الموضوع الرسمي لجهاز Nintendo 3DS

[Nintendo]

الشباب اللي عندهم برو ايفلوشن سوكر, احد منكم قاعد يعاني مع التحكم؟؟؟ دحين لي ساعة تقريباا لعب والى الان مش محصل مسكه بالجهاز جيده للعب؟؟؟ مشكلة غريبة جدا وماني شايف احد يعاني منها غيري؟؟ وش السالفه؟؟؟

 

[MAX9009]

^
كيف الثري دي فيها عمر ؟

 

[zlatanovic]

الشباب اللي عندهم برو ايفلوشن سوكر, احد منكم قاعد يعاني مع التحكم؟؟؟ دحين لي ساعة تقريباا لعب والى الان مش محصل مسكه بالجهاز جيده للعب؟؟؟ مشكلة غريبة جدا وماني شايف احد يعاني منها غيري؟؟ وش السالفه؟؟؟

غيّر الكاميرا الى [ وايد فيرتيكال ] .. الكاميرا الاساسية مستحيل اللعب فيها .. والكاميرات الثانية تجيب صداع .

 

[K Enix]

واخيرااا

ستريت فايتر حلووه بس فيه بعض المشاكل
الجهاز صراحه خيالي وما كان اللي في بالي
كنت متخيله بشكل اقل
لو كانت الكميرا اقوى مع ذالك ما تعيب الجهاز
كنت اتمنى اقدر اشوف افلام 3D عليه بس احس صعبه
جربت البوكيمون وايت عليه وكم لعبة دي اس
وصرااحه ريزليوشن مقبول ومهو مثل ما قريت من بعض المحللين

الى الان احس بصداع وانا مسكر الجهاز من 3 ساعات تقريبا

 

[Nintendo]

اوكي بعد ماحطيت ردي الاخير رجعت وشغلت اللعبة والتحكم صار جيد!!! لول لحد يسألني كيف ولكن مجرد مسكت الجهاز وهوب صرت افوز بنتائج كبيره

حسين اذا كنت تحب ويننج اليفن ايام البلايستيشن2 هاذي نفس اللعبة, المشكلة انا متعود على اخر جزء وحكاية انه انت تحدد قوة التمريرة وكذا فشوي متلخبط باللعب, الثري دي باللعبة بالكاميرا الجديدة ممتاز ولكن للاسف غير قابل للعب, بالكاميرا العادية Wide مجرد يعطيك بعد بالتصوير ولكن بدون فائدة بصراحة, وايضا مدى ال3D باللعبة مش كبير يعني اي تحريكه للجهاز هوب صارت الصوره مغبشه.

اللعبة ممتعه جدا إجمالا واي احد يحب العاب كرةا لقدم راح تعجبه اللعبة.

 

[hussien-11]

كنت أحبها أيام البلايستيشن2 أكثر من الأيام الحالية : (

لو فيها أونلاين كان خليتها الخيار الأول بدون تردد لكن كونامي خيبت الأمل من هالناحية للأسف ، عموما بما اني مش مهتم للألعاب الأخرى ، غالبا بخليها لعبتي مع الجهاز و الله أعلم لحد اوكارينا اوف تايم و ميرسنريز .

 

[Super Shadow]

 

[Nyx]

باتري باك من Nyko
http://www.joystiq.com/2011/03/31/3ds-power-pak-review-a-battery-of-tests/

3D on, brightness maximum, wireless on:
Nyko Power Pak +: 5:33
3DS battery: 2:52

3D off, brightness at minimum, Power-Saving on, wireless off:
Nyko Power Pak +: 9:04*
3DS battery: 4:40

 

[Nintendo]

^^^^

انتظر شئ رسمي من ننتندو, بصراحة اخاف من سالفة بطاريات شركات الطرف الثالث وخصوصا اني سمعت بانفجارات صارت لبعض الجوالات منها.

 

[Reload]

انطباعاتي في الالعاب الي شريتها

Pilotwings Resort

احسن من الي كنت اتوقعه الاجواء والتحكم ممتاز (ما عدا الجت باك)و العبة تنقسم الى قسمين
القسم الاول عبارة عن مهمات و هي اساس العبة, خلصتها في 3 ساعات صح انها قصيرة جدا ولكنها مسلية و القسم الثاني الطيران الحر وهي انك تطير حول الجزيرة و تجمع اغراض و قعدت فيها ساعة و خلصت نصها.

العبة اعطيها 7 من 10 بسبب عمرها القصير و عدم وجود الملتي بلاير

ال3d في العبة مستواه متوسط و بعض الاحيان يخرب معاك


Rayman 3D

اول مرة العبة هذا الجزء و اشوف العبة حلوة بس مشاكل الكامرة و الفريم ريت البسيط المفروض تنحل خصوصا انها بورت من لعبة فديمة

ال3D فيها جيد جدا الي مخربها بعض الاحيان في العروض تخرب , و مشاكل الكاميرا


Tom Clancy's Ghost Recon: Shadow Wars

جربت اول 4 مهمات و اشوفها ممتازة خصوصا اني احب هذي النوعية من الالعاب, العبة مثل
fire emblem و ADVANCE WARS

ال3D فيها ممتاز احس كأنني العبها على الطاولة و اذا شفت حفرة تحس انها حفرة من جد


Nintendogs + Cats

ما جربته كثير (اشتريته لاخوي ) تقريبا يشبه جزء الDS

ال3D ممتاز تحس الشاشة كأنها قفص للكلاب او البسس وخصوص لما يلصقوا وجيههم في الشاشة


ridge racer

لعبتها على السريع تقريبا و عجبتني مثل الاجزاء السابقة

ال 3d جيد ما جربته كثير

Super Street Fighter IV: 3D Edition


احسن لعبة على الجهاز من الجميع النواحي , الجرافيك قوي و التحكم ممتازة والاونلاين ممتاز
ما لحظت داون جريد من الPS3 الا في خلفيات صارت واقفة ما تتحرك


ال3D ممتاز تحسهم كانهم لعب (action figures)قدامك يتضاربوا

 

[Nin Boy]

سؤال على السريع بس ,, افضل لعبة 3DS موجودة للحين؟ ,, ابغى لعبة طويلة \ ممتعة ,, الألعاب الي داخلة مزاجي حالياً : Ridge Racer , The Sims(fan), Ghost Recon , Street Fighter , PES?
و سؤال ثاني ,, PES ايش الـModes الي فيها ؟

 

[Mute City]

شباب مارسنريز 3D متى تنزل ؟ 2 مايو ؟

 

[Nintendo]

و سؤال ثاني ,, PES ايش الـModes الي فيها ؟

كل الاطوار ماعدا الاونلاين (الماستر ليج والتشامبينز ليج والمباريات الوديه والوايبرلس مولتي بلير)

شباب مارسنريز 3D متى تنزل ؟ 2 مايو ؟

اليابان 2 يونيو باقي العالم لسه ما اعلنوا

 

[Nintendo]

اوكي اليوم ركزت كثير على الAR لاني ماستخدمتها كثير من يوم شغلت الجهاز

روعة روعة روعة, بصراحة ماتوقعهتا مسليه بذي الدرجة, لعبت البلياردو وصيد السمك وقعدت اصور الشخصيات شوي, اوكي لازم اعترف انه الكاميرا مش بطاله مره بصراحة واكتشفت انه المشكلة انه الاضائه عندي بالغرفه سيئة لاني جربت بغرفه ثانية والصور طلعت مقبولة جدا.

لكن العاب الAR و الفي ريدر بصراحه عبقرية ننتندو فيها, يعني ذا الشئ اللي يخليك تعرف انك تملك جهاز ننتندو وهي لمستها وذي الاشياء تقدم ذا الشئ بإمتياز.

 

[Nin Boy]

كل الاطوار ماعدا الاونلاين (الماستر ليج والتشامبينز ليج والمباريات الوديه والوايبرلس مولتي بلير)

اهاا ,, حلو ,, الماستر ليج, هو انك تصير مدرب و تجيب لاعبين و كذا؟ (A) ,, من زمان ما لعبت PES ,, العب Fifa من 2009

 

[Nintendo]

اهاا ,, حلو ,, الماستر ليج, هو انك تصير مدرب و تجيب لاعبين و كذا؟ (A) ,, من زمان ما لعبت PES ,, العب Fifa من 2009

يس

 

[Nin Boy]

يس

حماااااس ,, شكل PES بتكون اول لعبة 3DS لي ,, إلا ماتنزل Splinter Cell (إلى الآن احس فيها امكانيات حلوة ,, ننتظر و نشوف)

 

[Nintendo]

إلا ماتنزل Splinter Cell (إلى الآن احس فيها امكانيات حلوة ,, ننتظر و نشوف)

لاتفكر بالموضوع وابعد عنها وشفلك لعبه ثانية غيرها

 

[abu- naif]

شباب الشرقيه .. معقوله للحين ماوصلت سوبر ستريت فايتر ؟ ..

اخذت الجهاز .. فوق 5 ايام ومن خذته وانا انتظر سوبر ستريت فايتر .. صراحه مو متحمس ولا لعبه من العاب لانش ..

شكلي باخذ اليوم برو ايفلوشن فيها اونلاين وكيف الاونلاين فيها ؟ مافيها مشاكل ..

 

[Emirates]

http://im2.**********/2011-04-03/1301845202211.jpg

لاخواني

بيشاركون ويانا برقم الكود

 

[H2O]

مممم غريبة !!

بعض الاعضاء أشوف كرتونهم أسود [ غامق ] والبعض زي إماراتز أسود [ فضي ] مالفرق :/ ?

 

[hussien-11]

شكلي باخذ اليوم برو ايفلوشن فيها اونلاين وكيف الاونلاين فيها ؟ مافيها مشاكل ..

ما فيها أونلاين من الأساس .. خخخخخ

مبروك للجميع ، فعلا ملاحظ فرق اللون في الكرتون و الظاهر بسبب اختلاف الريجن .

 

[BioMario]

أسوي أبديت للجهاز
أحسه طول وايد و البار ما يتحرك -_- !

 

[Zero_IYAD]

مممم غريبة !!

بعض الاعضاء أشوف كرتونهم أسود [ غامق ] والبعض زي إماراتز أسود [ فضي ] مالفرق :/ ?

واحد نسخة الخليج و الآخر النسخة الأمريكية .
اثنينهم يكون الجهاز أمريكي , لكن العلبة لنسخة الخليج تكون أغمق شوي و عليها شعار " مخصص للسعودية و الإمارات و ' دولة أخرى ' " + الشاحن بيكون 220 بدل 110 .

 

[H2O]

كرتون الخليج للفوز ! :rockon:

 

[Nintendo]

أسوي أبديت للجهاز
أحسه طول وايد و البار ما يتحرك -_- !

الابديت ما اخذ معي غير دقيقه وحده والبار ماتحرك مجرد هوب وخلص الابديت

 

[king zell]

اليوم طلعت و اشتريت ثلاث ألعاب

جوست ريكون ما بعد ألعبها خايف من مشكلة الشاشة السوداء

وننج اليفين تقريبا أفضل جزء لعبته من عام 2006.. اللعبة ممتازة في الجيم بلاي و ممتعة جدا.. أشياء كثير جانبية لكن سيئة و متوسطة

ستريت فايتر 4.. جدا تطبيق رائع لل3D.. اللعبة طبعا معروفة و ما يبغالها إنطباعات


هالمجموعة تسليني لين وصول ألعاب أكثر

 

[Nintendo]

عالبركه محمد الالعاب, شباب هاذي صور مقارنة بين الجهاز الامريكي وجهاز الشرق الاوسط, اذا احد عنده اي اسئلة يتفضل:

(الشاحن الكبير لنا)

الكرتون الامريكي للجهاز ارهب بكثير من كرتون الشرق الاوسط, الامريكي تقريبا نفس كرتون اليابان ونحنا نفس كرتون اوربا

 

[Zero_IYAD]

عالبركة عمر

اخس !!
شاحن الـ220 ثلاثي ×__× !!
شغل مشّي حالك =.=

 

[G7Ga7]

شاحن المدرّعة ذا شكله بينرمى في الدرج. أفضّل أستخدم شاحن الـDSi, بما انه المفروض نفس شاحن الـ3DS.