كاميرا مايكروسوفت بعد الهدوء.. هل هي نظام تحكم المستقبل؟

[ZiZ]

أحس لو تجربها بتلقى أنها ليست عملية كما صوروها بالعرض

 

[Rare Games]

انتهت مرحلة الابهار وبدينا بمرحلة الشك في التطبيق ..الخ

صراحه ما توقعت ان مرحله الابهار راح تخلص في اقل من يوم

 

[Emirates]

انا الى الان في حالة انبهار من اللي شفته

سالفة تنفع والا ما تنفع هذي بايد شركة مايكروسوفت ... ساكاجوتشي لما صرح في اخر مقابله قال بسوي ار بي جي مختلفه تماما في نظام التحكم .. ممكن اشاره لهالشي

ماشي ازرار .. فيه صوت على فكره حتى فيه حركات بالاصابع .. لعبة مونيلكس على شان تطالع في البحيره .. لازم تقرب اياديها الثنتين من عيونهااا .. وبالفعل استوى المطلوب

شخصيا ما اشكك في قدرة مايكروسوفت على تطبيق هالطرفيه على العاب تتعدا النون جيمرز .. واللي يأكد هالشي .. اعلانها عن الوظائف في قسم الترفيه يختص بتطبيق التحكم على الالعاب ..

ما استبعد اي شي بعد اللي شفته ....

 

[Adi]

بلا شك التقنية قوية ، واتوقع انها قائمة على اساس الأميج بروسيسينج.

من وجهت نظري فيه تقنيات فقط ودك تتفرج عليها ... لكن اذا جينا للتطبيق الفعلي حيكون محدود.

 

[G7Ga7]

جداً مبسوط من الي شفته, ومتحمس على الآخر. كل ما افكر بالامكانيات الي ممكن يطبقوها المطورين باستخدام هالتقنية راسي يعورني. في النهاية هذا واحد من اسباب حبي لصناعة الألعاب. دائماً فيه شي جديد عمرك ما شفته, ودائماً فيه شي قبل 10 سنوات كنت تقول انه مستحيل يتطبق في الحياة الواقعية. لطالما حبيت الطرفيات الي تحاول وبذمّة انها تغير تجربتك لكيفية لعبك للألعاب. أذكر حتى على البي اس 2 كنت شاري بساط الكتروني عليه ازرار تدوس عليها عشان تسوي حركات لما تلعب بتكن وكذا. أول ما شفت البساط بغيت انهبل. قلت لااازم أشتريه. للأسف التكنلوجيا وقتها كانت مستحيل تسوي الي كان في بالي. لأن البساط كان فشل ذريع. عموماً ما علينا. زي ما كنت أقول, دائماً أحب اجرب الالعاب بشكل مختلف, لما نزل الوي كنت متحمس ألعب وي سبور, وفعلاً لعبتها وكانت مرة ممتازة. ولما نزلت وي فت والبالانس بورد لعبتها وكانت برضو تجربة ممتعة. فهذي من دون اي شك ان شاء الله راح تكون day 1 مهما نزلت.

أما لو اتكلم عن التطبيقات (السوفتوير) نفسها. أنا بصراحة ما ابغى المطورين يغصبوني استخدم أي طريقة ألعب فيها ألعابهم الهاردكورية. لأني زي ما احب ألعب بأساليب جديدة. أحب أكثر اني استمتع بالعابي الجدّية (أو زي ما تسمونها انتم الهاردكورية) باستخدام الجوي ستيك أو يد التحكم. الألعاب الي انا مستعد اني ادفع عليها فلوس ويسرّني اني العبها باستخدام أي اسلوب جديد (في الحالة هذي بروجيكت ناتال) هي الكاجوال جيمز وألعاب الميني جيمز أو العاب الرياضة المختلفة. هذي النوعية من الألعاب هي الي اتمنى المطورين يثبتون فيها لما يقدموا ألعاب تدعم الكاميرا هذي. أنا ما ابي العب هيلو 4 وانا واقف وأحرك يدي وجسمي وأصارخ على الي حولي. لكنّي أبي العب العاب مثل لعبة الكورة الي حطوها في المؤتمر, أو مجموعة ميني جيمز مثل الي نشوفها في ألعاب واريو وير.

في النهاية, جواباً على سؤال الموضوع الرئيسي. نعم أتوقع هذا هو المستقبل. كل جهاز مستقبلاً لازم يكون عنده حاجة يقدمها لشريحة النون جيمرز واللاعبين الجدد. لكن في نظري الشركة الناجحة هي الي ما راح تستغني عن الكونترولر الأساسي. أتوقع راح نظل نمسك يد التحكم لفترة طوييييلة. لكن بنفس الوقت راح نشوف ابتكارات مجنونة زي هذي.

أحس لو تجربها بتلقى أنها ليست عملية كما صوروها بالعرض

هنا الخوف

 

[fall out boy]

عشان أصابعك تتكسر (&)

ليش تتكسر .... بيوقف على اصابعه مثلا :laugh::

 

[S2K]

العملية ليست تحكم فقط مثل ما يقدمة الوي او الاي توي

العملية اكبر من كذا وتطيقتها لا حصر لها .........................................

عيدو الفيدو عشان تعرفون وش اقصد ..


تقنية رائعة ولاحدود لها وانصحكم قرأة راي اي جي ان فيها


Here's the amazing thing -- I played with the Natal for all of 5-6 minutes, and I have to say, it actually works.

 

[Id]

تجربة IGN

http://xbox360.ign.com/articles/989/989269p1.html

بصراحة قرأت فيها كلام كبير .. ويدل على مستقبل رائع للتقنية ..

 

[Emirates]

Here's the amazing thing -- I played with the Natal for all of 5-6 minutes, and I have to say, it actually works.

انا قريت فيها هالسطر .. وكلي ثقة بمايكروسوفت انها تقدم شي ابدا ما نتخيله مع الناتال

 

[Golden_Sun]

واخيراً ياه اليوم اللي بشوف نفس فلم Minority Report!
انا مو متحمس للألعاب اللي عليه (ماعدا الميني جيمز) لكن متحمس للتطبيقات اللي عليه!! اخر ثلث في الفيديو.. روعه!

 

[Dr.Manhattan]

بعد ما شفت فيديو milo أكتشفت إن milo>>>>>>>>>>>>>>>>>>>>>>>>كل استخدامات التقنية الثانية

 

[النسر الأسود]

أما لو اتكلم عن التطبيقات (السوفتوير) نفسها. أنا بصراحة ما ابغى المطورين يغصبوني استخدم أي طريقة ألعب فيها ألعابهم الهاردكورية. لأني زي ما احب ألعب بأساليب جديدة. أحب أكثر اني استمتع بالعابي الجدّية (أو زي ما تسمونها انتم الهاردكورية) باستخدام الجوي ستيك أو يد التحكم. الألعاب الي انا مستعد اني ادفع عليها فلوس ويسرّني اني العبها باستخدام أي اسلوب جديد (في الحالة هذي بروجيكت ناتال) هي الكاجوال جيمز وألعاب الميني جيمز أو العاب الرياضة المختلفة. هذي النوعية من الألعاب هي الي اتمنى المطورين يثبتون فيها لما يقدموا ألعاب تدعم الكاميرا هذي. أنا ما ابي العب هيلو 4 وانا واقف وأحرك يدي وجسمي وأصارخ على الي حولي. لكنّي أبي العب العاب مثل لعبة الكورة الي حطوها في المؤتمر, أو مجموعة ميني جيمز مثل الي نشوفها في ألعاب واريو وير.

في النهاية, جواباً على سؤال الموضوع الرئيسي. نعم أتوقع هذا هو المستقبل. كل جهاز مستقبلاً لازم يكون عنده حاجة يقدمها لشريحة النون جيمرز واللاعبين الجدد. لكن في نظري الشركة الناجحة هي الي ما راح تستغني عن الكونترولر الأساسي. أتوقع راح نظل نمسك يد التحكم لفترة طوييييلة. لكن بنفس الوقت راح نشوف ابتكارات مجنونة زي هذي.

..............

 

[AMG]

شباب مافي خبر عن السعر ؟؟

 

[Nintendo]

الكاميرا مالها موعد اصدار رسمي فمستحيل يكون فيه اي كلام عن السعر..

 

[AMG]

^
ما اعلنو موعد اصدار (( انا ما شفت المؤتمر )) ؟؟

همممم

 

[BaKREee]

بصراحه انا انبهرت من الي شفته بس على طول قلت ان هالشيء موجديد !

نسيتو الكاميرا الي كانت للـ ps2 ??

نفس الشيء بس هذي مطورة اكثر بالتأكيد ..

اتذكر الي على الـ ps2 كان لها العاب خاصه ..
غريبه انه محد منكم ذكرها بالموضوع وهي تقريبا نفس الفكره ..

 

[Nintendo]

بصراحه انا انبهرت من الي شفته بس على طول قلت ان هالشيء موجديد !

نسيتو الكاميرا الي كانت للـ ps2 ??

نفس الشيء بس هذي مطورة اكثر بالتأكيد ..

اتذكر الي على الـ ps2 كان لها العاب خاصه ..
غريبه انه محد منكم ذكرها بالموضوع وهي تقريبا نفس الفكره ..

فيه كاميرا مثلها على البلايستيشن2؟ :what: مره ماذكرها

 

[The Doctor]

فيه كاميرا مثلها على البلايستيشن2؟ :what: مره ماذكرها

:laugh::
.

 

[BaKREee]

فيه كاميرا مثلها على البلايستيشن2؟ :what: مره ماذكرها

فيديو لها هنا

طبعا انا ماقلت انها نفسها بالضبط يعني نفس الفكرة تقريبا ..

 

[Nintendo]

بس هاذي ماتستشعر حركة اللاعب في بيبئة ثلاثية الابعاد ولا تقدر تسوي سكان لاي شئ وتستخدمه باللعبة ولا تتعرف على الشخص اللي واقف قدام الكاميرا تلقائيا ولا فيها تعرف على الاوامر الصوتيه ....................

فرق شاسع بين الاثنين ...

 

[deeeer]

اعتقد انها حلم جميل مره ليكون واقعي

امكن بعد 5 سنوات اصدق انها تكون موجوده وفي تطبيقات زي لما نسخ السكيت بورد غير واقعيه حاليا

بعدين الوي موت وبنواجه مشاكل فما بالك بدون ولا شي اتوقع انو الدعايه تلمح الا اشياء متوقعه انهم يسوها وما نفذوها للان

 

[BaKREee]

بس هاذي ماتستشعر حركة اللاعب في بيبئة ثلاثية الابعاد ولا تقدر تسوي سكان لاي شئ وتستخدمه باللعبة ولا تتعرف على الشخص اللي واقف قدام الكاميرا تلقائيا ولا فيها تعرف على الاوامر الصوتيه ....................

فرق شاسع بين الاثنين ...

عارف والله ان الفرق شاسع بس انا قلت اكثر من مره ان كل الثنتين نفس الفكرة تقريبا ..

وقلت برضوا ان الكاميرا الجديده بالتأكيد متطورة ..

بس انا مستغرب محد جاب طاريها بالموضوع مع انها كانت رهيبه على ايامها ...

: )

 

[Mista Koo]

كتقنية إي هي تقنية المستقبل.. أما كتحكم فبدري شوية
ناتال سابق عصره زي الوييموت اللي بعدهم ما عرفوا يستغلونه (وما أتوقع رح يعرفون يستغلونهم حتى عالجيل الجاي)

معظم الألعاب اللي شفناها تعتمد على الموشن ألعاب كاجولز.. هممم لا :fd3:
في الحقيقة هي مو ألعاب كاجولز قد ما هي ألعاب بسيطة.. لأن الجيم بلاي فيها بسيط (عشان يكون سهل تخليه كليا بالموشن) + ما رح تلعب فيها لوقت كثير (عشان تكون متعة ومو مجهود رياضي) = سميناها لعبة كاجولز

المشكلة الكبرى هي النقلة المباشرة التامة من الأزرار إلى الموشن وإذا كانت النقلة تدريجية راحت المشكلة
وطالما ناتال مثلا فيه نظام تعرف حركي لهالدرجة ممكن مبدئيا تكون الأصابع مكان الأزرار.. بحيث ما تتطلب حركة لليدين

كمثال ستريت فايتر مثلا.. عندك أربعة أصابع بيدك اليمين للضربات.. وعندك السبابة اليسرى للحركة (ميلها لليمين تمشي يمين الخ.. ارسم نص دائرة وحرك الإبهام اليمين تسوي هدوكن)
فاينل فانتزي مثلا.. عندك السبابة تسوي فيها كل شي كأنها ماوس.. تحريك بسيط فوق وتحت تسوي Scrolling لأوامر القتال ضغط باتجاه الشاشة للاختيار ونصف دائرة للخلف للرجوع (كأنك تقول "من زمان" ولا "قبل") وتحريك بسيط ثاني تختار الأعداء/الأصدقاء.. خارج القتال ممكن الإبهام يحاكي وجود أنالوق خفي وتقديم اليد بشكل خفيف للكلام مع الناس أو التفاعل مع الأشياء
فبس مثلا.. عندك السبابة اليمين توجه فيها على الشاشة (في نطاق ضيق مثلا 5 سم مربع) والإبهام للطلق.. حركة بسيطة من الوسطى/البنصر لتبديل الأسلحة وهز اليد اليمنى بشكل خفيف للريلود.. الإبهام الأيسر يحاكي وجود أنالوق خفي للحركة وتحريك اليد اليسرى بشكل خفيف للأعلى للوقوف/للقفز وللأسفل للانحناء وتقديمها للركض

طبعا ممكن يستغلون خاصية الـImage Recognition في أشياء تفيد اللعب.. مثلا استخدام حركة الـ(Y) للإيجاب أو الموافقة
ممكن يتطور نظام المحادثات مثلا الكمبيوتر يشوف تعابير وجهك وعلى أساسها تتغير المحادثة.. ممكن يتطور أكثر وتصير المحادثات كلها بالصوت عن طريق الـVoice Recognition :

طبعا هذي أمثلة أبو دقيقتين من واحد قاعد يكتب وهو يفكر.. لو قعدوا عليها فريق من 10 مع عمل أبحاث عليها وتطبيقات بشهر ولا شهرين يطلعون تحكم بيرفكت!

بلا شك التقنية قوية ، واتوقع انها قائمة على اساس الكمبيوتر فيجن(vision).

تم التعديل :

 

[khaled 13]

Steven Spielberg + Natal = interactive movie

صدّق !

 

[ice cube]

^^^ فكرة عجيبة

انا ما انكر روعة الكاميرا و خاصية التمييز الصوتي , بس اهم شي مايكروسوفت تسوق القطعة بشكل جيد (ما استبعد وجود بندل الجهاز مع الكاميرا مستقبلا).

بخصوص انها مستقبل التحكم ...لا, اظن اذا قدرنا اننا ندخل داخل اللعبة اهني اقول احنا بالمستقبل : اعتقد هذه البداية فقط.

 

[Solay]

لو يطبقون الفكرة اللي جالس يشرحها ميستا كو راح تكون شي جدا جيد..

مع اني اتمنى بكل الألعاب الجايه يكون لك الخيار من سواء الجويستيك او التحكم الجديد عشان مااحد يتعذر ويلقى له حجه.

 

[HAL-9000]

المشروع الجديد مبهر. لكن ما أتمنى يجي يوم أشوف اختراع يحل محل الكنترولر. وواضح إن مايكروسوفت مو ناوية على هذا الشيء لذلك أنا متفائل بالكاميرا.
أتمنى إن مايكروسوفت تستخدم الكاميرا في الألعاب اللي تحتاج لطرفيات للعب زي جيتار هيرو وفي نفس الوقت تطوير ألعاب تكون مناسبة للعبة عن طريق الكاميرا. على سبيل المثال. مين فاكر مشروع هارمونيكس اللي أعلنوا عنه السنة الماضية. المشروع كان لعبة موسيقية من نوع الاوركسترا. تخيلوا لو يستفيدوا من الكاميرا وتلعب بدور المايسترو في اللعبة :inlove:

 

[Adi]

بلا شك التقنية قوية ، واتوقع انها قائمة على اساس الكمبيوتر فيجن(vision).

تم التعديل :

همممم ... الكمبيوتر فيجن مهي هي نفسها الاميج بروسيسنج؟

أكيد الخوارزميات غير ، لكن في النهاية كلها صور او فريمز يحللها البرنامج...

انا ودي اعرف شي واحد ، الكاميرا نفسها وش نظامها بالظبط لأنه صعب كاميرا 2دي عادية تحلل معطيات 3دي بشكل جبار؟

 

[Mista Koo]

همممم ... الكمبيوتر فيجن مهي هي نفسها الاميج بروسيسنج؟

أكيد الخوارزميات غير ، لكن في النهاية كلها صور او فريمز يحللها البرنامج...

لا..
الإميج بروسسينق يحول من صورة لصورة
الكمبيوتر فيجن يطلع معلومات من صورة

Computer vision is the science and technology of machines that see. As a scientific discipline, computer vision is concerned with the theory for building artificial systems that obtain information from images. The image data can take many forms, such as a video sequence, views from multiple cameras, or multi-dimensional data from a medical scanner.

 

[Snake-87]

يالله عقبال نلعب بعقولنا بس .
منو راح يجيبها أول ؟
قربت مقالة قبل كم سنة إنه جاري التطوير عليها بس ماكو أخبار على الإطلاق عنها .