الموضوع الرسمي لـ Fifa 12 | وداعاً آندي غراي وأهلاً بعصام الشوالي.

[Raulioo]

غريب مافي اي طاري لحفل اطلاق للعبه (((بلاك اوبس كان لها حفل اطلاق :sarcastic)

مبارياتنا كانت رهيبة ياخي...لازم نعيدها مع فيفا12 ، وعلمني بعض المهارات الغريبة اللي تطبقها قدامي

 

[hussien-11]

بكل أمانة أنا أشوف انه صادق أفضل لاعب لعبت ضده في فيفا بأكملها حتى على الشبكة ما لعبت مع شخص يستغل ربع الفرصة و يلعب بنفس الأسلوب الذكي "جدا"
فيفا12 رح أتدرب كويس و أرجع لها من جديد .. قادم لتحدي الجميع !XD

 

[Raulioo]

لا تفهمني غلط.... ممكن انا اسأت التعبير شوي .......... لكن القصد اني لعبت ضد ناس [حريفة] اكثر منك في اللعبه فقط لا غير !
بدون ذكر اسماء (( علشان ما ارفع في راسهم زياده عن اللزوم )), في بعض الاعضاء مستواهم خرافي جداً, و ما يعطوك فرصة ابداً بالتنفس في المباراه, ولازم تلعب ضدهم دفاعياً طوال ال90 دقيقه, الا بس في الركنيات و الهجمات المرتده لازم تهجم ضدهم, وهذه الفرصه الوحيده اللي تقدر تسجل فيها هدف !!
أما انت, فأذكر اني لعبي معاك كان بدون اي خطه و تكتيك واضح, و كنت انت دائماً تقطع الكوره مني, و مناوله مناولتين أو ثلاثه ,,, وهوووووبا جوول في مرماي............. ما اقلل من مستواك, انت لاعب جيد, لكن أرجع و اقول في لاعبين لعبت ضدهم خلوا فمي فااااااغر طول الجيم.

الريماتش بنخليه في فيفا 12 ان شاء الله .

لازم تحط في بالك اني اخترت فالنسيا..فريق سيء بشكل لا يوصف بس اختياري له لأسباب عاطفية ، يعني حتى ليون اقوى منه بالشريط هذا..وطوال مسيرتي بالاون لاين "الرانكد ماتش" اللي يمكن تتجاوز الـ 700 مباراة ما مر علي حد اختار ضدي فالنسيا p=
عموما ما بتكلم زيادة وان شاء الله الرد يكون بالملعب بفيفا12...@@

 

[Raulioo]

بكل أمانة أنا أشوف انه صادق أفضل لاعب لعبت ضده في فيفا بأكملها حتى على الشبكة ما لعبت مع شخص يستغل ربع الفرصة و يلعب بنفس الأسلوب الذكي "جدا"
فيفا12 رح أتدرب كويس و أرجع لها من جديد .. قادم لتحدي الجميع !XD

كنت اتمنى انك تشتري فيفا11 .. كانت خطتي نطور مستوانا مع بعض ، ان شاء الله نعوضها بـ12
بس نصيحة بفيفا12 قبل لا تفكر تباري حد بترووجيمنج او اي مكان ثاني حاول قدر الامكان تركز على مباريات الرانكد ماتش بالاونلاين .. ما في شي ممكن يطورك اكثر منها ، دائما بتحتك بلاعبين بنفس مستواك وبتشوف وتتعلم منهم غرائب وعجائب وانت تصعد سلم الاحتراف..

 

[BlackBird]

الله يبارك أقل من 24 ساعة ووصلنا للصفحة الثالثة
إن شاء الله إلى نزول Fifa 13 نوصل 200 صفحة كأقل تقدير
لازم نحطم موضوع SF الرسمي

 

[Double T]

لي يومين احاول اجيب تحكم مريح هههههههههههههههههههههه

في الاخير رسيت على التالي : ال X للتاكل .. و المربع ل الكونتين للتيم ميت ... و الL2 الكونتين العادي

و مرتاح معاه لانه التحكم القديم تقريبا مع زيادة زر واحد فقط

اللعب صاير صعب و ممتع في نفس الوقت .. للاسف ما لعبت مع شخص اخر غير الكمبيوتر و ودي اشوف تاثير الدفاع الجديد على اللعب مع شخص اخر

 

[hussien-11]

بس نصيحة بفيفا12 قبل لا تفكر تباري حد بترووجيمنج او اي مكان ثاني حاول قدر الامكان تركز على مباريات الرانكد ماتش بالاونلاين .. ما في شي ممكن يطورك اكثر منها ، دائما بتحتك بلاعبين بنفس مستواك وبتشوف وتتعلم منهم غرائب وعجائب وانت تصعد سلم الاحتراف..

لوول شي مؤكد ، هذا الي بسويه ان شاء الله .

 

[F.JUBRAN]

متى اللعبة تنزل بس ابغى اقابل الشباب هنا ..مستوى الليجيندري صار معد يتنفس معايا افوز عليه  و  ولو في وقت زيادة اعطيه نتايج تاريخية

ابغى اشوف مستوايا ضد اي لاعب ثاني طفشت من الكمبيوتر ..

 

[F.JUBRAN]

شباب مين قاعد يعاني من الركنيات ؟ اغلب الاهداف تدخل فيا كرات عرضية او من الركنيات

 

[CODE-X]

هممممم

محتوى مخفي: اكبر نتيجة دخلت عليا :

8-6 ! و من أخوي الصغير :xd: المشكلة انا العب معاه 20 مرة في اليوم و اغلبه 4 او 5 و انا دايم العب بنفس الأسلوب الهجومي يتعرف عليه و تنقلب الدعوة غير انه يعيطيك شوتات من عن دائرة الوسط جول :surprised:
هنا ما لعبت غير مع فهد اغلب المرات كنا نتعادل على ما اذكر و مرة كان يفوز و مرة كنت افوز بس كنت العب معاه بالبلاي , ارتاح ليد الاكس احسن :sarcastic:

 

[CODE-X]

شباب مين قاعد يعاني من الركنيات ؟ اغلب الاهداف تدخل فيا كرات عرضية او من الركنيات

هذي حالتي في فيفا 11 :tongue:

 

[kInGsIzE]

على فكرة ..
ممكن هالإصدار يكون اول مره ما العبها عالاكس بوكس .. لاني باخذ نسخه الشوالي للبلاي ستيشن "مشكلة الريجن لوكد في الـ360"
و بضطر اخذ النسخة الأمريكية عشان العب الالتمت تيم "اكاونتي امريكي" ..
فما اعرف متى بلعبها اكس بوكس و اباري حشر و خالد و راشد و عقدتي و الشلة الفلة :"(

 

[Solay]

شباب ابي حل لمشكلة الكمبيوتر باللعبه,مافزت عليهم ولا مرة هذا وانا العب بروفيشنال..

عجزت اقرب من مرماهم أصلا,ماادري وش الحركات المفروض اني اسويها,يعني هم يسوون حركات يسحبون بلعيبتي من المرمى للمرمى-_-

 

[CODE-X]

^
تلعب بكيبورد ؟

 

[Solay]

^
وش كيبورده؟! قصدك الكيبورد ماغيره؟!

لأني العبها على البلاي 3 على فكرة.

 

[CODE-X]

^
لوول فمهت غلط حسبتك تقصد انك قاعد تلعب نسخة الكمبيوتر و ما قدرت تفوز :tongue:

 

[q8-gamer]

على فكرة ..
ممكن هالإصدار يكون اول مره ما العبها عالاكس بوكس .. لاني باخذ نسخه الشوالي للبلاي ستيشن "مشكلة الريجن لوكد في الـ360"
و بضطر اخذ النسخة الأمريكية عشان العب الالتمت تيم "اكاونتي امريكي" ..
فما اعرف متى بلعبها اكس بوكس و اباري حشر و خالد و راشد و عقدتي و الشلة الفلة :"(

نفس الحالة باخذها على البليستيشن 3 بالبداية وبعدها بفترة على ال360

وراك وراك وين ما تروح :evil::

 

[Vorg Zangief]

شباب ابي حل لمشكلة الكمبيوتر باللعبه,مافزت عليهم ولا مرة هذا وانا العب بروفيشنال..

عجزت اقرب من مرماهم أصلا,ماادري وش الحركات المفروض اني اسويها,يعني هم يسوون حركات يسحبون بلعيبتي من المرمى للمرمى-_-

نظام قطع الكورة صعب و مرات يغث @@ . هذي هي المشكلة . انا مثلك تماماً . اول يمكن 20 لعبة بالديمو . بس الحين لا الوضع اختلف صار اللعب سهل و قطع الكورة بديت اتعود عليه و لو انه صعب . بس الحمد لله . انا كنت اتمنى يغيرون نظام قطع الكورة السهل جداً جداً جداً في الاجزاء السابقة و الحمد لله حققوا امنيتي لهذا اقولك طول بالك و حاول ما تتسرع ببناء الهجمة . حاولة تلعب تمريرات اكثر . لا تعطي تمريرة الا و انت واثق انها راح توصل للاعب الي تبيه .

 

[Sea.roOock]

[video=youtube;UJ3znKA9fds]http://www.youtube.com/watch?v=UJ3znKA9fds&feature=related[/video]

تخيلوا معي :inlove:

 

[Mesho360M]

^
:inlove:

 

[Sir Guts]

الفديو حماااااااااااس ماقدر اخيل كيف في فيفا12 ولو اني ماعتقد بيضبطونها صح

 

[Fire Blast]

عن نفسي باخذ نسخة الاكس بوكس كعادة السنين الماضية

وقت بطولاتكم في فيفا 11 كنت في اسبانيا و قليل ما العب ولا كنت مطلع على الموضوع و شايف انه حماس :crying: هذي المره انا ان شاء الله اول المشاركين

ان شاء الله الحماس بيرجع مع فيفا 12 وبمشاركة المزيد من الاعضاء
و على العموم اغلب شباب فيفا 11 اللي كانوا يلعبون على الاكس بوكس عندي فكرة عن طريقة و اسلوب لعبهم و ان شاء الله يكون هذا الشي عامل مساعد في الفوز عليهم :tongue:

 

[emperor-UAE]

كل الشكر لطاقم العمل على الموضوع
أبدعتوا شباب , تسلم أناملكم
ما أقدر أصبر لين تنزل الأسطوره(فيفا12) و نرجع لأيام البطولات و ايام ال 4-4 -_- (فى شخص فاهمني:xd هههههه
اكيد نسختي هي ال360
و ان شاء الله بس تنزل اللعبه , راح تلقوني معسكر فى هل موضوع
فاير بلاستو سكريمنج ريج و كويت جيمر و كينج سايز و باقى الشباب استعدوا عدل :rockon:

 

[Inc0mp3rtus II]

ههههههههههههههههههههههه xD
الامباكت انجن مسوي شغل باللعبه لول

[video=youtube;YAR6I_T-uVc]http://www.youtube.com/watch?v=YAR6I_T-uVc&feature=player_embedded[/video]

إن شاء الله يصلحون المشاكل هذي بالنسخة النهائيه

 

[emperor-UAE]

^
^
^

ههههههههههههه
شو ها فيديو الخرافي :laugh:: ميسي صاير نعامه ببداية الفيديو
و اما لقطة الأرسنال من السنتر عجيبه
و الأعجب يوم الحارس طير ابرا و وصله فوق العارضه:surprised:
ان شاء الله يصلحون هل اخطاء فى النسخه النهائيه

 

[Sonic]

بعت الاكس بوكس الأمريكي و اشتريت واحد أوروبي كله لعيون فيفا عربي

 

[Sir Guts]

ايش سالفة الجلتشات هاذي؟ لا لا لا ماله داعي يجي الإحباط على آخر ايام صدور اللعبة!

 

[Xeon-Q8]

خبـــــر بملييووون

قيم سنتر يقول راح تتوفر عنده جم نسخه يووووم السبت

إذا 20 - 25 دينار .. راح اكون اووول زيوون :rockon:

 

[persona]

هذا اذا ماصلخك ب 45 دينار مثل ماصار مع احد اصدارات بيس

 

[The Blue King 9]

حظكم بالكويت اول ناس تنزل عندهم الالعاب
ان شاء الله يمديني اشتريها قبل سفرتي لبريطانيا, ابي النسخة العربية