EPIC FAHAD
True Gamer
ولما تشوف الأخبار المفردة للمحللين واللاعبين وكثير من التافهين في هذا المجال، تظن أن حياة الناس وسعادتهم ومشاكلهم كلها تتمحور حول كرة القدم هنا. تشوف خبر يقول ان اللاعب فلان يقول: حسبي الله على من بخس الهلال حقه أو شي زي كذا!. وتوصل الأمور للقذف والاستفزاز السخيف بينهم وبين بعض وتعرض الأخبار هذي وتبرز في كل مكان. المشكلة نادراً ما تلقى العاقل بين المتعاطين بالإعلام مع الرياضة، سواء اعلاميين أو لاعبين أو رؤساء أندية، كلهم يحسسونك بالأسف على مستوى اللي لهم صوت يوصل الناس.
وينقهر الواحد لما يشوف الأموال اللي تصرف، واللي ما لها عائد بأي شكل، على الرياضة وأهلها، بينما أشياء مهمة وناس يعلم الله بحالهم يعانون. عضو شرف يقول قبل أمس في موقع انه راح يكفل 500 يتيم لو فاز النصر!! يعني كيف؟ ندعي ان النصر يفوز عشان تكفل أيتام؟ ولو انهزم النصر ما راح تكفلهم وتسوي خير؟ وين المهم الأيتام أو فوز النصر؟ طيب لو قلت لك تضحي بـ500 يتيم ويفوز النصر؟ بتفكر بالموضوع؟. مثل هذي الأشكال المفروض تستهجنها الناس، ومثل هذي المواقف المفروض تثير التعجب والاشمئزاز، لكن هذا الوضع العادي والمقبول. والشكوى لله.
اول شي لازم نفرق بين ((الوسط الرياضي )) و ((المجتمع الرياضي))
خل الوسط الرياضي على جنب لانه عندنا بالتحديد متدهور لابعد درجه
اما المجتمع الرياضي فهو مهم جدا . الرياضه هي المتنفس الوحيد لمجتمعنا . هي من اهم الاشياء الي تربط الاجيال مع بعضها بالنسبه لي انا الشي الوحيد الي اذا قعت مع الوالد الي اقدر افتح موضوع معه ونسولف فيه هي الكوره . انا اشوف من الاشياء الي صراحه دهورت الرياضه عندنا هي الي مثل تفكيرك مع احترامي الي يشوفون ان كورة القدم او اي رياضه و اي مصروفات فيها في هدر للمال . فلو نروح لقطر كأقرب مثال . اتحدى لو كان احد يعرفها لوماهو اهتمامها في كورة القدم .
الموضوع يحتاج شرح كثير بس اتمنا اني مااسمع احد ينتقد من باب قصر نظر للموضوع