مساعدة في الطلب من الخارج..

[rubso]

السلام عليكم .. شباب انا ودي اطلب من موقع .. يبيع العاب يابانية فقط .. اسمه play-asia
انا طلبت منه الـ Nintendo DS مالتي من زمان وجابها لي لكن عن طريق ARAMEX .. ودفعت الكثير للشحن
السؤال هو، هل جربتم الـ AirMail وارجو توضيح كيفية عمله بتوصيل الطلبات ؟

 

[Aizmov]

انا طول عمري اطلب من الـ Airmail ^^
www.play-asia.com و www.yesasia.com
نفس الشركه ... لكن yesasia مختصه بالـ Music and Video Entertainment اكثر
بالنسبه لـ YesAsia لما توصل لملبغ معين (( مثلا لما تشتري مجموعه CDs و DVDs )) راح يرسلون لك جميع الاغراض بالـ Airmail ببلاش و بدون أي مبلغ تدفعه
و على حسب الاغراض إلي راح تجيك من أي بلد (( Korea, Japan or China )) راح ينحسب الوقت عليك
إذا كانت الاغراض جايتك Directly من China راح ياخذ أقل من اسبوع
Directly من Korea راح تاخذ 7 - 14 يوم
Directly من Japan راح ياخذ 7 - 14 يوم
كمان شغله إذا اللعبه أو الجهاز إلي تبيه موجود في الموقعين انصحك بـ yesasia تراهم ارخص
Kingdom Hearts 2 موجوده في الموقعين ... YesAsia بـ 64$ و Play Asia بـ 71$
علشان كذا انا سويت الطلب حقي من yesasia :bigSmile:
و انا اتعامل معاهم من قبل فهم يسوون لي خصم زياده خصوصا بالشحن ^^
آخر طلب لي عندهم كان بـ 120$ و ارسلوا لي كل شيء بالمجان مع هديه بوسترات لـ BoA و Final Fantasy VII : AC

 

[rubso]

طيب الطلبية توصل لصندوق البريد مالك ؟؟ ولا لحد باب بيتكم؟!! وضح

 

[Aizmov]

راح توصلك على بريد الشخص إلي ارسلته لهم ^.^
طبعا انت تروح تاخذه من هناك ^.^

 

[Golden_Sun]

فراس اتوقع شرح لك كل شي P: ..

راح يوصل الطلب لصندوق بريدك مو للبيت .. بس مرة طلبت من play-asia كرونو كروس .. و بريد الكويت وصلوا لباب البيت وكان مفتوح @_@ حتى علبة الشريط مفتوحه .. مادري ليش!! ,, قالوا ان التغليف انشق بالشحن :suspiciou

 

[rubso]

بريد الكويت يوصلون للبيت ؟ هع ، شلون ؟؟؟
وشكراً جزيلاً لفراس

 

[Golden_Sun]

بريد الكويت يوصلون للبيت ؟ هع ، شلون ؟؟؟

مادري!؟ .. هم وصلوا بدون لا اقولهم ×_0

 

[Aizmov]

فراس اتوقع شرح لك كل شي P: ..

راح يوصل الطلب لصندوق بريدك مو للبيت .. بس مرة طلبت من play-asia كرونو كروس .. و بريد الكويت وصلوا لباب البيت وكان مفتوح @_@ حتى علبة الشريط مفتوحه .. مادري ليش!! ,, قالوا ان التغليف انشق بالشحن :suspiciou

غريبه عندنا كل شيء جاني مثل ما هو
المشكله عندي DVDs بالهبل لبوا و جاو مغلفين مثل ما هم لول

و العفو Rubso ^.^

 

[persona]

بريد الكويت تطور؟ وقام يوصل للبيت؟

انا خبري فيه حق البنغاليه والهنادوة والسيلانيه ..<.<..

"بابا انا بيوره عشان يدزي مكتوب حق سيلان"

 

[الــخــــارق]

الشباب كفوا ووفوا
ما فيه اي اضافة على اللي قالوه..

 

[Mukuro]

بما أني شهريا أطلب من Play-Asia , راح أعطيك كم معلومة:بلاي اسيا هو رقم واحد بالنسبة لي من ناحية توفر المنتجات وسرعة الاستجابة للطلبات. يتميز الموقع عن غيره بتوفير الهوت تايتلز المشهورة عندهم ب 5 أيام قبل موعد صدورها الأصلي في اليابان. مثال: جمب سوبر ستارز, ناروتو 4, وبليتش جي سي وغيرهم. يوفر موقع بلاي اسيا أغلب الألعاب الناردة والقديمة لجميع الاجهزة وبأسعار مغرية. أما من ناحية الشحن, ما أنصح نهائيا باستخدام ال Air Bubble. ميزته أنه رخيص, وعيبه أنه مش مسجل Unregistered واحتمال 70% يضيع أو ينسرق لأنه ماله رقم متابعه Tracking Number. ومن عيوبه أيضا أنه يسمحلك فقط بشحن لعبة واحده لاغير. Air Bubble حسب تجربتي يوصل خلال 14 يوم.ال AirMail ممتاز لأنه مسجل registered وله رقم متابعه لا بإمكانه يضيع. ال AirMail يسمحلك تقريبا بشحن نصف كيلو من الطلبات في صندوق واحد. AirMail ياخذ 10 أيام لين ما يوصل.أما بالنسبة لل EMS أو خدمة البريد الممتاز فهي الأفضل على الأطلاق. الطلببية تاخذ 4 أيام لين ماتوصل. وغير كذا في موزعين يمرون عليك طبعا بعد مايتصلون عليك أول عشان يقولولك أنه طلبيتك وصلت ويحددون موعدك معاك عشان تستلم طلبك. هذه أحلى ميزة عندنا في البريد السعودي.أما UPS أو DHL , فهم في قمة الاحباط. الطلبية تاخذ 4 أيام لين ماتوصل والمفترض أنه تاخذ يومين. وغير كذا بطيئين جدا في تعاملهم مع توصيل الطلبيات.أوه, قبل ما أنسى, بلاي أسيا راح يعطونك كوبون خصم 5$ لمشترياتك القادمة اذا وصل مجموع مشترياتك 80$ وفوق.إنشاء الله أكون أفدتك أخوي فهد.تحياتي

 

[rubso]

أفدتني بشكل كبير يا Mukuro .. توضيح ممتاز .. وعجبتني فكرة الخمسة دولار خصم .. لاني راح اطلب طلبية اكثر من 147 دولار ..

 

[Hironobu Sakaguchi]

عندنا بطاقة كاش يو بس مرة مو عارفين ندبر هرجة صندوق البريد ولا عارفين تكاليف الشحن
بالعربي خايفين ناكل مقلب
يا ريت الشباب الي بيسووا طلبيات عن طريق البطايق داخل السعودية يفيدونا عن طريق هذا الموضوع و شكرا
ياريت ما تنسونا يا شباب ساعدونا الله يرحم والديكم

 

[Mukuro]

عندنا بطاقة كاش يو بس مرة مو عارفين ندبر هرجة صندوق البريد ولا عارفين تكاليف الشحن
بالعربي خايفين ناكل مقلب
يا ريت الشباب الي بيسووا طلبيات عن طريق البطايق داخل السعودية يفيدونا عن طريق هذا الموضوع و شكرا
ياريت ما تنسونا يا شباب ساعدونا الله يرحم والديكم

بطاقة كاش يو تستطيع الحصول عليها من أرامكس عند الاشتراك. ما أنصح بيها نهائيا, لأنك لو كنت تبغى تستورد ألعام من موقع مثل بلاي اسيا, أول شي راح تسويه انك تضع إيميلك حق أرامكس اللي بامريكا. وهذا يعني التكاليف راح تزيد عليك (من ناحية الشحن) وطلبيتك راح تتأخر زيادة مهما كانت نوعية الشحن. عيب أرامكس الكبير أنهم يدفعونك رسوم الشحن اللي من امريكا إلى السعودية. هذا يعني أنك راح تدفع رسوم الحن حق بلاي اسيا ورسوم الشحن حقت ارامكس لمن تجي تستلم الطلبية من عندهم. بالنسبة لي أنا عندي 2 Master Cards وحدة من البنك السعودي البريطاني والثانية من سامبا. قمة الراحة.

 

[Futrus]

عندي سؤال لو ممكن Airmail كيف يمكن الإشتراك فيه هل هو شراء أو إستأجار صندوق بريد في بلد معين شنو إسلوب هالخدمه بالظبط مثل أراميكس ؟ وهل تنفع لشراء ألعاب من أمريكا؟ وما هو موقع هذه الشركه على الإنترنت
وشكراً : )

 

[Mukuro]

عندي سؤال لو ممكن Airmail كيف يمكن الإشتراك فيه هل هو شراء أو إستأجار صندوق بريد في بلد معين شنو إسلوب هالخدمه بالظبط مثل أراميكس ؟ وهل تنفع لشراء ألعاب من أمريكا؟ وما هو موقع هذه الشركه على الإنترنت
وشكراً : )

Airmail هو أحد طرق الشحن اللي توفرها بلاي اسيا وبسعر باهظ. ال Airmail يوصلك في صندوق البريد اللي تبغاه. مثال بسيط: أنا من جده وأنت ودك أني أسويلك طلبية, راح أغير عنوان صندوق البريد حقي من الموقع وأضع بداله عنوانك يصير أنت تستلم اللعبة من أقرب وكالة بريد. بالنسبة اذا كنت تبغى تطلب وألعاب والموقع اللي تبغى تطلب منه ماوصلك للسعودية, فأنصحك أول شيء باستخدام Western Union أو MoneyGram هذه الشركتين عندها نظام حوالات سريعة لجميع المناطق في العالم. راح تدفعلهم رسوم بسيطة عشان الحوالة.هذا بالنسبة اذا كان كان الموقع أيضا ما يقبل دفع مباشر عن طريك الكريديت كارد, ولكن يقبل عن طريق ال PayPal أو Money Order. شركة أراميكس تعتبر خيار اخر لك لأنهم راح يريحونك من ناحية الطلب من أمريكا لأنه راح يأسسون لك بريد في أمريكا وتدقدر بعدها ترسل الطلب إلى السعودية مثلا, ولكن راح تدفعلهم كم قرش حق الشحن لمن توصل الطلبية.

 

[Khalid-S]

شباب موقع Play Asia ما يقبل الـCash u صح ؟

 

[Mukuro]

شباب موقع Play Asia ما يقبل الـCash u صح ؟

نوب. بس عندك بديل اللي هو Western Union.

 

[Futrus]

أنا عندي بريد أراميكس في أمريكا وواحد في برطانيا وعندي بطاقة كريدت كارد من أراميكس "مسبقة الشحن" والمشكلة اللي أواجهها مو إن الموقع ما يقبل بطاقات الكريديت كارد لكن بيانات البطاقة لا يمكن وضعها من حيث عنوان الحساب البطاقة عنوانها في لبنان والموقع لا يمكن التسجيل فيها لبنان لأنها غير موجوده في قائمة الدول .. إنزين شركة Western Union تقوم بعمل حوالة مع عمولة بسيطة لكن هل يمكن الإستفادة من هذه الخدمة مع مختلف المواقع مثل ebay, amazon,play-asiaebgames? وغيرها وخصوصاً التي تتعامل عن طريق ال PayPal

عندي سؤال ثاني هل في بديل لاراميكس حيث تكون تكاليف الشحن أقل لأنه بصراحه كسر ظهري مع كل شحن
--------------
إنت يمكن جاوبت على سؤالي فوق لكني مو فاهم عدل فكتبت هالسؤال على توضح الفكره عندي أكثر ،، وآسف جداً على كثرة الأسئلة

 

[sehro]

مرة طلبت عن طريق خدمة shop &ship من ارامكس من موقع بلاي اسيا(مجلة اركاديا)وصلتني بعد شهر واسبوع اعتقد =_=(طلبتها بكاش يو)........شكلي ببطل منها الخدمة ذي......

 

[Khalid-S]

ساهر , لو طلبتها على السعودية مباشرة توصلك اسرع لانها بتنشحن من هون كونق
خدمة Shop & Ship مفيده جداَ اذا تبي تشتري من امريكا او بريطانيا , لمن اشتري من امازون بريطانيا 3 - 4 ايام وتوصلني وامريكا اكثر بيومين تقريباَ .

ابو الشدى , طيب اذا بدفع عن طريق ويسترن يونيون لازم تحول لشخص مو لشركة , لان اخوي مره كان يبي يحول فلوس وقالوا له ما يحولون لاسامي شركات لازم لاسم شخص.

 

[rubso]

شلون الحين يا شباب .. نستخدم cashu بالطلبية ولا لا؟

 

[persona]

كاش يو = خواره

 

[Sinker]

ياي! انتوا محضوضين! اتوقع وصول خدمة Online Shopping الى العراق بعد 1000000 عام

 

[Mukuro]

أنا عندي بريد أراميكس في أمريكا وواحد في برطانيا وعندي بطاقة كريدت كارد من أراميكس &quot;مسبقة الشحن&quot; والمشكلة اللي أواجهها مو إن الموقع ما يقبل بطاقات الكريديت كارد لكن بيانات البطاقة لا يمكن وضعها من حيث عنوان الحساب البطاقة عنوانها في لبنان والموقع لا يمكن التسجيل فيها لبنان لأنها غير موجوده في قائمة الدول .. إنزين شركة Western Union تقوم بعمل حوالة مع عمولة بسيطة لكن هل يمكن الإستفادة من هذه الخدمة مع مختلف المواقع مثل ebay, amazon,play-asiaebgames? وغيرها وخصوصاً التي تتعامل عن طريق ال PayPal

عندي سؤال ثاني هل في بديل لاراميكس حيث تكون تكاليف الشحن أقل لأنه بصراحه كسر ظهري مع كل شحن
--------------
إنت يمكن جاوبت على سؤالي فوق لكني مو فاهم عدل فكتبت هالسؤال على توضح الفكره عندي أكثر ،، وآسف جداً على كثرة الأسئلة

شخصيا أنا أفضل استخدام MoneyGram في ال ebay, نظرا لأنه الموقع ما يقبل الا ال PayPal أو Western Union أو MoneyGram أو حوالة بنكية Wire Transfer أو IPMO. أغلبية البائعين في ال ebay يفضلون IPMO أو حوالات مثل Western Union كخيار بديل عن ال PayPal. لكن الحذر الحذر فب دخول مزادات من اليابان لأنه اليابانيين ما يقبلون ال Western Union أو MoneyGram لأسباب مجهولة وميزة الMoneyGram إنها سريعة, فقط 10 دقائق حتى توصل الحوالة للطرف الاخر .للأسف ما في شركة شحن بديله عن اراميكس حاليا.

ساهر , لو طلبتها على السعودية مباشرة توصلك اسرع لانها بتنشحن من هون كونق
خدمة Shop & Ship مفيده جداَ اذا تبي تشتري من امريكا او بريطانيا , لمن اشتري من امازون بريطانيا 3 - 4 ايام وتوصلني وامريكا اكثر بيومين تقريباَ .

ابو الشدى , طيب اذا بدفع عن طريق ويسترن يونيون لازم تحول لشخص مو لشركة , لان اخوي مره كان يبي يحول فلوس وقالوا له ما يحولون لاسامي شركات لازم لاسم شخص.

شيء طبيعي لأنه المستلم راح يسأل عن هويته.

شلون الحين يا شباب .. نستخدم cashu بالطلبية ولا لا؟

ما أنصحك. ما عليك الا أنك تشوف لك واحد من الاقارب عنده كريديت كارد ويريحك.

 

[Futrus]

مشكور جداً أخ موكورو على التوضيح إنزين سؤال أخير هل بطاقة الفيزا العالمية مقبوله عند جميع المواقع حتى اليابانية أو في مزادات من اليابان

 

[Mukuro]

مشكور جداً أخ موكورو على التوضيح إنزين سؤال أخير هل بطاقة الفيزا العالمية مقبوله عند جميع المواقع حتى اليابانية أو في مزادات من اليابان

الفيزا والماستر كارد مقبولة في أكثر المواقع اللي تحن عالميا. لكن بالنسبة لل ebay فهو لايسمحلك بالدفع مباشرة عن طريق البطاق الا عند توفر حساب PayPal لديك. ان شاء الله ال الباي بال راح يدخل عندنا خلال 5 أشهر.