موضوع نقاشي: ما هو الحد الفاصل الأخلاقي.

[Fatani Heart]

هل تدعم المطورين المخالفين لمعتقداتك وما هو الحد الفاصل والخطوط الحمراء عندك؟
الألعاب والأفلام والمسلسلات من الزمن القديم كان يٌضع فيها محتويات مُخلة...
لكن
كنا سابقاً عند وجود أمور كفرية أو شركية. كوضع آلهة أو إنكار وجود آلهة وغيره. كنا نقوم بالمقاطعه الكاملة (حتى لو الموضوع كان كذب كبوكيمون). أما الآن قد نتغاضى عن هذا، لهم دينهم ولنا دين.
في السابق عند وجود أمور جنسية بأي طريقة نبتعد عن شراء اللعبة أو مشاهدة الفيلم بالكامل. لكن في الوقت الحالي من الممكن التسامح مع هذه المنتجات إذا في حذف وتخطي مشهد نقول مو مشكلة اجلبوها لنا بالسينما وبنشتريها حتى لو كانت ناقصة.
لكن ما هو موقفنا مع الفئة المخالفة للفطرة (الشواذ). إيش الموقف الصحيح بنظرك؟ هل ترى أنهم أسوء من النقطتين المذكورة سابقاً؟

ولأنه في أشياء كثيرة تدخل في ذا الموضوع.

• إذا المطور مريض أو يفعل أمور شنيع مخالفة لمبادئك لكن منتجهم نظيف. ما هو موقفك؟
• إذا المطور وضع شخصيات شاذة مؤثرة بالقصة بشكل كبير. ما هو موقفك؟ وهل سيكون لك ذات الموقف إذا كانت الشخصية فرعية أو NPC.
• إذا المطور وضع شخصيات شاذة غير مؤثرة بالقصة وغير راكبة بالشخصية نفسها. مثل سولجر وتريسر في أوفرواتش. ما هو موقفك؟ هل توقف لعب اللعبة تماماً وقتها؟
• ما وموقفك إذا وضعت الأديان السماوية في الألعاب والأفلام، هذي تحصل مع فكرة شخصيات الآلهة وتنوعهم لكن انظر لنا الآن نلعبهم بدون مشاكل بحجة أنه مهمين عرضهم كآلهة بالقصة.
• ما هو مفهومك للأجندة؟ وأين تعتقد أنهم موجود وبأي حالة تشوفها أجندة أو لا.

الموضوع ليس normalize لذي الأشياء لكن أنا اؤمن أن الـexposure والصدق مع النفس ووضع حدود واضح لنفسك ما تتعداها والمعرفة، أهم من المنع والجهل التام بذي بالأجندات. لأنها موجود بكثرة في وقتنا وسهلة الوصول فلازم نكون واضحين ونعرف ايش نعمل اتجاهها.
ملاحظة اتمنى تجنب الكلام السياسي والسب لأجل السب فقط بدون سبب لأنه اكتفينا بمواضيع سابقة.
الموضوع نقاشي عما يدور داخلك ومنظورك الشخصي وهل أنت مقتنع بوضوح الخطوط الحمراء عندك أم فيها اختلافات وتسامح مع منتجات معينة وتشدد وتحسس مع أخرى.

تم تدقيق وتنقيح الموضوع من قبل العضو @Invader Zim

 

[aboooood]

موضوع نقاشي: ما هو الحد الفاصل الأخلاقي.

ممم اي حاجة تكون ضد الفطرة السليمة

 

[Arashi]

الموضوع ما فيه "كنا زمان، والان أصبحنا".
اللي كان غلط في السابق يظل غلط لين اليوم وفي المستقبل أيضا.

امور كفريه، وضع الهه وغيرها، ان وجودها مجرد ذكر ومافي صلاه وسجود وطقوس مبالغ فيها وكان العالم خيالي فمن زمان كنا نمشيها ما اذكر كانت تصير سالفه عندنا، لكن لما يجيك ينكر وجود الله (والعياذ بالله من هذا الانكار) هنا لازلنا نمتنع عن مثل هالاعمال، حتى الاعمال اللي يجيب لك شخصيات تمثل الملائكه بالاسماء اللي احنا نعرفها (جبريل عليه السلام مثلا) أيضا لازلنا نمتنع عنها. اصنع عالم خيالي بعيدا عن عالمنا واي معتقد في عالمنا اوكي، اما تتعبث في معتقداتنا فمع السلامه.

امور الـ18+ كانت ولا زالت مكروهه، او لو يجيني العمل مقطع فمب مشكله، او لقطه وحده قصيره اقدر اطوفها بسرعه ولا جفت شي. المهم ما اجوف ولا ثانية قرف.

لكن ما هو موقفنا مع الفئة المخالفة للفطرة (الشواذ). إيش الموقف الصحيح بنظرك؟ هل ترى أنهم أسوء من النقطتين المذكورة سابقاً؟

اسوأ بالراحه، المشكله مب بس توجه مخالف للفطره، المصيبه انهم يحاولون يدخلون علينا بيوتنا ويجبرونا نغير افكارنا، عكس ما ذكر فوق.
هاذيله لو اجوف لهم بس شعار صغير يظهر في عمل تجيني لوعه واتركه، حصل ذلك مع فيل البنت لابسه دبوس قوس قزح، بس دبوس غير هذا ما ينقال شي عن هالفئه لا كلام ولا فعل مباشر.. تقززت من الفيلم ومن الشخصيه بسبب هالدبوس الصغير!

إذا المطور مريض أو يفعل أمور شنيع مخالفة لمبادئك لكن منتجهم نظيف. ما هو موقفك؟

شنيع مع نفسه.. كيفه، اما لو شنيع مع الناس لازم اقاطعه وما ادفع له ولا ريال عشان ما اساهم في ضرر الاخرين.

إذا المطور وضع شخصيات شاذة مؤثرة بالقصة بشكل كبير. ما هو موقفك؟ وهل سيكون لك ذات الموقف إذا كانت الشخصية فرعية أو NPC.

إذا المطور وضع شخصيات شاذة غير مؤثرة بالقصة وغير راكبة بالشخصية نفسها. مثل سولجر وتريسر في أوفرواتش. ما هو موقفك؟ هل توقف لعب اللعبة تماماً وقتها؟

حتى لو باعوضه شاذه، كله قرف >_>

ما وموقفك إذا وضعت الأديان السماوية في الألعاب والأفلام، هذي تحصل مع فكرة شخصيات الآلهة وتنوعهم لكن انظر لنا الآن نلعبهم بدون مشاكل بحجة أنه مهمين عرضهم كآلهة بالقصة.

ضد الفكره وبقوه حتى لو دين محرف، الاديان لها احترامها ولا يجب ان توضع في الاعمال، لو يبون دين خل يخترعون اي خربوطه من عندهم ويخربطون فيها بكيفهم. تجيني ضيقه حتى لما اجوف الدين المسيحي يهان لأنه دين سماوي لو محرف... اما الاديان اللي مالها اصل واساسها تأليف بشر فممكن شوي أمشيها شرط ما تكون المحور الرئيسي للقصه، مثل لعبة God of War (اقصد الجديده كريتوس الاب) اللعبه نظيفه جدا واقدر اعتبرها هادفه نوعا ما، فيها الهات لكن مالهم قيمه كآلهات ولا حد يعبدهم ولا شي (هذا اللي فهمته) يعني مجرد ان عندهم قوى خارقه تميزهم عن البشر العاديين.

ما هو مفهومك للأجندة؟ وأين تعتقد أنهم موجود وبأي حالة تشوفها أجندة أو لا.

اجنده هي أي فكره مستحدثه يبون يدخلونها بيتك غصبن عنك ويجعلونها مقبوله في عقلك وعقل أخوانك وانبنائك واصدقائك وكل افراد متجمعك. هناك اقصد الجيل الجديد حتى جيلي انا مب مستهدف (اقصد شياب الثمانينات)




سبب التشديد في الامتناع عن هذي الامور مب خوفا على أنفسنا لأن أغلبنا فاهم وواعي، خوفنا يكون عالاجيال اللي بتجي بعدنا اللي فتحت عينها على هالافكار، فلو تعلموا تتقبل هالامور بكون بسبب تهاونا في الامتناع عنها وراح يكون تقبلهم لها في ذمتنا.

 

[retha]

صناعة الترفيه بكبرها صايرة كومة قذارة.

 

[MD3]

ما عاد فيها حد فاصل. كثر الخبث واختلط بكل شيء. والأسلم التخفف من هذا كله لعل الله يمن علينا ونقطعه تماما.

 

[AzureFlame]

شخصيا، أخذ الشيء الزين وأترك اللي ما أرتاحله من العمل نفسه. أنا فاهم اللي قاعد أشوفه، عمل من ثقافة بعيدة عن ثقافتي وديني، يعني متوقع كل هذا وزيادة في المستقبل، مو مستغرب.

وإذا الشيء كان فيه إساءة مباشرة لنا، هني الموضوع يختلف، وأكيد راح يكون لي موقف.

أما سوالف الآلهة، الجنس، وكل هالامور تعتبر غلط من منظور شخص مسلم نفسي أكيد، والمفروض ما أدعمهم ب ولا فلس لو تبي الحقيقة المؤلمة يعني، حتى لو من منتج أنا أحبه.

الله يهدينا ويهدي جميع المسلمين، احنا في حقبة زمنية صعبة، واللي قاعد نشوفه مجرد امتداد او تطور لأشياء سابقة، وكلما وتطور إلى الأسوأ مع الأسف.

 

[MOSU]

اعتقد الموضوع سيغلق .....

 

[Invader Zim]

اعتقد الموضوع سيغلق .....

توقعت الرد هذا ابكر من كذا