معرض Q8CON

[Painkiller Q8]

السلام عليكم ورحمة الله وبركاتة

انستقرام: http://instagram.com/q8con

الحدث في الفيسبوك: https://www.facebook.com/events/1384829355072785/

تم الاعلان عن معرض كويت كون وسيكون في يوم الخميس والجمعة تاريخ 6 و 7 فبراير 2014

انمي - كوسبلي - العاب - مسابقات - رسم - بوثات

الي حاب يروح او يسجل في اي مسابقة (كوسبلي او رسم او غيرها) يتواصل معاي بحكم انه مو في الكويت وانا انسق له اموره





​

 

[Snake-87]

أحط كوليكشن ميتل جير مالي ؟

 

[ABDUL HADI]

ليه ما في معارض مثل كذا في الرياض بشكل مستمر

 

[JDcore]

وين في أرض المعارض؟

 

[Sage]

وين في أرض المعارض؟

بمشرف في مسرح هناك نسيت شسمه.. بالضبط يم الجمعية

 

[persona]

أحط كوليكشن ميتل جير مالي ؟

ناوي ابوقك؟ قصدي تنباق؟

 

[USefQ80]

ان شاء الله راح اكون موجود !
ما قدرت احضر المعرض اللي صار بـACK ( الجامعة الاسترالية )
بس حضرت اللي صار بـGUST ( جامعة الخليج ) بما اني ادرس فيها p; !

 

[Painkiller Q8]

 

[FARES_]

خالد انتو حاطين اليوم بس الساعه جم يبدي ويخلص؟؟ اعتقد التوقيت مهم

 

[iCrow]

يعطيكم العافيه

في محلات مشاركه للفيجر و هالسوالف
+ في رسوم للدخول ولا الدعوه عامه :heart_eyes:

 

[iCrow]

يعطيكم العافيه

في محلات مشاركه للفيجر و هالسوالف
+ في رسوم للدخول ولا الدعوه عامه :heart_eyes:

شباب في اي احد ممكن يوفر لي مكان المعرض على خرائط جوجل او اقرب معلم جنبه
حاب اعرف الطريق كيف راح يكون و الفنادق القريبه منه

 

[Silverado]

إن شاء الله راح أكون متواجد يوم الجمعة، جتني دعوة من صديق مشارك (نحات).. موفقين.

 

[FARES_]

شباب في اي احد ممكن يوفر لي مكان المعرض على خرائط جوجل او اقرب معلم جنبه​

المكان راح يكون في مبنى عبدالعزيز الثقافي... بنفس المكان فيه جمعية مشرف قباله

طريقة الوصول سهله افتح google maps واكتب جمعية مشرف.. وراح يوصلك له

 

[USefQ80]

شباب في اي احد ممكن يوفر لي مكان المعرض على خرائط جوجل او اقرب معلم جنبه
حاب اعرف الطريق كيف راح يكون و الفنادق القريبه منه

اقرب الفنادق راح تكون بمنطقة السالمية ( 10 - 15 دقيقة ) بس

 

[iCrow]

يعطيك العافيه

واثق انه المعرض راح يكون روعــه بوجود ابو وليد وباقي الشباب
متحمس له ومجهز اموري ... بس ما الله كتب اني اكون هناك
الجايات اكثر ان شاء الله

 

[Painkiller Q8]

السلام عليك شباب

احد أعضاء فريقنا قالي ان فيه احد من تروجيمنج كلمه

وانا ماشفت احد

اذا فيه احد من شباب TG موجود بكره أرجو انه يتصل علي +96566653255

حضور هائل في المعرض تابعوا التغطيه في انستقرام
@gamer_snack
@q8con

ضروري اشوف شباب تي جي اذا فيه اي احد منهم ،

 

[FARES_]

^

شخصيا
قابلت كذا شخص لكن خارج TG
يعني من فيس بوك وانستغرام وتويتر

وعندي صوره مع painkiller ايضا
موجوده بالمصادر الي حاطها
انا الي ياليسار لمن يهمه الامر xD

 

[s3rorh]

هذا انت .. لا صج !!! حسبالي أنت الجيس ألي بأيد الولد ابو جاكيت أحمر !!

عاد تدري ... قلت لو فارس مو رايح للمعرض ... مال واحد يقنصه بـRPG ::::

 

[Mesharey]

ممتع جدا صراحة .. يعطيك العافية خالد على التحديات ..

تجربة Oculus Rift كانت ممتعة وبطولة SF4 كان تحدي النهائي حلو ..

 

[Silverado]

استمتعت اليوم شكراً لكم جميعاً على الجهود التنظيمية وإن شاء الله ما يكون آخر فعالية..
استمتعت بالتصور مع الكوزبلايرز مع إني مو راعي هالسوالف بس كان وناسة :thumbsup:

 

[Q8Dante]

معرض جميل جدا جدا جدا اتمنى ينعاد كل سنة بنفس هالوقت اختيارك لشهر فبراير كان اختيار موفق وماشاء الله المكان كان مزدحم عالاخر

 

[Golden_Sun]

يعطيكم العافية جميعا، استمعت بالمعرض واتمنى اشوفه السنه القادمة، يونس واحلى شي في الموضوع هو جمعة الناس ذات ميول الفيديو جيمز والانمي معا في مكان واحد :thumbsup:

وياليت في المرات القادمة تاخذون في الحسبان الآتي:

- اعلان وPR أفضل، لأن فيه ناس ما سمعت عنه (انا ما سمعت عنه الا من خلال ترو جيمنج).
- يتم توزيع المحاضرات في الفترة المسائية فقط (7-9 مساء مثلا).
- اختيار مكان افضل (مركز عبدالعزيز حسين الثقافي لا بأس لكن فيه خيارات افضل).
- مادري اذا كان فيه سبونسر للحدث؟ لكن وزارة الشباب خيار متوفر للمستقبل (او وحدة من شركات الاتصال)
- دعوة لمحلات من الخليج للمشاركة (مثل مكتبة كينوكونيا فرع دبي ومحلات اخرى)
- اعادة تخطيط لمكان الحدث بطريقة اخرى اكثر تجانس وتقارب
(انا شوي ضعت بين البوثات ومكان الاركيد ومكان عرض الرسمات والمحاضرات بالاول عبالي على المسرح الخارجي، لولا معرفتي بالمركز مسبقاً جان ما عرفت وين اروح للمحاضرة او كيف اتمشى بالمكان)


لكن كمستوى عام يعطيكم العافية وكانت تجربة ناجحة ومتفائل في ان تجاربكم القادمة بتكون أفضل، موفقين !