الموضوع الرسمي لألعاب الـ iOS و الـ Android

[kInGsIzE]

السلام عليكم

طبعن كلكم تعرفون انه في موضوع خاص بالايفون في المنتدى العام " الموضوع الرسمي للـ iPhone نزله اخونا HaSaNeMo ..

بالطبع هو موضوع مختص ببرامج و تطبيقات الايفون بشكل عام لكن في نهايه بدا يقلب للالعاب خصوصا مع كثرتها الفتره الاخيره ..

الفكره كانت ببالي اني اسوي موضوع مخصص لالعاب الايفون بس توقعت انه محد مهتم بس بعد كلام عمر بالكاست 24 و لما شيكت على الصفحات الاخيره من موضوع البرامج لقيت انه في اهتمام فقررت اننا نفصل الموضوعين عن بعض ..

المهم اخر لعبة نزلتها :

اللعبه ادمانيه بشكل فظيع !! و ممتعه جدا .. الحين في المرحلة السابعه من العالم الاول "لول اذا يتسمى عالم" ..

و قبلها نزلت فاينل فانتسي 1+2 بس لسا ما بديت فيهم لاني العب 13 .. اخلص 13 و برجع للكلاسيكيات ..



​

 

[Da S.O.S]

منجد نحتاج لهالموضوع.

Alpine Crawler World
لعبه اشتريتها وانا بنص وحده من المحاضرات لول.. ممتعه جدا.
الفيزيائيه فيها حلوة, وأحلا مافيها التحكم.. كل تركيزك يكون على الوقوف او المشي والتحكم بالسرعه بدون ما تقلب السيارة او تقتل السائق :xd:

[YOUTUBE]hcjv91u72Ns[/YOUTUBE]

99 سنت طبعا و موجود لها ديمو بالستور لبيئه وحده فقط من أصل 3. للشراء من الـ iTunes

 

[Nintendo]

خطوه موفقه جدا احمد لانه الجهاز فعلا محتاج موضوع للالعاب..

طبعا مثل ماذكرت بالكاست اخر لعبة اخذتها على الجهاز هي ستريت فايتر4, اللعبة اذا راح اقيمها بتاخذ 6 او 7 من عشره:

+ جرافيكس جميل وتصوير رائع للعبة (يعني قدروا ينقلوا اللعبة بشكل ممتاز للايفون)
+ خيارات كثيرة باللعبه من البطولة والتدريب وغيره
+ سهولة تنفيذ الحركات باضافة زر خاص لتنفيذ الضربات الخاصه من الهدوكن وغيرها وايضا امكانية الضغط على مؤشر الضربات السريه لتنفيذها

- طبعا التحكم راح تواجه مشاكل معاه وخصوصا عند محاولة القفز للامام ودائما بتحصل شخصيتك تقفز للاعلى فقط
- استحالة او صعوبة تنفيذ الضربات بدون الزر الخاص بها
- للاسف لاتوجد قصص او سينمائيات للشخصيات بعد انهاء اللعبة

اللعبة سعرها 10 دولار تقريبا وهي افضل لعبة قتال للجهاز بدون منافسه.

 

[Painkiller Q8]

شباب انا انسان مدمن آي فون والعابه .. ومادري كم لعبه لعبتها لي اليوم .. لاني بشكل يومي في الدوام اللعب

عموما اخترت لكم لعبه من أروع وافضل العاب الاي فون .. وختمتها قبل يومين .. وبصراحه تحدي غير معقول ومواي احد يقدر يخلصها ^^
اسمها Angry Bireds
[YOUTUBE]bNNzRyd1xz0[/YOUTUBE]


عندي اسماء افضل 50 لعبه على الايفون وكلهم ماااااااست .. ان شاءالله احطهم بعدين !

 

[Solay]

راح يكون اول موضوع ادخله كل مادخلت المنتدى,شكرا أحمد..

قبل كم يوم حملت بلانتز فس زومبيز ودودل جمب,ممتعه جدا,وياليت الشباب ينصحونا بالعاب حلوه ويفضل انها ماتكون العاب يبغالها وقت وسالفة..

أفكر احمل انجري بيردز بماانها بدولار.

 

[Zixmar]

اوكي شكرا بستفيد من هالموضوع كثير , من زمان مالعبت حاجه بالايفون الجامعه بدت لازم شي يشغلني بالبريك

 

[q8 spy]

doodle jump

و

trenches

 

[JOE]

موضوع جا في وقته يا احمد .... SF IV ايفون لعبتها قبل كم يوم و ادمنتها و هذه انطباعاتي عنها :

- الازرار مقسة اربعة اقسام : لكمات ، ركلات ، فوكس ، SP (ممكن تطبق الحركات الخاصة بارباع مع الازرار العادية برضوا بس زر الـSP حيكون للـEX moves او اختصار للحركات الخاصة اذا فعلت هذا الخيار في الاعدادات)

- الستيك حيكون في ركن الشاشة الايسر السفلي و بإمكانك تحريك مكانه و تعديل مدى شفافيته .

- تطبيق حركات السوبر ممكن بكوماند معين (ربعين و زر اللكمة العادي مثلاً) او ببساطة Tap خفيف على بار السوبر كومبو اذا امتلأ .

- تطبيق حركات الالترا نفس الشئ بس بدال ازرار الهجمات العادية تضغط زر SP (ربعين + SP مثلاً ميتسو هادوكين) او Tap على بار الالترا نفس الكلام .

- لو طبقت حركة خاصة و اثناها ضغطت زر الفوكس الخاص حتكنسل (Dah !) و تقدر تكمل كومبوهاتك طبيعي .

- قدرت اطبق كومبوهات ريو FADC و الترا + هيروكين EX و راها الترا + سوبر وراها الترا ...... كل كومبوهات طبقتها !!! ماني مصدق اني جالس اطبق كومبوهات ريو عالايفون !!!

- في البداية الشاشة حتجيك بالعرض بحيث سماعة الايفون على عند يدك اليمين (اكره هذه الطريقة ! دائماً يدي تغطي السبيكر !!) بس من الاعدادات زبطتها العكس
التحكم حيتعبك شوية في البداية ، فيه خيار إسمه SP Move Assist فايدته هي تطبيق الحركات الخاص بلمسة وحدة ، مثلاً بدال ما تعمل ربع + لكمة للهادوكين اكتفي بضغط زر SP فقط ، للخلف + SP يعمل هيروكين ، ركن + SP يعمل شوريوكين ،،، و هكذا

+ مظهر رائع و من اقوى ما شفت على الايفون .
+ صوتيات من ستريت 4 مباشرة .
+ قائمة شخصيات كافية .

شخصياً اشوفها تستحق الشراء ... و متحمس اشوف شادي في اقرب فرصة و نشوف

- Plants vs Zombies : إدمانية و مسلية جداً ..... و تصعب بعدين
- Doodle Jump : اللعبة المثالية للمحمول ، بسيطة و إدمانية (لول محذرين من إدمانيتها في صفحتها اصلاً )

و كم لعبة تانية ما تحضرني .... شباب احد فيكم لعب N.O.V.A ؟ اقوى لعبة مظهراً عالايفون :

[YOUTUBE]cbUVpApFS7k[/YOUTUBE]

شخصياً ما لعبتها بس ناوي عليها .... صفحتها في iTunes

 

[itachi]

زين انك فتحت موضوع حق الألعاب ..بعض الأحيان تطق في راسي وأنزل ألعاب وألعب
آخر لعبتين لعبتهم :
ستريت فايتر ...اللعبه جدا رهيبه ما توقعتها تطلع بهذا الشكل علاايفون
ولعبه الطيور الغضبانه ههههه Angry Bireds رهييييييبه جدا وانصح الكل ينزلها
planet vs zombie لعبنها عالماك رهيبه ونزلتها للآيفون ..هم لعبه ينصح بها

 

[Def-yusuf]

بالنسبة لي هذه أفضل 5 ألعاب لعبتها :-

Doodle Jump : اقفز على المنصات لتصل إلى أعلى إرتفاع ممكن

The Creeps : لعبة تاور ديفينس ( امنع الوحوش من الوصول للسرير )

Cluck it : أنت دجاجة قم بتوصيل الكتاكيت إلى المدرسة ( لابد من قطع الطريق المزدحم )

Plants vs Zombies : لعبة تاور ديفينس رائعة .

Angry Birds : لعبة ألغاز ,, تكلموا عنها الشباب من قبل .



اللي يبي أي معلومات يقول لي بس ,,

 

[emtak]

شباب وش افضل ألعاب التاور ديفينس على الآيفون ؟

 

[Def-yusuf]

شباب وش افضل ألعاب التاور ديفينس على الآيفون ؟

Plants vs Zombies

ثم بعدها

The Creeps

 

[kInGsIzE]

كويس في تفاعل في الموضوع :lebb:

- Doodle Jump : اللعبة المثالية للمحمول ، بسيطة و إدمانية (لول محذرين من إدمانيتها في صفحتها اصلاً )

هي اللي خليتني اجربها في المطعم يا عامر؟

The Creeps

ورني شي منها يا يوسف ..

 

[Def-yusuf]

كويس في تفاعل في الموضوع :lebb:



هي اللي خليتني اجربها في المطعم يا عامر؟



ورني شي منها يا يوسف ..

تفضل ,,

[YOUTUBE]6GgpWrIGJnY&feature=related[/YOUTUBE]

اللعبة فيها 12 مرحلة مختلفة بثلاث ثيمات

وفيها ثلاث مودات مختلفة

( وفيها خيار رهيب يخلي السرعة ×2 ,, صرت ما ألعب إلا فيه )

 

[Solay]

بالنسبه لنوفا لعبتها وبكل صراحه اللعبه رهيبه ومن افضل العاب الفبس عالمحمول وافضل لعبة فبس عالايفون..

الجرافيكس فيها رهيب والجيم بلاي حلو وفيها مولتي بلاير كمان.

 

[itachi]

هذي اللعبه توني منزلها رهييييبه وفيزيائيه :happy:
Ragdoll Blaster 2

مبدأ اللعبه بسيط اطلق الدمى للهدف ..بس تجيبها من فوق ..او صاروخ ..او تركيز من فوق ..او تحتاج تطيح صنادق ...او بوابه تنقلك من بعد لبعد ..او تحرك الهدف نفسه لك ..او انت تتحرك للهدف

 

[itachi]

هذي قائمتي الرهيبه :happy:

انصحكم ب Game Box ...مجموعه العاب رهيبه

 

[Eario]

موضوع رهيب, في اكثر من لعبه ادمان عليهم.

tiki totems افضل لعبه لعبتها على الايفون !! لعبه رهيبه و تحتاج تشغيل مخ بس يعيبها قصرها

محتوى مخفي

(خمس لفلات و كل لعل 16 مرحله)

< عدد المراحل.

منو اعلى واحد بـ دودل جمن هنا ؟
انا وصلت, 17851

 

[Painkiller Q8]

خلصت Angry Birds واتحدا اي واحد هني يخلصهاااااااااااااااااااا ^___^
اليوم اوريكم صور انهائي لها

 

[The Last Fantasy]

Plants vs Zombies
Plants vs Zombies
Plants vs Zombies
Plants vs Zombies
Plants vs Zombies

 

[Averroes]

لازم تجربوا DoodleJump

و Canabalt مع سماعات أذن :inlove:

ولي يبي يجرب هذي اللعبة يخش هذا الموقع

 

[Justice]

Traffic Rush
لعبة رائعة وحلوة، طريقة اللعبة هوا عليك بس انك تمشي السير على شان لايصير حادث ساعات يبغالك سرعة
وساعات يبغالك تبطئ شوي.

Fieldrunners
اعتقد الاغلب هنا يعرفها, اللعبة استراتجية عليك انك تبني اسلحة تدمر فيها العدو قبل مايروح الجهة الثانية من اللعبة، اللعبة خطيرة، لكن عيبها تاكل البطارية اكااال.

 

[Painkiller Q8]

Plants vs Zombies
Plants vs Zombies
Plants vs Zombies
Plants vs Zombies
Plants vs Zombies

ترا اللعبه معطينها اكثر من حقها !!!!
مليون لعبه Defense احلا منها

 

[Def-yusuf]

موضوع رهيب, في اكثر من لعبه ادمان عليهم.

tiki totems افضل لعبه لعبتها على الايفون !! لعبه رهيبه و تحتاج تشغيل مخ بس يعيبها قصرها

محتوى مخفي

(خمس لفلات و كل لعل 16 مرحله)

< عدد المراحل.

منو اعلى واحد بـ دودل جمن هنا ؟
انا وصلت, 17851

أنا 29800 تقريباً

سولاي : 40 ألف ما شاء الله

 

[Def-yusuf]

ألعاب Donut games بشكل عام رهيبة وممتعة ( ونصها مجاني )

 

[Solay]

انا جبت بدودل جمب 40 الف وفوقها بشوي.

 

[q8-gamer]

أنا جبت بدودل جمب 67,718 :rockon:

 

[ROCKSY]

Doodle Jump Doodle Jump Doodle Jump Doodle Jump Doodle Jump Doodle Jump
أحلى لعبة ع الآيفون... مهما أنزل ألعاب رهيبة، في النهاية بعد ما أخلصها أرجع لها...

أنا جبت score 54000 <<< في أحد جاب أعلى مني؟!
في مرة جبت سكور فوق الستين ألف وكنت ماشي تمام... فجأة... دق الجوال <<< لاااااااااا راح كل شي!
كل هذا بسبب الملتي تاسك اللعين

 

[JOE]

N.O.V.A اذهلتني !!! مظهر و صوتيات و تحكم .... لعبة بمعنى لعبة و ليس "لعبة مصغرة" + اقوى لعبة مظهراً عالجهاز و انصح الجميع بيها .

 

[Painkiller Q8]

شبااااااااااااااااااااااااااب ... لاتفوتكم لعبه روعه نسخه من Mario
اللعبه بلات فورم والتحكم روعه.. بس تقليد ماريو 100%

http://itunes.apple.com/us/app/giana-sisters/id347349722?mt=8