SCREAMING_RAGE
رئيس فريق TG كرة أوروبية
لو مايكروسوفت .............. أعطت لايف ببلاش لمدة سنة كاملة مع باندل الاكس بوكس ون (( واللي بينزل في نهاية الاسبوع في امريكا)).............. كان سوني بتضيف مبيعات البلاي ستيشن 4 مع الفيتا و الـ PSP لووول.
مليون جهاز Playstation 4 تم بيعها في اليوم الاول ! في أمريكا الشمالية فقط !
- بادئ الموضوع Nasser
- تاريخ البدء
MAX9009
True Gamer
ولو تسوي كنسل للبري اوردر حقك وتخفف الحماس الزايد ع الاكس ون يكون افضل
Eng.sultan
Hardcore Gamer
^^^^
:clap:نفس كلامك بالنسبة لي :clap:
:clap:نفس كلامك بالنسبة لي :clap:
Classic Player
TG News Editor
متى بتتوفر شحنات جديدة ؟
G4mer
Banned
جاااااااااااااااااااب ولا ترى بسير لموضعك و اخرب عليكم فرحتكم (&)
squall leonhart
True Gamer
هههههه معليش كيسي ذمته واسعه عشان كذا ما جبت رقم دقيق زيك
Veeto
True Gamer
اعضاء كثر شككوا ان سوق الكونسول ميت عالآخر من زمان واتعظمت شكوكهم بفترة صدور الوي يو (مع ان تعبنا وانبح صوتنا ونحن نقول ماله دخل)..حتى حسين كنت ناسخ له رد بملف تكست عشان اراويه بمثل هاليوم، كان قبل نص سنة تقريبا ويقول فيه ان البس4 مستحيل يبيع بشكل جيد لأن سوق الكونسول متقلص ووضعه سيء...للأسف مضيع الملف حاليا بعد ما دورت عليه بكل بقعة بالبي سي
صدقت يا صادق .. تعبنا واحنا نقول ان الوي يو مو معيار للاندستري .. حتى انا عندي هالردود ومحتفظ فيها للوقت المناسب :joy:
كنت بنتظر ارقام نهاية السنة - ديسمبر 2013 - بس شكلها سوني بتنحر المنافسة من بدري
===
@ifahadx
اعتقد ان سوني ما عندها مشاكل بالتصنيع .. ومن ارقام البري اوردر وردة فعلهم واضح انهم مجهزين نفسهم للانش تاريخي
سوني تفرق عن مايكرو ونينتندو بقدراتها اللوجستية .. عندهم قرب اكثر للزبون .. عندهم محلات اكثر .. وغيرها من امور تعطي سوني الافضلية
تفضيل السوق الامريكي - مثل اللي سوته نينتندو - بيعطيك بوست نسبي في امريكا لكن بتخسر بقية الدول
وفي حالة سوني .. مع خسارة امريكا بالجيل الماضي - جيل البلاي 3 - الا انها كانت ند لند لمايكروسوفت بسبب بقية الاسواق
وهالوقت وقت رد الدين - تقدر تقولها نسبيا - لهالسبب سوني متعاملة ويا الاسواق اللي عطتها فرصة في البلاي 3 بطريقة مختلفة
حتى لو المنافسة فيها اضعف
اعتقد تقارير قبل كم شهر عن مشاكل تصنيع مايكروسوفت حقيقية .. وكل يوم تتاكد
=======
@ النسر الأسود
العاب اللنش الحصرية فقط متواضعة .. والا العاب اللانش .. ممتازة .. كلنا تناسينا شغلة مهمة جدا
احنا تمللنا من اساسين الجديدة .. كود .. فيفا .. او باتلفيلد .. ونبي تجارب جديدة .. لكن هذي الالعاب كل سنة متصدرة مبيعات الالعاب
وهي الالعاب اللي الناس تشتريها .. هالمرة فيه جهاز جيل جديد بيخلي الناس اللي تشتري هالالعاب تجربها وبطريقة جديدة
لو تفكر فيها .. اللانش بالنسبة لهالفئة .. وهم فئة ضخمة جدا جدا .. لانش استثنائي .. بيلعب العابه السنوية - المعتادة شكلا ومظرها ولعبا -
بطريقة جديدة وفريش .. وهذي النقطة اللي كلنا ما كنا متخيلينها .. صح هالالعاب نزلت على الوي يو .. لكن الوي يو نفسه قدم روحه كانه منافس للبلاي 3 واكس 360
عكس الحين .. 1080 و 60 اطار !
وفي هالسبب .. أعتقد على عكس ما كنا نتوقع .. العاب الكروس جن .. وغياب الـ backward compatibility .. بدل ما يكون شي سلبي
صار من اهم مميزات الجيل الجديد .. العاب الكروس جن هي اللي صنعت الفارق بسبب عدم قدرة الاجهزة على تشغيل العاب الجيل السابق
اجبر الشركات على تطوير العاب كروس جن .. كثيرة للاجهزة بخصائصهم .. وقت الاصدار !
hussien-11
Senior Content Specialist
الي يقول عن سوق الكونسول بخير و زي ما هو بسبب هالمبيعات ما ادري كيف يفكر؟ هذي المبيعات من الearly adopters و شوية شوية بيلحقهم جمهور الهاردكور جيمرز، لكن التحدي الحقيقي يبدأ لما نشوف اذا المينستريم رح يشتروا الجهاز و يوصلوه لأرقام كبيرة جدا ام لا
و في نهاية المطاف اتوقع نسبة مبيعات الكونسول تنخفض بشكل ملحوظ مقارنة بالجيل الحالي، حصة الوي مش الشيء الوحيد الي رح يتقلص، و الله اعلم
و في نهاية المطاف اتوقع نسبة مبيعات الكونسول تنخفض بشكل ملحوظ مقارنة بالجيل الحالي، حصة الوي مش الشيء الوحيد الي رح يتقلص، و الله اعلم
The Doctor
Once a Voyager on a Cursed Sea
^من المثير للاهتمام بالنسبة لي إن هذي النظرية منتشرة في النت، تقريباً بشكل حصري بين الننتندو فانز...
ryo hazuki
True Gamer
والله رقم ممتاز بصراحة اتمنى مايكون دروب قوي بعدها
Super Shadow
True Gamer
شي ممتاز ، اول شي سعر الجهاز منطقي و سوني حريصة انها تكسب ثقة المستهلك ، بس السؤال اﻻكبر كيف بيكون اداء الجهاز مستقبلا مع شح اﻻلعاب
midoyemen
Hardcore Gamer
أي شح العاب تتكلم عنه ؟ العاب الملتي ما بتتوقف على الجهازين البلاي ستيشن 4 والاكس بوكس ون ... ولاحقا حصريات للجهازين في الربع الأول
Veeto
True Gamer
الي يقول عن سوق الكونسول بخير و زي ما هو بسبب هالمبيعات ما ادري كيف يفكر؟ هذي المبيعات من الearly adopters و شوية شوية بيلحقهم جمهور الهاردكور جيمرز، لكن التحدي الحقيقي يبدأ لما نشوف اذا المينستريم رح يشتروا الجهاز و يوصلوه لأرقام كبيرة جدا ام لا
و في نهاية المطاف اتوقع نسبة مبيعات الكونسول تنخفض بشكل ملحوظ مقارنة بالجيل الحالي، حصة الوي مش الشيء الوحيد الي رح يتقلص، و الله اعلم
اي صح من الخطأ ان احنا نقول ان السوق بخير واحنا نشوف اضخم لانش بتاريخ الكونسول يتحقق .. مو في اول شهر .. في اول يوم
Zesky
True Gamer
الي يقول عن سوق الكونسول بخير و زي ما هو بسبب هالمبيعات ما ادري كيف يفكر؟ هذي المبيعات من الearly adopters و شوية شوية بيلحقهم جمهور الهاردكور جيمرز، لكن التحدي الحقيقي يبدأ لما نشوف اذا المينستريم رح يشتروا الجهاز و يوصلوه لأرقام كبيرة جدا ام لا
و في نهاية المطاف اتوقع نسبة مبيعات الكونسول تنخفض بشكل ملحوظ مقارنة بالجيل الحالي، حصة الوي مش الشيء الوحيد الي رح يتقلص، و الله اعلم
يا اخوان.. المبيعات الحالية ما تدل بأي شكل من الاشكال على حجم السوق النهائي في نهاية الجيل الجديد.
السوق بخير او مو بخير.. بدري على هالكلام..
بالاضافة الى ان سوني حالياً قاعدة تتوصل لسوق اكبر وبسعر ممتاز وبمميزات تواصل عصرية وممكن هذا يفتح باب كويس.
فمحد يعرف سرعة نمو السوق كيف حتكون.
غالبية الجيمرز راح ينتقلون للجيل الجديد خلال السنتين الجايه وهم الفئة الاهم والفئة المستهدفة حالياً بوضوح.
بقية الفئات يروحوا ويجيوا.. وسوني ما عمرها اعتمدت عليهم اصلاً فمادري عن ايش تتحدث ياحسين..
عكس الشركات الاخرى اللي نمت بشكل سريع و قاعدة تنحدر بشكل اسرع حالياً بسبب "التحدي الحقيقي".
و ما اشوف كيف ممكن الواحد يقلل من قيمة الـ early adopters !!
لما مبيعات الجهاز تبـدأ صـح تعتبر اساس وقاعدة نشطه ومنفتحه للتجارب الجديدة..
هذه تشجع الجميع على وضع العابهم على المنصـة! وهذا راح يكون في صالح الجهاز واللاعب والمطور.
هذا شيء ايجابـي جداً وصحـي للمنتج ويحق للجميع يتفائل بشأنه.
منطقك مضروب جداً.
zlatanovic
True Gamer
بغض النظر عن النقاش اللي صاير، بس عندي تعليق على هالنقطة. المبيعات هذي ( الـ 1 مليون ) من الـ innovators مب الـ early adopters. واللي يشكلون حوالي 3٪ بس من الماركت.الي يقول عن سوق الكونسول بخير و زي ما هو بسبب هالمبيعات ما ادري كيف يفكر؟ هذي المبيعات من الearly adopters و شوية شوية بيلحقهم جمهور الهاردكور جيمرز، لكن التحدي الحقيقي يبدأ لما نشوف اذا المينستريم رح يشتروا الجهاز و يوصلوه لأرقام كبيرة جدا ام لا
و في نهاية المطاف اتوقع نسبة مبيعات الكونسول تنخفض بشكل ملحوظ مقارنة بالجيل الحالي، حصة الوي مش الشيء الوحيد الي رح يتقلص، و الله اعلم
فـ اذا الـ انوفيترز قدروا يحققوا هالرقم في امريكا لحالها، فـ سوق الكونسولز بخير على الاقل من جهة تحليلية تسويقية. وشكرا.
The Doctor
Once a Voyager on a Cursed Sea
^المخترعين...؟
zlatanovic
True Gamer
^
لول لأ. الاسم العلمي لهم الـ innovators :
لول لأ. الاسم العلمي لهم الـ innovators :
Veeto
True Gamer
^^^
المقصود فيهم محبي التقنيات .. حسب ما اتذكر
دورة حياة الكونسول ما احد يقدر يحط ليها قاعدة معينة .. احيانا ممكن تكون البداية بالكاجوال مثل الوي واحيانا تكون بطيئة وتتسارع مرة وحدة مثل الاكس بوكس 360 بعد ما كل المنافسين طرحوا اوراقهم
واحيانا تكون مشتركة بين الكاجوال وبين الجميع مثل البلاي 2
ي
انا ما يهمني حجم السوق النهائي .. يهمني حالة الاندستري نفسها .. اذا حجم السوق تقلص الى 200 مليون - خسارة 20 % عن هالجيل - بالمقابل كانت مبيعات الاكس ون والبلاي 4 مجتمعين 190 مليون
فهذا نمو الى اجهزة الجيل الجديد ( الحقيقية ) بنسبة 16 % .. ومعناه ان التقلص كان بسبب نينتندو .. او بالاحرى بسبب هروب الكاجوال - اللي هم اصلا مو المحركين الحقيقيين لهالصناعة -
اي واحد يقلل من المليون هذا انسان يكابر .. هالمليون سبب تواجد هالاندستري .. وسبب استمراريتها .. الاندستري تستمر بتكبير هالفئة .. وبسبب رجوع هالفئة في كل جيل تشتري من البداية
لو اعتمدوا على (( المشترين الرخاص )) .. كنا ما بنشوف اجهزة تقنية عالية .. كنا بنشوف كل شركة تفكر شلون تقدم جهازها بارخص ما يمكن
كنا ما بنشوف المطورين يقدمون العاب الجيل الجديد تحمل خواص ومميزات للجيل الجديد نفسه
سنة وانا اقول هذي الاندستري مبنية على التقنية .. سنة كامل .. وانا مؤمن بنظريات وافكار سوني .. والنتائج واضحة جدا جدا .. ما تحتاج لتوضيح
المقصود فيهم محبي التقنيات .. حسب ما اتذكر
دورة حياة الكونسول ما احد يقدر يحط ليها قاعدة معينة .. احيانا ممكن تكون البداية بالكاجوال مثل الوي واحيانا تكون بطيئة وتتسارع مرة وحدة مثل الاكس بوكس 360 بعد ما كل المنافسين طرحوا اوراقهم
واحيانا تكون مشتركة بين الكاجوال وبين الجميع مثل البلاي 2
ي
انا ما يهمني حجم السوق النهائي .. يهمني حالة الاندستري نفسها .. اذا حجم السوق تقلص الى 200 مليون - خسارة 20 % عن هالجيل - بالمقابل كانت مبيعات الاكس ون والبلاي 4 مجتمعين 190 مليون
فهذا نمو الى اجهزة الجيل الجديد ( الحقيقية ) بنسبة 16 % .. ومعناه ان التقلص كان بسبب نينتندو .. او بالاحرى بسبب هروب الكاجوال - اللي هم اصلا مو المحركين الحقيقيين لهالصناعة -
اي واحد يقلل من المليون هذا انسان يكابر .. هالمليون سبب تواجد هالاندستري .. وسبب استمراريتها .. الاندستري تستمر بتكبير هالفئة .. وبسبب رجوع هالفئة في كل جيل تشتري من البداية
لو اعتمدوا على (( المشترين الرخاص )) .. كنا ما بنشوف اجهزة تقنية عالية .. كنا بنشوف كل شركة تفكر شلون تقدم جهازها بارخص ما يمكن
كنا ما بنشوف المطورين يقدمون العاب الجيل الجديد تحمل خواص ومميزات للجيل الجديد نفسه
سنة وانا اقول هذي الاندستري مبنية على التقنية .. سنة كامل .. وانا مؤمن بنظريات وافكار سوني .. والنتائج واضحة جدا جدا .. ما تحتاج لتوضيح
hussien-11
Senior Content Specialist
Zesky، ما تعرف تكتب ردود بأسلوب محترم؟ ما فيه شي مضروب غير تفكيرك، كلامي في بلد و كلامك في بلد.
فيتو، 190 مليون؟ انت قاعد تحلم، ما اتوقع الاجهزة الثلاث يجيبوا الرقم صراحة. و الكاجوالز جمهور مهم في صناعة الالعاب و مصدر دخل لأي شركة لانهم يشتروا العاب قليلة التكلفة بسعرها الكامل، قاعدة كبيرة من ملاك البلاي2 كانت من الكاجوالز و المينستريم. اليوزربيس للبلاي3 نزل للنصف.
فيتو، 190 مليون؟ انت قاعد تحلم، ما اتوقع الاجهزة الثلاث يجيبوا الرقم صراحة. و الكاجوالز جمهور مهم في صناعة الالعاب و مصدر دخل لأي شركة لانهم يشتروا العاب قليلة التكلفة بسعرها الكامل، قاعدة كبيرة من ملاك البلاي2 كانت من الكاجوالز و المينستريم. اليوزربيس للبلاي3 نزل للنصف.
Zoda
True Gamer
مش فقط حصرية فقط على النيتيندو فانز ممكن تستشفها من يوشيدا نفسة او بعض ceo الطرف الثالث الي اعربوا عن مخوفهم بشكل اوضح , سوني اقوى سلاح عندها الجرافيكس وللاسف تأثيره بيقل بعد اول سنة والخدمات الي تقدمها مدفوعة والـ pc بيقدمها بشكل افضل وبالغالب مجانا , اول سنة اختيار الكونسول بيكون الغالب بين الجيمرز لكن بعدها تفوق الـ pc يوضح ويكبر اقل شي ممكن يحدث العمر الافتراضي للـ ps4 , xbox one بيقل وهذا له تاثير على طريقة دعم الطرف الثالث وحجم المشاريع.
كنت كاتب رد فية نقاط اكثر واختفى عموما عندك خلفية عن الـ pc ومايحتاج ادخل معك بتفاصيل مالها لزمه
Veeto
True Gamer
صح كلامك .. اتوقع جهازين بس يجيبوها .. وبالراحة كمااان
مهم .. لكن مو لهالاوقات .. اوقات بداية اللانش .. مع ارتفاع سعر الاجهزة وارتفاع تكاليف التطوير .. الاهمية تكون الينا للجيمرز .. اقناعنا بالجهاز اهم بمليون مرة من اقناع الكاجوالز
الكاجوالز ما تقدر تبني عليهم براند ولا تقدر تبني عليهم اي شي .. مثل ما يجو بسرعة يروحوا بسرعة
شوف فوارق مبيعات كود او اساسين على الجيلين .. ومبيعات نينتندو دوج او مبيعات عناوين - وي ____________ - وبتعرف اي فئة الرهان عليها صح
امس واحد من جاف حاط احصائية ان الليلدربورد الى كود فيها 200 الف مستخدم في البلاي 4 !! من مبيعات يوم واحد !
AMG
True Gamer
حسين بداية البي اس 4 القوية جدا تدل ان سوق الكونسولز مزال بخير , جمهور الهارد كور كان موجود على مر الاجيال ليش ما شفنا لانش بهذي القوة ؟ او قاعدة الهاردكور بدأت تكبر وهو احتمال مرجح لان ممكن نسبة من الكاجوالز ما عاد صارو كاجولز و صارو جيمرز حقيقيين فهذي الحلالة السوق مازال في توسع
غير ان العاب الكونسول كل مدى ميزانياتها تكبر و في العاب تحقق ارقام تاريخية في الفترة الي الناس تقول ان السوق صار يتقلص
انا ما اتابع المبيعات بشكل كبير لانها صراحة ما تهمني كثير لكن في تضارب واضح بين نظرية تقلص السوق و نتائج السوق نفسه
غير ان العاب الكونسول كل مدى ميزانياتها تكبر و في العاب تحقق ارقام تاريخية في الفترة الي الناس تقول ان السوق صار يتقلص
انا ما اتابع المبيعات بشكل كبير لانها صراحة ما تهمني كثير لكن في تضارب واضح بين نظرية تقلص السوق و نتائج السوق نفسه
Zesky
True Gamer
وش رأيك تعطي نفسك مخالفة تعدي شخصي؟ :joy:
شكلك زعلان عموماً ولا ادري ليش التحسس كل هذا عشان قلت منطقك مضروب.
روق ترى ما اقصد الامر بشكل شخصي.. وحاولت فعلياً اوضح وجهة نظري مع بعض الحقائق.
Veeto
True Gamer
لان البعض ماخذ التقلص كرقم بحت .. متناسين حقيقة ان التقلص كان سببه بشكل كبير الوي اللي كان طفرة غير مسبوقة وغير متوقعة من الجميع
الوي ما كان في اي حال من الاحوال شي طبيعي الوي كان - عامل مخلخل - للاندستري كلها .. غير .. اشياء واجد بنمطها الرقمي والقياس على وضعية الاندستري لازم يدخل هالشي في حسبان اي واحد بيحلل هالارقام
اللي الناس ما كانت تتابعه هو تضخم ارقام سلاسل ثانية .. وتضخمها تضخم كبير جدا جدا .. كود يمكن الكل يعرف حجمها بالاسواق
بس العاب مثل فيفا .. اساسين كريد .. باتلفيلد او حتى مادن بالسوق الامريكي .. هالعناوين كبرت في الجيل السابق - جيل البلاي 3 والاكس 360 - لكن حتى مع كبرهم ما قدروا يغطوا فجوة الوي
لان مثل ما قلت الوي كان (( خرعة .. فزعة )) غير مسبوقة مو بس في صناعتنا حتى في اي صناعة ثانية
على فرض شلنا الوي .. ما زالت الاندستري نامية بشكل عام من 135 مليون - وقت نزول البلاي 3 والاكس بوكس 360 - كانت مبيعات الاجهزة 90 مليون للبلاي 2 و الباقين معا 45 مليون
نمت الى 160 مليون !! هذا اذا شلنا كل جمهور الوي .. لو تضمناهم لاقل رقم لجمهور نينتندو المخلص يعني مثل الكيوب 20 مليون .. بيكون الارتفاع الى 180 مليون !!
سوبر ماريو ادفانس
Banned
يبدو لي إن المبيعات القوية خلت بعض الناس يتخبط :joy:
أهم شئ ابعدوا عن العاطفة ياشباب ههههه
أهم شئ ابعدوا عن العاطفة ياشباب ههههه
حتى لو مبيعات الكونسل وصلت 190 مليون هالجيل، المحصلة النهائية إن سوق الألعاب تقلص و صغر
في ناس حاطة الوي على جنب و ناسية المحمول عشان بس تدعم قضيتها، و ما ننسى إن أرقام السوفتوير جزء من المعادلة
يعني إن تكلمنا عن الجيل الماضي (أرقام تقريبية للشرح):
140 مليون بين PS3/X360
100 مليون Wii
150 مليون DS
70 مليون PSP
مجموع الوحدات المباعة 460 مليون جهاز، و لكم حسبة دخل الشركات من مبيعات الألعاب على كل هذي الأجهزة
الجيل هذا و نحط الأرقام اللي طرحتوها:
190 مليون بين PS4/XOne
15 مليون Wii U
50 مليون 3DS
20 مليون Vita
مجموع الأجهزة هو 275 مليون جهاز، أقل من الجيل الماضي حتى لو ما حسبنا الـWii و طلعناه بالكامل، و بالتالي بيرافقه إنخفاض كبير في مبيعات الألعاب بسبب انخفاض عدد المستخدمين
نقارن مع الجيل اللي قبله؟
155 مليون للـPS2
80 مليون للـGBA
45 مليون بين Xbox/GC
10 مليون DC
المجموع 290 مليون جهاز
-----------------------------------------------------------------
كون حصة سوني أو أي شركة غيرها ارتفعت هذا الجيل في السوق ما يعني إن السوق كبر أو إن صار نمو عن الجيل اللي قبله
أنا شخصيا ما أشوف البلايستيشن 4 و الإكس بوكس ون يحققون مع بعض 190 مليون، رقم صعب جدا
و بالنسبة لأرقام الإطلاق و البعض ربطها بالearly adopters
هذول فعلا موجودين
لكن شخصيا أعتقد النجاح الأكبر مربوط بكون سوني قدرت تشحن مليون جهاز و تستعد بشكل مبكر
اذا رجعنا لتاريخ الإطلاق لأجهزة الألعاب المختلفة، غالبا نلقى الدفعة الأولى تباع بالكامل، سواء كانت 400 أو 500 أو 600 ألف جهاز في أمريكا
و غالبا نلقى الأجهزة تكون غير متوفرة في المتاجر بشكل كبير حتى شهر فبراير من السنة اللي بعدها، و أي كميات تنزل في هالفترة تباع بالكامل، فمش بعيدة إن حتى الأجهزة الماضية كانت تقدر تبيع مليون في الإطلاق لو قدرت أصلا ذيك الشركات إنها تشحن هالعدد
الآن مبكر جدا نحكم على أي شي، إطلاق مايكروسوفت (كونها تدعي أرقام شحنات مشابهة لسوني) و الشهور التالية الى مارس العام القادم بتوضح بشكل أكبر كيف تغيرت تركيبة السوق و ايش النتائج اللي ممكن نتوقعها الى نهاية السنة على الأقل
في ناس حاطة الوي على جنب و ناسية المحمول عشان بس تدعم قضيتها، و ما ننسى إن أرقام السوفتوير جزء من المعادلة
يعني إن تكلمنا عن الجيل الماضي (أرقام تقريبية للشرح):
140 مليون بين PS3/X360
100 مليون Wii
150 مليون DS
70 مليون PSP
مجموع الوحدات المباعة 460 مليون جهاز، و لكم حسبة دخل الشركات من مبيعات الألعاب على كل هذي الأجهزة
الجيل هذا و نحط الأرقام اللي طرحتوها:
190 مليون بين PS4/XOne
15 مليون Wii U
50 مليون 3DS
20 مليون Vita
مجموع الأجهزة هو 275 مليون جهاز، أقل من الجيل الماضي حتى لو ما حسبنا الـWii و طلعناه بالكامل، و بالتالي بيرافقه إنخفاض كبير في مبيعات الألعاب بسبب انخفاض عدد المستخدمين
نقارن مع الجيل اللي قبله؟
155 مليون للـPS2
80 مليون للـGBA
45 مليون بين Xbox/GC
10 مليون DC
المجموع 290 مليون جهاز
-----------------------------------------------------------------
كون حصة سوني أو أي شركة غيرها ارتفعت هذا الجيل في السوق ما يعني إن السوق كبر أو إن صار نمو عن الجيل اللي قبله
أنا شخصيا ما أشوف البلايستيشن 4 و الإكس بوكس ون يحققون مع بعض 190 مليون، رقم صعب جدا
و بالنسبة لأرقام الإطلاق و البعض ربطها بالearly adopters
هذول فعلا موجودين
لكن شخصيا أعتقد النجاح الأكبر مربوط بكون سوني قدرت تشحن مليون جهاز و تستعد بشكل مبكر
اذا رجعنا لتاريخ الإطلاق لأجهزة الألعاب المختلفة، غالبا نلقى الدفعة الأولى تباع بالكامل، سواء كانت 400 أو 500 أو 600 ألف جهاز في أمريكا
و غالبا نلقى الأجهزة تكون غير متوفرة في المتاجر بشكل كبير حتى شهر فبراير من السنة اللي بعدها، و أي كميات تنزل في هالفترة تباع بالكامل، فمش بعيدة إن حتى الأجهزة الماضية كانت تقدر تبيع مليون في الإطلاق لو قدرت أصلا ذيك الشركات إنها تشحن هالعدد
الآن مبكر جدا نحكم على أي شي، إطلاق مايكروسوفت (كونها تدعي أرقام شحنات مشابهة لسوني) و الشهور التالية الى مارس العام القادم بتوضح بشكل أكبر كيف تغيرت تركيبة السوق و ايش النتائج اللي ممكن نتوقعها الى نهاية السنة على الأقل