مساعدة بخصوص الأجهزة الصوتية

[Dr MaD]

ناوي أسوي أبقريد للنظام الصوتي الحالي اللي موجود في الغرفة (( سوني )) الى نظام أكثر احترافيه

طبعا بعد قرائات هنا وهناك كانت هذي النتائج اللي طلعت فيها

الـ AV Receiver راح يكون ONKYO 606 (( الـ 605 مخلص من السوق ))

سعره بـ 2500 ريال .. حاليا انا دفعت حجزته بعربون 100 ريال (( انتظر ينزل الراتب :crying: ))
هل اعزم آخذه ولا فيه خيارات أفضل ؟

وبالنسبة للسبيكرز طبعا أنا مشطب على BOSE .. والخيارات قدامي يأما YAMAHA أو JAMO (( بايونير سكر الفرع اللي على طريق العليا : ))

بالنسبة لجامو ماقد سمعت عنها كثير .. وماحصلت ريفيوز كثير عنها في الانترنت بس انه اسعارها كويسه ومره جربت موديل في المحل (( الدولية )) واعجبتني
واللي حاط عيني عليها الحين (( ولو انها غااااليه مره :crying) هو YAMAHA
NS-555 فرونت .. سعرها بـ 2900 ريال (( مره غالية .. بس صوتها :crying: ))

NS-333 رير بـ 1300 ريال

NS-c444 سنتر والله ناسي بكم بالضبط بس بحدود الـ 700 ريال

طبعا ناوي اسوي هالمشروع على دفعات .. يعني مبدئيا اجيب الرسيفر وبعدها اجيب السماعات الاماميه وأخلي سماعات التلفزيون كسنتر .. وبعدين السنتر .. وفي الاخير اجيب السماعات الخلفية

وسؤال أخير : الحين السبيكرز اللي عندي (( سوني )) كيف أقدر أشغلها على الـ ONKYO ؟

أرائكم ؟

 

[G7Ga7]

the Ultimate Entertainment Center v2.0

in Progress​

ناوي على شي زي كذا بالبيت ؟ :

الله يعينك ..
اذا إيه ترى فيه مواقع تساعدك بهالأمور ( كل شي من الكنبات إلى الشاشة , وصولاً بنظام الصوت ومشغلات البلوراي - PS3 يكفي !- ) ..

edit: اذا تبي تجربة سنمائية صوتية في بيتك .. انا انصحك (مجرب!) بـ:

http://www.bose.com/controller?event=VIEW_PRODUCT_PAGE_EVENT&product=premium_dvd_subcategory

من BOSE ..
تقدر تجربها في محلهم بالتحلية (الظاهر اسم المحل العالمية) .. ادخل وقل للبايع ودك تجربها .. راح يشغل لك مقطع من فيلم .. وصوت سينمائي بحت ..

موفق مرة ثانية.

 

[Dr MaD]

لا ياعبدالرحمن مو كذا عاد !!

هو الغرفة مكان تجمعنا .. ونلعب فيها ونشوف افلام ..فيها التلفزيون والاجهزة .. يعني غرفة الانترتينمنت

يعني غرفة عادية .. بس انا من بداااية الصيف وانا شغال في تطويرها وتأثيثها (( الـ BETA مفتوح من أسبوعين تقريبا :razz:: )) يعني نقدر نجلس فيها ونتفرج ونلعب .. بس باقي مجموعة خطط ومشاريع في بالي ناوي أسويها ومن ظمنها أبقريد للنظام الصوتي

يعني المشروع بيكون منتهي 100% على أخر الصيف

 

[G7Ga7]

خسارة ... قلت راح نشوف أول عضو بـTG يسوي سينما ببيته XD

عالعموم انا راح اعطيك موقع يهتم بالهوم ثيترز ,ويسوي ريفيوز للمنتجات الي لها دخل بهالمجال .. وهذا كل الي اقدر اساعدك فيه للاسف :
http://www.guidetohometheater.com/

الله يعينك ان شالله

 

[Black_X]

مدام الغرفه للجيم و اشياء ثانيه أنا أنصحك تحط مكبر صوت من أقوى الأنواع مثل مقال أخوي ترى النوعيه زبنه حيل ( (( ولا عمري شفت النوعيه )) )

جرب هذي النوعيه ...............

محتوى مخفي

محتوى مخفي

لوووووووووووووووووووووووول

 

[Aoks]

خسارة ... قلت راح نشوف أول عضو بـTG يسوي سينما ببيته XD

اسأل حازم عن تلفزيون توشيبا الHD والنظام المسرحي الي سويته ​

 

[Revolver]

السلام عليكم ورحمة الله وبركاته , ما بغيت افتح موضوع فياليت تساعدوني هنا

انا عندي سماعات 5.1 شاريها من زمان مع كرت الصوت للكمبوتر

هذا هو النوع

Creative Inspire 5300

على العموم .. انا بس ناقصني خطوه علشان الـperfect gaming .. عندي شاشة ال سي دي , وعندي اكس وسوني .. وعندي الـ5.1 بس منب عارف كيف اركبه ..

مافيه فتحة اوبتكال ..
اتذكر انه لازم اشتري امبفلر علشان اركبه .. بس منب متأكد

فياليت تساعدوني واكون مشكور