الموضوع الرسمي لجهاز Nintendo 3DS

[SoKo]

بصراحة حبيت شكل الجهاز و الـcircle pad
متحمس العب فيه شي هاردكوري

الوزن مثل الـi و اللايت لكن اثقل شوي
نفس الحجم تقريبًا

مثل ما ذكر عمر في موضوع المشتريات كل شخص بيرتاح لدرجة معينه
من الثري دي، انا اذا حطيته فل يدوخ راسي، تحت المتوسط بشوي يناسبني

السوفتوير الي حصلته

Ninendo 3DS Sound
Wii Maker
StreetPass Mii Plaza
AR Games (لعبة البطاقات): واو ابداع!
Face Raiders : لعبة خفيفة باستخدام الكاميرا و استشعار الحركة
Activity Log
Download play
الباقي مثل ما قال حسين لازم ابديت


الكاميرا تعبانه -_-

ثري دي من تصويري in game

Pilotwings Resort

اللعبة سيكول للجزء القديم على ال64 بجرافكس مشابه جدًا للوي سبورت مع امكانية استخدام الmii، ننتندو تنادي و تقول يا ايها الملايين المتكجولين هناك جزء جديد من وي سبورت ريسورت

باختصار

- اللعبة عبارة عن طيران و تجميع و تحطيم ارقام قياسية مع شوية أفكار عجبتني بعد ما خلصت الـ39 مرحلة في اللعبة

- اللعبة فيها مود مهمات و مود طيران عادي (ما جربته)

- 3 مركبات اساسية و 3 طرق مختلفة للقيادة في الجو مع تحكم سلس متفاوت الصعوبة بين المركبات (طيران ،هبوط)

- البعد الثالث طالع بشكل حلو جدًا و انت تحلق في الجو و باستغلال خاصية الثري دي ممكن تحدد موقعك و تقيس المسافات مظبوط، حسيت المدينة نوعًا ما ميتة لول مافيها حركة لكن الموسيقى جيدة

نقطة أخيرة.. اللعبة ما فيها ملتي بلاير

7/10

 

[zoro]

مش مستعجل على الجهاز. إن شاء الله اشتري الاصدار الثاني من الجهاز.

 

[Lunar Poet]

أحس البعض مب فاهمين فكرة الثري دي. الثري دي ما يكون عبارة عن مؤثرات تطلع برا الشاشة، لكن اللي يصير إنك بتحس إن فيه مسافات بين الأشياء المعروضة على الشاشة، سواءً اللعبة كانت تو دي أو ثري دي. أحس تسمية وضعيات الكاميرا في ستريت فايتر سببت سوء فهم، صحيح إن زوايا الكاميرا في ستريت فايتر أسماءهم تو دي و ثري دي، لكن المقصود هو "كاميرا من جنب" و "كاميرا من ورا". فحتى لو كانت الكاميرا من جنب، بتحس إن ورا شاشة الثري دي إس فيه عالم ثلاثي الأبعاد، الشخصيات ما بتكون لاصقة في الشاشة، بتحس إنها بعيدة عن الشاشة شوي، و الخلفيات اللي وراهم بتكون أبعد.

بايلوت وينجز طالع مظهرها جداً جميل

سؤال: نقدر نصور screenshots في كل الألعاب؟ ولا بس ألعاب معينة؟

 

[Lunar Poet]

ملاحظة للي ناوين ياخذون الـ"3DS Lite": في وحدة من مقابلات إيواتا في Iwata Asks، قال إن الشركة ما عندها نية حالياً على إصدار محسن من الجهاز لأنها حطت كل شي ممكن في الجهاز و صممته بأفضل طريقة ممكنة (بعد ما قريت المقابلة صرت أقدر فلسفة تصميم الجهاز،) فلو كان فيه إصدار ثاني فممكن يطول (و يمكن تكون الفترة أطول من الفترة بين الدي إس الأصلي و اللايت اللي هي سنتين).

 

[hussien-11]

إلا يوسف أحيانا تحس انه في أشياء قاعدة تطلع من الشاشة ببعض المؤثرات ثلاثية الأبعاد

مثلا مثلا .. ألعاب نارية تحس انها قاعدة تطلع من الشاشة .

 

[Punished Noctis]

^
^

شاهدت عدة افلام ثلاثية الأبعاد , تقفز البطلة باتجاه الشاشة فتشعر انه تخرج من الشاشة فعلا , يرمي النينجا الكوناي فتشعر انها ستصدمك فجأة و يخرج الشرار من الشاشة .. لول .

 

[Lunar Poet]

إلا يوسف أحيانا تحس انه في أشياء قاعدة تطلع من الشاشة ببعض المؤثرات ثلاثية الأبعاد

مثلا مثلا .. ألعاب نارية تحس انها قاعدة تطلع من الشاشة .

بس أعتقد هالشي صعب يصير مع الثري دي إس. في السينما الشاشة تكون كبيرة (تحس إنك في وسط الفلم( و النظارات هي اللي تعالج الصورة الثلاثية الأبعاد، بينما في الثري دي إس الشاشة صغيرة و عيونك تشوف الصورة الثلاثية الأبعاد مباشرة، فالشاشة بتكون مثل الحاجز بينك و بين اللي تشوفه وراها.

أحب أشبه شاشة الثري دي إس بالنافذة. لو كان أمامك نافذة صغيرة (شاشة الثري دي إس(، بتقدر تشوف عالم ثلاثي الأبعاد كامل وراها، لكن مستحيل الأشياء اللي ورا النافذة تخترق الحاجز اللي بينك و بينها اللي هو النافذة نفسها (الشاشة(، بينما في السينما، معالجة الصور الثلاثية الأبعاد تتم في النظارة، فبتصير نفس لو إنك ملصق عينيك في النافذة (بدال ما يكون بينك و بينها مسافة مثل ما في الثري دي إس(، فممكن الأشياء اللي في العالم اللي ورا النافذة تقرب من عيونك لدرجة إنك تحس إنها أمامك مباشرة.

 

[Nintendo]

يوسف تقدر تشوف اشياء تطلع من الشاشة وحتى شعار الجهاز لمن تشغله اول مره يوريك ذا الشئ, بس اغلب الالعاب الحالية تستخدم الdipth

جوناس و سوكو يعطيكم العافيه على الانطباعات وياريت تحديثات اكثر بالتفصيل الممل

 

[Nyx]

اللي أعرفه إن تقنية السينما والدي إس نفس بعض , السينما تستخدم النظارات عشان توري كل عين صورة مختلفة نفس الشي الدي إس بس بدون نظارات.

 

[Nintendo]

جوناس وسوكو, هل الجهاز ثوره

 

[Jonas]

جوناس وسوكو, هل الجهاز ثوره

ثورة و نص الحين لعبت بشكل كافي لإجابة السؤال (هل الـ3DS فعلاً يعرض 3D بدون نظارات؟) الاجابه نعممممممممممممممممممممممم

 

[Lunar Poet]

جوناس هل تحس فيه أشياء تطلع برا الشاشة (الشعار مثلاً؟) لأن للحين مب داخلة مخي لول.

 

[Jonas]

جوناس هل تحس فيه أشياء تطلع برا الشاشة (الشعار مثلاً؟) لأن للحين مب داخلة مخي لول.

هممم في Ridge Racer ممكن تصير لمن يرمون عليك الجماهير الاشياء الملونه , و في ستريت فايتر بس على خفيف في التأثير حق الضربه.

 

[zoro]

أنس هل حسيت بصداع او أثر على عينيك و أنت تلعب بالجهاز؟

 

[Jonas]

^
الشي ذا يختلف من شخص لشخص لكن انا ما حسيت بشي الحمدلله

 

[Jonas]

ريدج ريسر بكل امانه توقعتها احسن من كذا بكثييييييير -__- برأيي الي ناوي يشتريها او مسوي لها بري اوردر يكنسلها احسن , اللعبه تجيب الطفش

 

[hussien-11]

ثورة و نص الحين لعبت بشكل كافي لإجابة السؤال (هل الـ3DS فعلاً يعرض 3D بدون نظارات؟) الاجابه نعممممممممممممممممممممممم

جميل

صراحة كلي ثقة بننتندو منذ البداية : ) و أكيد انطباعات تجربة طويلة معمقة تختلف عن انطباع دقيقتين في معارض وسط زحمة و إزعاج .

 

[Emirates]

انا اول ما شغلت الجهاز ( اذا تذكرون الصوره اللي صورتها قبل ) كانت طالعه من الشاشه

فالاجابه نعم ابعاد الصور تطلع من الشاشه

وعلى استخدام المطورين للتقنيه بالضبط مثل الافلام

تلقى افلاام تستخدم العمق في الابعاد الثلاثيه مثل ذا ليجند اوف قارديان

وفيه افلام تستخدم العمق والابعاد الخارجيه مثل اوبن سيزون ورزيدنت ايفل واغلب افلام الشوتايم 3 دي

 

[P0werX7]

ايش الأفضل، النسخة الأمريكية او الأوروبية ؟

 

[Golden Wind]

مؤثرات الـ3D قوته مثل شاشات البرافيا وسامسونج الـ3D ??

 

[SoKo]

جوناس وسوكو, هل الجهاز ثوره

ما لعبت شي يستاهل لكن جوابي ببساطة نعم، الـ3DS ثورة و الـ3D Slider سر الثورة

كنت اشوف افلام ثري دي في السينما و اقرا انطباعات الناس بس عمري ما استوعبت كيف راح يكون على جهاز محمول

الجهاز ككل ما عليه كلام ، واضح تقنيًا انه بيقدملي شي يرضيني في المستقبل

باقي نجرب العاب أكثر و نشوف باقي التطبيقات


في الـAR games استجابة الكاميرا قوية و حساسة

تحط بطاقة على طاولة معينة و تصورها و تشوف الهوايل الي تصير، الطاولة تنشق و يطلع وحش منها :laugh::

تعديل:

مؤثرات الـ3D قوته مثل شاشات البرافيا وسامسونج الـ3D ??

صدقني ماراح يفرق سواء اقوى او اضعف، ما اتوقع بتقدر تحط الـ3d slider عالـmax
و ترتاح 100% و انت تلعب، الثري دي حقيقي و موجود بشكل مثالي

انا البس نظارة و الجهاز حققلي شي كنت اتمناه و هو انه بدون نظارات
دايمًا اذا بشوف ثري دي اظطر البس نظارة على نظارة و تصير عندي مشاكل و انعكاس على انكسار للضوء

 

[Dark Fantasy]

قاعد أحترق داخلياً يوم أشوف الناس شروه و أنا لين الحين على الـDSi

أتمنى لو أقدر أشتريه ، بس الواحد ما يقدر يسوي شيء يوم إنه ما يستلم راتب

بس أتوقع أفضل لو أأخر الشراء عشان أشوف وضع محلاتنا مع الريجون اللي بيجيبونه بما إن الجهاز ريجون لوكد ( للأسف )

 

[Nyx]

مؤثرات الـ3D قوته مثل شاشات البرافيا وسامسونج الـ3D ??

 

[Golden Wind]

^^^
ههههههههه xD
بس حتى لو شي قريب منها بيكون ؟؟؟؟
لاني من قبل كأني سمعت انه مثل مؤثرات السينما من احد هنا

 

[Talal kinenju]

طلبت الجهاز من فتره بس للحين متردد على الألعاب
شباب شنو تنصحوني؟ انا طلبت مع الجهاز لعبة ساموراي واريور شوركم ياجماعة الخير
ستريت فايتر خايف اني اشتريها ومالعبها مثل ماحصل معاي مع البس اس

 

[Purple Wind]

طلبت الجهاز من فتره بس للحين متردد على الألعاب
شباب شنو تنصحوني؟ انا طلبت مع الجهاز لعبة ساموراي واريور شوركم ياجماعة الخير
ستريت فايتر خايف اني اشتريها ومالعبها مثل ماحصل معاي مع البس اس

إذا ما لعبتها من قبل(أو تحببه اللعبة واجد) Street Fighter VI 3D أفضل لعبة حالياً, و حسب الكلم التحكم بها سهل و الاونلاين جيد. Tom Clancey's Ghost Recon بعد لعبة strategy مشابهة لAdvance Wars كثيرة المدح و تعبر ثاني أفضل لعبة حالياً بعد SF4. خيار ثالث ممتاز Ridge Racer لمحبي ألعاب السيارات.

 

[hussien-11]

طيب ما في حد جرب برو ايفوليوشن ؟ شكلها جيدة .

 

[Vorg Zangief]

مؤثرات الـ3D قوته مثل شاشات البرافيا وسامسونج الـ3D ??

ال3d مع نظارة . لما احطه على الماكس يحوشني صداااااااااااااع طوال الفترة الي العب فيها فلازم اقلله علشان ارتاح ،
لهذا ماراح يفرق ان شاء الله

 

[Light]

امس اتصلوا علي جيم ستوب و قالوا لي الـ 3DS حقك بيجي يوم الاحد الساعة 9 الصباح .. و اليوم ارسوا لي رسالة بعد
الساعة 8:30 يوم الاحد انا عند المحل .. شطلي باخذ ستريت فايتر و بوكيمون وايت

 

[awadnin]

Tom Clancey's Ghost Recon وستريت فايتر 3D هي الاختيار الانسب بالنسبة لي مع لنتش 3DS ، على فكرة ألعاب لنتش 3DS كلها تعيسة يعني هاتين اللعبتين أفضل التعساء.