قانون مخفي؟!

[Huda]

السلام عليكم






يمكن في منكم (اقصد طلاب الجامعات السعوديه ) يعرفون هالقانون بس ماتوقع
لانه لاانا ولا وحده من خواتي سمعنا بهالشيء قبل اليوم
المهم حبيته احطه لكم من باب النصيحه
صديقتي جابت عذر طبي من مستوصف
هي ماراحت يعرفون واحد يشتغل بهذا المستوصف فجابه لهم يعني ماتسجلت بالملف انها جايه للمستوصف
والبنت هذا اول عذر تجيبه طول الترم
العذر لازم يتختم من لجنه الاعذار علشان يصير مقبول
النذله الي بلجنه شكت بصديقتي فدقت على المستوصف وسألت فلانه الفلاني جت لكم باليوم الفلاني مثل ماقلت لكم المستوصف ماكان مسجل حضروها لأنها ماجت بس جابت الورقه فالمستوصف رجع لملفها وانكر هالشيء
نادوا البنت واتهموها انها مزوره الورقه كامله يعني لا راحت لمستوصف ولا شيء
وتدرون ايش العقاب ؟
هنا الصدمه
اختاري مادتين تنحرمين فيها!!
اتخيل بس موقفي بدالها ويخيروني بين مواد بالله ايش اقدر اختار بس :roll:
المهم البنت الله يعينها انحرمت بمادتين ..
وهالقانون يمشي على كل من يزور عذر لو غير تاريخ سوا مثل صاحبتي عذر بدون مايروح بياكلها لو انكشف ..

فأنتــــــــبهوا​

تعديل وملاحظة :
الموضوع طلع استلعان والقانون هذا مو موجود !​

 

[s3rorh]

كــــــــيــــــــــــــف !!

 

[Da S.O.S]

:gasp::gasp::gasp: !!!

 

[Aoks]

ليش ما يحطون قوانين مخفيه في مصلحتنا :roll:


على العموم typical KSU :laugh:
​

 

[Humam]

امممممممم.. لو القانون هذا فعلا موجود كان نص طلاب جامعة أم القرى انحرموا من مادتين على الأقل لول..

شباب القصة هذي الغرض منها التخويف, أنا أخوي طبيب, و قد طرحت عليه هذا السؤال لأن جاتني قصة مشابهة, و قالي بالعربي " خخخخخ يخوفوكم كأنكم في مدرسة "..

يقلي ملف المريض الصحي هذا شيء سري .. confidential يا حبيبي, حق خاص فقط بالمريض, لا جامعة و لا أي خربوط ثاني يقدر يطلع عليه إلا بعد موافقة المريض صاحب الملف, و حلوة هذي حكاية دقوا على المستوصف, طيب المستوصف ايش عرفه انه المتصل فعلا مرسول أو موظف في الجامعة..

النظام عندنا في الجامعة ان العذر الطبي لازم يكون مختوم من الإدارة الطبية, الي بدورها تطلع عليه و تقرر ما اذا كان سليم بس مالها أي صلاحيات أكاديمية سواء في حرمان الطالب من مواد أو شيء ثاني لأنها مجرد إدارة معنية بتقديم العلاج للطلاب و خلافه, اذا انختم العذر من الإدارة الطبية معناته ولا واحد من هيئة الكلية و لا مجلس الجامعة في خضم أشغالهم راح يفكر يوم يقول والله أنا شاك في هذا الطالب خليني أدق على المستشفى اتأكد ..


ما أدري اذا هدى متأكدة من القصة مثل اسمها و ما تكون مجرد كلام متداول, لكن, و أعيد و أقول لكن, اذا صدقت الرواية, صراحة هذي فضيحة للمستشفى ( أو المستوصف ) قبل الجامعة..

 

[Huda]

الله يسامحك اخ همام طبعا السالفه حقيقه مو متداوله لانها صارت لصديقتي
ووالله العظيم ماكذبت بحرف

والمستوصف مو مثل المستشفى وماعندهم شيء اسمه خاص وخصوصا انه مستوصف عادي جدا
بعدين مو كل الاعاذر يتأكد منها على حسب حظ البنت سبحان الله وجت بصاحبتي
بعدين في بنت ثانيه سمعت عنها بس ماعرفها بصراحه زورت تاريخ وانحرمت وماكنت مصدقه السالفه كنت اضنها تخويف
بس يوم صارت مع صديقتي تأكدت انها فعلا حقيقه والبنت انحرمت بمادتين "والله" للأسف ..

عندي صديقه تجيب اعذار بدون ماتروح بس محد كشفها
بس بمجرد ماان واحد ينكشف خلاص بينحرم
عموما تقدر تسأل الجامعه عندكم
وهم معتبرينه نوع من انواع الغش مو الغش ينحرم بالماده الي غش فيها ؟

وارجع واقول والله ماسمعت هالقصه من احد ولا قصدي اخوف احد كنت بنبه بس .. لكن سبحان الله ..

وتقدر تدق على اي مستوصف خربوطي وتطلب منهم معلومات عن مريض وتشوف اذا بيعطونك او لا
وكل الي طلبوه تاريخ مو حاله مرضيه

ولو قصه سامعتها كنت بنقلها واكتب منقول ​

 

[Humam]

هدى ما يحتاج حلفان مصدقينك بس ما انتبهت انها صارت لصديقتك يعني انتي ناقلتها مباشرة وهذا الي حبيت اتأكد منه.

صراحة شي غريب جدا.. يمكن المستوصفات لها تعامل خاص مختلف غير المستشفيات خصوصا الحكومية ؟ الله يكون في عونها.. طيب دامها مظلومة ليش ما تستأنف القرار و تجيب لهم دليل ثاني انها حضرت في ذاك اليوم ووصف لها الطبيب علاج.. ما يصير تسكت عن حقها.

 

[ABUALI]

المركز الصحي يسجل التواريخ اللي ياخذ فيها المريض إجازة، لإن اللي يختم ورقة العذر الطبي لازم يروح لهالموظف اللي يسجل التواريخ والارقام الشخصية ويختم الورقة بعدين، علشان يوجد إثبات بصدقية هذا العذر، يعني لو كان هذا القانون الرسمي فالسالفة طبيعية.

 

[Huda]

يس هي صديقتي وبشلتي
مشكلتك مو فاهم السالفه خخخخ
شكلي ماعرفت اوصلها صح
المستوصفات انواع صح؟
منها الراقي منها المتوسط منها الزباله
صاحبتي تعرف واحد يشتغل بذا المستوصف
طلبت منه عذر بدون ماتروح هذا الدليل على ان المستوصف زباله كيف يعطون عذر لبنت ماجت اخذ العذر ووصلله لهم لبيتهم
طيب هو اخذ العذر مجرد ورقه بس ماتسجل بالملف ان فلانه الفلاني جت بهذا اليوم
يعني العذر فعلا غش وهي ماحضرت ولا طبيب وصف لها علاج ولا كانت تعبانه مجرد ورقه اخذتها
البنت الله يهديها اسلوبها جلف ولسانها طويل فـ الي تختم الأعذار حطتها براسها
انا يامى جبت اعذار تختمها لي بنفس الثانيه عمرها ماقالت لي بتأكد
بس بسبب اسلوب صاحبتي قررت انها تتأكد
دقت على المستوصف وسألتهم فلانه الفلاني جتكم بهذا اليوم ولا لا
رجعوا للملف بما ان الموضوع كان ورقه عذر وهي ماجت فما تسجلت بالملف انها جت
قالوا لا ماجت (علشان كذا انا اقول لك مو معلومات سريه مجرد تاريخ )
فالعذر انرسل للجنة التأديب على انه عذر مزور وهو فعلا نوع من انواع التزوير انها ماراحت جاها العذر وهي ببيتها

فالعقوبه على انك تجيب عذر مغيير فيه تاريخه او مثل صاحبتي جابت ورقه ماتسجلت بالملف يعني مافي اثبات انها ورقه حقيقه من مستوصف وخصوصا ان المستوصف انكر انها جت العقوبه هي الحرمان بمادتين

علشان كذا حبيت انبهكم لان هالحركه منتشره كثير اخوك طبيب مثلا يجي يجيب لك عذر ومايسجلك بالملف لو انكشف هالموضوع بتتعاقب

فهمت السالفه خيو ؟
الموضوع والي فيه ان صديقتي غشت بالعذر والغش بالعذر عقابه اشد من الغش باختبار​

 

[Huda]

المركز الصحي يسجل التواريخ اللي ياخذ فيها المريض إجازة، لإن اللي يختم ورقة العذر الطبي لازم يروح لهالموظف اللي يسجل التواريخ والارقام الشخصية ويختم الورقة بعدين، علشان يوجد إثبات بصدقية هذا العذر، يعني لو كان هذا القانون الرسمي فالسالفة طبيعية.

ههههههه ليش ماتقرون سالفتي زين ><
البنت ماراحت اقرء ردي على الأخ همام

 

[ABUALI]

إنتي إقرأي ردي زين :laugh:
أنا اللي اقوله، المستوصف لازم يسجل حضور المريض للضمان والاثبات، علشان الجامعة أو الجهة المتضررة تتصل وتتأكد من حضور الشخص الى المستوصف، فإذا ما ظهر إسمه في ملف المستوصف ياخذ عقابه على التزوير.. وعقاب صديقتك لابد منه، وتستاهله.

 

[Huda]

إنتي إقرأي ردي زين :laugh:
أنا اللي اقوله، المستوصف لازم يسجل حضور المريض للضمان والاثبات، علشان الجامعة أو الجهة المتضررة تتصل وتتأكد من حضور الشخص الى المستوصف، فإذا ما ظهر إسمه في ملف المستوصف ياخذ عقابه على التزوير.. وعقاب صديقتك لابد منه، وتستاهله.

خخخخ سوري والله فهمته شيء ثاني :laugh:

لا عاد حرام وين تستاهل حرمان بمادتين مره وحده ؟
طيب لاتقبلون العذر اعطوها انذار هوؤها اذا مره مره اعطوها حرمان بماده وحده !:embarrassed:
الحين بتتعطل وبيتلخبط جدولها حرام والله :embarrassed:

عموما هو يعتبر من الغش صح .. بس كثير يسوونها عندي صديقه ثانيه بمستشفى "الحرس" وتجيب اعذار بدون ماتروح
بس اتوقع الحرس حريصين ويكفي اسمهم فما يحتاج تدقيق​

 

[مرعبوف]

والله حاله

لو انها بقت على الغياب اصرف لها

مع تحفظي على كلمة زورت لأنها كلمة كبيرة شوي والسالفة كلها عذر

بس انا عند رأيي اللي عنده واسطة لا عذر ولا غيره

يسوي له شي

(اللهم اني لست من الشامتين)

 

[Bounty]

لول لو اني منها والله اسحب كورس .. يبون يطبقون قوانين من كيف كيفهم ؟ انا اعرف اردها لهم بأني اسحب كورس ..

المشكله ان الحرمان يبقى يضر المعدل لي وقت التخرج ..

 

[Captain Jack Sparrow]

والله مسكينة

من جد شي يرفع الضغط:evil::evil:

 

[Emirates]

ومن قالها تجيب العذر بهالطريقه ؟!!

الله فوقنا وفوقها

 

[Saadawii]

غريبة، أنتي وخويتك بجامعة الملك سعود؟ ولا عمري سمعت عن شي كذا. يمكنه قرار من المجلس الأكاديمي للكلية يا هدى مو قانون؟ مع انه حتى هذا ما راح يكون مقبول على ما اعتقد من عمادة القبول والتسجيل اللي هي مسئولة عن الحذف والإضافة، إلا إذا كانت العمادة ما سألت الكلية عن سبب الحذف أصلاً، وهذا غريب. شيء مستجد أكيد. بالعادة حذف المواد يكون عند الغش بالامتحان أو العنف والمشاكل الكبيرة على حد علمي. عموماً ما اعتقد ان صديقتك تستاهل كل هذا بصراحة،خصوصاً انها أول مرة، لو كررتها كثير يمكن. يلله مقدر وخيره إن شاء الله. متى صار الحذف؟ السالفة كلها متى صارت؟ أحب اعرف اذا ما عليكي أمر.

 

[Saadawii]

لول لو اني منها والله اسحب كورس .. يبون يطبقون قوانين من كيف كيفهم ؟ انا اعرف اردها لهم بأني اسحب كورس ..

المشكله ان الحرمان يبقى يضر المعدل لي وقت التخرج ..

المشكلة يا بونتي اذا انتهى موعد حذف الكورس، ما راح يكون عندها أي خيار آخر.

 

[persona]

اختاري مادتين تنحرمين فيها!!

حدره بدره قلي ربي عند العشره؟
العذر طبي يظل عذر طبي ..مالهم شغل..واذا كان مزور او كشفوا انه فيه تلاعب ينرفض وماتنقبل الاعذار الا في حالات خاصه..(مسوي عمليه مع اثبات والخ)..
بس..يتدخلون بشغل بمكان ثاني؟..هذي مصخره
المستشفى يظل مكان خصوصيات محسوبه على موظفينهم..و اللي مايقدر يحفظ الخصوصيات للمكان الوظيفي اللي اهو فيه ..ماله أمان ..
اذا جذيه؟..الجامعه تصير مخفر افضل..وتفتح مركز استخبارات يمها احسن

 

[Huda]

غريبة، أنتي وخويتك بجامعة الملك سعود؟ ولا عمري سمعت عن شي كذا. يمكنه قرار من المجلس الأكاديمي للكلية يا هدى مو قانون؟ مع انه حتى هذا ما راح يكون مقبول على ما اعتقد من عمادة القبول والتسجيل اللي هي مسئولة عن الحذف والإضافة، إلا إذا كانت العمادة ما سألت الكلية عن سبب الحذف أصلاً، وهذا غريب. شيء مستجد أكيد. بالعادة حذف المواد يكون عند الغش بالامتحان أو العنف والمشاكل الكبيرة على حد علمي. عموماً ما اعتقد ان صديقتك تستاهل كل هذا بصراحة،خصوصاً انها أول مرة، لو كررتها كثير يمكن. يلله مقدر وخيره إن شاء الله. متى صار الحذف؟ السالفة كلها متى صارت؟ أحب اعرف اذا ما عليكي أمر.

الموضوع خيو صار يوم السبت
والغريب العجيب بالموضوع
ان صاحبتي دقت على قسم الرجال تسألهم (شؤون الطلاب) قال لها من وين جا ذا القانون ؟!!!!!!!!!!!!!!!!!!

السالفه والي فيها انه مو قانون مخفي ولا بطيخ الا هي لعانة حريم نذلات واسألوني عنهم بس
يامى اكلت كذب من عندهم ادق على الرجال القى كلام ثاااااني


عموما ان شاء الله مشكلتها تنحل دام قسم الرجال انكر وجود هالقانون !
الا اذا تبلوا على البنت ولبسوها شيء مو فيها ؟!
واتوقع هذا الي صار ومن يقدر يثبت العكس بس ..
الله فوقهم بس ..


وفي اشياء تصير عندنا قسم البنات لايصدقها عقل

مثال:
ماطلع لي رقم جامعي لمده ترم كامل !
انهبلت وانا ارجعهم تقول لي مالنا شغل الرجال مارسلوا رقمك
للأسف اظطريت اني اخلي ابوي التعبان يروح لقسم الرجال وواحد من شؤون الموظفين دق علي سألني عن وضعي فهمته
قال بالله من قال لك هالكلام ملفك مانرسل عندنا اصلا !!!!!!
رحت اتهاوش معهم بكل بساطه ترد علي احنا نجمع الملفات ونرسلها سوا مانرسل ملف ملف !!!!!!
يعني ناوين يرسلون ملفي على السنه الجديده مثلا ؟؟؟؟؟!!!!!!!!


سالفه ثانيه
استاذه خاسفه البنات خسف بالدرجات البنات سألوها قالت القسم يحاسبني لو نجحتكم بدرجات عاليه

ويدرسنا استاذ اسألته تحلها وانت مغمض ماشوفه قال القسم بيحاسبكم وكلنا اخذنا عنده ممتاز مرتفع !


سالفه ثالثه
اختي كانت تدرس زراعه ودرست فيها رياضيات بعدين حولت للصيدله واخذت نفس هذي الرياضيات بس تحت مسمى ثاني كلمت قسم الحريم قالوا لاااااا اسمها غير قالت اختي والله نفسها دارستها طردوها
كلمت قسم الرجال بالتلفون رد عليها واحد قال الحمدلله هالماده معروف انها نفس الي بزراعه ماعليك منهم بعادلها لك !!!!!!


والقائمه تطول مع الاستلعان والظلم​

 

[Huda]

للأخوان الي زاروا الموضوع وقروه اسفه طلع الموضوع استلعان فقط والقانون هذا موموجود وقسم الرجال انكر وجوده​

 

[Huda]

حدره بدره قلي ربي عند العشره؟
العذر طبي يظل عذر طبي ..مالهم شغل..واذا كان مزور او كشفوا انه فيه تلاعب ينرفض وماتنقبل الاعذار الا في حالات خاصه..(مسوي عمليه مع اثبات والخ)..
بس..يتدخلون بشغل بمكان ثاني؟..هذي مصخره
المستشفى يظل مكان خصوصيات محسوبه على موظفينهم..و اللي مايقدر يحفظ الخصوصيات للمكان الوظيفي اللي اهو فيه ..ماله أمان ..
اذا جذيه؟..الجامعه تصير مخفر افضل..وتفتح مركز استخبارات يمها احسن

هو كله حتت عذر ليش التدقيق بزياده ..
ومشكله عذر غياب يوم عادي مو اختبار ولا شيء يستاهل

عموما مثل ماقلت طلع موضوع العذر مايستحق كل هالعقاب بس هم زادوا بهارات وملح ..

 

[Saadawii]

معروف أن الحريم يستلعنون، الله يعينكم بعد الفصل لما تصيرون ادارات مستقلة.
بس حكاية الدكتورة اللي تقول القسم يحاسبني اذا نجحتكم ترى هذي صدق، في كليتنا أول كانوا يحددون كم طالب بينجح من هذي الشعبة، قال لنا الدكتور من أول الترم كم بينجح، ونجح نفس العدد اللي قال.

أنا كنت أول أبي تفاصيل السالفة عشان أروح أسألكم وأحاول أكلم أحد، لأني حسيت ان السالفة فيها إن. بس طالما تحركت السالفة الحمد لله.

 

[Huda]

معروف أن الحريم يستلعنون، الله يعينكم بعد الفصل لما تصيرون ادارات مستقلة.
بس حكاية الدكتورة اللي تقول القسم يحاسبني اذا نجحتكم ترى هذي صدق، في كليتنا أول كانوا يحددون كم طالب بينجح من هذي الشعبة، قال لنا الدكتور من أول الترم كم بينجح، ونجح نفس العدد اللي قال.

أنا كنت أول أبي تفاصيل السالفة عشان أروح أسألكم وأحاول أكلم أحد، لأني حسيت ان السالفة فيها إن. بس طالما تحركت السالفة الحمد لله.

الله يعين بيجننونا اكيد -____-
ان شاء الله مايفصلون :cryy:
لا صدقني هالكلام مو صحيح هو بيرسب وحطها بالقسم ..
والله في اختبارات نسبة النجاح فيها كبيره + عاليه ليش محد حاسبهم ؟
الي اعرفه ان في نسبة رسوب لازم ماتتعدى ولا بيفتح تحقيق مع الاستاذ اتوقع 20% او 25% الا اذا اثبت فشل الطلاب

ويعطيك العافيه خيو وماقصرت ​

 

[Saadawii]

لا في هذي غلطانة. الأمر خاضع لإدارة الكلية. بعض الكليات تبي تنفر الطلاب، عندها خطط معينة. النسبة المحددة للرسوب شيء يصير في كليات واجد منها الكلية التي تخرجت منها، وهي أكثر كلية عبيطة وكانت مهددة بالإغلاق أو الدمج كقسم في كلية أخرى. لما تكون نسبة النجاح زايدة يكون فيه مساءلة على الأغلب، حصلت لدكتور عندنا، أما الرسوب فهم يتهاونون فيه كثير، أعداء النجاح.

عموماً طمنينا في هذا الموضوع وش يصير مع صديقتك، دعواتنا معها.

 

[Captain Jack Sparrow]

سالفه ثانيه
استاذه خاسفه البنات خسف بالدرجات البنات سألوها قالت القسم يحاسبني لو نجحتكم بدرجات عاليه

ويدرسنا استاذ اسألته تحلها وانت مغمض ماشوفه قال القسم بيحاسبكم وكلنا اخذنا عنده ممتاز مرتفع !



والقائمه تطول مع الاستلعان والظلم​

هذي عندنا تصير كثير
مرة اختبرنا تشريح وكان اختبار في منتهى السهولة ومن الفرحة قمنا نصفق ونرقص والدكتور متحمس معنا و يقول لنا انا هذي اختباراتي دايما
والله انه درجاتنا كان اقل شي فيها b+
يوم جا وقت الاختبار الثاني سألناه قبل الاختبار انه راح يكون بسيط و سهل قال لنا لا من قال هالكلام انا لازم اعرف مستواكم و لازم اشوف الطالب اللي يستاهل الرسوب واللي يستهال ينجح
وجاب لنا اختبار الله لا يوريكم المنهج في جهة والاسئلة في جهة
بعدين نشبنا له في المكتب قام قال لنا انه العميد هو اللي طلب منه هالشي :gasp::gasp::gasp: