مساعدة - للخبراء في الـ Tablets .

[Ash]

ما عندي أي نوع من أنواع الخبرة في مجال الـ Tablets , و الي عن طريقه إن شاء الله برجع للرسم بعد ما قطعته ثلاث سنوات تقريبا .

ياريت نصايح شباب , أفضل الأنواع , الإختلافات بينهم , الأحجام و الأسعار , و يعطيكم ألف عافية!

 

[BioMario]

هلا فيصل ..
عندك هواية صدقني لا تتركها مثل الرسم او التصميم او اي شي ..
صدقني الشيء هذا ممن يتطور بسهوله و يتطور إلي مراحل هائلة ..

عموماً .. رح أنصحك على أفضل نوع تابلت في العالم ..
أسم الشركة WACOM الشركة عالمية أصل الشركة ياباني مختصين في صناعة الـ Tablets فقط ..
أسعارها متوسطة .. عندي تابلت منهم أشتريتها السنه إلي طافت من تايلاند لأني للأسف سعرها في الإمارات خرافي ..
عموماً منتجات الشركة شيء جداً راقي و جودة عالية جداً ..

بختصار شديد أخوي فيصل شركة WACOM أفضل شركة مصنعة للـ Tablets في العالم
ممكن تشوف المنتجات هنا : www.[B]wacom[/B].com

 

[Id]

وااااو علي ..

دخلت الموقع الي تقول عليه ... تكفي هي الصورة عن ألف كلمة ....

 

[Zero_IYAD]

داخل الموضوع على بالي تسأل عن Tablets = حبوب دوائية

لول X3

 

[ZiZ]

مشكلة التابلت، أغلبها ما يمديك تشوف وش أنت ترسم.

 

[Ash]

ثانكس علي , انا بعد سمعت انه واكوم هي الأفضل .

لول Id , هذي سعرها أحسه بحدود 1200 دولار مع خردة !! ( توقع بس ) .

 

[Super Mario]

داخل الموضوع على بالي تسأل عن Tablets = حبوب دوائية

لول X3

........................

 

[BioMario]

يوشي ترى التابلت مثل الماوس ارسم وانت تشوف الشاشة رح تتعود و تشوف الرسم الرقمي أفضل و أسهر بكثير من الواقع ..

ثامر النوع إلى حطيته لووول هذا حق المحترفين وصعرها غالي وايد بعد ..

صحيح أخوي فيصل الأسعار في من 300 درهم وأنت طالع وممكن في أنواع خاصة توصل أسعارها إلى فوق الـ 10000 درهم وهذي طبعاً لصناع الأفلام أو قمة الأحتراف

 

[Colorization]

فيصل روح كمبيوتر سيتي (بالرحاب) وإخذ لك تابلت متوسط الحجم كتجربة، أعتقد بتلقى واحد سعره ما بين الـ30 إلى 45 دينار، تمرن عليه وبعدين إخذ لك واحد بروفيشنال شوي (عشان ما تدفع مبلغ كبير من المرة الأولى وبعدين الرغبة اللي فيك تنطفي).

 

[Ash]

فيصل روح كمبيوتر سيتي (بالرحاب) وإخذ لك تابلت متوسط الحجم كتجربة، أعتقد بتلقى واحد سعره ما بين الـ30 إلى 45 دينار، تمرن عليه وبعدين إخذ لك واحد بروفيشنال شوي (عشان ما تدفع مبلغ كبير من المرة الأولى وبعدين الرغبة اللي فيك تنطفي).

البروفيشنال نفس شنو ؟ ( الي فوق بالصورة ؟ ) .
المشكلة ما أعرف الفرق بين العادي و البروفيشنال , ما عمري جربت أي وحده منهم و ما عندي معلومات .

 

[Colorization]

البروفيشنال نفس شنو ؟ ( الي فوق بالصورة ؟ ) .
المشكلة ما أعرف الفرق بين العادي و البروفيشنال , ما عمري جربت أي وحده منهم و ما عندي معلومات .

أكو بعضهم تصير الشاشة اللي ترسم عليها مثل كراسة الرسم: لما ترسم تشوف الخطوط على اللوحة جدامك.

http://www.amazon.com/Wacom-Cintiq-...5966000b&itemPosition=9&qid=1215973806&sr=8-9

ومميزات ثانية لكن ما اقدر أذكرها لأنه ما عندي خبرة بالواكوم كلش (بس جربته جم مرة).

 

[Ash]

و الي شرحتها هذا النوع العادي ؟
و الصورة للنوع البروفيشنال صح ( لانها مو نفس الي شرحته , عكسه ) ؟

 

[ZiZ]

أكو بعضهم تصير الشاشة اللي ترسم عليها مثل كراسة الرسم: لما ترسم تشوف الخطوط على اللوحة جدامك.

http://www.amazon.com/Wacom-Cintiq-...5966000b&itemPosition=9&qid=1215973806&sr=8-9

ومميزات ثانية لكن ما اقدر أذكرها لأنه ما عندي خبرة بالواكوم كلش (بس جربته جم مرة).

هذا شكله رهيب بس سعره سعر جهاز جديد... أشتري لي laptop tablet أحسن لي.

 

[BioMario]

أخوي فيصل ا تفكر و تاخذ لك هم على فكرة سمعت انتقادات عن الواكوم إلي فيها شاشة ..
الشاشة مب واضحة وايد وتكون الألوان نوعاً ما باهتة ..

أنصحك نصيحة تاخذ لك اي نوع واكم لكن بدون الشاشة ..
على فكرة في أنواع تابلت بدون شاشة أكثر أحترافية من إلي بالشاشة .. يعني لا تغرك الشاشة إطلاقاً ..
حتى في كم فيديو زمان شفته وهو فيديو عن الـ Make of حق هالو 3 و انسارتيد و بعض الأفلام ..
أشوف الفنان ما يستخدم الواكم إلي فيها شاشة عندهم انواع واكم يدون شاشة لكن طبعاً الشاشات تكون HD ..

بكل أختصار الشاشة ما تعتبر شيء مبهر ..
وانا عندي واكم من زمان ما أشتغلت عليها وايد لكن قريباً إن شاء الله
أتذكر أول ما أشتربتها قعدت أجرب حسيت عمري كأني مب غريب يعني سهله وايد ..
وكذالك فيصل عندي Tablet Laptop وصدقني الواكم أكثر دقة بكثييييييير من شاشة الابتوب

 

[Ash]

خلاص اجل , واكوم حجم كبير او متوسط حسب الي يناسب .
مشكور علي ما قصرت!!

 

[TenZen]

هلا فيصل
فعلا واكوم ممتاز ..
بس جرب تشوف Bamboo fun
http://www.amazon.com/Bamboo-Medium..._m=ATVPDKIKX0DER&pf_rd_r=03VACZ7AVSDZ1WGRR4G5
يمكن يكون جيد و ارخص (طبعا اذا كان متوفر بالسوق)
بس نصيحه حاول تجرب قبل ما تشتري .. لاني شخصيا جربت واكوم من زمان و ماقدرت اتعود عليه

 

[Lunar Poet]

موضوع في وقته! لي فترة أبي أشتري تابلت لكن حاير شنو / من وين أشتري. (أحد يعرف شي أهل الدمام/الخبر؟)