]

أنا أؤيدها طبعا.. حل قانوني وممتاز للي إمكانياتهم ما تسمح/أو للألعاب اللي ما تسوى
طبعا ما في أحد يفضل المستعمل لأنه مستعمل.. وأي شخص يلاقي مستعمل وجديد بنفس السعر رح ياخذ الجديد :sarcastic:

 

[Zero]

ولو تبغى أزيدك ، الشركة لما تسوي منتج فهي طبعا تتأمل أنه يبيع ، ولكن علشان يبيع لازم تصير أشياء معينة منها: جودة + سعر يستحقه المنتج ويناسب الفئة المستهدفة + الإعلانات لها دور في إقناع المستهلكين .

ولو الشركة الفلانية خسرت .. اوووف حرام شركتي المفضلة بتفلس ، لول ويش رايك تروح تتبرع لها ؟ ، شرائك للمنتج هو كل اللي تقدر تسويه ، وشركتك لو منتجها جيد فالناس راح تقبل عليه .

أنت لما تحب الشركة راح تدعمها بشراء منتجاتها وهذا كل اللي تقدر عليه ، ولو فلست الشركة فهو أمر محزن بالنسبة لك ربما ، وأما لو نجحت فأنت تتطلع للمزيد ، أنت بتشتري المنتج اللي يعجبك وبتصرف عليه فلوس ولو خسرت/ربحت شركتك .. جيبك ما راح ينقص/يزيد فلوس جراء ذلك .

على فكرة .. محدثك طالب إدارة أعمال/تسويق

 

[Guns N Roses]

مممممممممم بس هالشيء مو خاص للألعاب المستعملة .. اقصد حتى الألعاب الأصلية ممكن يصير فيها مثل ماتقول ^ ^



فاينل فانتسي 7 و 8 و 9 و تاكتز
سيكودين 2
بريث أوف فاير 3 و 4
ليجند أوف مانا
كرنو كروس
رزدنت إيفل كل الأجزاء

كثيير .

هاا يابطل .. تروح 7؟ :laugh::

 

[AMG]

انا ما اشوف ان في مشكلة في الالعاب المستعملة دام نها اصلية بالاساس

 

[Solid Snake]

لول وش الهدف من الموضوع بالضبط؟! .. معليش لكن هذا الشيء مو ممنوع ومو سلبي حتى نقول كيف نقضي عليه او كيف نتخلص منه (مع احترامي لكاتب الموضوع)

اما بالنسبة للشركات، الشي هذا ما له دخل فيهم اصلا لان المنتج تم بيعه اساسا والمتحكم فيه هو المشتري يقدر يتصرف فيه مثل ما يبغى (يبيعه/يحتفظ فيه/يكسره) هو حر ..

يعني لنفرض مثلا انت عملت لعبة معينه .. و عملت منها 1000 نسخه أصليه .. و بعتها كلها .. و جيت تسوي ال 1000 نسخة الثانيه .. تتفاجأ بأن السوق يحتوي على 500 نسخة مستعملة !! .. السوق فيه أصبح فيه أكتفاء .. يبيع و يشتري بالألعاب المستعملة ..

نظرية خاطئة .. الشركة لما تنزل لعبة معينة تنزلها على شكل شحنات حول العالم وتختلف كمية الشحنة من لعبة الى اخرى (الالعاب الكبيرة بالملايين، والصغيرة اقل طبعا) .. لما تنتهي الشركة من توزيع الشحنات تبدأ بشحنات جديدة حسب زيادة الطلب وتقدرها بشكل معين لحد ما يصل السوق لحالة اكتفاء وبعدها يتم ايقاف تصنيع اللعبة ..

 

[matso]

ولو الشركة الفلانية خسرت .. اوووف حرام شركتي المفضلة بتفلس ، لول ويش رايك تروح تتبرع لها ؟ ، شرائك للمنتج هو كل اللي تقدر تسويه ، وشركتك لو منتجها جيد فالناس راح تقبل عليه .

أنت لما تحب الشركة راح تدعمها بشراء منتجاتها وهذا كل اللي تقدر عليه ، ولو فلست الشركة فهو أمر محزن بالنسبة لك ربما ، وأما لو نجحت فأنت تتطلع للمزيد ، أنت بتشتري المنتج اللي يعجبك وبتصرف عليه فلوس ولو خسرت/ربحت شركتك .. جيبك ما راح ينقص/يزيد فلوس جراء ذلك .

خخخخخ هي مو سالفة اني ازعل انها خسرت أو احزن وما شابه .. لكن ربما لو خسرت و فلست = انقطاع المنتج عنك ..


ميستا .. بالفعل .. أغلب اللي يشترون الألعاب المستعملة من فئة اللي فلوسهم ما تسمح .. يمكن هي تعتبر حل جدا مناسب لهم ..

هاا يابطل .. تروح 7؟

؟؟؟ ^ ^ مافهمت شي

 

[ice cube]

عموما ..

بالكويت .. عندنا منتشرة .. اليوم أسولف مع ولد خالتي الصغير .. فيقولي انه اشترى 4 ألعاب .. و كلهم مستعملين !! خخخخخ

وين ؟ ...........أبي :crying:

بخصوص الظاهرة ممكن تكون سلبية على الشركة نفسها ( اذا كانت مسؤولة عن توزيع اللعبة في منطقة معينة ) , اما عندنا ما في مسؤول رسمي للالعاب الامريكية و العاب نينتندو بشكل عام , فمحد متضرر .

و حتى الشركات بره بدت بمواجهة الظاهرة ( حركة كود لعبة جيرز 2 و غيرها) و يفكرون مستقبلا ان الالعاب تكون كلها دوانلود على الجهاز مباشرة.


صح في ايجابية ثانية , انا من النوع اللي ما يشتري الالعاب اللي تنزل جديدة انطر لما يصير عندي عطلة و اشتري , و تكون الالعاب اللي ابيها انزلت و خلصوها الناس , فتكون في امازون بسعر جيد

 

[xX Wolf Shooter Xx]

اخوي الالعاب المستعمله رأي فيها انها ممتازه
تخيل اذا انته بغيت تشتري لعبه NES ولو قلنا انها legend of zelda اذا شريتها مب مستعمله عادي توصل ألف درهم
ولو خذيتها مستعمل بيطلع سعرها عادي جدا
ولو قلنا انك اشتريت لعبه وطلعت سيئه شي طبيعي تبي تبيعها عشان تاخذ وحده احسن منها
فهنه تجي فائده الالعاب المستعمله
وياريت لو يفتحون عندنا GameStop لانه اعتقد من افضل المحلات الي تقدر تستفيد من عمليه شراء المستعمل

 

[NESTA]

الالعاب المستعملة ما اشوف فيها اي حاجة وبالعكس ممكن تفيد الشركات على المدى الطويل في اوجه عدة .

ياكبير يابدر .... اتفق معك تماما :laugh::

 

[Noah`s Ark]

ليش ؟

خل الزطوط حقين الكوبي ياخذون من المستعمل :laugh::

على الأقل يشغلون " أصلي " .

و اللعبة تنباع من الشركة - المحل - المستعمل - البائع الجديد .

خل الناس تكد فلوس مب بس الشركات :xd:
​

 

[G7Ga7]

فاينل فانتسي 7

انا مستعد اشتريها منك مستعملة .

 

[Upperleft]

المستعمل بالنسبه لي مفيد في شي واحد: شراء لعبة مب متأكد انك تبغيها\راضي عنها
بس المشكله ما شفت محل يبيع مستعمل هنا >.>

 

[Argaki]

وين ؟ ...........أبي

روح الرحاب الدور الأرضي كل محلات تبيع وتشتري مستعمل ..

المستعمل بالنسبه لي مفيد في شي واحد: شراء لعبة مب متأكد انك تبغيها\راضي عنها

نفس السبب ^^