مساعدة واستفسار من اهل مكه (تاجير سياره)

[The Heartless]

السلام عليكم

ياليت اهل السعوديه وخاصه الي بمكه والي يعرف محل تأجير سيارات زين يساعدني بموضوعي.

أنا اخوي بيبتعث بمكة لمدة سنتين ان شاءالله ويبي يهالمدة يأجر سياراه. يبي يعرف سياره مثل الالتيما او الكامري كم اجارها بالسنه؟
وكيف نظام التأمين والسيرفس؟

وشاكرين لكم

 

[Raheem]

واااااااااااااااااات مبتعث بمكة؟؟!! اول مرة اسمع فيها بحياتي المكاوية
المهم الله يوفق اخووك مكاتب التأجير بمكة كثيير لكن ما اعرف للاسف ولا واحد
خلي اخووك يوصل مكة واهل مكة والله مررة ميقصرو معاه
بالنسبة للسعر اسعارها كويسة جداً بالنسبة للشهر اما للسنة والله ما ادري

 

[SCREAMING_RAGE]

^
^
اكثر الاشغال الهندسية موجوده في مكه و المنطقه الغربيه حالياً ............. مشاريع سكك الحديد و مد انابيب الغاز قاعده تقبل كل شخص درس هندسة ميكانيكيه او معماريه بسهوووووولة !!
جامعتنا قبل فترة كانوا يطلبوا من الطلاب يقدموا على اشغال هناك (( شركة اسمها Gulf Personnel FZ LLC )), لكن كل الطلاب الانجليز ما قدموا علشان السعوديه ما فيها شراب p:

 

[Wild Fox]

تستاجر سياره سنه او سنتين !! احسها كثيره و نفس المبلغ تقدر تدبر سياره مستعمله تمشي حالك فيها .

 

[The Heartless]

واااااااااااااااااات مبتعث بمكة؟؟!! اول مرة اسمع فيها بحياتي المكاوية
المهم الله يوفق اخووك مكاتب التأجير بمكة كثيير لكن ما اعرف للاسف ولا واحد
خلي اخووك يوصل مكة واهل مكة والله مررة ميقصرو معاه
بالنسبة للسعر اسعارها كويسة جداً بالنسبة للشهر اما للسنة والله ما ادري

مشكور عالرد. تقول اسعارهم جيده, ماشي ببلغ اخوي بس هو المشكله يبي يعرف التأجير كم ريال بالضبط.

تستاجر سياره سنه او سنتين !! احسها كثيره و نفس المبلغ تقدر تدبر سياره مستعمله تمشي حالك فيها .

هو في الحقيقة اخوي عنده سياره هني في الكويت بس يقول مايبي يمشي فيها عالطريق لمكه لانها بعيده, ولا يبي يشحنها لهناك لان حسب كلامه تكاليف الشحن عاليه.
فهو يفضل يأجر سياره صغيره وبس يبي يعؤف الاسعار.

تبوني اقترح عليه ياخذ سيارته معه ؟ انا عن نفسي ماعندي اي فكره بالسفر واشغاله . اخوي طلب مني اسأل اهل السعوديه من مكه ومالقيت غير أعضاء تروجيمنج
وان شاءالله ماتقصرون.

 

[squall leonhart]

مشكور عالرد. تقول اسعارهم جيده, ماشي ببلغ اخوي بس هو المشكله يبي يعرف التأجير كم ريال بالضبط.




هو في الحقيقة اخوي عنده سياره هني في الكويت بس يقول مايبي يمشي فيها عالطريق لمكه لانها بعيده, ولا يبي يشحنها لهناك لان حسب كلامه تكاليف الشحن عاليه.
فهو يفضل يأجر سياره صغيره وبس يبي يعؤف الاسعار.

تبوني اقترح عليه ياخذ سيارته معه ؟ انا عن نفسي ماعندي اي فكره بالسفر واشغاله . اخوي طلب مني اسأل اهل السعوديه من مكه ومالقيت غير أعضاء تروجيمنج
وان شاءالله ماتقصرون.

الشحن البري رح يكون اوفر له من اي خيار ثاني .. لو يبستاجر سيارة اقل شي 1500 ريال قي الشهر .. و لو بيشتري متسعمل ما رح يلقى شي نظيف اقل من قيمة الشحن .. اسأل عن البسامي للنقل اسعارهم معقوله بس ماني متاكد اذا لهم فروع في الكويت

 

[R O C K Y]

تبوني اقترح عليه ياخذ سيارته معه ؟ انا عن نفسي ماعندي اي فكره بالسفر واشغاله . اخوي طلب مني اسأل اهل السعوديه من مكه ومالقيت غير أعضاء تروجيمنج
وان شاءالله ماتقصرون.

ياخذ سيارتة افضل له بكثير. خصوصا انه بيجلس سنتين على كلامك. حاول فيه يمسك خط ( الطريق من الكويت الى مكه اظن 1300 كيلو ماني متاكد) ممكن تشحنها عن طريق نقليات البسامي. المشكله ان مافيه بالكويت ولا بالخفجي. انصحك تنزل السعوديه واقرب فرع للبسامي بيكون بالجبيل. تشحنها من هناك والسعر راح يكون 500 ريال تقريبا

 

[Solay]

اذا سنتين يفضل انه ياخذ سيارته..

وموب لازم يمسك خط بيوم واحد,يوقف يريح له يوم بنص الطريق ويكمل من بكرة,لأن سنتين مدة جدا طويله للإيجار ويتعب اول يومين ويريح بعدين من شغلانة الايجار.

 

[Hironobu Sakaguchi]

اذا مرة ما عجبه شي خله يشتري شي مرة رخيصة وستاندرد زي مثلا براند كيا ريو او بيكانتو او براند جيلي، ما راح تكلفه شي ضخم ويعتبر اوفر من الايجار ويتحرك فيها براحته ومناسبة لاستخدامه الشخصي بزيادة
انا مو خبير سيارات لكن هذه اكثر سيارات اقتصادية سمعت اسعارها مناسبة

 

[Yaz3D]

أنا مع الشباب في اقتراحي إنه يجيب سيارته معاه أفضل بكثير من الإيجار لأنه جداً مكلف. البسامي شاحن ممتاز وقد تعاملت معاه شخصياً. إذا ماله فروع في الكويت، فدور أقرب فرع لهم في السعودية في حفر الباطن أو الشرقية أو خلافه. بالتوفيق لكم إن شاء الله، والله يحييه في المملكة.

 

[The Heartless]

مشكورين شباب عالردود. بلغته عن اقتراحاتكم وقال بيفكر بالشحن البري وراح يسأل عنه.