squall leonhart
True Gamer
مشكورين يا شباب..
طلبت اللابتوب يلي حطيته بردي السابق من Amazon بعد ما زرت جرير و إكسترا و شفت مهزلة الأسعار عندنا.
لقيت النسخة ذات المواصفات الأقل منه ب6000 ريال عند جرير، بينما النسخة ذات المواصفات الجبارة من Amazon بتكلفني 4500 ريال تقريبا و مع الشحن و و و بترجع بأقل من 5000 ريال.
ان شاء الله يكون عندي نهاية الأسبوع القادم.
فيصل، عبد الله:
للأسف تجربتي مع الMacbook على الرغم من انها امتدت 5 سنين لكني كرهتها جدا.
معظم البرامج الأساسية في دراستي محتاجة مليون لفة و دورة حتى تشتغل، و تشتغل بنسخ قديمة و مظهر قبيح، ما يدعم ثلثين ألعاب Steam, معقد و يتطلب كلمة السر مع كل خطوة، keyboard مختلف و مهما حاولت تعمله قريب من نظام الWindows يبقى مختلف -و هالشي أثر على أدائي في اختبار الStep 2 CS من أسبوعين-.
لحقت على إطلاق النسخة الجديدة يوم 10 الشهر في أميريكا و مسكت الجهاز و جربته..
سبيكة ذهب صدئة بسعر يبدأ من 5000 ريال بمواصفات مخجلة.
أجهزة Apple للناس الفارهة يلي طبيعة شغلها و استخدامها وسط و أقل و تحب المظهر بلا جوهر برأيي.
معاك بحكاية الستيم .. اصلا هو غير مثالي ابدا في الالعاب و هذا شي معروف الي يبغي الالعاب لا ياخذ ماك ..
بس مستغرب من حكاية البرامج (خصوصا اذا تقصد برامج ال USMLE +Uworld bank) لاني ما اتذكر اني واجهت اي صعوبه فيهم ابدا .. اتمنى انك عملت كويس في ال CS .. انا وقتها كنت على الوندوز لسي فما واجهت مشاكل لكن من جد على قولتك لو انت انت متعود على كي بورد الماك حتتعب في الوندوز خاصة باختبار سريع زي ال CS >>
الجهاز الجديد ما جربته بعمق .. لكنه شلته بيدي و من جد كان خفيف .. بس مواصفاته عاديه جدا .. لكن الماك بوك برو القديم مواصفاته ممتازه على وقته .. لكن الشي الي يميز ابل صراحة مو المواصفات لانو في ١٠٠ شركة احسن منها في هذا المجال .. الي يميزها جودة الصناعه .. لابتوبات الويندوز ادائها يتدهور بسرعه مع الاستعمال .. و اصلا لو عمر معاك الجهاز سنتين و هو لسي كويس انجاز .. الماك بالراحه يوصل معاك ٥+ سنوات و الاداء يظل ممتاز
المهم كلامي من واحد يعتبر انتي ابل نوعا ما ( جوالي نوت ٤ و قبله نوت ٣ و ما اطيق الابل واتش) فتقدر تعتبرني محايد ..
انت فين ساكن؟