قرعة دوري أبطال اوروبا لدور الـ8

[Death match]

اجريت اليوم الجمعة قرعة دوري ابطال اوروبا لدوري الثمانية

ARSENAL vs JUVENTUS 28/03 05/04
INTER/AJAX vs VILLAREA 29/03 04/04
LIONE vs MILAN 29/03 04/04
BENFICA vs BARCELONA 28/03 05/04

ARSENAL/JUVE vs AJAX-INTER/VILLAREAL 19/04 25/04
LIONE/MILAN vs BARCELONA/BENFICA 18/04 25/04

الذهاب
الأياب

fainl 16/05

 

[Xavi]

قهر كنت اتمنى ليون او ميلان ضدنا في النهائي X_x
على العموم ان شاء الله فيا ريال وبرشلونة في النهائي

متى مواعيدها ؟

 

[squall leonhart]

قرعه حلوه بس مافي تناسب بالقوه بين الجهتين .. جهه فيها الميلان و البرشا و ليون و بنفيكا بطل البرتغال .. و جهه الله لا يوريك ما فيها غير اليوفي .. نقدر نقول من الان رح يكون في فريق ايطالي بالنهائي .. و ذكريات 2003 شكلها بتعود ( ميلان+ اليوفي) مع اني ما اتمنى هذا ^_^

 

[Ginko]

...

والله الgunners يخوفون..عقدتنا في التشامبيونز..لكن مو مشكله..حنا الحين فرق عن اول..راح نوريهم الويل..


مباراة البارسا لا تعليق...مصخره..
ليون بيفوز على ميلان..
فياريال بيتأهل..

 

[king zell]

الكبار كما يبدو تجنبوا بعض و هذا شي ممتاز.. يمكن دور ال4 يكون فعلا قوي

 

[King Wario]

من صجكم ليون بيتأهل للنهائي ؟

هذا الفريق = جينينيو = ضربات ثابتة .... بس

 

[Ginko]

يكفي ...

 

[King Wario]

لول ، انا اقول انتظر رباعية ميلان الثانية على التوالي

 

[Koshiro]

قرعه حلوه بس مافي تناسب بالقوه بين الجهتين .. جهه فيها الميلان و البرشا و ليون و بنفيكا بطل البرتغال .. و جهه الله لا يوريك ما فيها غير اليوفي .. نقدر نقول من الان رح يكون في فريق ايطالي بالنهائي .. و ذكريات 2003 شكلها بتعود ( ميلان+ اليوفي) مع اني ما اتمنى هذا ^_^

ان شاء الله الانتر بيرد عليكم في ارضية الملعب فمايحتاج اتعب نفسي..

 

[The Last Fantasy]

LIONE/MILAN vs BARCELONA/BENFICA 18/04 25/04

ان شاء الله تنتهي بمباراة بين البرسـا وميلان .. بتكون قمّة كروية ^_^

 

[Humam]

أنا أشجع ليون وان شاء الله ياخذ الكاس حتى لو بالبهللة.. بس علشان الكل يعرف إنه مافي شي اسمع صغير وشي اسمه كبير.. ما يكفي إن الريال خرج من الأرسنال ..

 

[King Wario]

أنا أشجع ليون وان شاء الله ياخذ الكاس حتى لو بالبهللة.. بس علشان الكل يعرف إنه مافي شي اسمع صغير وشي اسمه كبير.. ما يكفي إن الريال خرج من الأرسنال ..

همام اسمحلي لكن الريال لو اي واحد يتابع نتايجه ما يستغرب انه يطلع من الارسنال ..

 

[persona]

بنفيكا وبرشلونه ، احسها بتكون ممتعة ..ان شاء الله برشلونه

الارسنال واليوفى ..اليوفي..اتوقعها كوبي وبيست من مباراه فريمن

الميلان وليون ..ليون ..هالفريق تخصص أحراج الفرق الكبيرة فى الادوار النهائية

الانتر\اجاكس × فيا ريال

اذا فاز الانتر اتوقعله التأهل ..

 

[hussien-11]

أنا أشجع ليون وان شاء الله ياخذ الكاس حتى لو بالبهللة.. بس علشان الكل يعرف إنه مافي شي اسمه صغير وشي اسمه كبير.. ما يكفي إن الريال خرج من الأرسنال ..

same here

 

[persona]

من صجكم ليون بيتأهل للنهائي ؟

مستهين بليون؟..آخر سنتين كله بدور الثمانية .. :suspiciou

اتوقع بيسوي شي هالسنه

همام اسمحلي لكن الريال لو اي واحد يتابع نتايجه ما يستغرب انه يطلع من الارسنال ..

عزيزي السالفة مو سالفة نتايج الدوري ..نتايج الدوري تشيل هم 34 مباراه قبل الموسم ..وتخطط شلون تفوز وتدرس

كل فريق والخ ..

شوف ان شاء الله لو الفريق ..واصل لمرحلة الهبوط في دوريه..توقع منه مفاجآت ..

اما بخروج المغلوب ..

السالفة سالفة شطارة ..عندك مباراتين ..تقدر تطلع بهالمباراة بتعادل بارض الخضم وفوز بارضك تتأهل ..

شكله ..سالفه الارسنال بتصير نفس سالفه الليفربول ..مثل السنه اللي فاتت

1#: ليفربول مايتاهل ، زين اذاوصل النهائي

وصل النهائي

#2: ليفربول ماراح يقدر يفوز على ميلان بالنهائي ، الكاس لميلان ..نتايجة طيبه بالدوري

بمباراة النهائي ..

3#: لا ياشيخ ..3-0 ..خلاص انحسمت حق الميلان مبروك الميلان

وبعدها 3-3 وووصلوا للبلنتيات

وفاز الليفر بالكاس

 

[Humam]

رد بيرسونا عجيب

وبعدين ايش به ريال مدريد ؟ ثاني الدوري الإسباني, يعي نتائجه مو في قمة السوء, مرصع بالنجوم, ومازال وسيقى دائما نادي كبير مهما حاولوا الأقزام يقللوا من مكانته..

في ناس تبالغ بقوة في حالة ريال مدريد الحالية .. شي طبيعي لأن الريال هجدهم التهجيد الأليم أيام زمان, أو بعبارة ثانية, اذا طاح الجمل كثرت سكاكينه .. أقول اتركوا الريال والله الفريق ذا لا يوريكم ايش بيسوي السنة الجاية ..


ريال مدريد vs بقية الفرق

 

[King Wario]

اولا انا ما اتكلم عن الدوري بس ... الدوري + ابطال اوربا ....... من كم سنة ما شفنا الريال في النهائي ؟

ثانيا .. كونه ثاني الدوري الاسباني ما اشوفه انجاز ... كل دوري فيه فريقين او ثلاث هم اللي ينافسون على اللقب .. يعني مب شطارة اذا كان الثاني

edit : بس ابي اوضح نقطة عشان محد يفهمني غلط .. بالنسبة للادنية انا ما عندي نادي معين اشجعه ، انا اتابع دوري الابطال لانها اقوى بطولة تقريبا ، اشوفها عشان استمتع باللعب .. بمعنى ثاني كلامي هذا مب طالع من تعصب ، انا قاعد اتكلم باللي اشوفه ..

وثاني نقطة ، انا ما اقصد بكلامي ان الريال صار فريق "مصخرة" .. بالعكس هو يظل فريق كبير ، لكن ما قمنا نشوفه يطلع الكبار من دوري الابطال

 

[Humam]

مافي فريق ياخذ الأول كل سنة أبد الآبدين, وبعدين مين قال الثاني إنه انجاز لريال مدريد ؟ يخسي إلي يقول هذا الكلام .. نادي القرن في أوروبا صار الانجاز عنده ثاني الدوري ؟ لول .. أجل 29 مرة الدوري و 9 مرات التشامبيونز اتبخرت في الهواء ..

احنا بنقول ثاني الدوري يفرق كثير عن تاسع الدوري.. البعض مخلين الريال فريق مفقع مو ناقص الا يهبط درجة ثانية .. و انا بقول ثاني الدوري معناته الوصيف, يعني ثاني احسن فريق بعد الفريق الأول للي فهمهم ثقيل ..

الشي الثاني, معروف ان التشامبيونز ليج هي بطولة الريال وأكثر بطولة يهتم فيها حتى أكثر من الدوري نفسه .. يعني ريال الدوري مو نفسه ريال التشامبيونز.. هذي قضية معروفة.

 

[persona]

في ناس تبالغ بقوة في حالة ريال مدريد الحالية .. شي طبيعي لأن الريال هجدهم التهجيد الأليم أيام زمان, أو بعبارة ثانية, اذا طاح الجمل كثرت سكاكينه .. أقول اتركوا الريال والله الفريق ذا لا يوريكم ايش بيسوي السنة الجاية ..

مع رئيس الجديد للريال : ريمون (الحبيب اللي مافلح بفريق ريال مدريد لكرة السلة)

ماعتقد شي بيتغير على الريال ..بيظل مثل ماهو..لغاية مانشوف انتخابات جديدة للريال ..

وهذي كرة القدم ..الكرة مدورة ..ودوام الحال من المحال

مايندرا ..يمكن قادش بعد 50 سنه يصير تشلسي الحالي ..

بيضوها عاد يالريال وفوزوا على فلنسيا عشاني يصير فارق النقاط بين برشلونه والثاني 10 نفاط في حال فوز الاخير

بمبارته

 

[Humam]

مباراة اليوم ان شاء الله تكون في قمة الحماس .. في بصيص أمل ان برشلونة يتعثر, ومافي شي مستحيل

 

[King Wario]

مافي فريق ياخذ الأول كل سنة أبد الآبدين, وبعدين مين قال الثاني إنه انجاز لريال مدريد ؟ يخسي إلي يقول هذا الكلام .. نادي القرن في أوروبا صار الانجاز عنده ثاني الدوري ؟ لول ..

عشان جي وضحت في التعديل ان الريال يبقى فريق كبير ، لكن من زمان ما شفناه يطلع الفرق الكبيره من الشامبيونز ..

لول .. أجل 29 مرة الدوري و 9 مرات التشامبيونز اتبخرت في الهواء ..

اكرر مرة ثانية انا اعترف ان الريال فريق كبير .. محد قال ان الماضي تبخر .. بس احنا نتكلم عن الحاضر ، والحاضر يقول ان الريال الحين مب ريال الماضي

احنا بنقول ثاني الدوري يفرق كثير عن تاسع الدوري.. البعض مخلين الريال فريق مفقع مو ناقص الا يهبط درجة ثانية .. و انا بقول ثاني الدوري معناته الوصيف, يعني ثاني احسن فريق بعد الفريق الأول للي فهمهم ثقيل ..

وانا اوافقك الراي ، وما قلت كلام عكس هذا الكلام ..

الشي الثاني, معروف ان التشامبيونز ليج هي بطولة الريال وأكثر بطولة يهتم فيها حتى أكثر من الدوري نفسه .. يعني ريال الدوري مو نفسه ريال التشامبيونز.. هذي قضية معروفة.

كل الفرق الكبيرة يهمها الشامبيونز اكثر من الدوري .. ويكون هدفهم الاول الشامبيونز ليج .. لكن احس اني اكرر كلامي كل مرة ..

الملخص واللي انا ابي اقوله باختصار : من زمان ما شفنا الريال يخرج الكبار حتى يوصل لادوار متقدمة جدا في الشامبينز .. يعني دور المجموعات المفروض ما نحسبه . لكن في دور ال 16 وفوق عادة اذا طاح مع فريق كبير ، يخسر ..



عالعموم موضوعنا الرئيسي هو "ليون" لكن جملة وحدة خلتنا نغير حديثنا الى موضوع ثاني

 

[persona]

لول .. أجل 29 مرة الدوري و 9 مرات التشامبيونز اتبخرت في الهواء ..

همام شيفيد التاريخ ؟!؟...نبي الحاضر...ماهي الكويت بطلة كاس الخليج مدري جم مره والحين

بالغصب نفوز على لبنان (لا اقصد التهجم على الاخوه اللبنانيه)

اذا عن الماضي ..خلنا نتكلم عن الفريق في الحالي ..لو تكلمنا بالماضي يمكن راح نتكلم عن فرق اما اندثرت

اختفت ..او تحصلها بالدرجة الثالثة في بلدها ..مثال ..حد فيكم يسمع عن فريق ريد ستار السوفيتي (اليوغسلافي

سابقاً ..الصربي حالياً) الحين..تشوفونه يمثل صربيا؟ ينافس بقوه نفس ايام قبل بالسبعينات ..؟ ..

ماهو تشلسي قبل خمسين سنه قاعد بدون لا يحرز الدوري

وهالسنين طايح تلطيش بفرق الدوري..

 

[Humam]

هممم يمكن يكون كلامك صحيح, بس عادي كل فريق يمر بمرحلة تغيير وإعادة تهيئة .. أحب ذكركم بنكسة الميلان الشهيرة, والآن الفريق ماشاء الله عليه .. زي الحصان

 

[King Wario]

هممم يمكن يكون كلامك صحيح, بس عادي كل فريق يمر بمرحلة تغيير وإعادة تهيئة .. أحب ذكركم بنكسة الميلان الشهيرة, والآن الفريق ماشاء الله عليه .. زي الحصان

لول .. بالضبط هذا اللي اقصده .. الفريق يمر بنكسه مثل ما يصير بفرق كثيرة ( بايرن ميونخ مثلا باعتبار الدوري الالماني بدون منافس تقريبا )

 

[Leon]

انا نفسي يكون في النهائي اليوفي ضد برشلونة....

والله راح تكون مباراة نااااااااار..

 

[Leon]

ماهو تشلسي قبل خمسين سنه قاعد بدون لا يحرز الدوري

وهالسنين طايح تلطيش بفرق الدوري..[/QUOTE]



اي والله معاك حق يا Persona

لولا مشيئة الله ثم تدخل الملياردير ابرهموفيتش ( رئيس نادي تشيلسي حاليا)

ماكان وصل تشيلسي الى الوضع الرهييب اللي هو فيه.

 

[Ginko]

انا نفسي يكون في النهائي اليوفي ضد برشلونة....

والله راح تكون مباراة نااااااااار..

هممم

والله ممكن تصير..بيصير نهائي جبار..