(موضوع نقاشي ) ال mtx و انتشار الالعاب الخدماتية وال f2p من الملام وما الحل؟

[حساب محذوف]

خلينا نتكلم اولا كدا عن ال mtx
هقسمهم لفرعين
1- المؤثرة على اللعبة
ابرز مثال على كدا هو لعبة زى فيفا مثلا
بحيث اما انا بدفع فلوس اكتر بيبقي عندى تشكيلة ولاعبين اعلى
لو هلوم حد على فهلوم اولا الشركة الناشرة ea لأنها شركة جشعة انها تضيف حاجة تميز اللى بيدفع اكتر بحاجة هتاثر على اللعبة نفسها
ولكن مينفعش منلمش اللاعبين فهما كمان جزء من المهزلة اللى كانوا مفروض يوقفوا فى وجه الكلام دا من الاول
فمثلا تخيل كدا لو اللعبة مفهاش mtx فعارفين الشركة هتركز على ايه؟ على متعتى
هتحاول انها تخلى اللعبة ممتعة وتدى لاعيبة خارقة بشكل اكتر لانهم هيبقي الهدف الاول ليهم متعتى لانهم عايزنى استمر اشتري الجزء الجاى وبعدين اللى بعده
فمش هيستفادوا حاجة لو الكل تشكيلتهم وحشة
انما حاليا الهدف الاول ليهم ازى ناخد اكتر كمية من الفلوس من اللاعبين
حتى لو دا أدى ان بعض من اللاعبين يسيبوا اللعبة فالفلوس اللى داخله من ال mtx اكتر من الفلوس اللي جايه من ال60$ اللى دفعوها اللاعبين
طب ايه الحل؟ عمليا يعتبر مفيش حل او على الاقل ابدا بنفسك ومتشتريش اللعبة
نظريا انت عايز ما شخص يأثر على كام مليون ويقنعهم متصرفوش اى فلوس داخل اللعبة او انهم ياخدوا خطوة أكثر جرأة امام ال ea وميشتروش اللعبة كلها

2- الغير مؤثرة على اللعبة
هنا انا مقدرش الوم الشركة كثيرا بالاخص فى الالعاب المجانية
يعنى دلقوتى لعبة زى fortnite مفهاش عملة داخل اللعبة هتخليك تفوز انما القصة كلها فى أشياء جانبية زى سكنات
هنا انا هلوم اللعيبة بشكل أساسي
بالاخص اللى بيدفعوا كتير
يعنى انت بتلعب Genshin impact معنديش مشكلة انت حر ولكن أشخاص بتصرف مئات وآلاف على اللعبة!
انت كدا بشكل او بآخر بتضر بصناعة الالعاب ككل
يعنى لو انت واضع حد معين متصرفش فوقه مثلا 60 دولار على اللعبة


خلينا اتكلم بشكل عام عن الالعاب الخدماتية وال f2p
هل هى وحشة؟ انا عن نفسي مش شايفها الحاجة الوحشة ولكن المشكلة الرئيسية هنا أن أرباحها عالية جدا
وهتخلى كل الشركات تتجه اكتر نحو أسلوب واحد
يعنى مثلا شركة زى يوبيسوفت جابت عوائد$2.597B فى السنة المالية لعام 2021 و $1.773B فى السنة المالية لعام 2020
ولعبة زى Genshin impact جابت عوائد $1 billion فى 6 شهور
وطبعا عند حساب الارباح اعتقد Genshin impact هتبقي فارقة جامد لانها مش بتصرف على حوالى 20 الف شخص و عدد كبير من الاستيديوهات والالعاب
فطبيعي ان يوبيسوفت تتجه نحو الاتجاه دا حتى لو لعبة اتتين تلاتة فشلوا ولكن فى مرة هتيجي لعبة تجيب ارباح كبيرة
يعنى يوبيسوفت شركة غرضها الاول أنها تربح اكتر وعندها مستثمرين والتزامات فلما يكون الالعاب الخدماتية بتحقق بشكل كبير جدا فطبيعي انها تتجه لكدا
انا عن نفسي
اتمنى مفيش اى نوع من الألعاب يحقق نجاحات كبيرة جدا جدا ويكون الفرق كبير فى الارباح عن الباقي مهما كانت نوع اللعبة.

 

[bits]

فيه مشكلة كبيرة نسيتها في ال mtx وهي المقامرة. مثلا في فيفا تشتري كروت وانت وحظك بطلع لك ميسي ولا بطلع لك الجني الأخضر. وكذلك في genshin impact من كم يوم ولد قريب لي قعد يبكي لأنه صرف ما يقارب ١٠٠ دولار وما طلع له الي يبغاه (مش عارف كان يحتاج ايش) وهذي أوسخ واحقر حركة تطبقها الشركات في ال mtx.

 

[ASWD]

لفري تو بلاي..لعبة مجانية واللاعب مخير انه يلعبها وينفق داخلها او يلعبها بدون انفاق ويتحمل التقدم البطيئ وغيره

المايكرو ترانزاكشن ماهي اللا قمار بنظري ايا كان شكله

وفي الحالتين الجيمرز هم الملامين اكانو بالغين او من هم تحت وصايا اولياء امرهم..طالما فيه داعم ومتقبل لهذ الشي الشركات ماراح توقف تصدير لمثل هذي الامور لزيادة الدخل اللا اذا توقف دعم هذي الشغلات من المستهلك

 

[retha]

القاتشا وباء.
أدفع أضعاف قيمة الشيء لعل وعسى أحصل عليه؟ والله مهزلة.