للمراقبين ....اقتراح

[THE LIZARD]

السلام عليكم.....
يا اخواني انا ملاحظ ان اقسام المنتدى قليله...... قليله مره بعد..
فهل فيه تخطيط منكم تفتحون اقسام اكثر؟؟؟
مثلا: قسم مصارعه-قسم ار بي جي... وغيره
او مثلا قسم playstation- xbox وغيره
عشان يكون هناك تنسيق وترتيب في المواضيع


ياليت تبحثون في هالمسأله واكون شاكر ومقدر...

 

[SNYMA]

أعتقد إنه صعب
لأنه عدد الأعضاء قليل
فما أعتقد فكرة إنشاء منتديات أخرى فكرة صائبة
هذا رأيي لكن أكيد المراقبين لهم رأي ثاني في المسألة ^^

 

[Tomb raider]

السلام عليكم ورحمة الله وبركاته ^^

انا صراحه اشوف كذا احسن لان اذا كل واحد وقسمه بيكون في عزله بين الاعضاء
كذا احسن تحس اننا في فريج p: اصدقاء بس
لووول

 

[Nintendo]

مثل ماقال الاخ SNYMA عدد الاعضاء مش محتاج اقسام كثيره

واعتقد بذا الشكل الجميع مرتاح ومافي داعي نقعد ندور على القسم اللي نحط فيه الموضوع

 

[Hwoarang]

زيل عمل اقتراح بتقسيم المنتدى بالسابق ... PS2 XBOX

كل الأعضاء قالوا لأ :bigSmile:

 

[Humam]

ترو جيمنج من أول يوم و ضعت فكرته والجميع كان متفق إنه منتدى الجيمنج يكون منتدى شامل لجميع أنواع الألعاب والأجهزة و أعتقد الأعضاء أجمعوا على هذا الشي فصعب يتم المشي عكس رغبتهم

أعتقد فتح منتديات أخرى تحكمه عدة عوامل من وجهة نظري, مثل كثرة المواضيع و عدد الأعضاء المهتمين وكثرتهم, على سبيل المثال منتدى الأنيمي ماكان متوفر إلا بعد مطالبة كبيرة من عدد جيد من الأعضاء..

مواضيع مثل المصارعة وكرة القدم " الرياضة بشكل عام " يتكفل بها المنتدى العام ..

أما إذا كان قصدك فيديو جيمز فالوضع الحالي أفضل, و أعتقد الكل ملاحظ العشوائية والتضارب الي بتعاني منه المنتديات الأخرى بسبب كثرة الأقسام بدون فائدة ..

و شكرا على الاقتراح

 

[THE LIZARD]

بس يا اخوان كذا ما راح يكون فيه ترتيب
انا مثلا صار لي ثلاث مواضيع اسويها ويجيني مشرف يقوللي مكرر
وانا وش يدريني انه مكرر
يعني بقعد كل مره ابي اسوي موضوع اشوف كللللللل المواضيع السابقه عشان اشوف هو مكرر ولا لا؟؟؟
لو قسمتوه بيصير سهل على الواحد يشوف المواضيع كلها..

 

[Nintendo]

اخ THE LIZARD

لازم تراعي انه بمنتدانا الاخبار تحصلها بسرعة البرق ماشاء الله . يعني يوم تختار اخبار او مواضيع حاول تضمن انها جديده ومش موجوده ( بأول صفحة ) بالمنتدى عشان تضمن انه الموضوع مش مكرر ..

اما اذا خبر له نص يوم مايحتاج تحطه لانه اكيد موجود

 

[THE LIZARD]

طيب انا بقولك شي....
موضوع تومب رايد الجديد
انا قريت الموضوع كله.... ونزلت صور عليه
جاني واحد قال الصور موجوده من زمان على الموقع
طيب ليه ما نزلتوها في الموضوع؟؟
وليش ما كتبتو على الموضوع مكرر ما دام الصور موجوده؟

 

[rubso]

اسمح لي يا ليزارد ، انا معارض لفكرة الاقسام "لأني تركت كثير منتديات بسبب هذي الحركات"
منتدى العاب واحد يجمع الكل ..

 

[Humam]

في خيار اسمه البحث متوفر للجميع بإمكان الواحد يبحث قبل ما ينزل أي موضوع ..

 

[Final Fantasy]

برأيي أن كثرة الأقسام راح تخرب المنتدى و تشوهه ... المنتدى على وضعه الحالي جدا ممتاز و ما يحتاج لأي تغيير و تعديل .

 

[Double T]

والله المنتدى الان مافي احلى منه كل شي ملموم في محل واحد <<< نفس الكلام انعاد

المشكلة لو تقسم حيضيع الحماس ...لأنه الأعضاء قليل و كذا حيصير المنتدى بارد

تحياتي

 

[m7tram]

خلونا جذي متجمعين مع بعض أحسن من التفرقه و كل وحد بقسم P:
وكلنا على قلب واحد <<< حرب P:

 

[THE LIZARD]

والله عاد بكيفكم انا فقط اقترحت...
بس في شي ابي اقوله وبدون زعل اوكي؟؟....
انتم احيانا تناقضون نفسكم بنفسكم...
مثلا قرار منع الكتابه بالانجليزي ....
الموقع اسمه انجليزي والتصميم انجليزي والمنتدى خياراته بالانجليزي بعدين تقولون ممنوع الكتابه بالانجليزي؟؟!!
يعني....ما تشوفون انها غريبه؟
على العموم القرار الاخير لكم وانا مجرد عضو
واسف اذا كنت بالغت في كلامي

 

[szero]

داري اني تأخرت بس حبيت أقول ان تقسيم المنتديات هنا من أكثر الأشياء الي جذبتني لترو جيمنج ... لأن اذا كان المنتدى مفرق راح تتشتت الأفكار والأصوات

بس رأيي حبيت اقوله
​

 

[Khalid-S]

يا اخ ليزارد انت ما فهمت ايش قصد المشرفين من منع الكتابة بالانجليزي بالمنتدى
في ناس كيبوردهم يكتب عربي لكن من نوع الفلسفه والفشخره يكتب 4 سطور رد انجليزي وهو يقدر يكتب عربي ,,
اما تكتب كلمه او اسم او سطر مو مشكله .

 

[Uzumaki Naruto]

لا تتعب روحك وتكتب مواضيع وخلاص XD ..

 

[THE LIZARD]

لا انتو ما قلتوا ان اللي عنده عربي لا يكتب انجليزي انتوا قلتوا ممنـــــــــوع الكتابه بالانجليزي واللي ما عنده كيبورد عربي يكتب في الضروره القصوى.....
وبعدين ليش ما خليتوا الموقع بالعربي ما دامكم مشددين بهالدرجه؟؟؟

 

[Nintendo]

اخ THE LIZARD مادري بس انت يعني ودك تعابط وخلاص !!

القوانين واضحه ومافي اي شخص اشتكى عليها . انتهى الموضوع .

 

[THE LIZARD]

ليه عشاني حجرتلكم؟

 

[Mukuro]

شباب قفلوا الموضوع وريحونا من وجع الراس.

 

[SNYMA]

وين المراقبين عن هذا الموضوع , قفلوه لأنه ماله فايدة

 

[Khalid-S]

لول ,, ما يحتاج يتقفل خلوا الاعضاء يضحكون شوي .

 

[Nintendo]

من جد تسوي خير فبعض الناس وهاذي النهاية !!

اخ THE LIZARD انت موقوف

 

[Mr.3B]

اخ THE LIZARD انت موقوف

لووووووووووووووول ضحكتك تخس انه الحين On Fire

 

[the lizard 2]

لووووووووووووووول ضحكتك تخس انه الحين On Fire

ليش اكون ON FIRE لا انا ما (اخس)
بالعكس الحين انتم اثبتولي انكم ما تقدرون تردون علي انتم ووجيهكم

مسوين حنا الاقويا
انا الحمد لله مالي شغل الحيين الا المنتدى بأقعد على رؤسكم ونشوف

 

[Khalid-S]

ذا ليزرد 2 لوول , متى نزل الجزء الثاني ؟
كلامك هذا يدل على عدم تربيتك ,, الله يهديك بس.

 

[Tomb raider]

السلام عليكم ورحمة الله وبركاته ^^

فعلا الله يهيديك
انته قدمت الاقتاح والكل عاجبنه الوضع الحالي ^-^
بس الله يهديك اتمنى ان تكون الفاظك احسن من جذي

 

[Mukuro]

ناس مسكينة توها تتعلم تجمع سبة بالانجليزي. Get a life LIZARD.