قارئ كتب الكترونية

[Gladiator]

السلام عليكم

بغيت اعرف انطباعات الاعضاء الي يستخدمون قارئ كتب الكترونية(e-book readers) وهل يفضلونه على الكتاب العادي وشو النوع الي ينصحون فيه؟

طبعا قارئ الكتب هو جهاز قادر على قراءة ملفات مثل pdf,ppt....

النوع اللي اعرفه هو Amazon Kindle

هل في انواع ثانية ولا هذا الافضل ؟

 

[Photon]

فيه عندك قارئ Nook الجديد و قارئات من سوني أو تقدر تنتظر نهاية يناير لأنه آبل بتعلن قارئ خاص فيها

 

[Zero]

أمازون كيندل في غيره ومنذ ظهوره بدأت العديد من الشركات إصدار قارئات.

Nook فيه أشياء مميزة وأنصحك تاخذ لفة على مواصفاته وتقرأ عنه.

 

[Gon freeces]

ردة فعلي لهذي الأشياءكبووك وورم :
KILL IT KILL IT WITH FIRE

 

[Colorization]

ردة فعلي لهذي الأشياءكبووك وورم :
KILL IT KILL IT WITH FIRE

ما عندكش منطق. :evil:

عندي الكيندل من مارس. ممتاز وما أحتاج غيره. شوف إمتيازات كل جهاز وقرر. كيندل يلبي لي كل اللي أبيه (وزيادة بصراحة، ما أستخدم كل شي).

 

[Gon freeces]

ما عندكش منطق. :evil:

عندي الكيندل من مارس. ممتاز وما أحتاج غيره. شوف إمتيازات كل جهاز وقرر. كيندل يلبي لي كل اللي أبيه (وزيادة بصراحة، ما أستخدم كل شي).

تعرف هذا الأشياء ممكن أصرفها لو مثلا نستخدمها للتيكست بوكس اللي أغلب أسعارها مرتفعة جدًا , بس لرواية ؟ أدفع 5 دولار و أشم و امسك الكتاب ولا شي الكتروني.
My 2 cents
بعدين Books are much sexier than الخرابيط اللي قاعدين تحوسوا فيها.

 

[Gladiator]

مشكورين شباب على الردود

ما عندكش منطق. :evil:

عندي الكيندل من مارس. ممتاز وما أحتاج غيره. شوف إمتيازات كل جهاز وقرر. كيندل يلبي لي كل اللي أبيه (وزيادة بصراحة، ما أستخدم كل شي).

اخوي محمد شو نوع الموديل اللي تستخدمه وهل هو اخر اصدار؟

لان فيه موديل من كنيدل وكانت عليه انتقادات انه مش مريح

 

[Colorization]

تعرف هذا الأشياء ممكن أصرفها لو مثلا نستخدمها للتيكست بوكس اللي أغلب أسعارها مرتفعة جدًا , بس لرواية ؟ أدفع 5 دولار و أشم و امسك الكتاب ولا شي الكتروني.
My 2 cents
بعدين Books are much sexier than الخرابيط اللي قاعدين تحوسوا فيها.

ما أهتم وايد شنو sexier لأنه مكتبتي فعلاً انترست وصرت أحط كتبي الكبيرة داخل كبت (closet) الملابس. الكيندل وايد أريح، و rewarding للي يقرأ باستمرار لأنه على المدى الطويل (خل نقول سنتين) بيكون عندك كم، 50 كتاب؟ على الأقل، وماهم مسوين فوضى بالغرفة. أيضا، موضوع إني أحمل كل كتبي (و نوتاتي لهذي الكتب) بـ"كتاب" واحد unmatched من تجربتي.

للحين أشتري كتب عادية لو ما لقيت نسخة كيندل، وفي كتب مستحيل أشتريها نسخة إلكترونية لأنها eye-candy، لكنه جهاز خرافي.

ممكن انت ما تستخدمه بس انت تقول تبيه ينمحي من الدنيا. ليش؟ عشانك ما تستخدمه بس؟ الكتب موجودة عادي وتقدر تشتريها كأنه الجهاز مش موجود.

بالنسبة لي ثورة الكيندل هي مثل ثورة الموسيقى لما صارت ديجيتال وبالتحديد الآيتونز ستور. شي لما تجربه ممكن ترجع للوضع القديم لكن بتفضل الجديد.

Gladiator: اللي عندي Kindle 2، الإصدارة الثانية.

 

[Zero]

عمرو أنت ما تحب التقدم P:

القارئات الإلكترونية عملية لدرجة خيالية ، أنا لازم أمتلك واحد .. أنا من الناس اللي ما له خلق يمسك كتاب ويقعد ينشر كل شوي ، القارئ الإلكتروني كله لوح واحد أمسكه وإقرأ وأنت منسدح.

 

[Thirsty Fire]

بما انكم فتحتم موضوع يدور في خاطري من أول, في جهاز تنصحوا فيه؟ لان فعلا الكتب صارت مسوية زحمة و محتاج بديل, غير انه سهل تشيله معاك و ما تشيل هم المساحة.

و كيف تقدر تشتري الكتب لاني اعرف انه صعب بسبب اغلب المواقع تطلب اما كرديت كارد امريكية او IP امريكي, اذا في حل لا تبخلوا علي.

 

[The Doctor]

ردة فعلي لهذي الأشياءكبووك وورم :
KILL IT KILL IT WITH FIRE

اقتبس من أجل الحقيقة.

 

[Zero]

بما انكم فتحتم موضوع يدور في خاطري من أول, في جهاز تنصحوا فيه؟ لان فعلا الكتب صارت مسوية زحمة و محتاج بديل, غير انه سهل تشيله معاك و ما تشيل هم المساحة.

و كيف تقدر تشتري الكتب لاني اعرف انه صعب بسبب اغلب المواقع تطلب اما كرديت كارد امريكية او IP امريكي, اذا في حل لا تبخلوا علي.

مثل ما قلت فوق ، خذ لك لفة على Nook ترى الشركة المصنعة له تعبانة فيه ، وعلى فكرة في شركات إلكترونيات كثيرة بدأت تعمل قارئات إلكترونية ( بعضها شركات أمريكية ) وحتى المصنعين الكبار مثل سوني عندهم ، سامسونج وإل جي أيضا دخلوا هذا السوق مؤخرا.

على العموم زي ما قلت لك خذ لك طلة على Nook يقدم لك كل ما تريده من قارئ إلكتروني.

 

[Thirsty Fire]

مثل ما قلت فوق ، خذ لك لفة على Nook ترى الشركة المصنعة له تعبانة فيه ، وعلى فكرة في شركات إلكترونيات كثيرة بدأت تعمل قارئات إلكترونية ( بعضها شركات أمريكية ) وحتى المصنعين الكبار مثل سوني عندهم ، سامسونج وإل جي أيضا دخلوا هذا السوق مؤخرا.

على العموم زي ما قلت لك خذ لك طلة على Nook يقدم لك كل ما تريده من قارئ إلكتروني.

طيب بالنسبة لشراء الكتب هل في طريقة؟

 

[Zero]

أصلا Barnes & Noble الشركة الواقفة خلف Nook أكبر Retailer للكتب في الولايت المتحدة ، وما قدمت هالقارئ إلا لأنه شيء من تخصصها.

زور موقعهم الرسمي لو تبغى تعرف المزيد عن Nook ومواصفاته ومميزاته ، الجهاز سعره 259$.

 

[Thirsty Fire]

أنا اعرفهم هم من أكبر الناشرين في امريكا و اعرف نووك من أول لكن اللي اعرفه ان الكتب عليها حماية من انك تشتريها بكرديت كارد مب امريكية واحيانا الاي بي لازم يكون امريكي والا انا غلطان؟!!!

 

[Zero]

عن نفسي ما أدري عن توفر سالفة الدفع + حقوق النشر وتوفر الأشياء سواء فيه أو في غيره .. هالشيء يتطلب بحث على العموم ، اللي أعرفه أنه له ستور وE-books ولكن ما في فايدة لو ما يقبل البطاقات المحلية أو حتى لو يدعم وكمية كبيرة من الكتب ما لها حقوق نشر.

نصحتك تاخذ لك لفة على مواصفاته لأنها تفتح النفس ، طبعا إلا لو أنت بتنزل ملفات من عندك وما يهمك الستور لدرجة كبيرة فهذا آمر آخر ، على العموم هو مو القارئ الوحيد اللي يوفر ستور وبالنسبة للقارئات الأخرى ( كيندل وغيره ) فما أطلعت على أمور الستور بشكل كبير .. أمازون كموقع عالمي يقدم الخدمة مادري ويش مشاكل النشر اللي بتواجهه ، على العموم تقدر تسأل محمد كولو يقدر يفيدك من هالناحية.

 

[Colorization]

أنا اعرفهم هم من أكبر الناشرين في امريكا و اعرف نووك من أول لكن اللي اعرفه ان الكتب عليها حماية من انك تشتريها بكرديت كارد مب امريكية واحيانا الاي بي لازم يكون امريكي والا انا غلطان؟!!!

ما عندي فكرة عن باقي الشركات، لكن في طريقة تخليك تشتري كتب من أمازون، مخزنها عندي بالبووكماركس وهذي هي:

http://cute-nemo.blogspot.com/2009/03/how-to-buy-books-for-your-kindle.html

الفكرة بإختصار هي كالتالي:

• تسوي أكاونت ثاني في أمازون وتحرص إنك ما تحط فيه معلومات الكريدت كارد
• تشتري gift card من أكاونتك الأول
• تفعّلها بالأكاونت الثاني
• تشتري الكتب بالأكاونت الثاني عن طريق الـgift balance اللي صار عندك

 

[Golden_Sun]

اخر اصدار من كيندل تقدر تشتري منه اونلاين (عن طريق الجهاز نفسه تشبك بشبكه خاصة بأمازون اعتقد 3G) وتشتري منهم بالcredit card المحلي عادي مافيه مشاكل.

على حسب كلام احد في بلوغ مارك، كل اللي تحتاج انك تسويه تختار الدولة امريكا، وتحط عنوان امريكي (ماراح تستخدمة، مجرد reference تعليق رقم 6 وفيه تحت شرح اكثر من نفس الشخص)
http://www.248am.com/mark/kuwait/first-impression-iriver-story/

لكن فيه زيادة fees لأنك قاعد تشتري الكتاب على اساس انك خارج امريكا. (الزيادة 1.99 دولار لكل كتاب)

 

[Thirsty Fire]

في أحد قدر يطلب نوك ؟ لان طلبته و بعدها اتكنسل الطلب كلمتهم و ما عرفت ايش السبب انه اتكنسل

 

[Id]

أحمد لا تفكر في Nook طلعت فيه مشاكل كثير .. انا أقولك خذ كيندل و لا اصبر ممكن أبل تعلن عن شيء يخص الكتب مع التابلت حقها ووقتها يكون شيء أفضل لك ..

 

[Thirsty Fire]

هذا اللي راح اسويه خصوصا بعد ما كلمتهم و اللي ردت علي قالت كل شي تمام و بعدها اتكنسل الطلب و بعدين جوجلت و فعلا في مشاكل بطئ عبيطة راح استنى ابل ما يحتاج اقول ايش اللي راح يطلع من تحت يدهم اذا فعلا في شي في الطريق