Game Cube
الجهاز الأيقوني ! وحش بقوته لكن لطيف في شكله !
قدم مجموعة فاخره من العاب ننتيندو ويند ويكر ، لويجي منشن ، مترويد ، سوبر سماش وأجزاء رزدنت ايفل في أجمل حُله لها وغيرهم وغيرهم الكثير …
التوازن بين العاب الطرف الاول والطرف الثالث ( ودعم سيجا الملفت ) هو الأفضل في مسيرة ننتيندو من وجهة نظري
لان قدم نفس نسخ الألعاب الي تصدر على اي جهاز منافس وفوق هذا كانت له العاب خاصه من الطرف الثالث ( بعضها إلى يومنا حصري ! )
كل تفاصيل الجهاز وألعابه كانوا مصقولين بعناية ومعمولين بحب شديد ! وبعض الإصدارات كانت تجي مع اكسسورات آيقونيه ، المايكرفون مع ماريو بارتي او الطبول مع دونكي كونق او سجادة الرقص مع ماريو تجارب فتحت باب وسوق مختلف
الكواليتي الي كانت تقدمه ننتيندو وقتها كان مختلف عن اي شي آخر قدمته الشركه في تاريخها … حتى. انميشن الجهاز لما يشتغل كان شي مختلف
والكنترولر يالهي ! لفتره طويله كان الكنترولر الأكثر راحه في اليد ( قريت مره قصه ان ننتيندو كان لهم جولات بين الناس يجربون قبضة الجهاز على كافة الأعمار ) لدرجة نجاحه إلى اليوم موجود للي يحبون يلعبون سماش على الوي يو او السويتش …
وللحين اتذكر اني كنت العب بكنترولر لا سلكي قبل الجميع وقبل الجيل السابع كامل
للأسف الجهاز ما خذ حقه وخذله الكثير من الناس
اشتريته مرتين ، مره فضي ومره اسود … كنت آتمنى لو لقيت لون الانديقو ( حطيت الصوره كتعويض )