مطلوب محول يخليك تلعب بيدة ال360 على الps3 .

[The Heartless]

في حد منكم يعرف وين أحصله ؟ يكون أحسن لو من أمازون.

السبب إنه أبي ألعب سيجما 2 بيدة ال360 أو على الأقل يدة مشابهة لها وتكون ممتازة لإنه الصراحة حاولت ألعب الديمو الي نزل قبل فترة بيدة الps3 لكن حسيت إنه السيستم الي في مخي مبرمج يلعب ننجا جايدن على يدة إكس بوكس فقط :xd:.

 

[The Legend]

لازم تسوي أبديت للسيستم اللي في مخك.

 

[Still Alive]

ما اعتقد فيه

 

[Nyx]

 

[14/08]

اسم المحول Cross Adapter

هذا موقع الشركة
http://www.xcmlive.com/cgi-bin/xcmlive/engine.pl?function=viewid&id=RKS000165

 

[Sky Walker]

امازون يبيعه بـ 70$

احسها غالية -__-"

بس بتفيدني بالعاب الـ fps ..

 

[The Heartless]

لازم تسوي أبديت للسيستم اللي في مخك.

*&^&**& الأسلوب البايخ في الكلام. يعني على الأقل لو حاط إبتسامة أو شي كان عرفنا إنك تمزح بس إنت شكلك جاي تستخف بدمك.

Nyx و 14/08 هذا هو بالضبط الي أبيه, بس الصراحه سعره غالي جداً ومستحيل أدفعه.

عالعموم مشكورين عالإفادة.

 

[P0werX7]

لقيت محول مرة بمحل فيديو جيمز اتوقع كان صيني وسعره على 60 ريال .. للأمانة ماعرف المحل بس بالخبر،

تأكد من المحلات قبل لاتطلبه .. يمكن تلقاه

 

[Grand]

مهم جداً لا تشتري اياً كان انا عندي cross battle plus و فيه لاق ملحوظ

 

[The Legend]

العن أم الأسلوب البايخ في الكلام. يعني على الأقل لو حاط إبتسامة أو شي كان عرفنا إنك تمزح بس إنت شكلك جاي تستخف بدمك.

ولا تزعل، " " ..

 

[Burdegation]

على كلام قراند مادام فيها لاق, دورلك على يده تصميمها نفس الاكس(مكان الانالوق و الدي باد) بس اهيا للبلي3

مثل هذه

http://www.amazon.com/Shadow-Wirele...1?ie=UTF8&s=videogames&qid=1253614670&sr=8-11

 

[squall leonhart]

غريبه بالنسبة لي كنت اتضايق من ازرار الاكس بوكس القاسية خصوصا لما اسوي كومبو .. ازرار البلاي ستيشن اريح و اسهل بالنسبة لي عشان كذا كل العاب الاكشن الملتي اخذها على البلاي ستيشن 3

 

[Nyx]

^هي كلها قاسيه بس أزرار الإكس مشكلتها إنها مدببه .
مشكله يد البلاي معي في الـFPS هي بسبب الأنالوج الطويل + مكانه .

 

[Sky Walker]

على كلام قراند مادام فيها لاق, دورلك على يده تصميمها نفس الاكس(مكان الانالوق و الدي باد) بس اهيا للبلي3

مثل هذه

http://www.amazon.com/Shadow-Wirele...1?ie=UTF8&s=videogames&qid=1253614670&sr=8-11

ودي اطلبها بس خايف ان جودتها تعبانة :sarcastic:
محتاج لها خصوصا بالعاب الـ fps

 

[The Heartless]

على كلام قراند مادام فيها لاق, دورلك على يده تصميمها نفس الاكس(مكان الانالوق و الدي باد) بس اهيا للبلي3

مثل هذه

http://www.amazon.com/Shadow-Wirele...1?ie=UTF8&s=videogames&qid=1253614670&sr=8-11

مشكور أخوي.
مشكلة هالنوع من اليدات إنك ماتعرف شلون راح يكون ملمسها, أنا أبي يدة يكون ملمسها نفس يدة ال360 بالضبط, أعتقد راح أحصل لو أدور أو أشوف كلام الناس عن اليدة الي انت حاطها.

غريبه بالنسبة لي كنت اتضايق من ازرار الاكس بوكس القاسية خصوصا لما اسوي كومبو .. ازرار البلاي ستيشن اريح و اسهل بالنسبة لي عشان كذا كل العاب الاكشن الملتي اخذها على البلاي ستيشن 3

أوكي أنا معاك إن أزرار الدوال شوك أريح وهو بشكل عام الدوال شوك هي اليدة المفضلة بالنسبة لي لكن أنا قاعد أتكلم عن لعبة ننجا جايدن بالذات, احس ماينفع لها إلا يدة ال360 والسبب الرئيسي هو التريجرز.

 

[Lord of Cinder]

ماادري بس احس ان هالايادي المقلدة راح تكون جودتها سيئة جدا
مااعترف غير بالايادي الرسمية

 

[ASWD]

من صجك جاسم.يوم لعبت سيجما1 حسيت بفرق كبييييييير جدا بالتحكم.وين الديوال شوك ويدة 360.الاولى اريح لالعاب الاكشن بواجد عن نفسي اضطر اضحي بعض الاحيان بفرق الجودة مابين النسختين*اختلافات في لجرافيكس ألخ* على التحكم بهذي الالعاب.خصوصا الكومبو

^هي كلها قاسيه بس أزرار الإكس مشكلتها إنها مدببه .
مشكله يد البلاي معي في الـFPS هي بسبب الأنالوج الطويل + مكانه .

اوافق هالشخص.مشكلة الديوال شوك في الفبش اللعب بيها معوق واللي مفروض سوني تعلمت من الجيلين اللي فاتو وعدلتها هالجيل عالاقل باصدار ديوال شوك اختياري متناسب مع جنرا الفبش.بس لاحياة لمن تنادي

 

[The Heartless]

من صجك جاسم.يوم لعبت سيجما1 حسيت بفرق كبييييييير جدا بالتحكم.وين الديوال شوك ويدة 360.الاولى اريح لالعاب الاكشن بواجد عن نفسي اضطر اضحي بعض الاحيان بفرق الجودة مابين النسختين*اختلافات في لجرافيكس ألخ* على التحكم بهذي الالعاب.خصوصا الكومبو

لول يوسف أنا معاك في الي تقوله بس وحتى أنا أفضل استخدم الدوال شوك في ألعاب الأكشن مثل ديفل ماي كراي, لكن مثل ماقلت ننجا جايدن حالة خاصة بالنسبة لي, لعبت الجزء الأول وبلاك الي على الإكس بوكس 1 أكثر من 150 ساعة يمكن 140 ساعه منهم وأنا استخدم ال left&right triggers :laugh:: والتريجرز الي بيدة الps3 بالمره ماتنفع, والمصممين حاطين التحكم الأساسي لسيجا 2 هو إنك تستخدم الL1 & R1 والصراحة مو قادر أتعود عليهم.

وين مشاري بس علشان يفزع معاي :laugh::

 

[Nyx]

مدام المشكله هنا فـ

GIOTEK REAL TRIGGERS

 

[Denso]

لازم تسوي أبديت للسيستم اللي في مخك.

:laugh::
ما تشوف ردود زي دي واجد في tg

 

[Monsteropolis]

هذي بحثت عنا وماحصلتها, بالنهاية شريت وحدة مثلها ولكن مكان الanalog والd-pad نفس الDualShock وهذا مضايقني ولكن قلت آخذها كتجربة. بالنسبة للكنترولر اللي اخذتها لازم بطاريات عادية (شريت بطاريات عادية ريتشارجابل وتشارجر) لكنها طلعت كنترولر بكوالتي تعيس, الR2 + L2 قاسين, والكنترولر نفسها حجمها كبير وماكانت مريحة, لذلك اذا بغيت تشتري كنترولر فحاول انك تجربها بالاول يعني اذا عند صاحبك او المحل نفسه يخليك تجربها.

هذا الكنترولر اللي حاطينه جرير في الفلاير مالهم, ولما شريته طلعت واحد تقليد عليه.
تحرير: وعلى فكرة كانت الكنترولر فقط رمبل (وحتى اللي موجودة في أمازون), يعني لو في لعبة تتطلب Sixaxis لازم تجيب Sixaxis وتعمل اللي يبوه (في كيلزون 2 لما تزرع قنبلة مثلا أو Heavnly Sword لما تطلق سهام).

بالنسبة للCross Adapter لو اني شريته, طيب Killzone 2 أطلق بالR1, طيب في الاكس بوكس كنترولر راح أطلق بالRB ولا RT؟

الظاهر ما في حل إلا اننا نتعود على كنترولر البي اس 3 :nerd:

 

[Vorg Zangief]

ياخي . انا أنصحك أنك

تحاول تتعود على يد تحكم السوني .
لأني أعتقد ان يد تحكم السوني ليس بهذا السوء . خصوصاً لألعاب الأكشن .

 

[Dmck]

على كلام قراند مادام فيها لاق, دورلك على يده تصميمها نفس الاكس(مكان الانالوق و الدي باد) بس اهيا للبلي3

مثل هذه

http://www.amazon.com/Shadow-Wirele...1?ie=UTF8&s=videogames&qid=1253614670&sr=8-11

طيب ما في العكس ؟؟
كنترول تصميمة مثل البلي 3 لكن هيا الى الاكس 360

 

[Lord of Cinder]

لكنها طلعت كنترولر بكوالتي تعيس, الR2 + L2 قاسين, والكنترولر نفسها حجمها كبير وماكانت مريحة

الكنترولر المقلد لا تأمل منها كوالتي عالي
كلها تلاقي فيها عيوب ترفع الضغط لحد 100
يعن بالعربي مافيه الا يتعود على تحكم الدول شوك 3

 

[Burdegation]

طيب ما في العكس ؟؟
كنترول تصميمة مثل البلي 3 لكن هيا الى الاكس 360

ماعندي علم للأسف
--------

لقيتلك يده ثانيه

تقدر تبدل اماكن الانالوق و الدي باد على كيفك , اهيا يدة pc بس تشتغل على البلي3 حسب كلام واحد من الكومنت

http://www.amazon.com/Saitek-P3600-...?ie=UTF8&s=electronics&qid=1253672507&sr=8-11

 

[Gohan]

السلام عليكم ورحمة الله وبركاته

هناك طريقة يدوية تحويل التحكم من 360 الى تحكم PS3

http://forums.xbox-scene.com/index.php?showtopic=651946

 

[Mesharey]

عاد كنت افكر بنفس الفكرة هاليومين .. بس ماحصلت حل -.-
طرى على بالي cross battle بس فيه لاق وغالي .. ما ادري بصراحة ما اعتقد في حيل يسوى >.>

 

[The Heartless]

خلاص قررت ألعب اللعبة بيدة الPS3 كل الحلول الثانيه احس إنها مو عملية.

التريجرز الي حطهم Nyx أنا من 4 أيام طالبهم, نشوف لما يوصلون إذا راح تخلي اللعب أفضل.

مشكور لكل من حاول المساعدة.