شاركنا فهذا الموضوع ذكرياتك مع السلسلة و افضل و اسوء العابها و مواقفك المفضلة فيها افتحو قلوبكم و مشاعركم و جهزو المناديل لمسح دموعكم بعد مغامرة 25 سنة من اطلاق كرة البوكي
اول لعبة بوكيمون شريتها كانت بوكيمون يلو اتذكر جمعت مصروفي اليومي عشان اشتري جيم بوي كولور كنت رابع ابتدائي وقتها كنت تقريبا اختم اللعبة كل يوم ودايما كنت الفل بوكيمون واحد تقريبا كل الاجزاء
بعدها شريت بوكيمون قولد البوكيمون الاساسي سينداكويل كنت اتذكر اللعبة كان فيها بق بحيث سودوودو كان يتعلم كل الHM يطير ويسبح!!
شريت بعدها جهاز الادفانس مع بوكيمون سافاير والبوكيمون الاساسي عندي كان مدكب.
شريت بعدها بوكيمون فاير ريد وكنت اختار تشارمندر.
اشتريت الدي اس ومعها بوكيمون دايموند وشمشار كان الحب.
سويت سكيب شنيع ل بلاك اند وايت الجزء الاول بسبب الجامعة. لكن شريت الثاني وكان الستارتر تيبق (اسوء ستارتر بالنسبة لي)
شريت هارت قولد في وقت متاخر جدا وما كملته للاسف.
بعدها جاء عصر الثري دي اس شريت اكس وكان فروكي اسرع اختيار لي بدون تفكير.
شريت سن اند مون والستارتر كان بوبليو (ثاني اسوء ستارتر اختاره بعد تيبق)
طبعا نسيت اقول ان الرايفال حقي كان ولد خالي دايما اشتري نسخة وهو يشتري الثاني هذي طقوسنا والستارتر حقه مختلف عن اللي عندي.
شريت الفا سافاير لان ايام الادفانس شريت سافاير ف لازم نمشي ع التقاليد واخترت مدكب مرة ثانية.
مع سورد اند شيلد الستارتر كان سكوربني شكله كان مقبول نسبيا.
اعتبر بوكيمون من السلاسل المفضلة بالنسبة لي لان كانت اول لعبة اشتريها مع جهاز كنت اجمع له وانا صغير وادمان مو طبيعي وقت ما كان الكارتدج حق الكولور والادفانس (اس بي) يخربون وما تنحفظ اللعبة كنت اخلي الجهاز بالايام يشتغل لين تموت البطارية او اختم اللعبة في يوم واحد.