مشاركه عزاء !!! ...... هل جهازي مــــــاتــــ ....!!!!

[s3rorh]

بدون مقدمات وبدون اي شي

كنت ألعب ذا دراكنس بالPS3 .... وكنت موقف الجهاز بالطول .... فجأه جا للجهاز رفسه من الجهه اليسرى .. وطار نص متر ... وطاح على وجهه ... وبعدها جت له رفسه ثانيه ... وطار مره ثانيه ... بس ما كمل الطيران والسبب وايرات الTv وواير الكهربا مسكوا فيه ...

وبعد الرفسات المشؤومه .... شلت الجهاز ووديته لمكان ثاني وقبل لا اشغله هزيته شوي سمعت صوت خشخشه داخل .... شغلت الجهاز واشتغل معاي ... بس لما رحت اشوف اذا كان داركنس شغال ولا لأ ..... للأسف ما طلع لي شي .. جربت اطلع الشريط واحط شريط ثاني ... طلعت لي اصوات غريبه ... والشريط الثاني ما اشتغل !!

يا ترى هل جهازي رسميا توفى !! بفضل الإعتداء ! يعني لازم اشتري واحد غيره ؟
ولاا شغله براغي ارتخت ؟؟ .... ولا العدسه ودعت .... ولا ايش تتوقعون ؟؟


ملاحظة :

محتوى مخفي

ألي رفس الجهاز كان لابس

 

[Nintendo]

السؤال اللي يطرح نفسه ؟ مين اللي قاعد يرفس ؟؟

رجعه للشركة وقلهم الجهاز جته رفسات وان شاء الله يغيروه لك ..

 

[MALDINI]

لول فين حاط جهازك انت ؟ .. رح وده للوكاله وشف ايش يقولون لك .

 

[s3rorh]

يمكن الشباب يحسبون بأني اتغشمر بسالفه الرفسات ...... بس للأسف ألي رفس الجهاز ابوي .... والسبب مو قادر يبلع فكره واحد عمره 20 سنه .. وقاعد يلعب بالPS3

 

[persona]

من بعد طيران النص متر ..ماقول الا ..هاردلك ..

 

[Nintendo]

لول الله يعينك اجل ( ياخي حطه بمكتبه او شئ بحيث محد يقدر يلمسه وبيساعدك كون الكونترولر للجهاز وايرلس ) ..

عموما ماعتقد الشركة بتغيره لك بحكم انه عطل شخصي . مادري روح للشركة واسال عن سعر التصليح اذا كان غالي اعتقد تاخذ واحد جديد والله يعوض عليك ..

 

[iCon]

بعد التعذيب اللي جاه ما اظني فيه امل يشتغل .. الله يعينك .. خذلك جهاز يديد افضل لك ...

 

[ryo hazuki]

اذا له ضمان رجعه من وين شريته

و طبعا بيقولون مابنصلحه اذا عرفوا انه انرفس

 

[Id]

بعد المجزرة الي صارت لجهازك المسكين .. أطنه ودع ... يبيلك جهاز جديد ...

 

[Mista Koo]

من جدكم تبونه يشتري جهاز جديد عشان تنعاد نفس السالفة -___-؟!

أنا أقول ارفع قضية على أبوك :whistle:

 

[Id]

أنا أقول ارفع قضية على أبوك
[/COLOR][/B]

لووول ليش وين عايشين ....

 

[Super Shadow]

ودي جهازك الوكالة و قول لهم الوضع

و ان شاء الله خير

 

[s3rorh]

ويعين الجميع

والله ما تتخيلون اشلون شكلي وأنا أشاهد الإعتداء أمامي .... ومو قادر اسوي شي ...
انواع القهر والغضب والحقد كان مكبوت بداخلي ..... وألي بس طلع مني هو كلمه (( لأأأأأأأأأأأأأأأأأأأأأ )) مصحوبه بصوت مذبوح من الألم الداخلي ... وفيني بجيه/بكاء ..... لأنه الجهاز كان بالنسبه لي أكثر من كونه جهاز فيديو جيم عادي أمتلكه ..... والسبب بأنه الفلوس ألي دبرتهم علشان اشتري هالجهاز .. كانوا بأول فلوس/راتب أحصلهم بتعبي الشخصي ..... يعني لا ابوي ولا أمي ولا إعانه ولا أحد عاطني اياهم .... لأ .. بل أنا بنفسي بأواخر ايام رمضان الماضي رحت دورت على شغل وحصلت شغل كرجل أمن بأحد المجمعات التجاريه .... وكان الشغل بأخر يومين من شهر رمضان ( من بعد الفطور من ال7 لغايه 12 ليلاً ) و اول يومين من عيد الفطر ( من الساعه 1 ظهر لغايه 12 ليلاً ) وكان يقتضى بأنك تتم واقف على رجولك بمكان معين يتم وضعك فيه ,,ومافي بريكات إلا لدخول الحمام ,,, و العشاء يكون من بعد ما الناس تمشي من المجمع .. ووافقت على هالشغل

يعني تخيلوا الناس كانت بأواخر ايام رمضان تستعد للعيد وتتشرى للعيد من حيث يشترون احذيه جدد ويفصلون دشاديش و يروحون للصالون وإلخ ... واول ايام العيد يزورون ربعهم واهلهم ويطلعون ويستانسون وينبسطون

وبينما أنا,,, كنت مداوم ... لا أحس بالعيد ولاا شي .... بل قضيت وقتي بأول يومين واقف على رجولي ..... و باليوم الثالث ( اول ايام العيد ) قضيت فوق ال9 ساعات واقف على رجولي .... وفوقهم كنت صايم !! .... ولما ارد البيت بأخر الليل ... من ألم الوقفه مو قادر أنام زي الناس !!
يعني تخيلوا شكلي بذيك الفتره ..... وبعد ما انقضت الاربع ايام .... استلمت أول راتب بحياتي .. ألي تعبت عليه نفسياً ومعنوياً و بدنياً ... بس علشان اخذه .. بس للأسف الراتب ما كان يكفي بذيك الأيام علشان اشتري PS3 جديد ... فا شريت واحد مستعمل من صاحبي ( امريكي 80 جيجا ) .....ومن ذاك اليوم وأنا مبسوط لغايه ما أجى هذا اليوم المشؤوم وحطم كل شي T_T

عاد أمس ختمت ميتل قير ... وكنت حدي مستانس
و قلت (( والله تسوى الواحد يشتري الPS3 علشانها ... ولو اخترب الPS3 .. عادي فدوه لميتل قير ))
بس ما أدركت بأنه الأمر صعب بالواقع.

تحرير :
1- دقيت على واحد فني عنده ورشه بمجمع الرحاب وقال بيشوفه لي,,, لأنه الجهاز من برا الكويت وما عليه ضمان
2- صحيح بأني قلت أمور جداً شخصيه .... بس مع هذا الواحد في بعض الاحيان يحتاج لمن يتكلم معاه ولاا بيطق من القهر

 

[SALAH]

اممم اتوقع رح يقولوا لك غلطة user , مادام العطل من ( الـuser ) فمافي أمل يبلدوه لك ..الضمان يشمل الاخطاء التقنية , أما انك تكسر الجهاز وتقول لهم عطوني غيره فغالبا مافي أمل :annoyed: ..

جرب أول شي وديه الضمان لعل وعسى ..واذا قالوا لا فمالك غير تفتحه بنفسك وتتأكد اذا ممكن انك تصلحها ..و الا العوض على الله , اشتري غيره ..

Edit: توني اشوف ردك الجديد ..ياخي والله قمة القهر , حاسس فيك والله لأنه نفس الشي حصل لي مع البلاي2 وماكمل معي 6 شهور بعد ماخلصت ميتل جير 3 حتى أكل 3 او 4 رفسات متتالية خرب على اثرها ..وكنت شاريه أيضا من أول راتب في حياتي ..

كان الله في عونك , منجد واحدة من أشنع انواع القهر و حرقة القلب -__-

 

[hussien-11]

- صحيح بأني قلت أمور جداً شخصيه .... بس مع هذا الواحد في بعض الاحيان يحتاج لمن يتكلم معاه ولاا بيطق من القهر

بسيطة خيو .. انت قاعد بين اخوانك ..

ان شالله جهازك يتصلح و ترتاح .. و الله يعينك ..
​

 

[Andrew X]

يألهي قصتك مأساويه !! (بس علشان اخذه) انت تقصد الراتب ولا الـPS3 ؟! طيب ليش ماتفاهمت مع ابوك بعد الرفسة الأولى للجهاز وقلتله كل الكلام اللي قلته فوق اكيد بيتفهم مب معقولة تسكت!! الا عاد اذا كان ابوك متوحش لدرجة انك ماتقدر تتفاهم فهذي مشكلة

 

[hamad 11]

يمكن الشباب يحسبون بأني اتغشمر بسالفه الرفسات ...... بس للأسف ألي رفس الجهاز ابوي .... والسبب مو قادر يبلع فكره واحد عمره 20 سنه .. وقاعد يلعب بالPS3

هههههههههههههههههههههههههه.. والله نفس الشي الوالد, يحسب الجهاز حق صغار بس الحمدلله للحين ما وصلت للرفس والإعتداء على الجهاز الحبيب.

اتمنى انه يتصلح والله يعينك

انا بصراحة مع ميستا واقول ارفع القضية.. لأنه بعده وراك LittleBigPlanet وKillzone 2 ولعبة تيم ايكو وHeavy Rain يعني أشياء مو هينة *رجع سوني فان بعد ما شرا الجهاز*

 

[Snake-87]

يمكن الشباب يحسبون بأني اتغشمر بسالفه الرفسات ...... بس للأسف ألي رفس الجهاز ابوي .... والسبب مو قادر يبلع فكره واحد عمره 20 سنه .. وقاعد يلعب بالPS3

الله يعينك واصبر على ابوك لأنه يضل ابوك

 

[Solay]

لول الموقف مضحك ومن جد بالنهايه هو ابوك..

ان شاءالله يتصلح..

 

[Byakkino]

حاس بشعورك والله

الله يعوضك

محتوى مخفي

لوول ترا الحياة الإجتماعية مهمه مهما سوى ابوك لا تروح تعيش لحالك ولا بتكون النتيجة : عند Dr.Zell

 

[Naif]

اتمنى جهازك يصطلح بدعيلك


اذا ما نفع شي.. ابوك عنده سيارة صح؟ الاحتمالات لا تنتهي و محد بيعرف

محتوى مخفي

مواهاهاهاها

 

[النسر الأسود]

مثل ما قال الأعضاء الوكالة ما أعتقد يبدلون الجهاز لأنه العطل بسبب سوء الاستخدام !
بس ما دام الجهاز اشتغل معاك فأعتقد المشكلة من العدسة
على كل الله يكون بعونك أخي

 

[Humam]

Mars والله قصتك تخلي الواحد من جد يتعاطف معاك..عاد ايش تسوي نصيبك..الله يعينك و يعوض عليك..

 

[m7tram]

( اول ايام العيد ) قضيت فوق ال9 ساعات واقف على رجولي .... وفوقهم كنت صايم !!

سوري داخل عرض بس مايجوز تصوم اول ايام العيد .

والله يعينك .

 

[Mr.3B]

والله من أول ما قريت رفسه دريت انه أبوك .. مدري ليه


على العموم .. اقع أبوك انك منت الوحيد بالعالم الي بسن الـ20 وفوق يلعب فديو جيمز .. بعد كذا روح شوف لك حل لجهازك

 

[G7Ga7]

أحسن الله عزاك بالجهاز ..

 

[Super Mario]

الله يعينك
اصبر هذا ابوك ولا تتضايق :happy:
وادعو له

 

[Snake-87]

 

[Saadawii]

لا حول ولا قوة إلا بالله..... لول والله مو قادر أمسك نفسي عن الضحك بسبب بعض الردود اللي هنا... دمكم عسل

أبوك عسكري الله يحفظه، والعساكر ما يمزحون ويبي لهم معاملة خاصة. يمكن اللي طق كبده انه يعرف السالفة اللي قلتها لنا عشان تحصل ثمن الجهاز، حنا نتفهم لأننا ممكن نسوي نفس الشي، بس هو، واللي بعمره ومن جيله، مستحيل يفهمون، ويبيلهم نوع من السياسة. يعني لما يتصلح الجهاز إن شاء الله، اقلب الأمر نكته معه ومع الأهل، كيف خرب الجهاز وأن الموقف كان كوميدي ولا تبين انك زعلان. وممكن حتى تمزح معه بهالخصوص من وقت لثاني وتتملقه (طبعاً، ما فيه شيء يحط من الكرامه انك تتملق ابوك) مثلاً أنا، كنت إذا خربت يد الجهاز، اعطيها ابوي وأعطيه مفك أقول له يصلحها، طبعا هو ما يعرف، بس نلعب على حبل الثقة والحاجة.

أما الجهاز، فصدقني إن شاء الله أمره بسيط، إلا إذا قدم ابوك مقاسها 45 وفوق... خخخخخخخ أمزح، أنا أتخيل أنه ممكن يتصلح بسهولة طالما اشتغل، وأن المسألة أنه أشياء بس طلعت من مكانها ومحتاجة ترجيع.

أنت بين اخوانك مثل ما قال حسين، اجل وش الفايدة من المتابعة والمشاركات إذا الواحد ما يقدر يفضفض وقت الحاجة؟

 

[general kane]

محتوى مخفي

هههههههههههااااااااااااااا:laugh::

عظم الله اجرك:confident:

محتوى مخفي

الحمدالله اني لاعب pc: