لتتعرف على خصائص التسجيل للـXbox one وخاصية Twitch

[Halo 4 Ever]

لقد اكدت مايكروسوفت بأن جهازها القادم xbox one سوف يتمكن من تسجيل آخر
5 دقائق من اللعب اتوماتيكياً , و قال Ken Lobb الفكرة هي بأن آخر 5 دقائق من لعبك على
الجهاز سوف تكون مخزنة على ذاكرة الجهاز اتوماتيكياً , و تستطيع ان ترجع لها متى ما اردت .
و هناك خاصية اخرى خاصة بالكنكت بحيث انك اذا كنت تلعب اونلاين و جائت لقطة جميلة
و تريد ان تحفظها فقط عليك ان تقول فقط " Xbox, record " وسوف يقوم الجهاز اتوماتيكياً بتسجيل
وبحفظ اللقطة في الهارد درايف و تستطيع العوده لها متى ما اردت لتقوم ببعض
التعديلات على المقطع
يعني تقدر تجمع لك كم لقطة و تسوي منها منتاج بكل سهولة و بالأوامر صوتية بخاصية الكنكت :thumbsup:

http://im34.**********/WNmPC.jpg

المصدر

رأيي الشخصي :

طبعاً لاننسى ان هذي طريقة واحده من عدة طرق لعرض الالعاب في جهازxbox one
حيث انه سوف يكون هنالك موقع twitch الذي سوف يكون تحت تصرفك و يفر لك
نقل مباشر و تسجيل لوقت يصل الى ساعتين من اللعب المتواصل

و تستطيع ان تشارك هذه الفديوهات مع الفرند الغير محدود في xbox one

http://im39.**********/xXTHJ.jpg
​

 

[Halo 4 Ever]

فريق Twitch سعيدين جدا بتعاونهم مع مايكروسوفت ويعتبرون شي حلم وتحقق

[video=youtube;Ti1ncWyjwE4]http://www.youtube.com/watch?v=Ti1ncWyjwE4[/video]

 

[Nasser]

تسجيل لوقت يصل الى ساعتين من اللعب المتواصل

أبشر.

 

[Painkiller Q8]

اكثر شيء عجبني انك تقدر تحط اضافات على الفيديو وتسوي مونتاج خاص فيك !

راح تنفع للي يسوون Tutorial او كومبوهات للshow off

 

[Halo 4 Ever]

أنا يهمني لايف ستريمنق من Twitch اكثر من تسجيل -- يارجل تشوف الناس الهاردكور في twitch يشاهدون لعبك ويتحدثون معاك نفس الوقت ياخي فكرة رهيبة

 

[kiryu]

تسجيل لوقت يصل الى ساعتين من اللعب المتواصل

الكلام هذا من وين جايبه؟

 

[Classic Player]

^

Twitch.tv
جرب سولك حساب و اعمل ستريمنق .. كل فيديو تسويه يتخزن على السيرفر
وهالكلام له اكثر من سنة على الأقل في التويتش

 

[Halo 4 Ever]

الكلام هذا من وين جايبه؟

Twitch يسجل اللعب مع ستريمنق لمدة ساعتين وبعدين يرتفع تلقائيا :thumbsup:

تعديل: يصير تسجل لمدة 5 ساعات كمان!
http://www.twitch.tv/s4gam3r/c/2035548

 

[FARES_]

من الي اشوفه انه اللاعب الاعتيادي... بالغالب يحتاج فقط 7 دقايق عشان يورينا شي او شغله او حتى يطلع اجيفمنت...
اما ساعه وساعتين و 5 ... حتى 15 دقيقه وايد اشوفها ,, لأنه بالنهايه الواحد بيحتفظ باللحظات الحلوه الي صارت في اللعب لا اكثر.. او Show off بمعنى اخر

الا جان احد فيكم ناوي يتخصص الحل الكامل بالفيديو فينزل كل مرحله ساعه هههههههه

 

[Halo 4 Ever]

كلامك صحيح لكن الاسترمنيق الحلو فيه اذا الواحد يتابع شخص ينهني اللعبة او يحل الالغاز ويشوف حلول كاملة للعبة ::

 

[ASWD]

ميزة التسجيل ساعتين بتنفع للي يعمل والكثرو بس السؤال هل هو قادر على تقطيع الفيديو الى اجزاء ورفعه مثلا على يوتيوب ولا بيكون لستريمينج محصور على تويتش تي في؟

اذا محصور ماراح ينفع للوالكثرو ميكرز لانه مضطر يستخدم جهاز تسجيل عشان يقطع ويعدل على راحته ويرفعه عاليوتيوب اللى هو مجتمع الوالكثرو الخ

 

[persona]

طبعاً تحتاج فوق 2 ميغ ابلود اذا تبي تسترم شي واضح ويسوى، أفضل أسترم على جهاز تسجيل خارجي بدال لا استخدم هالخاصية بجهازي..

 

[Sir Guts]

واجد عليهم 5 دقايق. الPS4 تقدر تسجل 15 دقيقة.

 

[Halo 4 Ever]

^
شو دخل بلاي ستيشن 4؟ وبعدين 15 دقيقة وايد عليهم twitch تقريبا 5 ساعات

 

[Sir Guts]

اول سطرين من موضوعك يذكر نقطة تسجيل 5 دقايق من لعبة ايش اللي وش دخل؟ تراك صجيت ام امنا انت و تطبيلك للإكسبوكس ون بأي طريقة!!! ترى احنى مو جهلة و نعرف وضع الجهازين. مو مواضيعك اللي تعلمنا على فكرة. خف علينا شوي تراك لوعت كبدنا انت و تطبيلك الخايس في كل موضوع! اي 5 دقايق بس تقدر تسجل في الإكسبوكس ون و البلي4 تقدر تسجل 15 دقيقة! فرق 10 دقايق. شفت ان الموضوع مو في صالحك مسكت نقطة Twitch؟! خف علينا ياللي مقطع الايڤ ستريم!!! اطلع من مخي يا شيخ انت و تعصبك الأعمي المخيس!!!

 

[Halo 4 Ever]

^
تسلم والله يسامحك على الاسلوب الطيب:thumbsup:

 

[The Last Lombax]

حتى البس4 فيه سترمة ألعاب لكن عبر Ustream http://www.psu.com/a019905/

 

[Sir Guts]

^
تسلم والله يسامحك على الاسلوب الطيب:thumbsup:

الله يسلمك. يبقى افضل من تعصبك الأعمى و لله الحمد

 

[Halo 4 Ever]

الله يسلمك. يبقى افضل من تعصب الأعمى و لله الحمد

الحين اللي صار يحب جهاز ويدافع عنه صار متعصب ماعتقد اني غلطت على البلاي سيتشن 4 او الوي يو في يوم من الايام
ماعتقد انا نفس بعض الناس يدخلون مواضيع الاكس بوكس ويتمصخرون ويقلبون الموضوع مقارنة وحش وتطبيل لازم تفرق بين هالنوعيين يا اخ مشاري
المفروض انت تشجعني مو تغلط عليه يارجل

المهم شكرا لك

 

[vSonar]

واجد عليهم 5 دقايق. الPS4 تقدر تسجل 15 دقيقة.

انا ما كنت راح اعرف ان الـPS4 يسجل 15 دقيقة إلا من ردك هذا, شكراً كنت راح اشتري اكس بوكس ون بالغلط لكن الآن عرفت وش راح اشتري :thumbsup:

 

[Dark Side]

Halo 4 ever
وانت ليش تحسب ان كل عضو ضد مايكرو واحزاب و ان لازم فانز مايكرو ويفزعون لبعض ولازم يردون على فانز سوني وحرب وبلا بلا بلا ؟ ترى الدعوة نقاش على فكرة كل شركة حصلت نصيب من الذم مو مايكرو لحالها :/

 

[Dark Light]

^
تسلم والله يسامحك على الاسلوب الطيب:thumbsup:

ياخي ما تلاحظ أنك صاير حساس بزيادة وتزعل لما واحد يحشرك بالزاوية وما عاد في مهرب؟ تحسسني أنه شتم مؤسس مايكروسوفت حتى تزعل منه كل هالزعل

خليك رجل وأخرج الفانبوي بداحلك وقاتل بشجاعة!! قله أن الإكسبون يخليك تعمل بث على التويتش اللي شعبيته أكبر من اليو ستريم!! قله تقدر بالكنكت تقول "سجل ذا يا كنكت" وتم الأمر بدون جهد التضغيط في الأزرار.. اترك عنك شغل اللي من تحت لتحت وخليك سبارتا!!!

 

[Sir Guts]

الحين اللي صار يحب جهاز ويدافع عنه صار متعصب ماعتقد اني غلطت على البلاي سيتشن 4 او الوي يو في يوم من الايام
ماعتقد انا نفس بعض الناس يدخلون مواضيع الاكس بوكس ويتمصخرون ويقلبون الموضوع مقارنة وحش وتطبيل لازم تفرق بين هالنوعيين يا اخ مشاري
المفروض انت تشجعني مو تغلط عليه يارجل

المهم شكرا لك

لا انا ما غلطت عليك. غلطت على اسلوبك المقرف! ترى انا من اكبر فانز الإكسبوكس على فكرة. يمكن اكبر منك بعد لكن ما اطبّل. مو انت المطبل الوحيد فالمنتدى، ترى في مطبلين لسوني و ننتندو مقرفين بعد. اشجعك على ايش؟ على شي ما يسوونه الا البزران؟ لا حبيبي، لا اشجعك ولا اشجع غيرك اللي عندهم الإسلوب المريض هذا. عفوا و حياك الله.

انا ما كنت راح اعرف ان الـPS4 يسجل 15 دقيقة إلا من ردك هذا, شكراً كنت راح اشتري اكس بوكس ون بالغلط لكن الآن عرفت وش راح اشتري :thumbsup:

عفوا

 

[Halo 4 Ever]

Halo 4 ever
وانت ليش تحسب ان كل عضو ضد مايكرو واحزاب و ان لازم فانز مايكرو ويفزعون لبعض ولازم يردون على فانز سوني وحرب وبلا بلا بلا ؟ ترى الدعوة نقاش على فكرة كل شركة حصلت نصيب من الذم مو مايكرو لحالها :/

كل واحد فيكم يعرف من متعصب هنا وينكتب اساميهم على ورق ومع ختم --- أنا ماحب ادخل فيهم واتهمهم قدام الكل علشان ماتوصلي رسائل ( مخالفات) كافي محصل مرتين رسائل من معن
في سابق الكل له حق يكون ضد مايكروسوفت مع سياستهم التعيسة لكن الوضع الان تغير ليش نشوف نفس النقاشات تنعاد وتنعاد بدون هدف؟
وبرجع اقول لو نفارن البلاي سيتشن 4 والاكس بوكس ون بنلاحظ الجهازين متساوين بضبط وماتفرق بينهم الا الحصريات حتى الالعاب الطرف الثالث متساوين

(انا) نفس موضوع الاكس بوكس كل من دخل يتهمني بكلمة متعصب ويشقلب معي ويقول كلام فارغ لاني متحيز للاكس بوكس ماشوف ابد تشجيع من الاغضاء بتاتا

 

[Halo 4 Ever]

ياخي ما تلاحظ أنك صاير حساس بزيادة وتزعل لما واحد يحشرك بالزاوية وما عاد في مهرب؟ تحسسني أنه شتم مؤسس مايكروسوفت حتى تزعل منه كل هالزعل

خليك رجل وأخرج الفانبوي بداحلك وقاتل بشجاعة!! قله أن الإكسبون يخليك تعمل بث على التويتش اللي شعبيته أكبر من اليو ستريم!! قله تقدر بالكنكت تقول "سجل ذا يا كنكت" وتم الأمر بدون جهد التضغيط في الأزرار.. اترك عنك شغل اللي من تحت لتحت وخليك سبارتا!!!

Dark Side شوف هذا واحد منهم :thumbsup:

 

[Old Snake]

شباب الغلط على شخص هيلو 4 إيفر ماله داعي حقيقةً، خصوصاً إني ما أشوفه غلط على أحد بالموضوع هذا.

 

[Anaxiroshe’lir]

من جد. الشخصنة واالاعتداء على الغير حاجة مقرفة واكثر قرفا واشمئزازا من تعصب هيلو فور ايفر

 

[JIN KAZAMA]

مهما كان حبه للجهاز ومدحه او حتى تعصبه ، مادام ماذكر اجهزه الاخرين بالسوء ولا حتى اساء لأي شخص فمستغرب حقيقة على التهجم العجيب عليه !
في شباب ضروري يخفوا اللعب شويه لانها مش مستاهله واللهي كلها العاب ::::

 

[kiko]

خاصية جميلة لكن انا يعجبني الوضع عاليوتوب لان جودة الصورة افضل و تقدم ترفع فيديو 1080p ناعم كأنه 60إطار

 

[kiryu]

هدوا اللعب شوي شباب >_>

خاصية جميلة لكن انا يعجبني الوضع عاليوتوب لان جودة الصورة افضل و تقدم ترفع فيديو 1080p ناعم كأنه 60إطار

بالعكس تابعت مقاطع من تويتش و الجوده فيه أفضل بكثير من اليوتيوب :satisfied:
بس اللي أبي أعرفه إذا فيه قيود لما أحد يسجل مقاطعه بتويتش ؟