من وين احصل على الأنميات المدبلجة العربية القديمة ؟ + استفسار عن موقع sharingcode

[The Heartless]

السلام عليكم

الفتره هذي فيني شعور الحنين لمسلسلات الماضي مثل نيلز وجرندايزر وغيرها. قلت خلني أدور في مواقع التورنت العربية يمكن احصلها خاصة اني سمعت عن جروب يمسك الدبلجة العربي للمسلسلات ويضيفها على نسخ فيديو صافيه وبالنسبة لي هذا شي ممتاز يخلصنا من مشاكل أشرطة الفيديو كاسيت. وبعد تصفحي للمواقع العربية والي التصفح فيها يجيب الهم والمرض ل‘نها كلها دعاية أو لازم تسجيل وروابط تحميل مكسورة وقديمة فبطلت ابحث من كثر ماعوروا راسي.

أنا هني طالب خدمتكم, دلوني على موقع تورنت يكون عنده هالمسلسلات, سمعت عن موقع sharingcode وإنه هو مصدر الكرتون المدبلج لكنه مسكر التسجيل.

هل في طريقة اسجل في موقع sharingcode او احد من أعضاء هالمنتدى الي مسجل يرسلي دعوه له ؟

هل في موقع ثاني عنده نفس المكتبه واقدر اسجل فيه أو احمل منه حتى لو بفلوس ؟

ناطر الجواب وكل عام وانتم بخير.

 

[hussien-11]

و عليكم السلام

انا حصلت بعض المسلسلات القديمة في الأسواق عند محلات بيع الـDVD's ، بل عدد كبير منها في الواقع
لكن ما حصلت كل اشي بدي اياه

الي يقدر يفيدنا مع جاسم ، يا ريت وصلات أو طرق للتحميل
​

 

[kanon]

جاسم ، حسين
اللي اعرفه في عدد كبير من الانميات القديمة المدبلجة في انمي داون لكن بفلوس و دايركت مو تورنت

 

[Tanton]

في عندي موقعين بس ما أدري كان عادي أحط روابطهم، برسلهم لك عالخاص واللي يبيهم يقولي

 

[C RONALDO]

ثلاث ارباع الانيمات المدبلجه اللي تلقاها بالنت تكون منقوله من الشيرينج كود ,, لان المصدر الاول للانيمي القديم المعاد انتاجه بجوده عاليه
وانيمي داون اصلا كل الانيميات اللي عنده ماخذها من الشيرينج كود

يعني حرام تشتري شي واهو اصلا ابلاش ومتوفر بكل مكان .. فيه موضوع بمنتدى مسومس فيه 85 انيمي .. واغلب اللينكات على الميديافاير
http://www.msoms-anime.net/showthread.php?t=123328&page=1

واذا مالك خلق تسوي داونلودات ,, في محل بالرحاب عنده انيميات منزلها من شيرينج كود ويحطهم لك بهاردسكك او يبيعلك اياهم ديفيدي .. بس اول شي سأله هذي النسخه المسجله من الفيديو ولا نسخة الانترنت الواضحه ,, لان اغلب اللي ينباعون كديفيديات يكونون مسجلين من نسخ اشرطة الفيديو والكواليتي لك عليه ,, فأحسن شي تاخذ الحلقات اللي من النت ويحطلك اياهم بهاردسكك

 

[دودي2004]

اخوي مصدر الانمي المدبلج الصافي

هو تراكتر الشرنج كود ماقصرتوا صراحة ودبلجو شغل كتييييييييرر

انمي داون ياخذها من عندهم ويعطيهم مقابلها انمي مترجم يرفعوه على التراكتر فبينهم شغل متبادل

بس انمي داون يبيع الحلقة بريال اما الشرنج كود مجانا

===
بخصوص الدعوات انا مشترك بالموقع والدعوات وقفها له اكثر من سنة
اذا انت من جدة وحاب بانمي مدبلج او مترجم ترى عندي مكتبة 6 تيرا تكفيك باذن الله

 

[يمكازي]

http://www.cartoonarabi.com/index.php

الجودة ممكن شويتين سيئة .

 

[G_kirby]

الشيرنج كود الافضل في هالمجال . التسجيل مو مقفل على فكرة ، هو يفتح من فترة لفترة . اذا فتح التسجيل برفع هذا الموضوع بإذن الله واخبركم

 

[Unknown]

انا مسجل في شيرينق كود من سنين .. بشوف اذا يقدر يعمل دعوه ولا لأ
بس انا الان برا البيت .. اذا رجعت بشوف وبخبرك ان شاءالله

 

[دودي2004]

ايه الشرنج يفك من التسجيل بس مرتين او ثلاث بالسنة

 

[The Heartless]

واو شباب فعلاً ردود مفيده, اشكر كل من رد.

أنا ارفض اني اعطي للمحلات الي تبيع هالرسوم على DVD لإني شايف أنهم ياخذون أجر على شي هم ماتعبوا فيه على عكس الجروبات في sharingcode الي هم يتعبون بتركيب الصوت للفيديو الصافي. للأسف الموقع طول السنه مقفل بس انتظر الشباب Unknown و G_kirby يردولي خبر إذا فتح التسجيل مره ثانيه.

حالياً قاعد انزل من الوصلات الدايركت الي ذكروها كل من C RONALDO و Tanton و يمكازي ولو اني اكره النظام هذا لإنه لازم اسوي كليك لكل حلقه وانزلها على صوب, نظام التورنت اريح بكثير بالنسبه لي لكن لازم نرضى بالموجود.

دودي2004 و kanon مشكورين عالمعلومات, توني اعرف نظام موقع شيرنج كود وأنمي داون, وموقع محمد الشريف توقعته صكر وانتهى طلع للحين عايش, يمكن كان هو مصدر الأنمي الياباني المترجم حسب مااتذكر وخاصة كونان.

مره أخيره اشكركم شباب عالتفاعل والردود

 

[Unknown]

كلمت ادارة الموقع .. قالوا الدعوات والتسجيل مغلق
بس قالوا لي من يفتح التسجيل بيعطوني خبر =)