مساعدة في شراء كاميرا ..

[Superx]

السلام عليكم وبرحمة الله وبركاته


واضح من العنوان أني ناوي أشتري كاميرا , ومشكلتي اني ماعندي خبرة بالكيمرات بالمرة .. فياريت لو تساعدوني .


اللي أبى اشتريه هو كاميرا يكون تصويرها واضح .. Full hd يعني

..

المشكلة اني أشوف في المحلات ان في كيمرات ديجيتال صغيرة ومكتوب انها full hd ويبيعونها بـ1000 درهم وشوي تقريباً .. وتصويرها عادي أشوفه ومب واضح يعني .. فكيف يقولون انها full hd .. ؟


فأنا اللي ابى اشتريه كاميرا محترمة ووضوحها عالي ومواصفاتها ممتازة , يعني تبقى وياي فترة طويلة ومايحتاج اني أبدلها ..


سلام.​

 

[Dr MaD]

أفهم من كلامك تدور كاميرا فيديو .. صح ؟

 

[Superx]

^
نعم , ولو تصور ثابت بعد يكون أحسن.

 

[Superx]

أوكي شو رايك بهالكيميرتين Canon HV30 و Canon EOS 550D ؟

 

[Dr MaD]

ماعندي خبرة في كاميرات الفيديو

الكانون 550D ممتازة جدا في التصوير الثابت .. وأنصحك فيها إذا بتاخذ لهالسبب
لكن للأسف ماقد حصل وجربت كاميرات الDSLR في تصوير الفيديو وجودتها

 

[Superx]

^
أوكي بس وانا اشوف الفيديوات للكاميرا شفت ان تصويرها الفيديو ممتاز .. أقصد الـ550D

[video=youtube;khrtaGfIdMs]http://www.youtube.com/watch?v=khrtaGfIdMs[/video]

تأكد انك تشوفه بوضوح الـHD

 

[Nin Boy]

انا عندي الـCanon EOS 500D اقل جودة بقليل من الـ550D و صورت فيها HD فيديو ,, مستواه جداً حلو ,, لكن الـFull HD (اعلى نقاوة) يصور لمدة 5 دقائق فقط و الأقل منه 20 دقيقة. ما اعرف إذا تغير هذا الشي في الـ550.
الزبدة,, تصويرها جداً محترم و حلو لكن مو حق تصوير متواصل. لازم تقطع و تبدأ من جديد.

 

[squall leonhart]

الشهر الي فات اشتريت كاميرا سوني full hd ب 4999 ريال .. جدا جدا جدا ممتازة جودة الصور الفيديو و الثابته .. كمان التصوير الليلي خرافي .. و اذا ماني غلطان تصور 80 ساعه على الهاردسك ..

 

[Superx]

^
ممكن رقم الموديل؟

 

[Aoks]

شباب الموضوع جا في وقته

بس انا سؤالي عن الديجيتال كاميرا , والكاميرا الاحترافيه

السؤال الأول : لقيت ديجيتال كاميرا من سوني 14.1 ميجا بيكسل , زووم x10 وبـ 1300 ريال .. ماادري ايش رايكم ؟

السؤال الثاني : لو ابغى كاميرا ديجيتال عاديه تنصحوني اخذ الي كتبتها فوق ؟ واذا ابغى كاميرا احترافيه ايش تنصحون ؟

مكشورين مقدما