the_oni
Hardcore Gamer
في لعبه أخرى لعبه خرافية بمعنى الكلمة كنا بوقتها إدمان غير طبيعي انا واقاربي واخواني وممكن محد يعرفها
نزلت على ps1
اسمها
Brigandine
اللعبه استراتيجية بخصائص ار بي جي
اللعبه فيها خريطة وتسع مملكات
وكل مملكه فيها ابطال ووحوش مميزه لكل مملكه
وكل بطل له ضرباته الخاص وطبعا ملك كل مملكة هو الأقوى ولديه حركات ويزود الليفل مع الوقت لكل وحش وبطل تشوفون شعور الهيبة إذا تم قتل وحوشك وابطالك ويبقى الملك حقك محاصر وطبعا الملك قوي وقدامه عدة أبطال من الممكن تقتلهم بملكك لكن يبيله تخطيط وحذر وانتهاز الفرص
وإذا لعبت بعد فترة تشوف أبطال ينضمون لك
وتقدر تستولي على وحوش وإبطال الممالك الأخرى
إذا زاد ليفل الوحوش تقدر تطوره لعدة أشكال وتحس كأنه ديجمون أو بوكيمون ويتغير شكله أو لونه بس صعب التطوير
هذي اللعبه أفضل لعبة استراتيجية بالتاريخ
قبل ثلاث سنين بحثت عن مصمم اللعبه ولقيت حسابه بتويتر وكلمته انه ينزل ريماستر على ستيم وأنه فرصه له لأن نوعية اللعبه وطريقة الجيم بلاي جميل جدا وله معجبين قال انا اعمل على ريماستر اتش دي ونهاية 2015 تنزل وبعد سنه مريت على حسابه مالقيته بتويتر الرجل اختفى عن الوجود مالقيته بأي مكان
على العموم انا دورت لعبه بمثل نوعها مالقيت مستحيل تلقى لعبه نفسها لا من ناحية الجيم بلاي وفكرة الابطال والوحوش وكيف كل مملكة له ميزات مختلفة تماما عن الأخرى
الا اذا في لعبة تعرفونها نفس نوعها؟!
اخيرا لقيت حد يحب بريجندين. لعبة خارقة جدا