ليش هالحركات في المواقع الاجتماعيه؟

[Arashi]

السلام عليكم ورحمة الله وبركاته

ودي مره أكتب موضوع يفتح النفس في العام بس الظروف ما تساعد XD

المهم

السالفه الله يسلمكم اني لاحظت -ومب بس انا- تصرفات طفوليه من البعض عالمواقع الاجتماعيه.

في حركه غريبه طالعه وهو ان يجي شخص يصور لك رد لعضو اخر ويعرضه في التويتر ويقوم يستهزئ بآراءه ووجهات نظره...ليش يعني؟ مب المفروض في حرية نقاش في المنتديات؟ كل واحد حر برأيه؟ طيب انا لو مثلا قلت "سوني تلوع الجبد...شركه فاشله" او قلت "انا أموت على نينتندو وهي أحسن شركه في العالم ومعصومه من كل خطأ بلاه بلاه بلاه.." طيب كيفي هذا رأي شخصي...هني لو احد يكتب مثل هالكلام يجوف اللي تسمونهم "الفان بويز" يتهجمون عليه بطريقه وقحه..والسالفه بدل ما تتسكر يروحون يكملون الهواش والتحرش في التويتر...طيب ليش؟ الا شركة العاب...لا هي شركة أبوك ولا انت حتى تشتغل فيها :\ (سالفة الشركه هذا مثال واحد بس)
يعني لا الواحد يقدر يسلم من الاذيه في المنتدى ولا خارج المنتدى!
وحتى لو نفرض ان أحد غلط عليك في المنتدى...ويمكن ما أخذت حقك...ليش تروح تكبر السالفه في التويتر...ما عاجبك بلوك لهالشخص او اترك المنتدى!

لو الواحد يفكر فيها عدل...هو قاعد يغلط على اخوه المسلم (او البني ادم) لأسباب تافهه ويأذيه نفسيا ويشوه صورته...واكثر شي لاحظت هالامور تصير بين الجيمرز....مب المفروض الالعاب للتسليه والوناسه؟ ايش اللي خلى مجتمع اللاعبين جذي؟ نقاشات حاده وتحيز وتعصب وكره واحزاب وكلام فاضي! حتى اطفال الروضه ما يتذابحون عالالعاب بهالطريقه!!! انت جذي تكسب اثم من ايذائك لهالشخص + اثم من ورا كل واحد يقرا كلامك عنه في التويتر + زيادة اثام من الاشخاص اللي يتأثرون بكلامك ويسوون نفس ما تسوي! تبيع دنياك واخرتك عشان امور ما تستاهل؟ والله حرام

اعرف اسماء ناس تتعرض للأذيّه عالتويتر واعرف أسباب ايذاء الناس لهم...ولما أسأل ليش يكرهون هالناس والله العظيم أسباب عاديه جدا جدا أساسا ما تستاهل ذرة زعل...الا جيمز الا انيمي او الا ردود منتدى الله يهديهم مب شي يستاهل الواحد ياخذه بجديّه >_>
وتعال عاللي يفاشر "انا هاردكور وانا افهم اكثر وانا انا انا.." ويتهجم عالأولي والتالي...سلامتك اخوي ترى هاردكوريتك ما تبني طابوقه في المجتمع....صحيح حلو الواحد تكون عنده هوايه يبدع فيها ويشغل نفسه احيانا....لكن ما توصل لدرجة التكبر واثارة المشاكل!

سامحوني عالكلام وانا ما أقصد ناس معينين وكل واحد عارف نفسه اكيد...هدفي من الموضوع ان نكون شوي واعيين اكثر ونتصرف بعقلانيه مع الامور ونفكر قبل ما نكتب كل كلمه في النت

الله يهدينا جميعا ويصلحنا...العالم قايمه بلاوي مآسي وكوارث حولينا في كل مكان ناس تموت وناس تتذابح كل يوم وهني تقوم القيامه على شوية ردود عاديه -_-"

وللي حاب يتعمق اكثر...ايات واحاديث تحريم ايذاء المؤمنين باللسان واكثر لا تعد ولا تحصى فما عرفت ايش اختار منهم

http://library.islamweb.net/newlibrary/TreeCategory.php?ID=23122

 

[Storm is here]

شخصنة النقاش مشكلة شائعة في كل مكان , الواحد من حقه يقول عن رأيك انه هراء بس ماله حق يستهزا بذاتك

 

[hussien-11]

و عليكم السلام و رحمة الله و بركاته

في مواقع التواصل الاجتماعي لا يوجد حسيب و لا رقيب على الإنسان إلا نفسه، لذلك كل واحد ينكشف مستوى أخلاقه الحقيقي و معدنه.

 

[abdullah-kh]

امم، ما أتابع هذه المواقع (كثير) لكن لفة بسيطة على أي هشتاق (نقاشي) بين أي فصيلين مختلفين في أي قضية سياسية، اجتماعية، دينية. اووووووووه راح تشوفي الهوايل.

بالعربي قص رأي من أي مكان بهدف التشفي منه، صاير عرف أصيل في مجتمعات التواصل. مجتمعات اللاعبين الخ (الترفهية) طالعة رحمة وخدش قطط بالمقارنة مع القضايا (الصعبة) المُختلف عليها في الحياة.

 

[DINO CRISIS]

وعليكم السلام

حتى الأطفال يخجلون من تصرفاتهم أما هؤلاء فالخجل غير موجود عندهم

هي موضة صار لها فترة ولاحظتها مؤخرا خصوصا Twitter واضحة جدا ً

إلي ماعنده أخلاق وتربية صالحة ماذا تنتظر أو ننتظر منه البعض صار عندهم اسلوب حياتهم

النقد وانا الفاهم العالم والباقي مجرد .... إلخ .

حتى هنا في المنتدى في الجيمنج لما تيجي تقول رأيك بصراحة ، يجي بعض الأعضاء

ردود دراما - تفكيركم عاطفي وعبارات من سنة ال 2006 كنوع من السخرية والإنتقاص من العضو

الآخر وتعصب من حقي أقول رأي ولا يحق لأي شخص آخر ينتقص أو يسخر بشكل أو بآخر من رأي

إحنا في ال 2015 وفي منتدى True Gaming يعني المفروض ما نشاهد مثل هذه الردود التي

لا تفيدنا بشيء سوى زيادة الكراهية والإحتقان فيما بيننا لأنه المنتدى

لم يتم فتحه للسخرية من الآخر فتح للنقاش بإحترام وتقبل للآخر .

 

[Kafka]

"العالم قايمه بلاوي مآسي وكوارث حولينا في كل مكان ناس تموت وناس تتذابح كل يوم وهني تقوم القيامه على شوية ردود عاديه"

تقريبا معظم المشاكل و الكوارث الي بتحصل في العالم سببها التعصب برده ..

و واضح ان الشخص الي بيتصرف بالطريقه ده عنده فراغ كثير

فامتي عنتعلم احترام اراء الاخرين و ان محدش عنده الحقيقه الكامله او الصواب المطلق ؟

 

[squall leonhart]

المصيبه الاكبر لما تلاقي واحد يسبك بتويتر و انت اصلا ما تدخل تويتر الا بالسنه مره ههههه( صارت لي)

 

[Nostalgic]

حركة جبانة بنظري.

التعصب بشكل عام تصرف طفولي نابع من نقص في شخصية وتفكير الشخص. الله يهدي الجميع.

 

[Veeto]

شكلك ما تتابعي الا الجيمز والجيمرز بتويتر ... شوفي بلاوي كرة القدم بتقولي يهون اللي يعمله الجيمرز قدامهم خذي لك لفة على جماهير الريال وبرشلونة بتشوفي عجب العجاب

اللي انا مستغرب منه .. نص اللي هجروا المنتدى هنا .. كلهم بتويتر يناقشوا نفس الاشخاص بنفس المواضيع .. واغلبيتهم خرجوا بدون ضغوطات رقابية يعني مو شايف وين الفرق بين تويتر والمنتدى هني

 

[Old Hunter]

انا بالنسبة لي ، متجنب حياة التواصل الاجتماعي بشدة ( ما تجذبني ) ، لاني احسه عالم سلبياته اكثر من ايجابياته .

 

[Mikau]

جو التويتر كذا كل م صغرت عقليتك فيه كل م زادو متابعينك

 

[fatal framer]

المحترم محترم من نفسه حتى لو اخطأ في حق واحد
يعتذر منه واذا احد نصحه بشي لمصلحته يتقبل ومايكابر
بس ماتوقع توصل السالفة لسب علني في مواضيع المنتديات
صحيح في استفزاز وعدم تقبل راي الغير وفرض الراي
بس عمري ماشفت السالفة وصلت للسب
اصلا مو معقولة توصل للسب الادارة لو شافت احد وصلها لهالمستوى
اكيد بيعاقبونه باند مؤقت او بلوك على عضويته

 

[Sir Guts]

و عليكم اسلام

مشكلة الناس انها ماتحترم آراء الغير. لهم الحق انهم ما يتفقوا لكن مالهم حق انهم يتمصخرون
و اذا واحد يبي يعلق ولا يستهزىء برأي احد، المفروض يمنشنه مو يصور التويتة و يعلق عليها
حركة اطفال و تصير بكثرة عند مغردين عالم الرياضة خصوصا كرة القدم. يصير سب و هواش و هم مادروا عنهم

 

[W.W.W]

اووووووووووه عدوا وغلطوا , شبعت وانا اشوف غيبه و استهزاء من ردودي في التويتر , وللاسف من اعضاء اعرفهم , لكن عموما الله يسامحهم

 

[Arashi]

شكلك ما تتابعي الا الجيمز والجيمرز بتويتر ... شوفي بلاوي كرة القدم بتقولي يهون اللي يعمله الجيمرز قدامهم خذي لك لفة على جماهير الريال وبرشلونة بتشوفي عجب العجاب

اللي انا مستغرب منه .. نص اللي هجروا المنتدى هنا .. كلهم بتويتر يناقشوا نفس الاشخاص بنفس المواضيع .. واغلبيتهم خرجوا بدون ضغوطات رقابية يعني مو شايف وين الفرق بين تويتر والمنتدى هني

اتابع كل النوعيات لكن ركزت عالجيمرز كمثال فقط عشان اوضح الامور الجايه من نقاشات المنتدى ^^
وفعلا بلاوي القدم مب شوي وحتى اللي يتكلمون عن الساسيه والمذاهب ...الخ

بالنسبه للي هجروا المنتدى ترى في منهم اللي لايزالون يتابعونه بصمت لكن تعليقاتهم واستهزاءهم بالمشاركات تحصلها في التويتر الله يهديهم ):


هني انا ما أقصد الجيمرز فقط وكأنهم هم الوحيدين اللي يسوون هالشي...لكن بما ان هالمنتدى أكثره جيمرز واكثر مشاكله في قسم الالعاب لدرجة خروجها للتويتر قلت أستعمل هالفئه كمثال (وبما اني ايضا ألعب جيمز لا صوب الكوره ولا السياسه فأسهل علي أتكلم في هالموضوع ^^)

 

[Unknown]

كل هذا يهون خخخ .. انا صارت لي ان واحد اخذ صورتي الشخصيه وحطها صوره له بالتويتر وكل كلامه سب بالدين

 

[Arashi]

كل هذا يهون خخخ .. انا صارت لي ان واحد اخذ صورتي الشخصيه وحطها صوره له بالتويتر وكل كلامه سب بالدين

اففففففففففففففففف الله يكون في عونك...انتحال شخصيه وكذب وافتراء عليك...أخيس عمل يحصل في النت @_@"

 

[White Wolf.]

مرحبا بك بمواقع التواصل الاجتماعي , حيث يظهر الشخص معدنه الحقيقي واخلاقه الحقيقيه .. مثل ماقال اخونا حسين
شووفي باليوتيوب النقاش الديني والنقاش الكروي والنقاش الحياتي والسب والشتم .. في مقطع مايبت باي صله لاي شي من هالاشاء
شكليات غريبه عجيبه ناس تعصب من الواقع وتحط حيلها بالانترنت ومواقع التواصل الاجتماعي وناس وناس وناس بتشوفين اشكال ياما وياما .. انها الحياة .

 

[X I I I]

انا بالنسبة لي ، متجنب حياة التواصل الاجتماعي بشدة ( ما تجذبني ) ، لاني احسه عالم سلبياته اكثر من ايجابياته .

عقبالي ، مضيع وقتي فيه ..

 

[Saudi Fighter]

الي يفرق بين تويتر والمنتدى ان فيه هنا مراقبين
يسون فلترة للهمج عشان كيذا الوضع احسن من تويتر لكن بشكل عام دايم الناس تدعي احترام وجهات النظر لكن لما يجيه راي مايعجبه على طول يستفز منك والامثلة كثيرة من هنا يمكن قليل الي فعلا يتقبل جميع وجهات النظر بشكل سليم

 

[ryo hazuki]

اعتقد التعصب وصل حدوده في مباره الجزائر و مصر , صار قتل و دم في الملعب فما بالكم بوسائل التواصل
للأسف هذي مشكلة ازليه و ما اعتقد لها حل الا تجنب الاختلاط مع المتعصبين و نخليهم فخار يكسر بعضة , هيه نفس دورة الحياة في ناس بعد فتره تترك التعصب نهائيا عشان ناس جديدة تمتهن التعصب و على هذا المنوال , غير انه بما انك خلف شاشه سواء محمول او كمبيوتر فنسبة انك تقول كلام وقح او كلام مستحيل تقوله وجه لوجه اكبر

الحل اذا ودك بحل : في حال تجادلت مع متعصب
1. انته كلامك 100% صح و يعطيك العافية
2. التجاهل

 

[Arashi]

في ناس اتعس من المتعصبين...من فترة قصيره مريت بموقف في الانستغرام...كنت أتناقش مع وحده في الكومينتات في موضوع..السالفه ان شخص اعترف بكذبه كبيره...والناس انقسمت قسمين: ناس متعاطفه معاه وناس ضده...طبعا أسلوب الطرفين يعتبر غلط لأنك ما تقدر تشجع الكذاب فيتمادى ولا توقف ضده بقوه وتخليه يندم عالاعترف...عن نفسي كنت محايده لأن الموضوع ما يهمني....لكن وحده قالت انه بيتحاسب قانونيا عالكذبه...فهني تكلمت معاها بحياديه وهدوء وفهمتها ان اللي سواه يعتبر قانونيا صح لكن الكذب طبعا شي ثاني - هي تضررت وايد بسبب الكذبه عشان جذي مسكينه مقهوره - وتكلمت معاي باحترام وناقشنا عادي وتقبلت كلامي...جاو ثنتين فجأه نغزات وتهجم علي وعالبنت وعلي بشكل اقوى ومطلعيني اتهجم عالكذاب واناقض نفسي ومادري ايش....أي انواع التخلف هاذي؟ ولما ادافع وافهمهم اني محايده يقطون كلام واتهامات غريبه المشكله انها عيوب فيهم هم!!!

فالفكره هني مب بس تعصب...في ناس اغبياء ما تفهم الكلام مع انه مكتوب واضح ويقدر الواحد يرجع يقراه مرتين ثلاث لين يستوعبه...حتى السمايلات ما تقصر في توضيح مشاعر الكاتب
بعضهم يتفلسفون يحبون يسوون روحهم فاهمين او انهم طيبين ومتعاطفين مع اللي يجوفونه مظلوم...فبدل ما يمسكون اللي يتهجم على مظلومهم يروحون يستعرضون عضلاتهم عاللي يكتب كلام المفروض انه يفيد مظلومهم...لأي درجة من التلخف وصلت عقول البعض انهم ما يستوعبون كلام مكتوب بوضوح!

 

[fatal framer]

اختي اراشي هالناس مامنهم فايدة ولاتحاولين تبررين الموقف
انا اكتشفت انه في ناس حتى لو تبررين لهم وجهة نظرج مايقتنعون فيها
وبعدين افترضي انه شرحتي وجهة نظرج مو معقولة في كل موضوع
تحاولين معاهم لانهم مو فاهمينج ولا يعرفونج
الشخص مسؤول عن الكلام اللي يقوله بس مو مسؤول عن اللي تفهمه العقول
اذا لقيتي هالنوعية تجاهليهم لاتعطينهم اهتمام لانج لما تردين
بيستانس ويمكن يتمادى

 

[Super Shadow]

السبب ببساطة لأنهم بيقدرون ياخذون راحتهم بالتويتر نظرا أن مافي مراقبين و بيقدر يقول الي يبيه بدون ما حد يمسح رده و محد ممكن يسوي له شي ، و البعض يقدر يستغله بأنه يحط صور مخله أو تعليقات بدون ما حد يزعجه
المصيبة أنه كان في أكاونت في تويتر اسمه TG worst posts و تخصصه هو اظهار ردود أو الوجهات النظر الغير المنطقية من المنتدى في تويتر بهدف اضحاك العالم ، و مدري اذا للحين موجود ولا تكنسل
أنا ما يضحكني غير البعض الي يقول في المنتدى شي و في تويتر يقول كلام يناقض الكلام الي يقوله بالمنتدى و فوق هذا يستهزأ

اللي انا مستغرب منه .. نص اللي هجروا المنتدى هنا .. كلهم بتويتر يناقشوا نفس الاشخاص بنفس المواضيع .. واغلبيتهم خرجوا بدون ضغوطات رقابية يعني مو شايف وين الفرق بين تويتر والمنتدى هني

من جد أشوفهم في تويتر بنشاط مش طبيعي

 

[KAIN]

يبغالكم وليد الفراج يعملكم فقره عن التعصب

 

[Arashi]

اختي اراشي هالناس مامنهم فايدة ولاتحاولين تبررين الموقف
انا اكتشفت انه في ناس حتى لو تبررين لهم وجهة نظرج مايقتنعون فيها
وبعدين افترضي انه شرحتي وجهة نظرج مو معقولة في كل موضوع
تحاولين معاهم لانهم مو فاهمينج ولا يعرفونج
الشخص مسؤول عن الكلام اللي يقوله بس مو مسؤول عن اللي تفهمه العقول
اذا لقيتي هالنوعية تجاهليهم لاتعطينهم اهتمام لانج لما تردين
بيستانس ويمكن يتمادى

ما كنت أرد على هالشخص لأني مهتمه برأيه....بس المشكله انه كان يحرف كلامي ويحاول يشوه صورتي جدام الناس وانا مالي ذنب
كنت أدافع عن نفسي لا أكثر ولا يهمني رايه....لكن معاك حق...هالاشكال الواحد ما يضيع وقت معاها ولو في ناس صدقت كلامه فهم بنفس مستواه ما يسوون تضييع وقت -_-"

المصيبة أنه كان في أكاونت في تويتر اسمه TG worst posts و تخصصه هو اظهار ردود أو الوجهات النظر الغير المنطقية من المنتدى في تويتر بهدف اضحاك العالم ، و مدري اذا للحين موجود ولا تكنسل
أنا ما يضحكني غير البعض الي يقول في المنتدى شي و في تويتر يقول كلام يناقض الكلام الي يقوله بالمنتدى و فوق هذا يستهزأ

مادري أضحك ولا أموت ضحك؟ X"D
ما جفت هالاكاونت لكن اكيد صاحبه انسان فاضي ماعنده شي مفيد يسويه في الحياه غير مراقبة الناس والاستهزاء فيهم....زوجوه وصدقوني بترتاحون من أذاه XD

واللي يناقضون كلامهم يوووووووووووووووووه يا كثرهم...اتوقع يمشون مع الموج...هني يقول اللي يعجب اعضاء المنتدى وهناك يقول اللي يعجب متابعيه P:

استغفر الله العظيم مابي أعيب وايد عشان الله لا يبليني @_@"

يبغالكم وليد الفراج يعملكم فقره عن التعصب

اوبس!!!