مع المسلسلات يحلوا شهر رمضان!

[إحساس]

^

من وجهة نظرك هو يحتضر لكنه يبقى المسلسل الأوحد المتابع في شهر رمضان دائماً ..

بغض النظر عن المواضيع الموجوده بالحلقات السابقة واللي يمكن تعجبني أنا وماتعجبك أنت .. لكن طاش ماطاش يبقى طاش ماطاش .. المسلسل له وقت طويل وهو يقدم نفسه بأسلوب حضاري وعلاجي أكثر ومناسب لجميع الفئات المتابعة له .. مسألة الكوميديا والضحك هذي مسألة تكنسلت من زمان بطاش ماطاش .. المسلسل صار واقعي أكثر ويحاول يعالج قضايا منتشره بالمجتمع بأسلوب مختلف ويتقبله الجميع من صغار إلى كبار وشياب .. على الأقل أحسن من غيره اللي يجيب لك التفاهه والسخافه واللي مالها أي فايدة في حله كوميديه ..

حلقة اليوم ولو أنها كانت مختلفه " شكلاً " لكنها تعني شي آخر " مضموناً " .. مسألة البعير اللي يندق بالأبره من قبل أجنبي ويكبر ويحاول الجيش أنه يهدئه ومايقدر وتجي مربيته وتهدئه بكل سهولة .. فيها معاني كثيرة الواحد يقدر يفكر فيها .. وهذي ميزة حلقات طاش ماطاش اللي تتسم بالذكاء الكتابي دائماً ..

 

[Naserano]

مسألة البعير اللي يندق بالأبره من قبل أجنبي ويكبر ويحاول الجيش أنه يهدئه ومايقدر وتجي مربيته وتهدئه بكل سهولة .. فيها معاني كثيرة الواحد يقدر يفكر فيها .. وهذي ميزة حلقات طاش ماطاش اللي تتسم بالذكاء الكتابي دائماً ..

فهد من جدك eeved:

أي جيش وأي مربية .. وكأننا ما شفنا العواطف هذي من قبل , الحلقة كلها على بعضها كوبي بيست رخييييييص من King Kong وعلى فكرة ترى هذي ثالث مرة يسويها سمير عارف اللي دائماً أفكاره تكون مأخوذه من مسلسلات وأفلام غربية ويا ليتها تطلع مثل العالم والناس .

المسلسل له وقت طويل وهو يقدم نفسه بأسلوب حضاري وعلاجي أكثر ومناسب لجميع الفئات المتابعة له

لجميع الفئات .. لأ ويكفيك الحلقة الأب الداشر اذا كان هذا اسمها !! قلة حياء عيني عينك .

 

[إحساس]

^

هي صحيح فكرتها مأخوذه من الغرب .. لكن إيش المشكلة إذا كانت الفكرة غربية لكن الأسلوب العلاجي والكتابي مختلف ؟ .. مثل ماشفنا في حلقة اليوم ..

حلقة الأبو الداشر من أفضل حلقات طاش ماطاش .. جاب لك طريقة الحل بأسلوب مختلف تماماً .. كيف أن الولد يمشّي أبوه على الشي اللي يبغاه لكنه مانجح بهذا الشي " طبعاً كان هذا حلم " .. فـ لما مانجح بهذا الشي لقى الحل الأحسن أنه يدعي له بالهداية .. وفعلاً .. بآخر الحلقة الأبو سمع قرائة القرآن وهداه ربي في هذيك اللحظة ..

الحلقة مو قاعدة تعطيك نصيحة أنك تمشّي أبوك على اللي تبغاه .. لو أن الولد نجح في تربية أبوه فـ فعلاً راح أتفق معك .. بكذا المسلسل راح يعطي فكرة للناس أن الولد لازم يربي أبوه إذا كان غلطان وطبعاً هذي فكرة خاطئة تماماً ..

لكن الكاتب حب يعطيك فكرة أن الهداية من رب العالمين وحده .. كيف أن الأبو سمع القرآن وهداه ربي في هذيك اللحظة ..

 

[T u R k I]

الله يرحمه ما ادري انه توفى

له 5 سنين يمكن متوفي

 

[www]

تامر حسني يبي يرجع شعبيته بعد ما ضاعت ايام المظاهرات واكل تلطيم P:

ما يحتاج يرجعها اخر ألبوم له حقق نجاح باهر وملحوظ بعد الي حصله :/

بخصوص تامر حسني هو نفسه هذا الى يطلع يغني و شغله كله تهريح و اغاني طايح حظها و قلة ادب صار يعرف يمثل هه

لول من زمان هو ممتاز في التمثيل شهرته ما طلعت الا مع فلم عمر وسلمى ليس الغناء فقط , في ناس كثيره يفضلوه كممثل اكثر من انه مغني هو فعلا تمثيله حلو مره الصراحه

 

[Naserano]

هي صحيح فكرتها مأخوذه من الغرب .. لكن إيش المشكلة إذا كانت الفكرة غربية لكن الأسلوب العلاجي والكتابي مختلف ؟ .. مثل ماشفنا في حلقة اليوم ..

اوكي ابي اعرف ايش اللي غيره الكاتب بالضبط ؟؟ النهاية العبيطة ؟؟

حلقة الأبو الداشر من أفضل حلقات طاش ماطاش .. جاب لك طريقة الحل بأسلوب مختلف تماماً .. كيف أن الولد يمشّي أبوه على الشي اللي يبغاه لكنه مانجح بهذا الشي " طبعاً كان هذا حلم " .. فـ لما مانجح بهذا الشي لقى الحل الأحسن أنه يدعي له بالهداية .. وفعلاً .. بآخر الحلقة الأبو سمع قرائة القرآن وهداه ربي في هذيك اللحظة ..

ومن متى طاش ما طاش هو اللي يقدم الحلول للشعب السعودي ؟ وقلت لك يا فهد أنا كلامي بخصوص قلة الحياء اللي صارت في الحلقة ببطولة طويل العمر عبدالله السدحان , يعني ما يعرفون إن العائلة صغيرها وكبيرها يجتمعون مع بعض في الوقت هذا بالذات ويقعدون يتفرجون على طاش ما طاش (أنا اذكر في أحد المواسم عرضوا حلقة رعب لكن كتبوا إنها محتوى للبالغين فقط , ليش ما كتبوه في الحلقة هذي بعد؟)

كل الكلام اللي فوق بصوب وحلقة تحليل الربا في صوب ثاني!!!

لكن الكاتب حب يعطيك فكرة أن الهداية من رب العالمين وحده .. كيف أن الأبو سمع القرآن وهداه ربي في هذيك اللحظة ..

على كذا أجل الله يهديهم ويرجعون لتوجههم اللي عرفناهم عليه .. الكوميديا ..

 

[إحساس]

^
أول شي .. اللي غيره الكاتب أنه أضاف شوية أشياء تعطي مفهوم مختلف للحلقة .. أنت تعتبر هذا المفهوم تافه .. غيرك يشوفه مفهوم ذكي جداً .. لاتحكم على الجميع بحكمك الشخصي ..

ثاني شي .. معليش أسمح لي بس أنت عندك مفاهيم غلط صراحة .. النصائح الدينية والدنيوية لها رجالها ؟ .. يعني خلاص أفهم من كلامك أن لا أحد ينصح .. بس رجالها هم اللي ينصحون أما الباقي لا ؟

يعني مايصلح أن المسلسلات الكوميدية تنصح الناس أنهم يصلون مثلاً .. أو ينصحونهم بعدم الإنتحار .. أو عدم الكذب .. كل هذا غلط .. لازم رجالها هم اللي ينصحون بس ؟

شوف .. إذا أنت بتقيم المجمتع بهذا الشكل فـ آسف ماراح أقدر أكمل نقاشي معك .. لأن عندك مفهوم خاص أنت مقتنع فيه تماماً .. وأحترم قناعتك الذاتية .. لكن أنا ماني مقتنع فيه .. فـ النقاش هذا بيصير بلا فائدة .. كل واحد بيرمي بمفهومه الخاص على أنه هو المفهوم الصح ..

 

[Naserano]

اوكي اتأسف على الجملة الأخيرة ما كان بإمكاني تداركها ومسحها .. !!

لكن لا زلت على قناعتي إن اذا طاش يحاول يقدم حلول للمجتمع على حد قولك فهو يقدمها بطريقة خاطئة جداً !!!

 

[The Doctor]

اني شي .. معليش أسمح لي بس أنت عندك مفاهيم غلط صراحة .. النصائح الدينية والدنيوية لها رجالها ؟ .. يعني خلاص أفهم من كلامك أن لا أحد ينصح .. بس رجالها هم اللي ينصحون أما الباقي لا ؟

ما عفس حالتنا إلا ذا..

 

[JIN KAZAMA]

اذا حلقة طاش اليوم رهيبة فـ على طاش السلام .. المسلسل قاعد يحتضر بعد ما تركه عبدالخالق الغانم !!

متاكد ؟ يارجل عبدالخالق الغانم صار مفلس فكريا وماعرف يقدم شي جديد !! وهذا هو السبب اللي جعل المسلسل يتراجع في الفتره الاخيره



مسلسل تامر عن الثوره المصريه !!! لوووووول

 

[Naserano]

متاكد ؟ يارجل عبدالخالق الغانم صار مفلس فكريا وماعرف يقدم شي جديد !! وهذا هو السبب اللي جعل المسلسل يتراجع في الفتره الاخيره

وكأن وضعهم الحين مليان أفكار .. سرقة بنك , جودزيلا في الرياض , سخافة , سخافة , سخافة !!

على الأقل على أيام عبدالخالق كان فيه كوميديا وفي نفس الوقت انتقاد بشكل مبسط أو إن صح القول استهزاء (حلقة السياحة كمثال)

الحين لا كوميديا ولا انتقاد الا فيما ندر !

 

[HighlyRed]

قبل ما أحد يقفز في الافكار، طاش أشوفه عشان وقته.. يجي على الافطار فأفضل أشوفه على أي شيء ثاني.
عمومًـا، حلقة اليوم مأخوذة من فلم. طبعًـا التطبيق ما كان مثل الفلم لكن محاولة جيدة، والساوندتراك كويس. الفلم حطيته في سبويلر عشان اذا شفت الاول وما شفت الثاني فـ انخبص عليك الثاني!

محتوى مخفي: اسم الفلم

Shutter Island

 

[SAM]

وكأن وضعهم الحين مليان أفكار .. سرقة بنك , جودزيلا في الرياض , سخافة , سخافة , سخافة !!

على الأقل على أيام عبدالخالق كان فيه كوميديا وفي نفس الوقت انتقاد بشكل مبسط أو إن صح القول استهزاء (حلقة السياحة كمثال)

الحين لا كوميديا ولا انتقاد الا فيما ندر !

وزد على كذا اغلب شخصيات السدحان وناصر القصبي في طاش 18 مآخوذه من آجزاء على آيام عبدالخالق , يعني الاساس في طآش عبدالخالق وهو كآن يخلق الكوميديا الي تمتع العآئله كلها بـ طآش

واكبر دليل مانشوف الا إعاده بالكريكترز , كآنه يقتبس من عبدالخالق ولكن آقتباس فاشل جداً

" فوآد + خاله اسعد عمر قلي + ابو زنيفر + ووآجد مايسعني آذكرهم الحين "


وبعدين احد يشرحلي وش المعآني الي بـ حلقة " التشليح " الي قبل امس !!

يسرقون من ابوهم ويسوون بيت بآسم امهم ويسكنون فيه كلهم مع الآبو والام تطرد عيآلها وبنتهآ وفي الاخير تطرد آبوها

!!!!!!؟؟ وبعدييين وش المغزىى يعني لهالدرجه مالقيتو شيء تسوونه